news

ఆంధ్రప్రదేశ్‌పై కేంద్రం చూపుతున్న వివక్షను ప్రజలకు తెలియజెప్పేందుకు అనంతపురం వేదికగా బుధవారం తెలుగుదేశం పార్టీ ఎంపీలు నిరసన దీక్ష చేపట్టారు. అనంతపురంలోని ఆర్ట్స్ కళాశాల మైదానంలో ఉదయం 9 గంటలకు ప్రారంభమైన దీక్ష సాయంత్రం 5 గంటల వరకు కొనసాగనుంది. ‘కరవు నేలపై కేంద్రం వివక్ష’ పేరుతో చేపట్టిన ఈ నిరసన కార్యక్రమంలో ప్రధానంగా కేంద్రం చేసిన మోసాన్ని ఎండగట్టనున్నారు. కరవు ప్రాంతాలకు ఎంత వరకు సాయం అందించారు.. ఎలాంటి వివక్ష చూపారన్నది ప్రజలకు వివరిస్తున్నారు. ఈ సందర్భంగా జేసి దివాకర్ రెడ్డి మాట్లాడుతూ సంచలన వ్యాఖ్యలు చేసారు. ఎప్పుడైతే వెంకయ్య నాయుడు ఉప రాష్ట్రపతి అయ్యి వెళ్ళిపోయాడో, అప్పుడే మనకు చుట్టుకుంది అని అన్నారు.

వెంకయ్యనాయుడు ఉపరాష్ట్రపతి కావడం కూడా రాష్ట్రానికి శాపమైందని జేసీ దివాకర్‌ రెడ్డి వ్యాఖ్యానించారు. ఏపీపై కేంద్రం వైఖరికి నిరసనగా జిల్లాలోని ఆర్ట్స్ కళాశాల మైదానంలో ఎంపీలు దీక్షకు దిగారు. ఈ సందర్భంగా ఎంపీ మాట్లాడుతూ కేంద్రంలో మోదీ అధికారంలో ఉన్నంత వరకు ఏపీకి బెల్లం ముక్క కూడా ఇవ్వరని స్పష్టం చేశారు. ఇదే విషయాన్ని చంద్రబాబుకు కూడా చెప్పానని అన్నారు. అయితే రాష్ట్ర ప్రయోజనాల కోసం తాము ప్రయత్నం చేయాలని సీఎం అన్నారని తెలిపారు. పదవులు వస్తున్నకొద్దీ హుందాగా వ్యవహరించాలని ఆయన సూచించారు. కేంద్రం హామీలు ఇచ్చి మోసం చేయడం న్యాయమా అని జేసీ ప్రశ్నించారు.

మరో పక్క సియం రమేష్ మాట్లాడుతూ, ఈనెల 18 నుంచి జరిగే వర్షాకాల పార్లమెంట్‌ సమావేశాల్లో కేంద్రాన్ని వదిలిపెట్టం అని, మన సమస్యల గురించి చర్చించే దాక వదిలిపెట్టమని అన్నారు. ఈనెల 17న ఢిల్లీలో జరిగే అఖిలపక్షం సమావేశానికి దమ్ముంటే జగన్మోహన్ రెడ్డి హాజరుకావాలని సవాల్ చేశారు. ఏపీకి ప్రత్యేక హోదా కోసం ప్రధానమంత్రి నరేంద్రమోదీని నిలదీయడానికి జగన్‌ రావాలని రమేష్ అన్నారు. ఈ నెల 18 నుంచి ఆగస్టు 10 వరకు పార్లమెంటు వర్షాకాల సమావేశాలు జరగనున్న నేపథ్యంలో, తెలుగుదేశం పార్టీ, మరో సారి అవిస్వాసం పెడుతుందని, మోడీ మనకు చేసిన అన్యాయం గురించి, చట్ట సభల్లో చర్చిస్తామని, ఈ సారైనా, బీజేపీ పారిపోకుండా, చర్చ జరపాలని అన్నారు.

మార్చ్ 2018 వరకు, పవన్ కళ్యాణ్ కు, చంద్రబాబు పరిపాలన మీద ఏ అభ్యంతరం లేదు. పవన్ కళ్యాణ్ ఏ సమస్య లేవనెత్తినా, చంద్రబాబు ఆ సమస్య పరిష్కారం చేసే వారు. పవన్ కళ్యాణ్ తనని కలిసిన సందర్భంలో, పవన్ కు కారు దాక వచ్చి, చంద్రబాబు దింపిన సందర్భాలు కూడా ఉన్నాయి. ఇది చంద్రబాబు, పవన్ కళ్యాణ్ కు ఇచ్చిన గౌరవం. ఇదే సందర్భంలో, చంద్రబాబు కేంద్రంతో పోరాటం మొదలు పెట్టారు. కేంద్రంలో మంత్రులను, క్యాబినెట్ నుంచి బయటకు రప్పించారు.. ఎన్డీఏ నుంచి బయటకు వచ్చారు.. నరేంద్ర మోడీ పై అవిశ్వాస తీర్మానం పెట్టారు.. ఒక పక్క జగన్, తన కేసుల కోసం బీజేపీకి లొంగిపోయిన టైంలో, పవన్ కళ్యాణ్ కేంద్రం పై పోరాటంలో కలిసి వస్తారని, చంద్రబాబు భావించారు. ఎందుకంటే, అప్పటి దాక, పవన్ కళ్యాణ్ కూడా కేంద్రం పై నిరసన గళం వినిపించారు. అందుకే, పవన్ కళ్యాణ్, కూడా తనతో కలిసి, రాష్ట్రం కోసం, మోడీతో పోరాడతారని చంద్రబాబు అనుకున్నారు..

