news

కేంద్ర, రాష్ట్ర ప్రభుత్వాలకు ఉన్న రాజకీయ వైరం నేపధ్యంలో, పోలవరం ప్రాజెక్ట్ కు నెలకున్న ప్రధాన అడ్డంకి తొలగింది. పోలవరం స్టాప్‌ వర్క్‌ ఆర్డర్‌పై స్టే కొనసాగింపునకు కేంద్ర ప్రభుత్వం, జూలై 2న ఉత్తర్వులు ఇవ్వాల్సి ఉంది. అయితే, దీని పై రెండు మూడు నెలల ముందు నుంచే, అధికారులు ఫాలో అప్ అవుతున్నా, కేంద్రం పట్టించుకోలేదు. గడువు దగ్గర పడే టైంకి, ఒకసారి కేంద్ర అధికారులు విదేశీ పర్యటనలో ఉంటే, ఒకసారి మంత్రి విదేశీ పర్యటనలో ఉన్నారు. జూలై 2 తరువాత కూడా, కేంద్రం ఉత్తర్వులు ఇవ్వకపోవటంతో, రాష్ట్ర ప్రభుత్వానికి టెన్షన్ మొదలైంది. దీన్ని కూడా ఎదో ఒక సాకు చూపి, ఆర్డర్స్ ఇవ్వరు అని కంగారు పడ్డారు. అయితే, దాదాపు వారం రోజులు టెన్షన్ పెట్టి, కేంద్ర ప్రభుత్వం, మరో సంవత్సరం పాటు, పోలవరం స్టాప్‌ వర్క్‌ ఆర్డర్‌పై స్టే కొనసాగిస్తూ, ఈ రోజు ఉత్తర్వులు ఇచ్చింది.

ఇదీ నేపధ్యం... పోలవరం ప్రాజెక్టుపై ఒడిసా, చత్తీ‌సగఢ్‌ అభ్యంతరాల నేపథ్యంలో నిర్మాణ పనులు ఆపేయాలని జాతీయ హరిత ట్రైబ్యునల్‌ (ఎన్‌జీటీ) 2015 చివరిలో ‘స్టాప్‌ వర్క్‌’ ఆదేశాలిచ్చింది. అప్పటి కేంద్ర అటవీ పర్యావరణ మంత్రిగా ఉన్న ప్రకాశ్‌ జావడేకర్‌ ఆ ఆదేశాల పై 2016లో స్టే ఉత్తర్వులిచ్చారు. దీంతో.. 2017 జూన్‌ 2వ తేదీ దాకా పనులు కొనసాగించే అవకాశం కలిగింది. ఈ గడువు ముగిసేలోగా మరోసారి స్టేను పొడిగించాలని రాష్ట్రప్రభుత్వం కేంద్రాన్ని అభ్యర్థించింది. ముఖ్యమంత్రి చంద్రబాబు నేరుగా జావడేకర్‌తో మాట్లాడి స్టేను పొడిగించాలని కోరారు. ఆయన కూడా సానుకూలంగా స్పందించి.. ఏకంగా రెండేళ్లపాటు స్టే పొడిగిస్తూ ఫైలుపై సంతకం చేశారు. ఇది అమల్లోకి వచ్చి ఉంటే 2019 దాకా స్టే ఉత్తర్వు కొనసాగేది.

అయితే.. ఈ స్టే ఉత్తర్వు జారీ చేసేలోగా జావడేకర్‌ను మానవ వనరుల అభివృద్ధి శాఖకు మార్చారు. ఆయన స్థానంలో కేంద్ర అటవీ పర్యావరణ శాఖ బాధ్యతలను అనిల్‌ దవే స్వీకరించారు. స్టే కాలపరిమితిపై పలు సందేహాలు వ్యక్తం చేసి.. చివరకు స్టాప్‌ ఆర్డర్‌పై స్టేను ఏడాదికే పరిమితం చేశారు. ఇప్పుడు మరోసారి, సంవత్సరం పాటు కేంద్రం దీన్ని పొడిగించింది. అయితే రాష్ట్ర ప్రభుత్వం మాత్రం, ఇలా ఏడాడి ఏడాడి కాకుండా, ప్రాజెక్ట్ పూర్తి చేసేంతవరకు, ఉత్తర్వులు ఇవ్వాలని, ఎంత కోరినా, కేంద్రం మాత్రం దానికి ఒప్పుకోలేదు. దీని వెనుక రాజకీయ కారణం కనిపిస్తుంది. ఇలా అయితే, రాష్ట్రం ఆయువపుట్టు తన చేతిలో ఉంచుకోవచ్చు అని కేంద్రం భావాన. అందుకే సంవత్సర కాలం పాటే, పర్మిషన్ ఇస్తూ, ప్రతి సంవత్సరం టెన్షన్ పెడుతుంది.

