news

రాష్ట్రంలో ఎన్నికలను ఎప్పుడు నిర్వహించినా తెలుగుదేశం పార్టీదే విజయమని ముఖ్యమంత్రి, టీడీపీ జాతీయ అధ్యక్షుడు నారా చంద్రబాబు నాయుడు పేర్కొన్నారు. విపక్షాల నిందలను తిప్పికొట్టాలని, నిరంతరం అప్రమత్తంగా వుండాలని కేడర్‌కు పిలుపు నిచ్చారు. మంగళవారం ఉండవల్లిలోని గ్రీవెన్స్‌ సెల్‌లో జరిగిన తెెలుగుదేశం పార్టీ రాష్ట్ర సమన్వయ కమిటీ భేటీలో ఆయన మాట్లాడుతూ ఎన్నికల సంవత్సరం కావడంతో ఇక నుంచి పార్టీ కేడర్‌ ప్రజలతో మమేకం కావల్సిన తరుణం ఆసన్నమైందని చెప్పారు. నాలుగేళ్ళలో చరిత్రలో నిలిచి పోయే పనులు చేశామని పేర్కొన్నారు. 16,707 కోట్ల రూపా యల విలువైన ఇళ్ళ పట్టాల పంపిణీ జరిగిందన్నారు. కేడర్‌ ప్రతి ఇంటినీ సందర్శించడంతో పాటు ప్రతి కుటుంబాన్ని పలకరించాలని నిర్దేశించారు. ప్రజలు ఎదుర్కొంటున్న సమ స్యలను తెలుసుకోవడంతో పాటు టీడీపీ నేతలు నిరంతరం ప్రజలలో వుండాలని, అప్పడే ప్రభుత్వం పట్ల పాజిటివ్‌ వాతావరణం ఏర్పడుతుందన్నారు.

వచ్చే ఎనిమిది నెలల కాలంలో రాష్ట్రంలో ఖాళీగా వున్న ఉద్యోగాలకు నోటిఫికే షన్లు వెలువడుతాయని వెల్లడించారు. మొత్తం 20 వేల ఉద్యోగాలను భర్తీ చేయాలని సంకల్పించినట్టు ప్రకటిం చారు. రాబోయే నాలుగు నెలల కాలంలో మరో 5.763 కోట్ల విలువైన నివేశన స్థలాలకు పట్టాలు ఇవ్వాలని, ప్రైవేటు భూములను కొనుగోలు చేసి పట్టాలు ఇచ్చేందుకు రూ. 500 కోట్లు మంజూరు చేశామన్నారు. విఆర్‌ఏలు, హోం గార్డులు, అంగన్‌వాడి ఉద్యోగులకు వేతనాలు పెంచామని, వీటిని ప్రజలలో బలంగా తీసుకువెళ్ళాలని అన్నారు. పైసా అవినీతి లేకుండా ఇళ్ళ స్థలాలు, పెన్షన్లు, రేషన్‌ కార్డులు,పెళ్ళికానుక, చంద్రన్న బీమా, విద్యార్థులకు ఫీజులు వంటి పథకాల ద్వారా ప్రజలకు వెసులుబాటు కల్పించామని తెలిపారు. ఇప్పటివరకు రాష్ట్రంలో కార్యకర్తలు సంక్షేమ, అభివృద్ధి పథకాలను ప్రజల్లోకి తీసుకుపోవడంలో విజయం సాధిం చామని, ఈ ప్రక్రియను ఇకనుంచి నిరాఘాటంగా కొనసా గించాల్సిన ఆవశ్యకతను నొక్కి చెప్పారు. జులై 16నాటికి ప్రభుత్వం ఏర్పడి 1500 రోజులు అవుతుందని గుర్తుచేశారు. దీంతో పలు కార్యక్రమాలను నిర్వహించాలని పిలుపు నిచ్చారు.

జులై 16 నుంచి జనవరి 10 దాకా షెడ్యూల్‌ ప్రకారం టీడీపీ కార్య క్రమాలు జరగాల్సిన ఆవశ్యకతను గుర్తు చేశారు. అదే రోజు గ్రామదర్శిని కార్య క్రమానికి శ్రీకారం చుట్టడం జరుగు తుందని తెలిపారు. నాలుగు నెలల కాలంలో 75 రోజులు గ్రామ దర్శిని కింద గ్రామ సభలు నిర్వహించాలని చంద్ర బాబునాయుడు తెలియజేశారు. కేంద్రం రాష్ట్ర ప్రభుత్వం పట్ల అనుసరిస్తున్న వైఖరిపై కొనసాగుతున్న ధర్మపోరాటం యధావిధిగా కొనసాగుతుందని చెబుతూ రాష్ట్రానికి చెందిన భారతీయ జనతా పార్టీ నాయకులు పోలవరం ప్రాజెక్టుతో పాటు ఇతర పథకాలకు సంబంధించి నిధుల విడుదల విషయంలో అనుసరిసున్న వైఖరిని ఎండగట్టారు. ఔట్‌ సోర్సింగ్‌ ఉద్యోగుల నుంచి డబ్బులు వసూలు చేస్తున్న వారిపై కఠిన చర్యలు తీసుకుంటామని చంద్రబాబునాయుడు హెచ్చరించారు. అక్రమాలకు పాల్పడేవారిని అరెస్టు చేస్తామని, వారిని అరెస్టు చేసి జైలుకు కూడా పంపుతామని హెచ్చరించారు. పలువురు నిరుద్యోగులను మోసం చేస్తూ వసూళ్ళకు పాల్పడుతున్నవారి పట్ల అప్రమత్తంగా వుండాల్సిందిగా హెచ్చరించారు.

