news

అమరావతికి బ్రాండ్ ఇమేజ్ కోసం, పెట్టుబడులు కోసం, ప్రపంచంలో బెస్ట్ సిటీస్ లో ఒకటిగా చెయ్యటం కోసం, చంద్రబాబు ఏ అవకాశాన్ని వదులుకోవటం లేదు. ముఖ్యమంత్రి చంద్రబాబు జులై 8, 9 తేదీల్లో సింగపూర్‌లో పర్యటించనున్నారు. అక్కడ జరిగే ప్రపంచ నగరాల సదస్సు (డబ్ల్యూసీఎస్‌)లో ఆయన పాల్గొంటారు. ముఖ్యమంత్రి వెంట మంత్రులు, సీఆర్‌డీఏ, ఏడీసీ, ఈడీబీకి చెందిన అధికారుల బృందం వెళ్లనుంది. సదస్సులో రాజధాని అమరావతి గురించి ప్రసంగించనున్నారు. అమరావతికి సంబంధించి సీఆర్‌డీఏ ప్రత్యేక పెవిలియన్‌ను ఏర్పాటు చేస్తోంది. డబ్ల్యూసీఎస్‌ సింగపూర్‌లో ప్రతి రెండేళ్లకు ఒకసారి జరిగే ప్రపంచస్థాయి సదస్సు. ఈసారి జులై 8-12 వరకు జరగనుంది. సింగపూర్‌ మంత్రి ఈశ్వరన్‌ ఇటీవల రాష్ట్రానికి వచ్చినప్పుడు...సదస్సులో పాల్గొనాలని చంద్రబాబుని ఆహ్వానించారు.

ఈ నెల 8న ఉదయం డబ్ల్యూసీఎస్‌లో జరిగే ప్రపంచ మేయర్ల ఫోరంలో చంద్రబాబు ప్రత్యేక ప్రసంగం చేస్తారు. ఆధునిక నగరాలలో సమీకృతాభివృద్ధి, ఆధునిక సాంకేతిక పరిజ్ఞానాల్ని అందిపుచ్చుకోవడం వంటి అంశాల్లో రాష్ట్ర, స్థానిక ప్రభుత్వాల మధ్య ఉండాల్సిన సమన్వయం, మౌలిక వసతుల అభివృద్ధికి అవసరమైన ఆర్థిక వనరుల్ని సమకూర్చుకోవడంలో అనుసరించాల్సిన వ్యూహాలు వంటి అంశాల్ని ప్రసంగంలో ప్రస్తావిస్తారు. అదే రోజు సాయంత్రం వివిధ దేశాల మేయర్లు, ప్రతినిధులతో జరిగే విందులో పాల్గొంటారు. ఆ మధ్యలో వివిధ కంపెనీలు, సంస్థల ప్రతినిధులతో ద్వైపాక్షిక సమావేశాల్లో పాల్గొంటారు.

జులై 9న ఉదయం జరిగే ‘జాయింట్‌ ఓపెనింగ్‌ ప్లీనరీ సదస్సు’లో సీఎం ప్రసంగిస్తారు. ముఖ్యమంత్రి వెంట ఆర్థిక మంత్రి యనమల రామకృష్ణుడు, పురపాలక మంత్రి పి.నారాయణ, సీఆర్‌డీఏ ముఖ్య కార్యదర్శి అజయ్‌జైన్‌, కమిషనర్‌ చెరుకూరి శ్రీధర్‌ తదితరులు సింగపూర్‌ వెళుతున్నారు. ప్రపంచ నగరాల సదస్సులో సీఆర్‌డీఏ ఏర్పాటు చేసే పెవిలియన్‌ ప్రత్యేక ఆకర్షణగా నిలవనుంది. రాజధానిలో పెట్టుబడులకు అవకాశమున్న వివిధ ప్రాజెక్టులు, అమరావతిని ఆకర్షణీయ నగరంగా తీర్చిదిద్దే క్రమంలో ఏర్పాటు చేసే వసతుల కల్పనలో ఆయా సంస్థల భాగస్వామ్యానికి ఉన్న అవకాశాల్ని ఇందులో ప్రదర్శిస్తారు.