సింగపూరులో జరుగుతున్న ప్రపంచ నగరాల సదస్సు రెండవ రోజు సమావేశంలో ప్లీనరీ సెషన్‌లో ముఖ్యమంత్రి చంద్రబాబునాయుడుప్రసంగించారు. భారతీయ చరిత్రలో అమరావతికి గొప్ప చరిత్ర ఉందని చెప్పారు. రాజధాని నిర్మాణం చాలా కష్టసాధ్యమైన పనని, సంస్కృతిని పరిరక్షిస్తూ రాజధాని నిర్మాణం జరుగుతోందని అన్నారు. నూతన సాంకేతికత ఉపయోగిస్తూ రాజధాని నిర్మాణం చేపదుతున్నామని, ప్రపంచంలోని 5 అగ్రశ్రేణి నగరాల్లో అమరావతిని నిలపాలన్నదే మా ధ్యేయం అని చెప్పారు. నివాసయోగ్యమైన నగరాల రూపకల్పనలో నీరు, పర్యావరణ లక్ష్యాలను చేరుకోవడానికి సాంకేతికత, మౌలిక సదుపాయల కల్పన అత్యంత అవసరం అని చెప్పారు.

వనరుల నిర్వహణలో వైజ్ఞానిక, సమాచార సాంకేతికత మనకు ఎంతగానో దోహదపడుతుందని, ఇంటర్నెట్ ఆఫ్ థింగ్స్ (ఐవోటీ) సాధనాల ద్వారా భూగర్భ, ఉపరితల నీటి వనరులు, ఉష్ణోగ్రతలు, గాలి నాణ్యత తదితర సమాచారాన్నికచ్చితంగా తెలుసుకోవచ్చని అన్నారు. వనరులను సమర్ధంగా వినియోగించి ప్రజలకు మెరుగైన జీవనం అందించడానికి ఈ సమాచారం దోహదపడుతుందని అన్నారు. సమర్థ నిర్వహణ పద్ధతుల ద్వారా మా రాష్ట్రంలో భూగర్భజలాలను పెంచగలిగామని చెప్పారు. నదుల అనుసంధానం, భూగర్భ జలాల పునర్ వినియోగం, వ్యర్థ నీటి నిర్వహణ తదితర చర్యలతో మెరుగైన ఫలితాలను సాధించామని చెప్పారు.

తాగునీటికే కాకుండా వ్యవసాయ, పారిశ్రామిక అవసరాలకు కూడా తగినంత నీటిని ఇవ్వగలుగుతున్నామని, మా నగరాలు, పట్టణ ప్రాంతాలు, గ్రామాలలో ద్రవ, ఘన వ్యర్ధాల నిర్వహణను సమర్థమైన పద్ధతులలో చేపడుతున్నామని అన్నారు. పునరుత్పాదక ఇంథనం పై ప్రధానంగా దృష్టి పెట్టామని, హరిత రాజధాని అమరావతిలో అన్ని ఆధునిక సాంకేతిక పద్దతులను వినియోగించుకుంటున్నామని అన్నారు. రాజధానిలో 5-10-15 అభివృద్ధి విధానాన్ని అనుసరిస్తూ నిర్మాణం చేపడుతున్నామని, అత్యవసర గమ్యాలను చేరుకోవడానికి 5 నిమిషాలు, సామాజిక అవసరాలకు 10 నిమిషాలు, కార్యక్షేత్రానికి చేరుకోవడానికి 15 నిమిషాలు అనే కాన్సెప్టును అమలు చేస్తామని అన్నారు. 5 లక్షల మంది రైతుల భాగస్వామ్యంతో ZBNF(జీరో బేస్డ్ నాచురల్ ఫార్మింగ్) వైపు వెళుతున్నారని, సమర్థ నాయకత్వం ద్వారానే ఇది ప్రభావవంతంగా ముందుకు సాగుతోందని అన్నారు. ఇవే పద్దతులను అనుసరిస్తూ సవ్య దిశలో పయనించడం ద్వారా ప్రపంచంలో నివాసయోగ్యమైన నగరాలను తీర్చిదిద్దుకోవచ్చునని ఇక్కడున్న నగర పాలకులకు సూచిస్తున్నాని చంద్రబాబు అన్నారు.

