news

రాజశేఖర్ రెడ్డి ముద్దుగా పెద్ద కొడుకు అని పిలుచుకునే వ్యక్తి, జగన్ మోహన్ రెడ్డికి సోదర సమానుడు... ఇది జగన్ బ్యాచ్ గాలి జనార్ధన్ రెడ్డి గురించి ముద్దుగా పిలుచుకునే తీరు... సామాన్య ప్రజలు మాత్రం, సహజ వనరులు కొట్టేసిన దొంగ... బెయిల్ కోసం జడ్జికే లంచం ఇచ్చిన వాడు.. జైలు జీవితం అనుభవించి, కండీషనల్ బెయిల్ పై, బయట తిరుగుతున్న వాడిగా పిలుస్తారు.. ఓబులాపురం గనుల కొట్టేసి, లక్షల కోట్లు వెనకేసుకున్న గాలి జనార్ధన్ రెడ్డి, ఎట్టకేలక తెలుగు మీడియా ముందుకు వచ్చాడు.. అది కూడా, స్టీల్ ప్లాంట్ కోసం.. ఒక పక్క, బీజేపీ, జగన కలిసి, గాలి జనార్ధన్ రెడ్డికి స్టీల్ ప్లాంట్ కట్టబట్టే కుట్ర చేస్తున్నారు అనే విమర్శలు చేస్తూ ఉండగానే, ఈయన మీడియా ముందుకు వచ్చాడు.

బ్రాహ్మణి స్టీల్స్ కోసం దాదాపు రూ.1350 కోట్లు ఖర్చు పెట్టానని, కడపలో స్టీల్ ప్లాంట్ పనులు తనకే అప్పగించాలని కోరారు. ఒకవేళ స్టీల్ ప్లాంట్ పనులు వేరే వాళ్లకు కేటాయిస్తే, తాను పెట్టిన పెట్టుబడిని తిరిగి ఇచ్చేయాలని డిమాండ్ చేశారు. ప్రభుత్వం అనుమతిస్తే రెండేళ్లలో ఫ్యాక్టరీ నిర్మించి చూపిస్తానని, అవసరమైతే, చంద్రబాబును కలిసేందుకు సిద్ధంగా ఉన్నానని, బ్రాహ్మణి స్టీల్స్ కు సంబంధించిన అన్ని వివరాలు అందజేస్తానని చెప్పారు. కడప జిల్లాలో స్టీల్ ఫ్యాక్టరీ ఏర్పాటు సాధ్యం కాదంటూ మెకాన్ సంస్థ నివేదిక ఇవ్వడాన్ని తప్పుబట్టారు. కడపలో స్టీల్ ఫ్యాక్టరీ ఏర్పాటుకు అన్ని అవకాశాలు ఉన్నాయని గతంలో ఇదే సంస్థ నివేదిక ఇచ్చిన విషయాన్ని గుర్తు చేశారు.

నిజానికి, ఆ ఖర్చు పెట్టిన రూ.1350 కోట్లకు సంబదించిన మిషనరీ, సిబిఐ జప్తు చేసింది. ఎందుకంటే, అది కూడా ప్రజల దగ్గర కొట్టేసిన డబ్బు కాబట్టి. అంతే కాదు, ఈ బ్రాహ్మణి స్టీల్స్ కోసం రాజశేఖర్ రెడ్డి చేసిన అరాచకం ఎవరూ మర్చిపోలేదు. ఎకరా 18000 లెక్క పదివేల ఎకరాలు, వైస్, గాలి జనార్దనరెడ్డికి కి ఇస్తుంటే, ఏడ్చిన వారిని, మరింత ఎగతాళి చేసేలా, విమానాశ్రయంకు కూడా అని, మరో నాలుగు వేల ఎకరాలు ఇచ్చాడు, కావాలంటే మరో పదివేల ఎకరాలు ఇస్తా అన్నాడు. వచ్చి పడిన వేల ఎకరాల భూములను బ్యాంకులో తాకటెట్టాడు గాలి. వైఎస్ కు బుల్లెట్ ప్రూఫ్ బస్సు ఇచ్చాడు. జగన్ కంపెనీలలో పెట్టుబడులు పెట్టారు. బ్రహ్మణి ఉక్కు భ్రమలు మెల్లగా వీడిపోయాయి. ఇప్పుడు గాలి జనార్ధన్ రెడ్డి, మళ్ళీ వచ్చి, నేను స్టీల్ ప్లాంట్ కడతాను, నాకు ఇవ్వండి అంటున్నాడు.. ఒక దొంగకి, ఏ ప్రభుత్వం అన్నా, ఇలాంటివి ఇస్తుందా ? లేకపోతే డబ్బులు తిరిగి ఇవ్వాలి అంట, ఈయన గారు కష్టపడి సంపాదించిన సొమ్ము మరి...

