news

సొంతింటి కలను సాకారం చేసుకున్న తరుణాన ఇంతులు ఆనందంతో ఉక్కిరిబిక్కిరయ్యారు. ముఖ్యమంత్రి చంద్రబాబునాయుడు చేతులమీదుగా ఇంటి స్వాధీన పత్రాలను తీసుకుంటున్నపుడు భావోద్వేగం చెందారు. ఒకేరోజు మూడులక్షల మంది నూతన గృహస్థులు కావడంతో, ఇల్లిల్లూ హరివిల్లును తలపించింది. అయితే, దీని పై కూడా ప్రతిపక్షాలు పస లేని ఆరోపణలు చేసి దొరికిపోయాయి. ఈ 3 లక్షల ఇళ్ళు కేంద్రం కట్టిందని రోజా లాంటి నేతలు అంటే, మా సొమ్ముతో చంద్రబాబు సోకు చేసుకుంటున్నారని బీజేపీ అంటుంది. అయితే, ఈ ఆరోపణల పై చంద్రబాబు ట్విట్టర్ ద్వారా వేసిన ఒక్క పోస్ట్ తో సమాధానం చెప్పారు. విమర్శలు చేసే వారికి అర్ధమయ్యేలా తెలుగులో, ఇంగ్లీష్ లో కూడా ట్వీట్ చేసారు..

గ్రామీణ ప్రాంతాల్లో 2,71,083 ఇళ్ళు కట్టగా, పట్టణాల్లో 24,145 ఇళ్ళు, హూద్ హూద్ తుఫాను బాధితులకు 5,1118 కట్టామని, చంద్రబాబు చెప్పారు. ఇందులో రాష్ట్ర ప్రభుత్వ సొంత నిధులతో నిర్మించింది 2,56,132 ఇళ్ళు కట్టామని, కేంద్ర నిధులతో కలిసి రాష్ట్ర భాగస్వామ్యంతో కట్టిన ఇల్లు, 44,214 ఇళ్ళు కట్టినట్టు చంద్రబాబు చెప్పారు. 2014లో తెలుగుదేశం ప్రభుత్వం ఏర్పడిన నాటినుంచి ఇప్పటివరకూ గృహ నిర్మాణ సంస్థ ఆధ్వర్యంలో మొత్తం 5.85లక్షల ఇళ్లు నిర్మించినట్లు తెలిపారు. అందులో గతేడాది అక్టోబరు 2న లక్ష ఇళ్లకు తొలివిడత గృహప్రవేశాలు చేశామని, ఇప్పుడు 3లక్షల ఇళ్లకు చేస్తున్నామని చెప్పారు. ఈ మూడు లక్షల్లో ఎస్సీలకు 57,296, ఎస్టీలకు 24,332, బీసీలకు 1,43,005, ఇతరులకు 75,713 ఇళ్లు కట్టామని వివరించారు.

మళ్లీ అక్టోబరులో 3 లక్షలు, జనవరిలో మరో 3 లక్షల ఇళ్లకు.. మొత్తం 6 లక్షల గృహప్రవేశాలు చేసేలా ఆదేశాలు జారీచేసినట్లు తెలిపారు. ఇవి కాకుండా అదనంగా ఐదు లక్షల ఇళ్ల నిర్మాణాలకు ప్రణాళికలు రూపొందిస్తున్నట్లు ప్రకటించారు. పట్టణాల్లో కూడా కలిపి 2019 నాటికి 19లక్షల ఇళ్లు కడతామని, ఇందుకోసం రూ.50వేల కోట్లు ఖర్చు చేస్తున్నామని చెప్పారు. ‘పూర్తిచేసిన ఇళ్లకు రాష్ట్రప్రభుత్వం రూ.6,200 కోట్లు ఖర్చుచేస్తే.. కేంద్రం రూ.1296 కోట్లు మాత్రమే ఇచ్చింది. ఇళ్ల విషయంలో అరకొర నిధులు మాత్రమే ఇచ్చింది. పీఎంఏవై ఇళ్లలో ఇంటికి కేంద్రం ఇచ్చేది రూ.75 వేలు మాత్రమే. కానీ రాష్ట్రప్రభుత్వ పథకంలో ఒక్కోఇంటికి రూ.లక్షన్నర ఇస్తున్నాం’ అని గుర్తుచేశారు.

