news

మాజీ చీఫ్ సెక్రటరీ ఐవైఆర్ కృష్ణా రావుకు చంద్రబాబు ఇచ్చిన ప్రాధాన్యత అంతా ఇంతా కాదు. నవ్యాంధ్ర మొదటి చీఫ్ సెక్రటరీగా చేసారు, రిటైర్డ్ అయిన తరువాత బ్రాహ్మణ కార్పొరేషన్ అప్పచెప్పారు. అయినా, ఈయన తిన్నింటి వాసాలు లెక్కపెడుతున్నాడని గ్రహించించ లేక పోయారు. ఒకానొక రోజు,ఐవైఆర్ కృష్ణా రావు పాపం పండి, చంద్రబాబు ఇచ్చిన పదివి అనుభవిస్తూ, చంద్రబాబు పైనే విషం కక్కుతూ, దొరికిపోయాడు. నిజం తెలుసుకున్న చంద్రబాబు, వెంటనే దూరం పెట్టారు. అప్పటికి కాని, అర్ధం కాలేదు, ఈయన బీజేపీ పంపించిన పావు అని. అయితే, ఈయన మాత్రం తెలివిగా, ఒక పెద్ద ఐఏఎస్ లాగా, మేధావి లాగా ఫోజ్ కొడుతూ, హైదరాబాద్ లో కూర్చుని ఆంధ్రప్రదేశ్ పై విషం చిమ్ముతున్నాడు.

అమిత్ షా ఇచ్చిన స్క్రిప్ట్ ప్రకారం, ముందుగా అమరావతి పై ఏడుపులు మొదలు పెట్టాడు. అమరావతి పై విషం చిమ్ముతూ పుస్తకం రాసి, పవన్ కళ్యాణ్ చేత దాన్ని విడుదల చేసారు. ఎందుకంటే, పవన్ కళ్యాణ్ కూడా వీళ్ళ బ్యాచే కదా. తరువాత అమరావతి పై హై కోర్ట్ లో కేసులు వెయ్యటం మొదలు పెట్టాడు. ప్రతి పనికి అడ్డుపడుతున్నాడు. ఇక తాజాగా, తిరుమల వివాదంలో ప్రధాన పాత్ర ఈయనమే. అమిత్ షా డైరెక్షన్ లో, సాక్షాత్తు వెంకన్న పైనే రచ్చ రచ్చ చేస్తున్నాడు. రమణ దీక్షితులతో కలిసి, డ్రామా రక్తి కట్టిస్తున్నాడు. మరో పక్క ముద్రగడని కలవటం, జగన్ తో కలిసి పని చెయ్యటం, ఇలా మొత్తం గరుడ బ్యాచ్ అంతా ఒకటిగా పని చేస్తుంది. అయితే, ఇప్పటి వరకు, ఎక్కడా ఓపెన్ అప్ అవ్వకుండా, జాగ్రత్త పడుతూ వచ్చాడు ఐవైఆర్.

ఈ రోజు మాత్రం ముసుగు తీసేసాడు. ఒక పక్క 5 కోట్ల మంది ఆంధ్రులు, కేంద్రం అన్యాయం చేస్తుందని, మోడీ మోసం చేస్తున్నాడని, కేంద్రం పై పోరాటాలు చేస్తుంటే, అదేమీ లేదు కేంద్రం అన్నీ ఇచ్చేసింది అనే వాదన మొదలు పెట్టాడు. ఈ రోజు బీజేపీ ముసుగులో, ఒక మేధావుల ఫోరం పేరుతో, గుంటూరులో ఒక సదస్సు ఏర్పాటు చేసింది. "పరనిందే పరమావదిగా ప్రవర్తిస్తున్న పచ్చ చొక్కాల నిజస్వరూపాన్ని బట్టబయలు చేస్తాం, గుంటూరు రండి" అంటూ బీజేపీ ఈ రోజు ప్రచారం చేసింది. దీనికి ఐవైఆర్ ప్రధాన గెస్ట్ గా వెళ్ళాడు. కేంద్రం అన్నీ ఇచ్చేసింది అని, కేవలం రాష్ట్ర ప్రభుత్వం, రాజకీయం కోసం డ్రామాలు ఆడుతుందని, నేను రిటైర్డ్ ఐఏఎస్ గా చెప్తున్నాను అంటూ, ప్రజలను నమ్మించే ప్రయత్నం చేసాడు. మొత్తానికి, ఈ రోజు ముసుగు తొలగించి, బీజేపీ పార్టీ ప్రోగ్రాంలో, అదీ ఆంధ్రుల వ్యతిరేక కార్యక్రమంలో పాల్గున్నాడు ఐవైఆర్...