రాజధాని ప్రాంతంలోని కృష్ణా కరకట్ట రహదారిని 4 లేన్లుగా విస్తరించాలనే ప్రతిపాదన మరోసారి తెరపైకి వచ్చింది. కరకట్టను నాలుగు లేన్లుగా అభివృద్ధి చేయడం వల్ల అమరావతి తదితర ప్రాంతాలకు తక్కువ సమయంలో చేరుకోవడమే కాకుండా రాజధాని ప్రాంతం భవిష్యత్తులో వరదల బారిన పడకుండా ఉంటుందనే ఉద్దేశంతో సీఆర్‌డీఏ 2016 జనవరిలో నిర్ణయించింది. సీతానగరం పీడబ్ల్యూ వర్క్‌షాప్‌ నుంచి తాళ్లాయపాలెం, వైకుంఠపురం, అమరావతి, ధరణికోట, పొందుగల, అంబడిపూడి, తాడువాయి, మాదిపాడు అగ్రహం వరకూ కరకట్ట విస్తరించి ఉంది. దీనిని ఎత్తు, వెడల్పులను పెంచి పటిష్టం చేయడం వల్ల రవాణా వ్యవస్థ మెరుగవుతుందనేది అధికారుల భావన.

ఇందుకు సంబంధించి రూపొందించిన ప్రతిపాదనలో రూ. 3,600 కోట్ల వ్యయంతో తొలి దశలో 72 కిలోమీటర్ల రహదారిని 4 లేన్లుగా నిర్మించాలని పేర్కొంది. కరకట్ట సమీపంలోనే ముఖ్యమంత్రి చంద్రబాబు నివాసం ఏర్పాటు చేసుకోవడంతో ప్రకాశం బ్యారేజ్‌ సమీపం నుంచి కరకట్టను కొంతమేరకు విస్తరించి తారు రోడ్డు నిర్మించారు. ఇదిలా ఉండగా సీఎం నివాసం వద్దే గ్రీవెన్స్‌ సెల్‌ను కూడా ఏర్పాటు చేయడంతో కరకట్టపై వాహనాల రాకపోకలు ఎక్కువయ్యాయి. నిత్యం ఇక్కడ ఏదో ఒక కార్యక్రమం, సమీక్షలు, సమావేశాలు నిర్వహిస్తుండడంతో కరకట్ట వినియోగం బాగా పెరిగింది. అయితే ఇరుకుగా ఉండడం వల్ల మంత్రులు, ఉన్నతాధికారుల వాహనాలు మినహా మిగిలిన వాటిని ఉండవల్లి మీదుగా మళ్లించిన సందర్భాలు అనేకం.

