news

ముఖ్యమంత్రి నారా చంద్రబాబు నాయుడి సంకల్పానికి వరుణుడు కూడా తోడయ్యాడు. గత పది రోజులుగా రాష్ట్ర వ్యాప్తంగా విస్తారంగా వర్షాలు పడుతూ ఉండటంతో, రైతులు సంతోషంగా ఉన్నారు. చంద్రబాబు ముందు చూపుతో పని చేసిన ఇంకుడు గుంటలు, పంట కుంటలు, నీటి గుంటలు చెక్ డాంలు, పూడిక తీసిన చెరువులతో, రాష్ట్రవ్యాప్తంగా భూగర్భజలాలు నిల్వలు బాగా పెరిగాయి. మరో పక్క ఎగువ ప్రాంతాల వరదనీరొస్తోంది. మహారాష్ట్ర, కర్నాటకల్లో భారీ వర్షాల వల్ల దిగువన ఉన్న కృష్ణా, తుంగభద్ర నదులు వరద నీటితో పోటెత్తుతున్నాయి. స్థానికంగా మునేరు, వైరా వాగులతో పాటు, పట్టిసీమ ఎత్తిపోతల నుంచి గోదావరి నీరు 7,700 క్యూసెక్కుల నీరు కృష్ణకు వస్తోంది. ఫలితంగా శనివారం నాటికి ప్రకాశం బ్యారేజి సామార్థ్యం 12 అడుగుల మించి వరద నీరు చేరుతుండటంతో అదనపు నీటిని ఎప్పటికప్పుడు తూర్పు డెల్టా, పశ్చిమ డెల్టా కాల్వలకు, బ్యారేజ్‌ గేట్లూ ఎత్తి దిగువకు వదులుతున్నారు. నదికి 14,941 క్యూసెక్కుల చొప్పున నీరు వస్తుండగా, 10,971 క్యూసెక్కుల చొప్పున తూర్పు, పశ్చిమ డెల్టాలకు విడుదల చేస్తున్నారు.

మరో పక్క గోదావరి కూడా ఉదృతంగా ఉంది. ఎగువ ప్రాంతాల్లో కురుస్తున్న వర్షాలకు గోదావరి నీటిమట్టం మళ్లీ పెరుగుతోంది. రెండు రోజులుగా భద్రాచలం వద్ద నిలకడగా ఉన్న గోదావరి నీటిమట్టం శనివారం సాయంత్రం 30.30 అడుగులకు పెరిగింది. శుక్రవారం సాయంత్రం 29.70 అడుగులు ఉన్న నీటిమట్టం శనివారానికి పెరగడంతో ధవళేశ్వరం బ్యారేజీ వద్ద 9.70 అడుగులకు నీటిమట్టాన్ని స్థిరీకరించారు. బ్యారేజీకి చెందిన 175 గేట్లను ఎత్తివేసి సముద్రంలోకి 2,98,200 క్యూసెక్కుల నీటిని విడుదల చేశారు. ధవళేశ్వరం, విజ్జేశ్వరం వద్ద బ్యారేజీకి చెందిన గేట్లను 0.69 మీటర్ల ఎత్తుకు లేపారు.

ఉత్తరాంధ్ర నర్సీపట్నం డివిజన్‌లోని ప్రధాన జలాశయాల్లో నీటిమట్టాలు ఆశాజన కంగా ఉన్నాయి. తాండవ రిజర్వాయర్‌ సాధారణ నీటిమట్టం 380 అడుగులు కాగా, ప్రస్తుతం 366.5 అడుగుల నీటిమట్టం ఉంది. గత ఏడాది ఇదే సమయానికి 362 అడుగుల నీటిమట్టం ఉండేది. గతేడాదితో పోల్చుకుంటే ఈ ఏడాది అదనంగా 3.5 అడుగులు పెరిగింది. ప్రస్తుతం జలాశయంలో 2680 ఎంసిఎఫ్‌టిల ఉండగా గత ఏడాది ఇదే సమయానికి 1920 ఎంసిఎఫ్‌టిలు ఉండేది. ప్రస్తుతం జలాశయంలోకి రోజుకు 200 క్యూసెక్కుల నీరు ఇన్‌ఫ్లో ఉంది.