ప్రపంచ నగరాల సదస్సులో పాల్గునటానికి, చంద్రబాబు సింగపూర్ వెళ్ళిన సంగతి తెలిసిందే. ప్రపంచ నగరాల సదస్సులో భాగంగా, అక్కడకు వచ్చిన వివిధ దేశాల ప్రతినిధులకు అమరావతి గురించి వివరించారు చంద్రబాబు. వివిధ దేశాల ప్రతినిధులు చెప్పే బెస్ట్ ప్రాక్టీసెస్ తెలుసుకుని, అవి అమరావతిలో ఇంప్లెమెంట్ చెయ్యటానికి వెళ్లారు. అయితే, అక్కడ కూడా చంద్రబాబు పెట్టుబడుల వేట ఆపలేదు.. అక్కడకు వచ్చిన కొంత మంది పారిశ్రామిక వేత్తలతో, మీటింగ్ లు ఏర్పాటు చేసుకుని, పెట్టుబడుల అవకాశాల పై వివరించారు. వెంటనే ప్రముఖ రియల్ ఎస్టేట్ సంస్థ ‘లోథా గ్రూపు’ ఆసక్తి చూపింది. వెళ్ళిన పని ఒకటి, జరిగింది మరొకటి అనట్టు, మొత్తానికి చంద్రబాబు ఒక కంపెనీని, రాష్ట్రంలో పెట్టుబుడులు పెట్టటానికి ఒప్పించారు.

నవ్యాంధ్రప్రదేశ్‌ రాజధాని అమరావతిలో అడుగుపెట్టేందుకు సిద్ధంగా వుంది ‘లోథా’. మాల్స్, ఓపెన్ స్పేస్ వినోదం వంటి రంగాల్లో భారీఎత్తున పెట్టుబడులు పెట్టాలని నిర్ణయించింది. ఈ విషయాన్ని సింగపూర్ పర్యటనలో వున్న ముఖ్యమంత్రి నారా చంద్రబాబు నాయుడుకు ఆ సంస్థ మేనేజింగ్ డైరెక్టర్, సీఈవో అభిషేక్ లోథా వివరించారు. ఆదివారం ముఖ్యమంత్రితో సమావేశమైన అభిషేక్ లోథా ఆంధ్రప్రదేశ్‌లో వున్న అపార అవకాశాలు, జరుగుతున్న అభివృద్ధి తమని ఎంతగానో ఆకట్టుకుందని, ఏపీతో కలిసి పనిచేస్తామని, ఇందుకు తగ్గ ప్రతిపాదనలు-ప్రణాళికలతో సెప్టెంబరులో రాష్ట్రానికి వస్తామని చెప్పారు.

అత్యంత సుందరమైన ల్యాండ్ స్కేపింగ్‌తో నదీ అభిముఖంగా అమరావతిని గ్రీన్ ఫీల్డ్ రాజధానిగా నిర్మిస్తున్నామని అభిషేక్‌ లోథాకు ముఖ్యమంత్రి తెలిపారు. మూడు పట్టణ పాలక సంస్థలు, రెండు నగర పాలక సంస్థలు, అనేక గ్రామ పంచాయతీలను కలుపుకుని మహానగరంగా నిర్మిస్తున్నామని చెప్పారు. పరిపాలన కేంద్రంగానే కాకుండా ఆర్థిక కార్యకలాపాల నగరంగా అమరావతిని తీర్చిదిద్దుతున్నట్టు వివరించారు. జాతీయ రహదారులతో అమరావతిని అనుసంధానిస్తున్నామని ముఖ్యమంత్రి తెలిపారు. రాజధాని నగరాన్ని సుస్థిర పర్యావరణ నగరంగా తీర్చిదిద్దాలన్నదే లక్ష్యంతో వున్నామని, ఐదు లక్షల మంది రైతులను భాగస్వాములను చేస్తూ ప్రకృతి సేద్యాన్ని ప్రోత్సహిస్తున్నామని వెల్లడించారు.

