news

మా అంత నీతిమంతులు, ఈ ప్రపంచలోనే లేరు, అసలు చరిత్రలో మా అంత విలువలు ఉన్న వారు లేరు అంటూ, రాష్ట్ర బీజేపీ నేతలు చెప్తూ ఉంటారు. మన రాష్ట్రంలో జగన్ టార్చర్ భరించలేక, తెలుగుదేశం పార్టీలో చేరిన వారి గురించి, ఎప్పుడూ ప్రశ్నిస్తూ ఉంటారు. అయితే, వారి ఆరాధ్య రాష్ట్రం, వారికి ఏంటో ఇష్టమైన గుజరాత్ లో జరిగిన సంఘటనకు, మరి ఏమి సమాధానం చెప్తారో. ఇది దేశ ప్రయోజనాల కోసం జరిగింది, ప్రజలే సర్దుకుపోవాలి అంటారేమో.. విషయానికి వస్తే, గుజరాత్‌లో సీనియర్‌ కాంగ్రెస్‌ నేత కున్‌వార్‌జీ బవలియా కాంగ్రెస్‌ పార్టీని వీడి భాజపాలో చేరారు. కాగా ఆయనకు గుజరాత్‌లోని భాజపా ప్రభుత్వం కొన్ని గంటల వ్యవధిలోనే క్యాబినెట్‌ మంత్రి పదవి కట్టబెట్టింది. అంతేకాకుండా ఆయనకు మూడు పోర్ట్‌ఫోలియోలు అప్పగించింది. నీటి సరఫరా, పశు సంరక్షణ, గ్రామీణ గృహ నిర్మాణం శాఖలను కున్‌వార్‌జీకి అప్పగించినట్లు చీఫ్‌ సెక్రటరీ జేఎన్‌ సింగ్‌ వెల్లడించారు. గాంధీనగర్‌లో ఈరోజు క్యాబినెట్‌ సమావేశం నిర్వహించిన అనంతరం ఈ నిర్ణయం తీసుకున్నట్లు తెలిపారు.

తనకు అప్పగించిన శాఖలన్నింటిపైనా తనకు ఆసక్తి ఉందని, అన్ని గ్రామీణ ప్రజలకు సంబంధించనవే అని, ఈ శాఖలకు తాను న్యాయం చేయగలననే నమ్మకం తనకు ఉందని బవలియా విలేకరులకు వెల్లడించారు. బవలియా రాజ్‌కోట్‌లోని జస్దాన్‌ స్థానం నుంచి కాంగ్రెస్‌ పార్టీ తరఫున అయిదు సార్లు ఎమ్మెల్యేగా ఎన్నికయ్యారు. కాగా నిన్న ఆయన కాంగ్రెస్‌ పార్టీకి రాజీనామా చేసి నేరుగా భాజపా కార్యాలయానికి వచ్చి భాజపాలో చేరారు. వెంటనే ఆయనను భాజపా ఆయనను క్యాబినెట్‌ మంత్రిగా నియమించి రాజ్‌భవన్‌కు తీసుకెళ్లి మంత్రిగా ప్రమాణం స్వీకారం చేయించింది. పరిణామాలన్నీ ఒకదాని తర్వాత ఒకటి చకచకా జరిగిపోయాయి.

కాంగ్రెస్‌ అధ్యక్షుడు రాహుల్‌ గాంధీ కుల రాజకీయాలు చేస్తున్నారని బవలియా ఆరోపించారు. సౌరాష్ట్ర ప్రాంతానికి చెందిన బవలియా కోలి వర్గానికి చెందిన వారు. ఆయన భాజపాలో చేరడంతో పార్టీకి ఆ ప్రాంతంలో ప్రభావం బాగా పెరిగే అవకాశం ఉంది. అక్కడ కోలి వర్గానికి చెందిన ప్రజలు ఎక్కువగా ఉంటారు. గత అసెంబ్లీ ఎన్నికల్లో సౌరాష్ట్రలో భాజపాకు ఆశించిన ఫలితాలు రాలేదు. గత ఎన్నికల్లో పటీదార్‌ కులానికి చెందిన వారు రిజర్వేషన్ల కోసం పోరాటం చేయడంతో భాజపాపై తీవ్ర ప్రభావం పడింది. సౌరాష్ట్రలోని 20 అసెంబ్లీ స్థానాల్లో కోలి వర్గానికి చెందిన వారు అధికంగా ఉన్నారు.