కాని, ఏమైందో తెలియదు, అమిత్ షా ఏమి మ్యాజిక్ చేసారో తెలియదు, రాత్రికి రాత్రి పవన్ కళ్యాణ్ ప్లేట్ మార్చేసారు. మోడీ లాంటి బలవంతుడిని, రాష్ట్ర ప్రయోజనాల కోసం చంద్రబాబు ఎదుర్కుంటుంటే, పవన్ కళ్యాణ్ మోడీ పక్కన చేరారు. అప్పటి నుంచి, కేంద్రం పై పోరాటం చేసే విషయంలో చంద్రబాబుని బలహీన పరిచే ప్రయత్నం చేసారు. నేషనల్ మీడియాకు ఎక్కి, చంద్రబాబు చేస్తుంది అంతా మోసం అని, ప్రత్యేక హోదా అవసరం లేదని, డబ్బులు ఇస్తే చాలని అన్నారు. మోడీ అంటే ఆదర్శం అంటూ, చంద్రబాబు మోసగాడని జాతీయ మీడియాలో విమర్శలు చేసారు. అప్పటి నుంచి, తెలుగుదేశం పార్టీ పై, చంద్రబాబు పై, అకారణంతో విరుచుకుపడుతున్నారు. వాళ్ళు చెప్పారు, వీళ్ళు చెప్పారు అంటూ, కాకమ్మ కబ్రులు చెప్తూ, చంద్రబాబు పై విమర్శలు చేస్తున్నారు.

అయితే, ఈ విమర్శలను తెలుగుదేశం పార్టీ పెద్దగా పట్టించుకోలేదు. పవన్ కళ్యాణ్, ఒక పావుగా మారారని, ఆయనే తెలుసుకుంటారని, పవన్ అడిగిన దానికి సమాధానం చెప్పండి కాని, విమర్శలు చెయ్యవద్దు అంటూ చంద్రబాబు కూడా ఆదేశాలు ఇచ్చారు. లోకేష్ కూడా, ప్రతి సందర్భంలో, పవన్ కళ్యాణ్ గారూ అంటూ మర్యాద ఇచ్చి, పవన్ చేసే ప్రతి ఆరోపణకు, ట్విట్టర్ ద్వారా ఆధారాలతో సహా పోస్ట్ చేస్తూ వచ్చారు. అయితే, గత రెండు మూడు రోజులుగా, పవన్ కళ్యాణ్ మరీ వ్యక్తిగత దాడి చేస్తున్నారు. చంద్రబాబుని హేళన చేస్తూ, లోకేష్ ని ఎగతాళి చేస్తూ, ఒక పార్టీ అధినేతగా కాకుండా, రోడ్ సైడ్ మనుషులులాగా ప్రవర్తిస్తున్నారు. దీంతో, ఇక తెలుగుదేశం పార్టీ, పవన్ విషయంలో వ్యూహం మార్చింది. ఇన్నాళ్ళు, చూసి చూడనట్టు వదిలేసిన పవన్ విషయంలో, ఇక నుంచి దీటుగా బదులు ఇవ్వటానికి రెడీ అయ్యింది. పవన్ కళ్యాణ్ ను అలాగే వదిలేస్తే, మనం ఎదో తప్పు చేసాం, అందుకే స్పందిచటం లేదు అని ప్రజలు అనుకుంటారని, పవన్ చేసే ప్రతి విమర్శకు, ధీటుగా సమాధనం ఇవ్వాలని, తెలుగుదేశం అధిష్టానం ఆదేశాలు ఇచ్చింది. వైకాపాపై ఏ స్థాయి విమర్శలు చేస్తున్నామో అదే స్థాయిలో జనసేనపై విరుచుకుపడాలని అధిష్ఠానం నేతలకు స్పష్టమైన ఆదేశాలు ఇచ్చినట్లు సమాచారం.

