news

ఇటీవల కాలంలో, గవర్నర్ వ్యవస్థ మీద, వస్తున్న విమర్శలు తెలిసిందే. దేశంలో అన్ని రాష్ట్రాలలో ఉన్న గవర్నర్ల చేత, బీజేపీ ఎలాంటి రాజకీయం చేస్తుందో అందరూ చూస్తూనే ఉన్నారు. మొన్నటి మొన్న కర్ణాటక ఒక ఉదాహరణ. మరో పక్క మన గవర్నర్ గురించి తెలిసిందే. గవర్నర్‌కు మధ్య జరిగిన సంవాదం. కేంద్ర ప్రభుత్వ ప్రతినిధిగా గవర్నర్‌ వ్యవస్థ వ్యవహరిస్తూ ఉంటుంది. రాష్ట్ర ప్రభుత్వాలకు అనుకూలంగా లేదా వ్యతిరేకంగా కేంద్రానికి నివేదికలు పంపేది గవర్నర్‌లే! నరసింహన్‌లాంటి గవర్నర్‌ ఇలాంటి విషయాలలో మరీ చురుకుగా వ్యవహరిస్తూ ఉంటారు. నరసింహన్‌ రెండు తెలుగు రాష్ర్టాలకూ గవర్నర్‌ అయినప్పటికీ తెలంగాణ ప్రభుత్వాన్ని మాత్రమే భుజానికెత్తుకుని మోయడానికి కేసీఆర్‌ అనుసరిస్తున్న ఎత్తుగడే కారణం అని ఏపి వర్గాలు అనుకుంటూ ఉంటాయి.

గవర్నర్లను కేంద్ర ప్రభుత్వం నియమిస్తుంది కనుక కేంద్రంలో అధికారంలో ఉన్న పార్టీకి అనుకూలంగా గవర్నర్లు వ్యవహరించడం ఎప్పటి నుంచో ఉంది. కేంద్రంలో ఒక పార్టీ, రాష్ట్రంలో మరో పార్టీ అధికారంలో ఉన్నప్పుడు గవర్నర్లు వివాదాస్పదం అవుతుంటారు. ఎన్టీఆర్‌ హయాంలో కేంద్రంలో కాంగ్రెస్‌ పార్టీ అధికారంలో ఉండేది. ఆ కారణంగా ఎన్టీఆర్‌ ప్రభుత్వానికి నాటి గవర్నర్లు చికాకులు కలిగించేవారు. ఆ పరిస్థితిని భరించలేని ఎన్టీఆర్‌, గవర్నర్ల వ్యవస్థను రద్దు చేయాలని ఉద్యమమే చేశారు. చంద్రబాబు కూడా గత కొన్ని రోజులుగా గవర్నర్ పై, మండి పడుతున్నారు. ఏపీలో అధికార తెలుగుదేశం పార్టీకి వ్యతిరేకంగా ఇతర పార్టీలను గవర్నరే కలుపుతున్నారనే వార్తలు వస్తున్నాయన్నారు. పంచాయతీరాజ్‌ జాతీయ దినోత్సవం సందర్భంగా తూర్పుగోదావరి జిల్లా ద్వారపూడిలో సభలో చంద్రబాబు అన్నారు. ఇప్పుడు మరో సారి, ట్విట్టర్ వేదికగా, గవర్నర్ వ్యవస్థ పై మండి పడ్డారు.

గవర్నర్ కార్యాలయాన్ని రాజకీయ అవసరాలకు వాడుకునే కొత్త సంస్కృతికి భాజాపా తెరలేపిందని చంద్రబాబు విమర్శిస్తూ ట్వీట్ చేసారు. కేంద్రంలోని అధికార పార్టీ ఈ విధంగా వ్యవహరించడం రాజ్యాంగ విరుద్ధంగా ఉందని, ఇలా చేయడం తగదని ఆయన హితవు పలికారు. తెలుగు రాష్ట్రాల ఉమ్మడి గవర్నర్‌ నరసింహన్‌ దిల్లీలో ప్రధాని నరేంద్ర మోదీ, రాజ్‌నాథ్ సింగ్‌తో సమావేశమైన తరుణంలో ముఖ్యమంత్రి చంద్రబాబు ఈ విధంగా ట్వీట్‌ చేయడం సర్వత్రా చర్చనీయాంశమైంది. అలాగే, దిల్లీలోని కేజ్రీవాల్ ప్రభుత్వానికి చంద్రబాబు తన పూర్తి మద్దతు తెలుపుతూ మరో ట్వీట్‌ చేశారు. గవర్నర్‌ వ్యవస్థ, దిల్లీ ప్రభుత్వానికి సంబంధించి రెండు వేర్వేరు ట్వీట్‌లను సీఎం ఈ సాయంత్రం పోస్ట్‌ చేశారు.