బీజేపీ రాష్ట్ర అధ్యక్షుడు కన్నా లక్ష్మీనారాయణకు చేదు అనుభవం ఎదురైంది. నెల్లూరు జిల్లా కావలిలో నిర్వహించిన ర్యాలీలో ఆయనను లక్ష్యం చేసుకొని ఓ వ్యక్తి చెప్పు విసిరాడు. ఈ ఘటన కలకలం రేపింది. దీంతో ఆగ్రహించిన బీజేపీ నేతలు, కార్యకర్తలు తీవ్ర ఆగ్రహానికి గురయ్యారు. చెప్పు విసిరిన వ్యక్తిని పట్టుకొని విచక్షణ లేకుండా కొట్టారు. పోలీసులు ఎంత వారించినా వదిలిపెట్టకుండా, ఆ వ్యక్తిని పట్టుకుని, పది మంది బీజేపీ నేతలు కలిసి కొట్టారు. అనంతరం అతడిని ఒకటో పట్టణ పోలీస్‌ స్టేషన్‌లో అప్పగించారు. ఆ వ్యక్తిని అదుపులోకి తీసుకున్న పోలీసులు విచారించగా.. ప్రకాశం జిల్లా టంగుటూరుకు చెందిన గొర్రిపాటి ఉమామహేశ్వరరావు అని తేలింది. కేసు నమోదు చేసినట్టు పోలీసులు తెలిపారు.

పోలీసులు ఆయనను ప్రశ్నించినప్పుడు లారీ డ్రైవర్‌గా పనిచేస్తున్నానని, రాష్ట్రం పై కేంద్రం చేస్తున్న పనులకు విరక్తి చెంది, అలాగే ఏపీకి జరుగుతున్న నష్టం, కేంద్రం నిధులు ఇవ్వకుండా అన్యాయం చేసిందని, ఆవేశంతోనే చెప్పు విసిరానని ఆయన చెప్పాడు. వెంటనే అక్కడ బీజేపీ కార్యకర్తలు కొట్టారని, నేను చేసింది తప్పు అయితే, వారు చేసింది కూడా తప్పే అని, పోలీసులు వారిని కూడా అరెస్ట్ చెయ్యాలని అన్నారు. అయితే, ఈ విష్యం పై పోలీసులు పూర్తి స్థాయిలో విచారణ జరుపుతున్నారు. ఉమామహేశ్వరరావు స్వస్థలం ప్రకాశం జిల్లా టంగుటూరుగా గుర్తించి, వారి కుటుంబ నేపధ్యం గురించి ఆరా తీస్తున్నారు.

ఈ దాడిపై టీడీపీ నేత బీదా రవిచంద్ర మాట్లాడుతూ.. అది ఓ వ్యక్తి చేసిన ఘాతుకం కాదని, తనకు తెలిసినంత వరకు అతను మా ప్రాంతానికి చెందిన వాడు కాదన్నారు. అయితే, ఈ దాడి బీజేపీ నేతలు మదంతో చేస్తున్న వ్యాఖ్యల పర్యావసానమే అని విశ్లేషకులు అంటున్నారు. ఆంధ్ర రాష్ట్రంలో పుట్టి, ఆంధ్ర రాష్ట్రం కోసం పోరాడకుండా, గుజరాత్ బాస్ లకు దాసోహం అయ్యి, వారి భజన చేస్తూ, వీరు ఆంధ్రప్రదేశ్ రాష్ట్రానికి చేస్తున్న అన్యాయాన్ని, ప్రజలు జీర్ణించుకోలేక పోతున్నారు. అయితే, ప్రజలు ఎన్నికల్లో వీరికి బుద్ధి చెప్పటానికి రెడీ అవుతా ఉండగా, ఉమామహేశ్వరరావు మాత్రం, ఆవేశంతో, చెప్పులతో దాడి చేసారు. ఇలాంటి వారికి, ఓటుతో బుద్ధి చెప్పాలి. కాంగ్రెస్ పార్టీని నామరూపాలు లేకుండా చేసినట్టు, వీరిని కూడా చెయ్యాలి. అంతే కాని, ఇలాంటి దాడులు చేస్తే, ఇలాంటి వారికి మరిన్ని అవకాశాలు మనమే ఇచ్చినట్టు అవుతుంది.