ఈ రోజే డీజీపీగా బాధ్యతలు చేపట్టిన ఆర్పీ ఠాకూర్, విజయవాడ నగర పోలీస్‌ కమిషనర్‌ గౌతమ్ సవాంగ్ కార్యాలయానికి వెళ్లారు. గౌతమ్ సవాంగ్ తో అరగంటకు పైగా భేటీ అయ్యారు. నగరంలో నెలకొన్న పరిస్థితులపై చర్చించారు. కొద్దిసేపు ఆత్మీయంగా పలకరించుకున్నారు. ఒకే బ్యాచ్‌కు చెందిన అధికారులు కావటంతో ఇద్దరి మధ్య డీజీపీ పోస్ట్‌కు పోటీ పెరిగింది. ప్రభుత్వం ఠాకూర్‌ను నియమించటంతో గౌతమ్ సవాంగ్ మనస్థాపానికి గురయ్యారని పోలీసులు వర్గాలు పేర్కొన్నాయి. సంప్రదాయంగా కొనసాగే మాజీ డీజీపీ మాలకొండయ్య రథ వీడ్కోలు యాత్రకు సీపి రాకపోవటంతో ఆయన్ను పలకరించేందుకు ఠాకూర్ సీపీ గౌతమ్ సవాంగ్‌ను కలిశారు. అనంతరం ఇద్దరూ చిరునవ్వులతో బయటకు వచ్చి ఫొటోలకు ఫోజులిచ్చారు. ఈ నేపథ్యంలో డీజీపీ, సీపీల భేటీ విశేషంగా మారింది.

ఆంధ్రప్రదేశ్ కొత్త డీజీపీగా ఆర్‌.పి ఠాకూర్ నియమితులయ్యారు. ఈమేరకు శనివారం ఉదయం ప్రభుత్వం ఉత్తర్వులు జారీ చేసింది. నేటితో డీజీపీ మాలకొండయ్య పదవీ విరమణ చేశారు. దీంతో కొత్త డీజీపీ కోసం సీఎం చంద్రబాబు కసరత్తు చేశారు. చివరకు ఠాకూర్‌ను డీజీపీగా ఖరారు చేశారు. ప్రస్తుతం ఏసీబీ డీజీగా ఆర్పీ ఠాకూర్ ఉన్నారు. ఠాకూర్ వచ్చాక అవినీతి అధికారుల భరతం పట్టారు. దీంతో డీజీపీగా ఠాకూర్ నియమించేంది అనుమానమే అని సావంగ్‌కే అవకాశం ఉందని మొదట ప్రచారం జరిగింది. డీజీపీ ఎంపికపై చంద్రబాబుతో అధికారులు భేటీ అయ్యారు. ఆ తరువాత ఎంపికపై చంద్రబాబు అన్ని కోణాల్లోనూ కసరత్తు చేసి చివరకు ఠాకూర్ వైపు మొగ్గు చూపారు.

అసత్య ఆరోపణలు చేసి రాష్ట్రానికి వచ్చే కంపెనీలను భయపెట్టి లక్షల మంది యువతీ, యువకుల భవిష్యత్తుని దెబ్బతీయకండి అని జనసేన అధినేత పవన్ కళ్యాణ్ పై రాష్ట్రం మంత్రి లోకేష్ ట్విట్టర్లో పేర్కొన్నారు. శనివారం రాత్రి ట్విట్టర్లో స్పందిస్తూ "రాష్ట్ర విభజన తరువాత కనీస మౌలిక వసతులు కూడా లేని పరిస్థితిని అధికమించి ఇప్పుడు ఐటీలో 24వేలు, ఎలక్ట్రానిక్స్ తయారీ రంగంలో 18వేల ఉద్యోగాలు కల్పించాం. మరో 65వేల ఉద్యోగాలు త్వరలోనే రాబోతున్నాయని, వీటికి సంబంధించి భూమి కేటాయింపులు, మౌలిక వసతుల కల్పన పూర్తి అవుతుంది. ఎలక్ట్రానిక్స్ తయారీ రంగంలో 2లక్షల ఉద్యోగాలు కల్పిస్తామని ఇచ్చిన హామీని కట్టుబడి ఉన్నాను.. మీ రాజకీయ ప్రయోజనాల కోసం బురద రాష్ట్రానికి పెట్టుబడులు రాకుండా చెయ్యొద్దని, యువతి, యువకుల పొట్టకొట్టదని మిమ్మల్ని కోరుతున్నాను. ప్రాంక్లిన్ టెంపుల్టన్ లాంటి కంపెనీలు చంద్రబాబు గారి పై ఉన్న నమ్మకంతో రాష్ట్రంలో పెట్టుబడులు పెట్టడానికి ముందుకువచ్చారు. కనీస ఆధారాలు లేకుండా అసత్య ఆరోపణలు చేసి రాష్ట్రానికి వచ్చే కంపెనీలను భయపెట్టి లక్షల మంది యువతీ, యువకుల భవిష్యత్తుని దెబ్బతీయకండి" అని ట్వీట్ చేశారు.