నిన్న ప్రకటించిన ఈజ్‌ ఆఫ్‌ డూయింగ్‌ బిజినెస్‌ ర్యాంకింగ్స్ లో, ఆంధ్రప్రదేశ్ కు ఫస్ట్ ర్యాంక్ రావటం వెనుక, కొన్ని రాష్ట్రాలు ఆశ్చర్యపోయాయి. దీనికి కారణం, చివరి వరకు, ఆంధ్రప్రదేశ్ రాష్ట్రం, 3 వ స్థానంలో ఉండటం. కాని చివరకు, ఫస్ట్ ర్యాంక్ సాధించింది. దీని వెనుక, చంద్రబాబు అనే బ్రాండ్ మీద ఉండే నమ్మకం, భరోసా ఉంది. అవును, మీరు చదివింది నిజం. మనకు మొదటి ర్యాంకు రావటానికి, ఇదే కారణం. చివరి వరకు సాగిన ఉత్కంఠ భరిత పోటీలో మన రాష్ట్రానికే విజయం వరించింది. గత ఏడాది ఏపీ, తెలంగాణ రెండూ సమానమైన మార్కులతో అగ్రస్థానాన్ని పంచుకోగా... ఈసారి తెలంగాణను నవ్యాంధ్ర వెనక్కి నెట్టింది..

డిపార్ట్‌మెంట్‌ ఆఫ్‌ ఇండస్ట్రియల్‌ పాలసీ అండ్‌ ప్రమోషన్‌- డీఐపీపీ, ప్రపంచబ్యాంకు కలిసి కేంద్ర, రాష్ట్ర ప్రభుత్వాలు ఏటా తీసుకొస్తున్న వాణిజ్య సంస్కరణలను గత మూడేళ్లుగా మదింపుచేస్తూ వస్తున్నాయి. ప్రభుత్వాల పరిధిలోని వివిధ నియంత్రణ సంస్థల పనితీరును సంస్కరించి మరింత వేగంగా, సమర్థంగా, పారదర్శకంగా సేవలు అందించేలా చేయడమే ఈ కసరత్తు ప్రధాన ఉద్దేశం. ఇందులో భాగంగా ప్రభుత్వపరంగా తీసుకోవాల్సిన సంస్కరణల సంఖ్యను గత మూడేళ్లలో 285 నుంచి 372కి పెంచారు. కార్మికులు, పర్యావరణం, అనుమతుల మంజూరు, సింగిల్‌విండో విధానం, నిర్మాణ అనుమతుల మంజూరు, కాంట్రాక్ట్‌ల అమలు, ఆస్తుల రిజిస్ట్రేషన్‌, క్షేత్రస్థాయిపరిశీలన విభాగాల్లో తీసుకొచ్చిన సంస్కరణలను ప్రధానంగా ర్యాంకింగ్‌లకు పరిగణనలోకి తీసుకున్నారు. ఈ సంస్కరణల్లో ఎన్నింటిని అమలుచేశామన్న విషయాలను రాష్ట్ర ప్రభుత్వాలు సమర్పిస్తున్నాయి.

ఇలా సంస్కరణలు అమలు విషయంలో, మన రాష్ట్రానికి 99.73 స్కోర్ రాగా, తెలంగాణా కు 100 శాతం వచ్చింది. అయితే, ఈ సారి మాత్రం, ర్యాంకింగ్స్ విషయంలో కేవలం సంస్కరణలనే పరిగణలోకి తీసుకోలేదు. ప్రభుత్వం అందిస్తున్న సేవలను ఉపయోగించుకున్న కంపెనీల నుంచి ఫీడ్‌బ్యాక్‌ను తీసుకుని, ఈసారి ర్యాంకులు ప్రకటించారు. ర్యాంకులకోసం ఈసారి ఫీడ్‌బ్యాక్‌ను తీసుకోవడంవల్ల ప్రభుత్వ సంస్కరణలు వాస్తవంగా అమలవుతున్నాయా? లేదా? అన్న విషయం తెలిసి వచ్చినట్లు డీఐపీపీ కార్యదర్శి పేర్కొన్నారు. దేశంలో సుమారు 50వేల మందితో ముఖాముఖి మాట్లాడించి ఆయా ప్రభుత్వాల తీరుపై అభిప్రాయాలు సేకరించింది. 23 రాష్ట్రాల్లో సుమారు 5వేల మందికిపైగా ప్రైవేటు సెక్టార్‌ వినియోగదారులు, ఇంజినీర్లు, లాయర్లు, ఎలక్ట్రిక్‌ కాంట్రాక్టర్ల ద్వారా క్షేత్రస్థాయిలో జరుగుతున్న వాస్తవాలను తెలుసుకొంది. ఇలా వివిధ కంపెనీలు ఇచ్చిన ఫీడ్‌బ్యాక్‌ లో, ఆంధ్రప్రదేశ్ రాష్ట్రానికి 86.50 స్కోర్ రాగా, తెలంగాణాకు, 83.95 స్కోర్ మాత్రమే వచ్చింది. అందుకే, ఫైనల్ రిజల్ట్ లో మనం ఫస్ట్ వచ్చాం. కంపెనీలు మన రాష్ట్రం పట్ల ఎంత నమ్మకంగా ఉన్నాయి, చంద్రబాబు ఏ రకంగా కోఆపరేట్ చేస్తున్నారు అనే దానికి ఇది ఒక ఉదాహరణ. నాకు ఎవరో రష్యాలో చెప్పారు, మీ రాష్ట్రంలో పెట్టుబడి పెట్టాలంటే కమిషన్ ఇవ్వాలి అని చెప్పే పవన్ కళ్యాణ్ గారికి, ఈ రిపోర్ట్ అంకితం.