శ్రీవారి పేరుతో రాజకీయాలు చేస్తూ, మత ప్రచారం చేసే వారితో కలిసి తిరుగుతూ, తిరుమలని, శ్రీ వారి పరువుని తీసుకున్న దీక్షితులకు మరో షాక్ తగిలింది. తిరుమల, తిరుపతి దేవస్థానం ఆగమ సలహా మండలి నుంచి శ్రీవారి ఆలయ మాజీ ప్రధాన అర్చకుడు రమణ దీక్షితులును తొలగిస్తూ దేవస్థాన ధర్మకర్తల మండలి తీర్మానం చేసింది. ఆ స్థానంలో నూతన ప్రధాన అర్చకుడుగా ఇటీవల నియమితుడైన వేణుగోపాల దీక్షితులును నియమించింది. ఆలయ అర్చకులు 65 ఏళ్లకు రిటైర్మెంట్‌ కావాలని టీటీడీ పాలకమండలి కీలక నిర్ణయం తీసుకోవడంతో ఇప్పటికే ఆయన ప్రధాన అర్చకుడిగా రిటైరెడ్ అయ్యారు. దీక్షితుల వ్యవహార శైలి, టీటీడీపై చేస్తున్న విమర్శలతోనే ఈ కీలక నిర్ణయం తీసుకున్నట్లు తెలుస్తోంది. మంగళవారం జరిగిన టీటీడీ ధర్మకర్తల మండలి సభ్యుల సమావేశంలో ఈ మేరకు చేసిన తీర్మానాన్ని ఆమోదించారు. ఇప్పటికే అర్చక పదవి నుంచి తొలగించిన టీటీడీ.. ఇప్పుడు ఆగమశాస్త్ర సలహాదారు పదవికి నుంచి కూడా తొలగించడం చర్చనీయాంశంగా మారింది.

తిరుమల శ్రీవారి విరాళాల వినియోగంలో ఆచితూచి వ్యవహరించాలని, తెలుగు రాష్ట్రాల్లో ఈ-దర్శన్ కౌంటర్లు నిర్వహించాలని పలువురు సభ్యులు సూచించారు. ఒంటిమిట్ట కోదండరామస్వామి ఆలయం అభివృద్ధికి మొదటి విడత రూ.36 కోట్లు, తిరుమలలో మరుగుదొడ్ల నిర్మాణానికి రూ.15 కోట్లు, ప్రకాశం జిల్లా దుద్దుకూరులో చెన్నకేశవస్వామి ఆలయం పునరుద్ధరణకు రూ.25 లక్షలు కేటాయించినట్టు టీటీడీ ఈవో తెలిపారు. తిరుమలలో రూ.70 కోట్లతో భక్తుల వసతి సముదాయం నిర్మాణానికి స్థల పరిశీలనకు నిర్ణయించినట్టు చెప్పారు.

కాగా, ఆగమ సలహా మండలి సభ్యుడిగా ప్రధాన అర్చకుడు వేణుగోపాల దీక్షితులును టీటీడీ నియమించింది. అర్హులైన మిరాశి వంశస్థులైన 12 మందిని అర్చకులుగా నియమించామని, ఇందులో నలుగురు తిరుమలకు, మిగిలిన 8 మందిని గోవిందరాజుస్వామి ఆలయంలో అర్చకులుగా నియమించినట్టు తెలిపారు. సమావేశంలో సభ్యులు సుధా నారాయణమూర్తి, శివాజీ, బొండా ఉమామహేశ్వరరావు, రాయపాటి సాంబశివరావు, రుద్రరాజు పద్మరాజు, మేడా రామకృష్ణారెడ్డి, డొక్కా జగన్నాథం, శ్రీకృష్ణ, అశోక్‌రెడ్డి, పార్థసారథి, ఇ.పెద్దిరెడ్డి, దేవాదాయశాఖ కమిషనరు అనూరాధ పాల్గొన్నారు. గత ఏడాది ఏప్రిల్‌ నుంచి ఈ ఏడాది ఏప్రిల్‌ వరకూ తలనీలాల ద్వారా రూ.133.33 కోట్ల ఆదాయం వచ్చిందని అధికారులు మండలి దృష్టికి తెచ్చారు.