నిజానికి పవన్ కళ్యాణ్ చేసేవి అన్నీ రాజకీయ ఆరోపణలే. ఐటి అభివృద్ధి, వికేంద్రీకరణ జరుగుతూ, ప్రభుత్వం ముందుకు వెళ్తుంది. ఐటి రంగం అభివృద్ధి కేవలం ఒకే ప్రాంతంలో జరగకూడదు, అన్ని ప్రాంతాల్లోనూ ఐటి అభివృద్ధి జరగాలి అనే ఉద్దేశంతో మంత్రి నారా లోకేష్ రాష్ట్రంలో నాలుగు ఐటి క్లస్టర్లు ఏర్పాటు చెయ్యాలి అని లక్ష్యంగా పెట్టుకున్నారు. విశాఖపట్నం, అమరావతి, తిరుపతి, అనంతపురం లో ఐటి క్లస్టర్లు ఏర్పాటు చెయ్యాలి అని నిర్ణయించారు.కేవలం పెద్ద కంపెనీలు మాత్రమే కాదు మధ్య,చిన్న తరహా కంపెనీలు కూడా ఉంటేనే పూర్తి స్థాయి లో ఐటి రంగం అభివృద్ధి చెందుతుంది అని అందరికి సమాన ప్రాధాన్యత కల్పించారు.

విశాఖపట్నం ... తీసుకొచ్చిన వివిధ పాలసీల వలన అనేక పెద్ద కంపెనీలు ఆంధ్రప్రదేశ్ కు వస్తున్నాయి.. 1.ఫ్రాంక్లిన్ టెంపుల్టన్(ప్రపంచంలోనే ఉత్తమ ఫింటెక్ కంపెనీల్లో ఒక్కటి).. 2.కాన్డ్యూయెంట్.. 3.ఏఎన్ఎస్ఆర్(గ్లోబల్ ఇన్ హౌస్ సెంటర్ కంపెనీ).. 4.గూగుల్ ఎక్స్(ప్రపంచంలో అమెరికాలో తప్ప ఇంక ఎక్కడా కార్యాలయం లేని కంపెనీ) మారు మూల ప్రాంతాలకు సైతం ఎఫ్ సాక్ టెక్నాలజీ తో ఇంటర్నెట్ సదుపాయం.. విశాఖపట్నంలో ఎంతో కాలంగా ఖాళీగా ఉన్న హిల్ 1,2 ఇప్పుడు ఐటి కంపెనీలతో నిండిపోయాయి.. మిలీనియం టవర్స్ నిర్మాణం శరవేగంగా జరుగుతుంది.. కాపులపాడ లో ఐటి పార్క్ ఏర్పాటుకు పనులు ప్రారంభం అయ్యాయి..

