news

ఆంధ్రప్రప్రదేశ్‌ ప్రజల జీవనాడిగా పేర్కొంటున్న పోలవరం ప్రాజెక్టు నిర్మాణంలో సవరించిన అంచనాలపై చర్చించేందుకు కేంద్ర జల సంఘం కీలక భేటీ నిర్వహించింది. ఆంధ్రప్రదేశ్‌ రాష్ట్ర ప్రభుత్వం సమర్పించిన రెండో డీపీఆర్‌పై చర్చించినట్టు సమాచారం. సవరించిన అంచనాలతో ఇటీవల రూ.57,940 కోట్లతో ఏపీ సర్కార్‌ డీపీఆర్‌ సమర్పించడంతో దానిపై చర్చించేందుకు కేంద్ర జలసంఘం ఛైర్మన్‌ నేతృత్వంలోని కాస్ట్ ఎస్కలేషన్‌ కమిటీ సమావేశమైంది. జులై మూడో వారంలో సాంకేతిక సలహా కమిటీకి దీన్ని పంపుతామని కమిటీ సూత్రప్రాయంగా చెప్పింది. సవరించిన అంచనాలపై చర్చించి నివేదికను తయారు చేయనున్నట్టు వెల్లడించింది. సాంకేతిక సలహా కమిటీ ఆమోదం పొందితే ఆర్థిక సలహా కమిటీ ముందుకు.. అక్కడ ఆమోదం లభిస్తే నేరుగా కేంద్ర కేబినెట్‌ ముందుకు ఈ డీపీఆర్‌ వెళ్లనుంది.

సమావేశానికి కేంద్ర జల సంఘం అధికారులు, చీఫ్‌ ఇంజినీర్లతో పాటు ఏపీ భవన్‌ రెసిడెంట్‌ కమిషనర్‌ ప్రవీణ్‌ ప్రకాశ్‌ కూడా హాజరయ్యారు. పోలవరానికి సవరించిన అంచనాలు గతేడాది ఆగస్టులోనే కేంద్రానికి పంపారు. ఆ తర్వాత మళ్లీ కొన్ని అనుమానాలతో వెనక్కు పంపగా.. వాటికీ సమాధానాలిచ్చారు. కేంద్ర జలసంఘం అధికారులకు ఈ విషయాలపై స్పష్టత లేకపోవడంతో ఇంజినీరింగు అధికారుల్లో దిగువ స్థాయి బృందాలను వారి అనుమానాలు నివృత్తి చేసేందుకు దిల్లీ పంపేవారు. వారు వారి పరిధిలో అంశాలకు మాత్రమే సమాధానాలిచ్చేవారు. భూ సేకరణ, సహాయ పునరావాస కార్యక్రమాలను 2013 భూ సేకరణ చట్టాన్ని అనుసరించి చేపట్టాల్సి ఉన్నందున ఈ వ్యయం భారీగా పెరిగిందని కేంద్రానికి రాష్ట్రప్రభుత్వం ఎన్నోసార్లు తెలియజేసింది. పార్లమెంటరీ ఎస్టీ కమిటీ, కేంద్ర ఎస్టీ కమిషన్‌సహా పలు జాతీయ కమిటీలు పర్యటించి రాష్ట్ర భూసేకరణ, సహాయ పునరావాస కార్యక్రమాలపై పూర్తి సంతృప్తి వ్యక్తం చేశాయి.

అయినా కేంద్రం కొర్రీలు మానలేదు. ఇదే సమయంలో ప్రతిపక్ష వైసీపీతోపాటు.. బీజేపీ, జనసేన పార్టీలూ పోలవరం భూ సేకరణపై ఆరోపణల సంధించడం ప్రారంభించాయి. 2013నాటికి భూ సేకరణ చేపట్టడంలో ప్రభుత్వాలు విఫలం కావడం వల్లే ఈ పద్దు అంచనాలు ఆకాశానికి ఎగబాకాయని రాష్ట్ర జల వనరుల శాఖ మొత్తుకుంటోంది. 2010-11 ధరల ప్రకారం పోలవరం అంచనా వ్యయం రూ.16,010.45 కోట్లు. ఈ మొత్తాన్ని దాదాపు ప్రభుత్వం ఖర్చు చేసింది. తుది అంచనాల ప్రకారం ఇంకా రూ.37,725.21 కోట్లు వ్యయం చేయాల్సి ఉంది. లక్ష్యం మేరకు ప్రాజెక్టు పనులను పరుగులెత్తించాలంటే.. తుది అంచనాలను కేంద్రం తక్షణమే ఆమోదించి.. నిధులు విడుదల చేయాల్సి ఉంది. అయితే గత ఏడాదిన్నరగా కేంద్రం వాస్తవ ధోరణిలో కాకుండా అనుమానాస్పద ధోరణిని ప్రదర్శిస్తూ.. కొర్రీల మీద కొర్రీలు వేస్తూనే ఉంది.