విజయవాడ పోలీస్‌ కమిషనరేట్‌ ప్రాంగణంలో, రాజధానిలో తొలి సైబర్‌ పోలీస్‌ స్టేషన్‌ ఏర్పాటుకు రంగం సిద్ధమవుతోంది. దీనికి సంబంధించిన నిర్మాణ పనులు, దాదాపు కొలిక్కి వచ్చాయి. మరో వారో పది రోజుల్లో, ఇక్కడ నుంచి సైబర్‌ పోలీస్‌ స్టేషన్‌ ప్రారంభం కానుంది. గతేడాది సైబర్‌ నేరాలు పెరిగిన నేపధ్యంలో వీలైనంత త్వరగా స్టేషన్‌ ఏర్పాటు చేస్తున్నట్లు పోలీస్‌ కమిషనరేట్‌ వర్గాలు చెబుతున్నాయి.ఈ సైబర్‌ విభాగం ప్రత్యేకంగా ఓ డిసిపి పర్యవేక్షణలో ఆధునిక సాంకేతిక పరిజ్ఞానంలో మెళకువలు నేర్చుకున్న 30 మంది సిబ్బందిని కేటాయించనున్నారు. ఇటీవల కాలంలో కమిషనరేట్‌ పరిధిలో కంప్యూటర్‌ నాలెడ్జిపై అవగాహన ఉన్న యువకులకు ఉన్నతాధికారులు శిక్షణ ఇచ్చారు.

గతంలో పోలీస్‌ కమిషనరేట్‌లో సైబర్‌ నేరాల కేసులు సామమాత్రంగా నమోదయ్యేవి. విజయవాడ రాజధాని నేపధ్యంలో సైబర్‌ నేరాల సంఖ్య పెరిగింది. గణాంకాలను పరిశీలిస్తే సైబర్‌తోపాటు బ్యాంకింగ్‌ నేరాలు, ఇంటర్‌ వాయిస్‌ కాల్‌ డైవర్షన్‌ లాంటి కేసులు నమోదయ్యాయి. ఆధునిక సాంకేతిక పరిజ్ఞానాన్ని ఉపయోగంచుకుని ఖాతాదారులను ఆకర్షించి వారి దృష్టిని మరల్చడం ద్వారా ప్రస్తుత వ్యవస్థలో ఆన్‌లైన్‌ సైబర్‌ నేరాలు, బ్యాంక్‌ల పేరుతో ఆర్థికపరమైన మోసాలు పెరిగాయి. ఆన్‌లైన్‌ బ్యాంకింగ్‌ ఒటిపి పేరుతో మోసాలు జరుగుతున్నాయి. మరో పక్క సోషల్ మీడియా వాడకం ఎక్కవు కావటంతో, ఇక్కడ కూడా వేధింపులు, మోసాలు ఎక్కువ అయ్యాయి. ఈనేపథ్యంలో విజయవాడ పోలీస్‌ కమిషనరేట్‌లో సైబర్‌ పోలీస్‌ స్టేషన్‌ భవనం నిర్మించారు.

సైబర్‌ పోలీస్‌ స్టేషన్‌ ప్రారంభమైతే.. కేసులను ఇక్కడే నమోదు చేసి, విచారణ జరిపే అవకాశం కలుగుతుంది. ఈ ప్రక్రియ వేగవంతమవుతుంది. సిబ్బందిలో సాంకేతిక పరిజ్ఞానం ఉన్న వారిని గుర్తించి ఇందులోకి తీసుకున్నారు. నేర పరిశోధనలో సాంకేతిక సాయం కోసం ఈఎస్‌ఎఫ్‌ ల్యాబ్స్‌తో ఒప్పందం చేసుకున్నారు. అవసరమైన పరికరాలు, సాఫ్ట్‌వేర్‌ను సమకూర్చుకున్నారు. సిబ్బందిని అన్ని విధాలా సుశిక్షుతులుగా మార్చేందుకు నగర పోలీసులు ఇప్పటికే ఈఎస్‌ఎఫ్‌ ల్యాబ్స్‌ అనే సంస్థతో ఒప్పందం కుదుర్చుకున్నారు. సైబర్‌ పరిజ్ఞానం, పరిశోధన, ఇతర అంశాలపై శిక్షణ ఇచ్చారు. కంప్యూటర్ లు, మొబైల్‌ ఫోన్లు, మెమరీ కార్డుల్లోని సమాచారాన్ని తొలగించినా, అధునాతన పరికరాల సాయంతో పోలీసులు రాబడతారు.