‘స్థిరాస్థి అభివృద్దిదారులతో సంప్రదించి రాజధాని అభివృద్ధి కోసం ఒక ప్రత్యేకమైన ప్రభుత్వ విధానాన్ని రూపొందించే పనిలో ఉన్నాం. అభివృద్ధిలో ప్రపంచస్థాయి నిర్మాణదారుల భాగస్వామ్యం తీసుకుంటున్నాం. అమరావతిలో 1700 ఎకరాల విస్తీర్ణం గల ప్రాంతాన్ని సింగపూర్ అభివృద్ధి చేస్తోంది.’ అని అభిషేక్ లోథాతో ముఖ్యమంత్రి అన్నారు. తిరుపతి, అనంతపురము, విశాఖపట్టణం, అమరావతి నగరాలను మేజర్ ఎకనమిక్ హబ్స్‌గా తీర్చిదిద్దేందుకు జరుపుతున్న కృషిని వివరించారు. తిరుపతి ఎలక్ట్రానిక్ మాన్యుఫాక్చరింగ్, హార్డ్ వేర్ పరిశ్రమల కేంద్రంగా నిలుస్తోందని అన్నారు. అనేక పేరొందిన విద్యా సంస్థలతో అమరావతిని నాలెడ్జ్ హబ్‌గా రూపొందిస్తున్నామని, కాలుష్యరహిత పరిశ్రమలతో ఇది కళకళలాడుతుందని చెప్పారు. విశాఖలో ఇప్పటికే అనేక పరిశ్రమలు కొలువుదీరాయని, ఈ నగరాన్ని పారిశ్రామిక-వైజ్ఞానిక నగరంగా తీర్చిదిద్దుతామని పేర్కొన్నారు. ఎయిరో స్పేస్, డిఫెన్స్, ఆటో సెక్టారుకు ముఖ్య కేంద్రంగా అనంతపురము విరాజిల్లుతుందని అన్నారు. ముంబై సమీపంలో 20 చదరపు కిలోమీటర్ల మేర నిర్మాణాలు జరిపిన లోథా గ్రూపు ఇతర దేశాలలో కూడా లోథా నిర్మాణ కార్యకలాపాలు విస్తృతంగా చేపడుతోంది.

చంద్రబాబు 1995లో తాను ముఖ్యమంత్రి అయిన దగ్గర నుంచి ఒకటి చెప్తూ ఉంటారు. రాజకీయాలు ఎన్నికల సమయంలో మాత్రమే చెయ్యాలి, మిగతా సమయంలో రాష్ట్రం కోసం పని చెయ్యాలి అని. అప్పటి నుంచి ఆయన అదే పాటిస్తూ వచ్చారు. ముఖ్యమంత్రిగా ఉన్నా, ప్రతిపక్ష నేతగా ఉన్నా అదే చేసారు. గత నాలుగేళ్ళుగా అదే చేస్తున్నారు. అమరావతి, పోలవరం, అభివృద్ధి, సంక్షేమం అనే పిచ్చలోనే ఉన్నారు. రాష్ట్రానికి, కేంద్రం చేస్తున్న అన్యాయం పై, ముఖ్యమంత్రి స్థానంలో ఉండి పోరాటం చేస్తున్నారు. అయితే, ఇటు, జగన్, పవన్, బీజేపీ మాత్రం, పోయిన ఏడు నుంచి రాజకీయాలు తీవ్ర స్థాయిలో మొదలు పెట్టారు. ఇంకా ఏడాదిన్నర కాలం మిగిలి ఉండగానే, ప్రభుత్వం పై పోరాటాలు చెయ్యకుండా, ఎన్నికల మూడ్ లోకి వెళ్ళిపోయారు. చివరకు ప్రతిపక్షం అసెంబ్లీకి రావటం కూడా మానేసింది. అయినా, చంద్రబాబు అభివృద్ధి, సంక్షేమం వదిలిపెట్టకుండా, ఆయన ఫ్లో లో ఆయన వెళ్ళిపోతున్నారు.