ఆంధ్రప్రదేశ్‌లోని ఒకటైన ప్రతిష్టాత్మక ప్రాజెక్టుకు చెప్పుకుంటున్న కృష్ణా జిల్లా, నాగాయలంక తీర ప్రాంతంలో నిర్మించతలపెట్టిన క్షిపణి ప్రయోగ కేంద్రం ఏర్పాటుకు న్యాయశాఖ గ్రీన్‌ సిగ్నల్‌ ఇచ్చింది. గుల్లల మోద ప్రాంతంలో 154 హెక్టార్లలో ఈ కేంద్రాన్ని ఏర్పాటు చేస్తున్నారు. రెండు దశ ల్లో రూ.1600 కోట్లు ఖర్చు చేసేందుకు రక్షణ శాఖ నిర్ణయం తీసుకుంది. తొలి దశ లో రూ. 600 కోట్లతో, రెండో దశలో వెయ్యి కోట్ల రూపాయలతో క్షిపణి ప్రయోగ కేంద్రం ఏర్పాటుకు న్యాయ శాఖ అనుమతి తెలిపింది. భూసేకరణకు రూ. 35 కోట్లు, అటవీ శాఖకు రూ. 85 కోట్లు చెల్లించినట్లు డీఆర్డీవో ( రక్షణ పరిశోధన, అభివృద్ధి సంస్థ ) వివరణ ఇచ్చింది.

ఒకటి, రెండు రోజుల్లో నోటిఫికేషన్‌ విడుదల చేయనున్నట్టు పర్యావరణ శాఖ ప్రకటించింది. ఒడిశాలోని బాలాసోర్‌ క్షిపణి పరీక్షా కేంద్రం తర్వాత కేంద్రం ఏపీలో ఏర్పాటు చేయబోయే రెండో రక్షణ శాఖ ప్రాజెక్టు ఇదే కావడం విశేషం. బాలాసోర్‌ కంటే మెరుగైన సదుపాయాలతో మరో చోట క్షిపణి కేంద్రాన్ని ఏర్పాటు చేయాలని 2011లో కేంద్ర ప్రభుత్వం నిర్ణ యించింది. తూర్పు తీర ప్రాంతంలోని వివిధ ప్రాంతాలను పరిశీలించిన మీదట కృష్ణా డెల్టా ప్రాంతంలోని గుల్లలమోద ప్రాంతం అనువైనదిగా గుర్తించారు. ఈ ప్రాంతం బంగాళాఖాతంలోకి చొచ్చుకెళ్లినట్టు ఉండడం ఈ ప్రాజెక్టుకు కలిసి వచ్చే అంశం.

ఈ కేంద్రం చుట్టుపక్కల 8 కిలో మీటర్ల పరిధిలో ఎక్కడా జనావాసాలు లేవు. పరిసర ప్రాంతాల్లో దట్టమైన మడ అడవులు ఉన్నాయి. ఈ క్షిపణి కేంద్రం ఏర్పాటు వల్ల తీర ప్రాంతం అంతా కూడా సురక్షితంగా ఉండబోతోంది. పరిసర ప్రాంతాలకు మౌలిక వసతులూ సమకూరనున్నాయి. దాదాపు 6 వందల మంది స్థానికులకు పరోక్షంగా ఉపాధి లభిస్తుంది. సుమారు 3 వందల మంది శాస్త్రవేత్తలు, సిబ్బంది ఈ ప్రాంతంలో నివసించబోతున్నారు. ఆ ప్రాంత ఆర్థికాభివృద్ధికి ఈ ప్రాజెక్టు ఎంతో ఉపయోగ పడబోతోంది.