కేంద్రం ప్రభుత్వం, ఆంధ్రప్రదేశ్ విభజన హామీలు గురించి పట్టించుకోకుండా, అన్నీ ఇచ్చేసాం అంటూ హడావిడి చేస్తున్న సంగతి తెలిసిందే... ఈ నేపధ్యంలో, గత నాలుగు నెలల నుంచి, రాష్ట్రంలో ఆందోళనలు జరుగుతున్నాయి. అయినా కేంద్రం మాత్రం, పట్టించుకోవటం లేదు. ఈ నేపధ్యంలో, చంద్రబాబు ప్రభుత్వం మరో కీలక నిర్ణయం తీసుకుంది. ఇప్పుడు చేస్తున్న పోరాటాలు చేస్తూనే, రాష్ట్ర ప్రభుత్వం తరుపున, కేంద్రం పై సుప్రీం కోర్ట్ కు వెళ్లనుంది. ముఖ్యమంత్రి చంద్రబాబు నేతృత్వంలో జరిగిన మంత్రివర్గ సమావేశంలో ఈ మేరకు నిర్ణయం తీసుకున్నారు. ఈ సందర్భంగా విభజన హామీలపై ఇటీవల సుప్రీం కోర్టులో కేంద్రం దాఖలు చేసిన అఫిడవిట్‌పై సుదీర్ఘంగా చర్చించారు.

ప్రత్యేక హోదా, విభజన హామీలపై న్యాయపోరాటం చేసేందుకు మంత్రివర్గం నిర్ణయించారు. విభజన హామీల అమలుపై సుప్రీంను ఆశ్రయించాలని, ఇందుకోసం సొంతంగా ప్రజాప్రయోజన వ్యాజ్యం దాఖలు చేసేందుకు మంత్రివర్గం నిర్ణయం తీసుకుంది. ఇది ఇలా ఉండగా, తెలుగు రాష్ట్రాలకు విభజన హామీల అమలులో జాప్యం జరుగుతోందని పేర్కొంటూ, కాంగ్రెస్‌ ఎమ్మెల్సీ పొంగులేటి సుధాకర్‌ రెడ్డి దాఖలు చేసిన పిటిషన్‌ పై, ఇప్పటికే కేంద్ర ప్రభుత్వం అన్నీ ఇచ్చేసాం అని ఆఫిడవిట్ ఇచ్చింది. అయితే, ఈ పిటిషన్‌ లో ఇంప్లీడ్ అవ్వకుండా, సొంతగా మరో కేసు వెయ్యాలని రాష్ట్ర ప్రభుత్వం నిర్ణయించింది. ఈ పొంగులేటి సుధాకర్‌ రెడ్డి వేసిన పిటిషన్‌ లో తెలంగాణా అంశాలు కూడా ఉంటాయి కాబట్టి, మన సమస్యలు మాత్రమే ప్రస్తావిస్తూ, పిటిషన్‌ వెయ్యనున్నారు.

మొత్తం 19 అంశాల పై, కేంద్రం మనకు అన్యాయం చేస్తుంది. రాష్ట్రానికి ప్రత్యేక హోదాతో పాటు వనరుల ప్రాధాన్యత కల్పించడం, పోలవరం ప్రాజెక్టు నిర్మాణం, రైల్వే జోన్ ఏర్పాటు, గ్రీన్ ఫీల్డ్ ఎయిర్పోర్ట్, క్రూడ్ ఆయిల్ రిఫైనరీ, విశాఖ, విజయవాడ మెట్రో రైల్, పేట్రో కెమికల్ కాంపెక్స్ ఏర్పాటు, జాతీయ ప్రాధాన్యత కలిగిన సంస్థల ఏర్పాటు, నెల్లూరులో దుగ్గిరాజపట్నం పోర్టుతో పాటు, అమరావతికి ఆర్థిక సహాయం, పన్నుల సవరణ, కడప జిల్లాలో ఉక్కు ఫ్యాక్టరీ, వైజాగ్, చెన్నై ఇండస్ట్రియల్ కారిడార్ ఏర్పాటు, అమరావతికి సమగ్ర రవాణా కనెక్టివిటీ, వెనుకబడిన జిల్లాల అభివృద్ధి, డిస్కంల ద్వారా విద్యుత్ బకాయిల చెల్లింపులు, 9వ షెడ్యూల్, 10వషెడ్యూల్ సంసలు, గ్రేహౌండ్స్ శిక్షణ కేంద్రం ఏర్పాటు వంటి అంశాల గురించి, ఇప్పటికీ క్లారిటీ లేదు.