శనివారం కృష్ణా నది ఎగువున వున్న ఆల్మట్టి డ్యాం లోకి 90,886 క్యూసెక్కుల వరద నీరు వచ్చి చేరుతోంది. ఆల్మట్టి డ్యాం పూర్తి స్థాయి సామర్థ్యం 129.72 టిఎంసిలు కాగా ప్రస్తుతం 83.78 టిఎంసిల నమోదైంది. మరో 45 టిఎంసిలు వస్తే దిగువకు వరదనీరు వచ్చే అవకాశం వుంది. తుంగభద్ర నదిలోకి కూడా భారీగా వరద ప్రవాహం నమోదైంది. 76,527 క్యూసెక్కుల వరదనీరు డ్యాంలోకి వచ్చి చేరుతోంది. తుంగభద్ర డ్యాం పూర్తి స్థాయి సామర్థ్యం 100.8 టిఎంసిలు కాగా ప్రస్తుతం 66 టిఎంసిలకు చేరుకుంది. మరో 34 టిఎంసిలు తుంగభద్ర డ్యాంలోకి వస్తే దిగువకు వదులుతారు. గతేడాది ఇదే సమయానికి కేవలం 14.3 టిఎంసిలు నీరు మాత్రమే అందుబాటులో వుండేది.

శనివారం ఉండవల్లిలోని ప్రజావేదికలో ఏర్పాటు చేసిన మీడియా ప్రతినిధుల సమావేశంలో చంద్రబాబు మాట్లాడుతూ కిరణ్ కుమార్ రెడ్డి, చిరంజీవి, పవన్ కళ్యాణ్ పై ఆసక్తికర వ్యాఖ్యలు చేసారు. అప్పట్లో ప్రజలను అయోమయానికి చిరంజీవి గురి చేశారని,అనంతరం కేం ద్రంలో మంత్రి పదవిని సైతం పొందారని గుర్తు చేశారు. విభజన సమస్యలపై కూడా పెదవి విప్పడం లేదన్నారు. ఇప్పుడేమో పొంతన లేని రాజకీయాలతో ఆయన తమ్ముడు పవన్‌ కల్యాణ్‌ వచ్చారన్నారు. రాష్ట్రంలో ఒక్కొక్కరి రాజకీయం ఒక్కో విధంగా సాగుతోందని, రా ష్ట్ర ప్రజలను విస్మరించడం తనకు బాధ కలిగిస్తోందని తెలిపారు. వేరే రాష్ట్రాలలో అయితే రాష్ట్ర సమస్యలపై అన్ని పార్టీలు ఒక్కటిగా మార తాయని, కానీ ఆంధ్రప్రదేశ్‌లో మాత్రం అందుకు భిన్నంగా వుండ టం శోచనీయమని అన్నారు. వైఎస్సార్‌సిపి కేసుల కోసం కేంద్రంతో రాజీ పడుతోం దని, లోపల విశ్వాసంగా వుంటూ , బయటకు మాత్రం అవిశ్వాసాన్ని ప్రకటిస్తోందంటూ దుయ్యబట్టారు.