రాష్ట్రంలో బీజేపీ నేతలు చెప్పే అబద్ధపు ప్రచారాన్ని తిప్పి కొడుతూ, ప్రజలకు ఎప్పటికప్పుడు డాక్యుమెంట్ లతో సహా, చూపిస్తూ, బీజేపీ నేతలకు ఎండగడుతున్న రాష్ట్ర ప్రణాళికా సంఘం ఉపాధ్యక్షుడు కుటుంబరావు పై, బీజేపీ నేతలు ఇష్టం వచ్చినట్టు మాట్లాడుతూ, హేళన చేస్తూ, ఆయన్ను పర్సనల్ గా టార్గెట్ చెయ్యటం మొదలు పెట్టారు. కొన్ని రోజుల క్రితం బీజేపీ అధ్యక్షుడు కన్నా లక్ష్మీనారాయణ కూడా, ఇలాగే కుటుంబరావుని ఇష్టం వచ్చినట్టు మాట్లడారు. దీంతో, ఈ రోజు కుటుంబరావు గారు అనూహ్యమైన నిర్ణయం తీసుకున్నారు. నోటికి ఏది పడితే అది వాగుతున్నా కాన్నా లక్ష్మీనారాయణకు లీగల్ నోటీసులు పంపించారు కుటుంబరావు...

తన పరువుకు నష్టం కలిగేలా కన్నా అనుచిత వ్యాఖ్యలు చేశారని నోటీసులో పేర్కొన్నారు. తనకు వెంటనే క్షమాపణ చెప్పాలని డిమాండ్ చేశారు. లేదంటే సివిల్, క్రిమినల్ చర్యలు తీసుకుంటానని కుటుంబరావు తన నోటీసులో హెచ్చరించారు. నిజానికి కన్నా లక్ష్మీనారాయణ, బీజేపీ అధ్యక్షుడు అయిన దగ్గర నుంచి, ఏది పడితే అది వాగుతూ, ప్రజలని నమ్మించే ప్రయత్నం చేస్తున్నాడు. జగన పార్టీలో చేరటానికి రాత్రికి రాత్రి రెడీ అయ్యి, ప్రెస్ మీట్ పెట్టి, బ్యానర్లు కట్టి, అమిత్ షా ఫోన్ తో హాస్పిటల్ లో చేరి, బేరం కుదుర్చుకుని, బీజేపీ అధ్యక్షుడు అయిన చరిత్ర కన్నాది. కాంగ్రెస్ పార్టీలో అనేక ఆరోపణలు ఎదుర్కున్న వ్యక్తిని తీసుకువచ్చి, బీజేపీ అధ్యక్షుడుని చేసుకున్న ఖర్మ బీజేపీది. ఇలాంటి థర్డ్ క్లాస్ గాళ్ళు, ఇష్టం వచ్చినట్టు మాట్లాడుతుంటే, కుటుంబరావు లాంటి చదువు, సంస్కారం ఉన్న వాళ్ళు ఊరుకుంటారా ? అందుకే లీగల్ నోటీసు పంపించారు.

కుటుంబరావు గారు, అనేక సందర్భాల్లో జీవీఎల్ ని దోషిగా ప్రజల ముందు నిలబెట్టారు. అమరావతి యుసిల దగ్గర నుంచి ఈ రోజు పోలవరం మీద చెప్పే పిట్ట కధలు దాకా, ఈ జీవీఎల్ ఏమి చెప్పినా అబద్ధమే.. ప్రతి సారి ప్రణాళికా సంఘం ఉపాధ్యక్షుడు కుటుంబరావు , ఈ జీవీఎల్ చెప్పే అబద్ధాలను ఎక్ష్పొజ్ చేసి, ప్రజల ముందు దోషిగా నిలబెట్టే వారు. ఇంకా అంతే, ఒకసారి దొరికేసినాక, ఆ విషయం గురించి మాట్లడే వాడు కాదు ఈ జీవీఎల్. అందుకే, కుటుంబరావు మీద వ్యక్తిగత కచ్చి పెట్టుకుంది బీజేపీ. ఈయన విషయం మొత్తం, ప్రజలకు చెప్తూ ఉండటంతో, వీరి అబద్ధపు ప్రచారాలు ప్రజలు నమ్మటం లేదని, అందుకే ఆయన వ్యక్తిత్వం పై దెబ్బ కొట్టే ఎత్తుగడ వేసింది. అయితే, ఈయన రాజకీయ నాయకుడు కాదు కాబట్టి, ఇలాంటి ఆరోపణలు వచ్చిన వెంటనే, నోటీసు పంపించారు. ఇప్పడు కన్నా , ఏమి చేస్తాడో..