సీనియర్‌ కాంగ్రెస్ నాయకుడు, మాజీ ఎంపీ ఉండవల్లి అరుణ్‌కుమార్‌, గాంధీ కుటుంబ విధేయుడు. అప్పటి ఇందిరా గాంధీ నుంచి, రాహుల్ గాంధీ దాకా, అందరితో సన్నిహితంగా ఉండేవారు. 2004 నుంచి 2014 వరకు పదేళ్లపాటు కాంగ్రెస్‌లో ఎంపీలుగా పదవులు నిర్వహించి.. రాష్ట్ర విభజన తర్వాత ఆ పార్టీకి దూరమైన ఉండవల్లి అరుణ్‌కుమార్‌ పై కాంగ్రెస్‌ అధిష్ఠానం ఫోకస్‌ పెట్టింది. కాంగ్రెస్‌ పార్టీకి అంతటి కీలకమైన నేత కావడంతో ఉండవల్లిని తిరిగి కాంగ్రె‌స్‌లోకి రావాలంటూ ఆహ్వానం పంపారు. రాష్ట్ర విభజన తర్వాత ఉండవల్లి కాంగ్రె‌స్‌ను సైతం తూర్పారబట్టారు. ఆ పార్టీకి రాజీనామా చేసి కిరణ్‌కుమార్‌రెడ్డి స్థాపించిన సమైక్యాంధ్ర పార్టీలో చేరినా, ఎన్నికలలో మాత్రం పోటీకి దూరంగా ఉన్నారు.

తర్వాత వైసీపీలో చేరతారని ఉండవల్లి అనుచరవర్గం భావించింది. అయితే ఇప్పటికీ అరుణ్‌కుమార్‌ జగన్‌ పార్టీలో చేరలేదు. కానీ ప్రతి ప్రెస్ మీట్ లో, జగన్ కు అనుకూలంగా మాట్లాడుతూ, చంద్రబాబుని విమర్శిస్తూ ఉంటారు. ప్రతి సందర్భంలో, నేను ఇంకా రాజకీయాల్లోకి రాను, ఏ పార్టీలోకి వెళ్ళను, కాని రాజకీయాలు మాట్లాడతూ అని చెప్తూ ఉంటారు. అయితే, కాంగ్రెస్ పార్టీ కోమాలో నుంచి బయటకు వచ్చే ప్రయత్నంలో, పాత నేతలు అందరినీ, తిరిగి సొంత గూటికి ఆహ్వానిస్తున్నారు.ఇందులో భాగంగా, ఉండవల్లిని కూడా తిరిగి పార్టీలోకి ఆహ్వానించటానికి, కాంగ్రెస్ ప్రయత్నాలు మొదలు పెట్టింది.

వచ్చే ఎన్నికలలో కేంద్రంలో కాంగ్రెస్‌ క్రియాశీల పాత్ర పోషిస్తుందన్న అంచనాలు వేసుకుంటున్నారు. ఎన్డీయేకి వ్యతిరేకంగా ఏర్పడుతున్న కూటమికి మద్దతు ఇవ్వడమా? ఎక్కువ సీట్లు వస్తే వారి మద్దతు కూడగట్టుకోవడమా? అనేదానిపై కాంగ్రెస్‌ సీరియ్‌సగా ఉంది. ఈ నేపథ్యంలో రాష్ట్రంలో ఆ పార్టీ ప్రభావం లేకపోయినా, కేంద్రంలో క్రియాశీలకంగా ఉంటుందన్న అంచనాలతో పాత నేతలు కాంగ్రె్‌సలోకి తిరిగి వస్తారని నమ్మకంగా ఉన్నారు. రాష్ట్రంలో ప్రభావంలేకపోయినా కేంద్రంలో బీజేపీయేతర ప్రభుత్వం వస్తే కాంగ్రె్‌సలో ముఖ్య నాయకులకు ఏవేవో పదవులు పొందవచ్చన్న అభిప్రాయంలో కూడా పలువురు నేతలు దృష్టిసారిస్తున్నట్లు చెప్తున్నారు.