అయితే, జగన్, పవన్, బీజేపీ కుట్రలు రోజు రోజుకీ ఎక్కువ అయిపోతున్నాయి. ప్రాంతాల మధ్య, కులాల మధ్య చిచ్చు రేపుతున్నారు. అప్పట్లో రాజశేఖర్ రెడ్డి, తెలంగాణా వాదం ఎలా అయితే రేపాడో, అలా పవన్ చేత, జగన్ చేత, డ్రామాలు ఆడిస్తుంది బీజేపీ. తెలుగుదేశం పార్టీ ఎప్పటికప్పుడు వీటిని తిప్పికొడుతున్నా, సరైన రీతిలో వీరిని అనిచేయ్యటం లేదు. దీంతో ఎన్నికలు సంవత్సరం పాటు ఉన్నా, ఇప్పటి నుంచి ఫుల్ టైం రాజకీయాలకే కేటాయించాలని చంద్రబాబునాయుడు నిర్ణయించారు. దీని పై అధికారులకు కూడా సంకేతాలు ఇచ్చారు. రోజువారీ పాలనా కార్యక్రమాల బాధ్యత ఇక మీరే చూసుకోవాలి. పోలవరం, రాజధాని నిర్మాణం వంటి ఒకటి, రెండు అంశాలు మాత్రమే నేను పర్యవేక్షిస్తా అని ఆయన చెప్పినట్టు తెలుస్తుంది.

జగన్, పవన్, బీజేపీ చేస్తున్న దాడిని, సీనియర్‌ నాయకుల్లో ఒకరిద్దరు మినహా మిగిలిన వారు ఈ దాడిని తిప్పికొట్టడంలో విఫలమవుతున్నారని, స్థానిక నేతల పరిస్థితి మరింత ఘోరంగా ఉందని చంద్రబాబుకు ఫీడ్ బ్యాక్ రావటంతో, ఇక ఆయనే నేరుగా రంగంలోకి దిగనున్నారు. రాజకీయాలపై దృష్టిపెట్టడంతో పాటు, జిల్లాల్లో విస్తృతంగా పర్యటించాలని, నియోజకవర్గాల వారీగా పార్టీ సమీక్షలను మరింత ముమ్మరం చేయాలని ఆయన నిర్ణయించినట్లు తెలిసింది. జగన్, పవన్, బీజేపీ, ఇలా మూడు పార్టీలకు చెక్ పెట్టేందుకు, ఒక్కో పార్టీకి, ఒక్కో ప్లాన్ రెడీ చేస్తున్నారు. అలాగే, ముగ్గురూ కలిసిపోయిన విషయం, ఇప్పటికే ప్రజల్లోకి వెళ్ళినా, అది మరింత బలపడేలా ప్రచారం చెయ్యనున్నారు. ఇదే కాకుండా, ప్రభుత్వం ఎన్నో మంచి పనులు చేస్తున్నా, అవి ప్రజల్లోకి వెళ్ళటం లేదు అని అభిప్రాయం కూడా ఉంది. అందుకే, ఈ విషయం పై కూడా, ఆయన ద్రుష్టి పెట్టి, చేసిన మంచి ప్రజల్లోకి తీసుకువెళ్ళే ఏర్పాటు చేస్తున్నారు. ఇక చంద్రబాబు ఫుల్ టైం రంగంలోకి దిగితే, పవన్, జగన్, తోకలు కత్తిరించి, ప్రజల ముందు దోషిగా నిలబెట్టటం ఖాయం అని, తెలుగుదేశం వర్గాలు అంటున్నాయి. ఇప్పటికే వీరిని చూసి చూడనట్టు వదిలేసి, ఇక్కడ వరకు తెచ్చుకున్నామని, ఇక కౌంటర్ ప్లాన్ తో, వీరి ముగ్గురికీ చెక్ పెట్టాలని అంటున్నారు.