కాంగ్రెస్‌పార్టీ రాష్ట్రంలో మళ్లీ పుంజుకుంటుందని చెప్పడం, కిరణ్‌కుమార్‌రెడ్డి వంటి నాయకుల్ని మళ్లీ పార్టీలో చేర్చుకోవడంపై ముఖ్యమంత్రి స్పందన కోరగా... ‘‘కాంగ్రెస్‌ను తిట్టిన జగన్‌ చివర్లో లాలూచీపడి బెయిల్‌ తెచ్చుకున్నారు. ఇప్పుడు భాజపా దగ్గరకు వెళ్లిపోయారు. కేసుల మాఫీకే రాష్ట్రపతి ఎన్నికల్లో భాజపాకి మద్దతిచ్చారు. కిరణ్‌ రాష్ట్ర విభజనపై కాంగ్రెస్‌తో విభేదించి సొంత పార్టీ పెట్టుకున్నారు. ప్రజలు ఆదరించలేదు. నాలుగేళ్లు వేచి ఉండి, కాంగ్రెస్‌లోకి వెళుతున్నారు. అది ఒక ఛాయిస్‌. పవన్‌ కళ్యాణ్‌ అన్న చిరంజీవి ప్రజారాజ్యం పార్టీ పెట్టారు. తర్వాత కాంగ్రెస్‌లో కలిపేసి, కేంద్ర మంత్రయ్యారు. ఇప్పుడు ఏ పార్టీలో ఉన్నారో తెలీదు. కాంగ్రెస్‌లోనే ఉన్నారనుకుంటున్నాను. ప్రజారాజ్యం పార్టీని కాంగ్రెస్‌లో విలీనం చేసిన సమయంలో పవన్‌ ఆ పార్టీలోనే ఉన్నారు. ఆయనా పార్టీకి రాజీనామా చేస్తున్నట్టేమీ చెప్పలేదు. రాష్ట్ర విభజన సమయంలోనూ ఆయనేమీ మాట్లడలేదు. ఇటీవల ఒక కమిటీ వేసి కేంద్రం రూ.70 వేల కోట్లు ఇవ్వాలన్నారు. ఇప్పుడు ఆ విషయం మాట్లాడకుండా, నన్ను తిడుతున్నారు. కాంగ్రెస్‌ వాళ్లూ నన్ను తిడుతున్నారు. వాళ్లే సరిగ్గా చేసి ఉంటే ఇప్పుడీ పరిస్థితి వచ్చేది కాదు. ఇప్పుడేమో ప్రత్యేక హోదా ఇస్తామంటున్నారు’’ అని ఆయన వ్యాఖ్యానించారు.

వైఎస్సార్‌సిీపీ ఎంపీలు అసలు రాజీనామాలు చేయడమెందుకు అని ముఖ్యమంత్రి అన్నారు. అదంతా ఒక నటన మాత్రమే నన్నారు. తప్పించుకోవడానికే త్యాగం చేశామని చెబుతున్నారని చెప్పారు. వైఎస్సార్‌సిపీ, జనసేన, బీజేపీలు కలిసి టీడీపీని లక్ష్యంగా ఎంచుకున్నాయన్నారు. ఏ పార్టీ కూడా సమస్యలపై మాట్లాడటం లేదని, వ్యక్తిగతంగా టార్గెట్‌ చేసుకుని దాడి చేస్తే ప్రజలు నమ్మరన్నారు. విభజనానంతర సమస్యల విషయంలో సెంటిమెంట్‌తో ఆటలాడుకోవడం కేంద్ర ప్రభుత్వానికి తగదని ముఖ్యమంత్రి హెచ్చరించారు. న్యాయబద్దంగా తాము, ఎం.పి.లు డిమాండ్లను గుర్తు చేస్తే తమాషా చేస్తారా అని మండిపడ్డారు. ఇది బిజెపి మార్కు రాజకీయానికి పరాకాష్ట అన్నారు. ఈ గడ్డమీద పుట్టినవాళ్ళు కూడా రాష్ట్ర ప్రయోజనాలకు వ్యతిరేకంగా ప్రవర్తించడం విడ్డూరంగా వుందని వ్యాఖ్యానించారు. అవినీతిపరులను అడ్డుపెట్టుకుని రాజకీయాలు చేయాలని చూస్తారా అని ప్రశ్నించారు.