ఇక శాసనసభ సమావేశాలు జరిగే సమయంలో అయితే ఈ మార్గం మరింత రద్దీగా తయారయ్యేది. పలు సందర్భాలలో కరకట్టపై చిన్న చిన్న ప్రమాదాలు కూడా జరిగాయి. ఈ నేపథ్యంలో ఇటీవల అమరావతి అభివృద్ధిపై చంద్రబాబు అమరావతి అభివృద్ధి సంస్థ (ఏడీసీ) సీఎండీ లక్ష్మీపార్ధసారథితో నిర్వహించిన సమీక్షలో కరకట్ట అంశం ప్రస్తావనకు వచ్చింది. కరకట్టను పటిష్టపరచి 4 లేన్లుగా విస్తరిస్తే వాహనాలలో సురక్షితంగా ప్రయాణించవచ్చని సీఎం సూచన చేశారు. దీంతో రెండున్నరేళ్ల తర్వాత కరకట్ట విస్తరణ మరోసారి తెరపైకి వచ్చినట్లయింది. ఇప్పటికే రాజధాని ప్రాంతంలో సీడ్‌ యాక్సిస్‌ రహదారుల నిర్మాణం శరవేగంగా జరుగుతున్నాయి. ప్రకాశం బ్యారేజ్‌ దక్షిణం వైపున ఉన్న పాత గ్రాండ్‌ ట్రంక్‌ రోడ్‌ నుండి కృష్ణా కుడి ప్రధాన కాలువ, కొండవీటి వాగులపై నూతనంగా 4 లేన్ల వంతెలను నిర్మించవలసి ఉంటుందని అధికారులు పేర్కొంటున్నారు. కరకట్ట రహదారి పూర్తి స్థాయిలో అందుబాటులోకి వస్తే ప్రధాన ప్రవేశ ద్వారంగా ఉన్న విజయవాడ నుంచి రాజధానికి రెండు రహదారులు అందుబాటులోకి వస్తాయన్నారు.

దేశంలో ముందస్తు ఎన్నికల హడావిడి మొదలైంది... డిసెంబర్ లో ఎన్నికలు దాదాపు ఖరారు అయ్యాయి. పార్లమెంట్ స్థానాలకి ఎన్నికలు వస్తే, మన రాష్ట్రంలో కూడా అసెంబ్లీ ఎన్నికలు దాదాపు వచ్చేస్తాయి. రాజకీయ పరిణామాలు పర్ఫెక్ట్ గా అంచనా వేసే చంద్రబాబు, ముందుస్తు ఎన్నికలు వస్తాయని ఎప్పటి నుంచో అంచనాతో ఉన్నారు. ఇప్పటికే ప్రభుత్వ పరంగా, పార్టీ పరంగా కూడా కసరత్తు ప్రారంభించారు. డిసెంబర్ లో ఎన్నికలు వస్తే అన్ని విధాలుగా అనుకూలంగా ఉంటుందని చంద్రబాబు భావిస్తున్నారు. దీనికి అనేక కారణాలు కూడా ఉన్నాయి. డిసెంబర్ లో రైతులకు ఎలాంటి సమస్యలూ ఉండవు. అప్పటికే సాగునీటి అవసరాలకు సంబంధించిన నీటిని ప్రభుత్వం సులువుగానే అందించగలుగుతుంది.

వర్షపాతం తక్కువగా నమోదైనా... ఆ ఇబ్బందులు డిసెంబర్ లో కనిపించవు. పట్టిసీమ ద్వారా వచ్చే నీటిని కృష్ణా డెల్టాకు పంపి.. శ్రీశైలం ద్వారా కనీసం వంద టీఎంసీల నీటిని రాయలసీమకు పంపగలిగినా.. తెలుగుదేశం పార్టీకి రైతుల్లో సానుకూలత వస్తుంది. ఇప్పటికే అనంతపురం లాంటి జిల్లాల్లో గత ఏడాది... పారిన కృష్ణానీరు తెలుగుదేశం పార్టీ నేతల్లో ఆత్మవిశ్వాసం నింపింది. ఇక పోలవరం ప్రాజెక్ట్ నిర్మాణం విషయంలో రాష్ట్ర ప్రభుత్వానికి ఎలాంటి ఇబ్బందులు లేవు. కేంద్రం సహకరించకపోయినా, రాష్ట్ర బడ్జెట్ లో డబ్బులు కేటాయించి, పనులు పరుగులు పెట్టిస్తున్నారు. ఈ ప్రాజెక్ట్ ఇప్పటికే కీలక దశలను పూర్తి చేసుకుంది. ఈ విషయంలో ప్రజలు చంద్రబాబు కృషిని గుర్తిస్తున్నారు కూడా. ఏ వర్గం అసంతృప్తికి గురి కాకుండా.. ఇప్పటికిప్పుడు నిర్ణయాలు తీసుకుంటున్నారు. హోంగార్డులు, అంగన్వాడిల జీతాలు పెంపు నిర్ణయం ఈ కోవలోకే వస్తుంది. ఇక ప్రధాన పండుగలకు అన్ని వర్గాలకు ఉచితంగా కానుకలు పంపిణీ చేస్తూ... ప్రభుత్వంపై సానుకూల ధోరణి పెరిగేలా చేసుకున్నారు.