అమరావతి... 1.హెచ్ సిఎల్ కంపెనీ రాక తో అమరావతి ఐటి ముఖ చిత్రం మారిపోబోతుంది.అధునాతన టెక్నాలజీల పరిశోధన మరియు అభివృద్ధి ఇక్కడ జరగబోతుంది.. 2.పై డేటా సెంటర్.టియర్ ఫోర్ డేటా సెంటర్ ఏర్పాటు అయ్యింది.. సుదీర్ఘ కాలం ఖాళీగా ఉన్న మేధా టవర్స్ లోకేష్ స్పీడ్ తో ఫుల్ అయ్యింది.ఇప్పడు ఫేస్ 2 నిర్మాణం ప్రారంభం అయ్యింది... మంగళగిరి మినీ ఐటి హబ్ గా మారుతుంది ఫై కేర్,ఇన్వికాస్ సహా అనేక కంపెనీలు మంగళగిరిలో కొలువుతీరాయి. ఏపీఎన్ఆర్టి సహకారంతో విజయవాడ,గుంటూరు,విశాఖపట్నం లో ఇండ్ వెల్ టవర్స్,మేధా టవర్స్,కే బిజినెస్ స్పేస్,ఫై కేర్,ఎన్ఆర్టి టెక్ పార్క్ భవనాల్లోకి ఐటి కంపెనీలు వచ్చాయి..

తిరుపతి... 1.జోహో తన కార్యకలాపాలను ప్రారంభించింది..అనంతపురం...బెంగుళూరు సిటి కి దగ్గరగా అనంతపురం జిల్లాలో బెంగుళూరు ప్లస్ ప్లస్ పేరుతో ఐటి పార్క్ ఏర్పాటు చేయబోతున్నారు.. ఎలక్ట్రానిక్స్...2014 లో రాష్ట్ర విభజన సమయానికి ఆంధ్రప్రదేశ్ లో ఎలక్ట్రానిక్స్ తయారీ లేనే లేదు.మంత్రి గా ప్రమాణస్వీకారం చేసిన తరువాత ఏపి ఎలక్ట్రానిక్స్ పాలసీని పెద్ద ఎత్తున ప్రచారం చేసారు.దేశ వ్యాప్తంగా తిరుగుతూ అనేక ఎలక్ట్రానిక్స్ తయారీ కంపెనీల ప్రతినిధులు, అధిపతులతో భేటీ అయ్యారు.చెన్నై,బెంగుళూరు కారిడార్ ను సమర్థవంతంగా వినియోగిచుకుంటూ కంపెనీలను రాష్ట్రానికి తీసుకొస్తున్నారు

రాష్ట్రానికి ఎలక్ట్రానిక్ కంపెనీలు... రాష్ట విభజన నాటికి ఆంధ్రప్రదేశ్ లో ఒక్క ఫోన్ కూడా తయారు కాలేదు.కానీ ఇప్పుడు దేశంలో తయారు అవుతున్న 10 ఫోన్లలో 2 ఆంధ్రప్రదేశ్ లో తయారు అవుతున్నాయి.కేవలం సెల్ ఫోన్లు మాత్రమే కాదు కన్స్యూమర్ ఎలక్ట్రానిక్స్,ఆటో ఎలక్ట్రానిక్స్,డిఫెన్స్ ఎలక్ట్రానిక్స్ తయారీ రాష్ట్రంలో జరిగేందుకు మంత్రి నారా లోకేష్ అనేక చర్యలు తీసుకుంటున్నారు.. 1.ఫాక్స్ కాన్ కంపెనీ ప్రపంచంలోనే అతి పెద్ద ఫోన్ల తయారీ కంపెనీల్లో ఒక్కటి. అలాంటి కంపెనీని రాష్ట్రానికి తీసుకొచ్చేందుకు మంత్రి నారా లోకేష్ కీలక పాత్ర పోషించారు.ఒకే చోట 14 వేల మంది మహిళలు పనిచేస్తున్నారు.. 2.సెల్ కాన్ మొబైల్ తయారీ కంపెనీ.. 3.డిక్సన్ కన్స్యూమర్ ఎలక్ట్రానిక్స్ తయారీ కంపెనీ... 4.కార్బన్ మొబైల్ తయారీ కంపెనీ.. 5.రిలయన్స్ తో సిఐఐ సమ్మిట్ లో కీలక ఒప్పందం...