కడపలో స్టీల్ ప్లాంట్ కోసం తెలుగుదేశం ఎంపీ సీఎం రమేష్, బీటెక్ రవి చేపట్టిన ఆమరణ దీక్ష ఎనిమిదో రోజుకు చేరుకుంది. మరో పక్క దీక్షకు దిగిన ఎంపీ సీఎం రమేస్, బీటెక్ రవి ఆరోగ్యం విషమిస్తోంది. గత వారం రోజులుగా దీక్ష చేస్తుండటంతో ఇరువురి షుగర్ లెవల్స్ తగ్గుతున్నట్లు వైద్యులు తెలిపారు. అలాగే ఇతర అనారోగ్య సమస్యలతోనూ రమేష్, బీటెక్ రవి ఇబ్బందులకు గురవుతున్నారు. ఈ క్రమంలో దీక్ష విరమించాలని వైద్యులు సూచించారు. అయితే స్టీల్ ప్లాంట్‌పై కేంద్రం దిగివచ్చే వరకు దీక్ష విరమించబోమని సీఎం రమేష్ స్పష్టం చేశారు. వీరి దీక్షలకు మద్దతుగా రేపురాష్ట్ర వ్యాప్తంగా ర్యాలీలు చేపట్టాలని తెలుగుదేశం నిర్ణయించింది. మరో వైపు రాష్ట్రం నలుమూలల నుంచీ రమేష్, బీటెక్ రవిల దీక్షలకు సంఘీభావం ప్రకటిస్తూ పెద్ద సంఖ్యలో జనం దీక్షా శిబిరం వద్దకు చేరుకుంటున్నారు.

అయితే వీరి దీక్ష పై అటు కేంద్రం, గవర్నర్ ద్వారా ఆరా తీస్తుంది. ముందుగా ఈ దీక్షకు పెద్దగా ప్రజల్లో మద్దతు లేకపోయినా, రోజులు గడుస్తున్న కొద్దీ, వీరు చిత్తశుద్ధితో ఉన్నారనే అభిప్రాయంతో, ప్రజల్లో సానుభూతి పెరుగుతుంది. ఇదే విషయం గవర్నర్ కేంద్రానికి చెప్పినట్టు తెలుస్తుంది. రమేష్ ఆరోగ్యం నిలకడగా ఉన్నా, రవి ఆరోగ్యం మాత్రం ఆందోళనగా ఉందని, ఆయన షుగర్ పేషెంట్ కావటంతో చాలా జాగ్రత్తగా ఉండాలని, జరగరానిది ఏమైనా జరిగితే ఇబ్బంది అని గవర్నర్ చెప్పినట్టు తెలుస్తుంది. దీంతో వీరి దీక్షకు ఎంత తొందరగా ముగింపు పలికితే అంత మంచిది అని, అవసరం అయితే సెంట్రల్ ఫోర్సు రంగంలోకి దించి దీక్ష భగ్నం చెయ్యమని, కేంద్రం, గవర్నర్ కు చెప్పినట్టు తెలుస్తుంది.

అయితే, అన్నీ గమనిస్తున్న చంద్రబాబు, పరిస్థితిని సమీక్షించేందుకు అత్యవసరంగా కడపకు వెళ్లాలని మంత్రి గంటా శ్రీనివాస్ ను చంద్రబాబునాయుడు ఆదేశించారు. వీరి దీక్షలు ముగిసేవరకూ కడపలోనే ఉండాలని కూడా గంటాను చంద్రబాబు కోరినట్టు తెలుస్తోంది. దీక్ష చేస్తున్న ఇద్దరితో చర్చించి, అలాగే డాక్టర్ ల సూచనలు తీసుకుని, వారు ఆసుపత్రికి వెళ్లేలా చూడాలని చంద్రబాబు సూచించినట్టు సమాచారం. ప్రాణం కంటే విలువైనది ఏది లేదని, ఒత్తిడి తేవటం కోసం దీక్ష చేసాం, దేశంలో అన్ని పార్టీలు గుర్తించాయి, కేంద్రం పై వివిధ మార్గాల్లో ఒత్తిడి తీసుకువద్దాం అంటూ చంద్రబాబు చెప్తున్నట్టు తెలుస్తుంది. ఇప్పటికే 8 రోజులు అయ్యింది అని, ఇక ఆరోగ్యం సహకరించే అవకాసం ఉండదని, ప్రతి నిమిషం చాలా జాగ్రత్తగా చూసుకోవాలని, చెప్పినట్టు సమాచారం. సీఎం ఆదేశాలను అందుకున్న మంత్రి గంటా, ఈ ఉదయం కడపకు బయలుదేరారు.