వీర్రాజు మళ్ళీ ప్రెస్ మీట్ పెట్టారు. ఈ సారి పోలవరం పై, ముఖ్యమంత్రి చంద్రబాబుని టార్గెట్ చేసారు. అసలు పోలవరం ప్రాజెక్ట్ కు చంద్రబాబుకు సంబంధమే లేదని తేల్చేసారు. జాతీయ ప్రాజెక్టుగా గుర్తించి కేంద్రమే నిధులు మంజూరు చేస్తున్న పోలవరం ప్రాజెక్టు విషయంలో ముఖ్యమంత్రి చంద్రబాబుకు ఏమి సంబంధం ఉంటుందో ఆలోచించుకోవాలని ప్రజల్ని కోరారు. కేవలం చంద్రబాబు, పోలవరం ప్రాజెక్ట్ ముందు నుంచి ఫోటోలు దిగి ఫోజ్ కొడుతున్నారని సోము వీర్రాజు అన్నారు. కేంద్రమే పూర్తి బాధ్యతతో పోలవరం ప్రాజెక్టును అనుకున్న ప్రకారం పూర్తి చేసేందుకు కట్టుబడి ఉందని, అసలు చంద్రబాబుకి దీంట్లో వెంట్రుక వాసి అంత కూడా సంబంధం లేదని అన్నారు. ప్రజలు ఈ విషయాన్ని అర్ధం చేసుకోవాలని కోరారు.

అసలు పోలవరం ప్రాజెక్టు గురించి మాట్లాడే అర్హత చంద్రబాబుకు లేదన్నారు. బీజేపీ మొదటి నుంచి పోలవరం ప్రాజెక్టుపై పోరాడుతోందన్నారు. రాష్ట్ర విభజనకు ముందు బీజేపీ తెలంగాణ నాయకులు పోలవరంపై అభ్యంతరాలు వ్యక్తం చేస్తున్న తరుణంలో రాజమండ్రిలో సమావేశంలో పోలవరానికి అనుకూలంగా నిర్ణయం తీసుకున్నామన్నారు. పోలవరం జాతీయ ప్రాజెక్టుగా పేర్కొన్నప్పటికీ ముంపు మండలాలు తెలంగాణలో ఉంచగా, బీజేపీ అధికారం చేపట్టిన అనంతరం తొలి కేబినెట్‌లోనే ఆర్డినెన్స్ ద్వారా వాటి ఏపీలో కలిపామన్నారు. అప్పట్లోదీనిపై పెద్ద కసరత్తే జరిగిందని వీర్రాజు వివరించారు. పోలవరం -సోమవారం అంటూ ప్రచారం చేసుకుంటున్న చంద్రబాబు కేంద్ర ప్రాజెక్టును కేంద్రానికి వదిలిపెట్టి హంద్రీనీవా, గాలేరు నగరి తదితర ప్రాజెక్టులపై దృష్టి సారిస్తే మంచిదని హితవు పలికారు.

ముంపు మండలాలు, ఆంధ్రప్రదేశ్ లో కలపమని, అలా అయితేనే ప్రమాణస్వీకారం చేస్తా అని మోడీకి చెప్పమని, చంద్రబాబుకు నేనే చెప్పా అని సోము వీర్రాజు అన్నారు. లేకపోతే అసలు చంద్రబాబుకి ఆ విషయమే తెలియదు అని సోము వీర్రాజు అన్నారు. అయితే సోము వీర్రాజు వ్యాఖ్యలకు ప్రజలు పగలబడి నవ్వుతున్నారు. సోము వీర్రాజు ఈ ప్రెస్ మీట్ తో అతి పెద్ద సెల్ఫ్ గోల్ వేసుకున్నారని ప్రజలు అంటున్నారు. ఇన్నాళ్ళు, పోలవరం ప్రాజెక్ట్ లో చంద్రబాబు దోచేస్తున్నాడు అని చెప్పిన సోము వీర్రాజు, ఇప్పుడేమో అసలు చంద్రబాబుకి సంబంధమే లేదు, కేవలం ఫోటోలు మాత్రమే దిగుతున్నాడు అని చెప్తుంటే, ఇది వరకు చేసిన అవినీతి ఆరోపణలు మాట ఏమిటి అని అడుగుతున్నారు. అలాగే, కేంద్రం నిర్వహిస్తున్న 16 జాతీయ ప్రాజెక్ట్ లతో, పోలవరం పోల్చుకుంటేనే, ఎవరి వల్ల పోలవరం ఈ స్థాయికి వచ్చిందో ప్రజలకు తెలుసని, సోము వీర్రాజు ప్రతి ప్రెస్ మీట్ తో, జబర్దస్త్ కు మించిన కామెడీ పండించటం తప్ప, ఏమి ఉపయోగం ఉండదని అంటున్నారు.