చంద్రబాబు పథకాలు ప్రవేశ పెట్టడమే కాదు.. అవి అందుకున్న లబ్దిదారుల నుంచి...సరిగ్గా అందాయా లేదా అని వాకబు చేసేందుకు ప్రత్యేకంగా ఆర్టీజీఎస్ వ్యవస్థను ఏర్పాటు చేసుకుంది. దీంతో ప్రజలకు ప్రభుత్వంలో ఓ జవాబుదారీ తనం కనిపిస్తోంది. ప్రధానంగా ప్రభుత్వంపై ప్రజల్లో సానుకూల స్పందన రావడానికి ఇదో కారణంగా టీడీపీ వర్గాలు భావిస్తున్నాయి. ఇక కేంద్రం పై ప్రజలు ఎంత కోపంగా ఉన్నారో చెప్పే పని లేదు. వైసిపీ, జనసేన చేస్తున్న పనులతో, వారు బీజేపీ చెప్పినట్టు ఆడిస్తున్నారు అనే అభిప్రాయం ప్రజల్లో ఉంది. టీడీపీ లేకపోతే వైసీపీ ఉందన్న కారణంగానే .. కేంద్రం ఏపీకి అన్యాయం చేస్తుందన్న ప్రచారాన్ని టీడీపీ బలంగా ప్రజల్లోకి తీసుకెళ్లింది. దీన్ని తిప్పికొట్టడంలో వైసీపీ విఫలమయింది. బీజేపీని వ్యతిరేకించలేని నిస్సహాయితతో, వైసీపీ, జనసేన ఉన్నాయి. ఇక చంద్రబాబు ప్రభుత్వానికి ఏదన్నా ఇబ్బంది ఉందీ అంటే, అది అమరావతి నిర్మాణం మాత్రమే. రోడ్లు, తదితర ఇన్ఫ్రా పనులు వేగంగా జరుగుతున్నా, ఐకానిక్ బిల్డింగ్స్ నిర్మాణం మొదలు కాకపోవటం ఒక్కటే ఇబ్బంది. అయితే, ఈ పనులు కూడా మరో నెలలో మొదలు కానున్నాయి. డిసెంబర్ నాటికి ఆరు నెలలు సమయం ఉంటుంది కాబట్టి, ఆ టైంకు ఒక షేప్ చూపించే అవకాశం ఉంది. మొత్తానికి, ఢిల్లీతో కుమ్మకైన ప్రతిపక్ష పార్టీలు, నీరు, సంక్షేమ పధకాలు, గ్రామాల్లో సిమెంట్ రోడ్లు, డ్రైనేజీలు, వీధి లైట్లు, కియా లాంటి ప్రముఖ కంపెనీల పెట్టుబడులు, అన్నిటికంటే మించి జగన్, పవన్, ఢిల్లీతో కుమ్మకు, చంద్రబాబు మాత్రమే ఈ రాష్ట్రాభివృద్ధికి అవసరం అనే భావనతో, ముందస్తుకు సై అంటుంది అధికార పక్షం...