అబద్ధాలతో పెట్రేగి పోయే, బీజేపీ నేత జీవీఎల్ నరసింహారావు, మరో సారి తన అబద్ధాలతో, ప్రజలను మభ్యపెట్టే ప్రయత్నం చేసాడు. నిన్న జీవీఎల్ మాట్లాడుతూ, సీఎం చంద్రబాబు తన రాజకీయ ప్రయోజనాల కోసం రాష్ట్ర అభివృద్ధికి అడ్డుపడుతున్నారని, తనకు కమీషన్లు వచ్చే అభివృద్ధి పనులకు మాత్రమే అంగీకారం తెలుపుతున్నారని ఆరోపించారు. టీడీపీతో కలిసి ఉండడం వల్ల రాష్ట్రంలో తమ పార్టీ చాలా కోల్పోయిందని అన్నారు. రాజకీయ బ్రోకర్లు, కాంట్రాక్టర్‌ బ్రోకర్లను ఏదో ఒక పని పేరుతో తరచూ తన వద్దకు పంపవద్దంటూ ఒక కేంద్ర మంత్రి రాష్ట్ర ముఖ్యమంత్రికి, ఆయన కుమారుడు నారా లోకేశ్‌కు స్వయంగా చెప్పారంటే రాష్ట్రంలో అవినీతి విలయ తాండవాన్ని అర్థం చేసుకోవచ్చని వ్యాఖ్యానించారు. సొంత పనుల కోసం వచ్చే బ్రోకర్లను తన వద్దకు పంపవద్దని లోకేశ్‌కు కేంద్ర మంత్రి చెప్పారని గుర్తుచేశారు.

అయితే, జీవీఎల్ చెప్పిన అబద్ధాల పై, లోకేష్ ట్విట్టర్ లో స్పందించారు. జీవీఎల్ నరసింహారావుకు సవాల్ విసిరారు ఏపీ ఐటీ మంత్రి లోకేశ్. దమ్ముంటే తన ప్రశ్నలకు సమాధానాలివ్వాలని ట్విట్టర్ వేదికగా కోరారు. కేంద్రమంత్రి దగ్గరకు బ్రోకర్‌ను పంపానంటున్న జీవీఎల్... ఆ కేంద్రమంత్రి పేరు, బ్రోకర్‌ పేరును బయటపెట్టాలన్నారు. సహజంగా మనుషులు రెండు రకాలు ఉంటారని, ఒకటి నిజాలు చెప్పే వారు అయితే, అబద్ధాలను నిజమని నమ్మించే వారని అన్నారు. జీవీఎల్‌, అబద్ధాలను నిజమని నమ్మించే రకమని మండిపడ్డారు. . ఢిల్లీలో లాబీయింగ్ అంటూ మరో కట్టుకథ మొదలుపెట్టారని విమర్శించారు. అసత్యాలను ప్రచారం చేయడం బీజేపీ నేతలకు జబ్బుగా మారిందని లోకేశ్ ఎద్దేవా చేశారు.

మరో పక్క ఆంధ్రప్రదేశ్‌ రాష్ట్ర ప్రయోజనాల అంశంలో సుప్రీంకోర్టులో కేంద్ర ప్రభుత్వం దాఖలు చేసిన అఫిడవిట్‌పై రాష్ట్ర మంత్రులు మండిపడుతున్నారు. నారా లోకేశ్‌ ఈ విషయం పై కూడా ట్విట్టర్‌ లో స్పందించారు. సుప్రీంకోర్టులో కేంద్ర సర్కారు దాఖలు చేసిన అఫిడవిట్‌లో ఏపీకి ఏమీ ఇవ్వబోమని పేర్కొన్నారని, ఇది ద్రోహం, వంచనేనని అన్నారు. కాంగ్రెస్‌ ఏపీ ప్రజల నడ్డి విరిస్తే, బీజేపీ నమ్మకద్రోహం చేసిందని అన్నారు. ఆంధ్రప్రదేశ్‌ ప్రజలు బీజేపీకి మర్చిపోలేని గుణపాఠం చెబుతారని అన్నారు. బీజేపీ సిగ్గుపడాలని పేర్కొన్నారు.