ఢిల్లీలో బీజేపీ పెద్దలతో వైసీపీ ఎమ్మెల్యే బుగ్గన రాజేంద్రనాథ రెడ్డి భేటీ కావడం రెండుపార్టీల కుట్రలకు పరాకాష్ట అని ఏపీ ముఖ్యమంత్రి చంద్రబాబు నాయుడు విమర్శించారు. శుక్రవారం ఎంపీలతో, మంత్రులతో సమావేశం నిర్వహించారు. ఈ భేటీలో ప్రధానంగా ఈనెల 17న జరగనున్న నీతి అయోగ్ సమావేశం, ఏపీకి జరిగిన అన్యాయం, కుట్ర రాజకీయాలపై చర్చించినట్లు తెలియవచ్చింది. ఈ సందర్భంగా సీఎం చంద్రబాబు మాట్లాడుతూ పీఎంవోలో విజయసాయిరెడ్డి తిష్ట వేయడంపై గతంలో ఫొటోలు వచ్చాయని, ఇప్పుడు ఢిల్లీలో బుగ్గన, ఆకులతో కలిసివెళ్లడంపై వీడియోలు వచ్చాయన్నారు. గతంలో రాష్ట్రపతి, ఉపరాష్ట్రపతి ఎన్నికల్లో.. బీజేపీకి అడగకుండానే వైసీపీ బేషరతుగా మద్దతిచ్చిందని చంద్రబాబు విమర్శించారు.

దిల్లీ వెళ్లి భాజాపా పెద్దలతో బుగ్గన రాజేంద్రనాథ్ రెడ్డి భేటీ కావడం.. వైకాపా, భాజపా కుట్రలకు పరాకాష్ట అని చంద్రబాబు అన్నారు. సీఎంవోలో విజయ్‌సాయిరెడ్డి తిష్టవేయడంపై గతంలో ఫోటోలు వచ్చాయని, ఇప్పుడు దిల్లీలో బుగ్గన, ఆకులతో కలిసి వెళ్లడంపై వీడియోలు కూడా వచ్చాయని అన్నారు. గతంలో రాష్ట్రపతి, ఉపరాష్ట్రపతి ఎన్నికల్లో భాజాపా అడక్కుండానే వైకాపా భేషరతుగా మద్దతు పలకడాన్ని చంద్రబాబు గుర్తుచేశారు. రాష్ట్రానికి తీవ్ర అన్యాయం చేసిన బీజేపీని జగన్‌ ఎందుకు నిలదీయడంలేదని, ప్రధాని మోదీని ఎందుకు ప్రశ్నించడంలేదని చంద్రబాబు ప్రశ్నించారు. రెండు పార్టీల కుట్ర రాజకీయాలకు ఇంతకన్నా రుజువులు ఏం కావాలని ఆయన అన్నారు. బీజేపీ, వైసీపీ, కాంగ్రెస్ కుట్ర రాజకీయాలను ప్రజల్లోకి తీసుకెళ్లాలని నేతలకు చంద్రబాబు సూచించారు

ఎంపీలు అన్ని జిల్లాల్లో వారానికో కార్యక్రమం చేపట్టాలని ముఖ్యమంత్రి చంద్రబాబు ఆదేశించారు. పొత్తుతో సాధించలేనిది, పోరాటంతో సాధించాలని పిలుపునిచ్చారు. పోరాటంలో ప్రతి నిమిషం అమూల్యమన్న చంద్రబాబు.. అనుక్షణం అప్రమత్తంగా ఉండాలని, ఏమరపాటు తగదని దిశానిర్దేశం చేశారు. వెనుకబడిన జిల్లాలకు ఇచ్చిన 350కోట్ల రూపాయలు వెనక్కి తీసుకోవడంపై కేంద్రాన్ని నిలదీయాలని చంద్రబాబు ఎంపీలకు దిశానిర్దేశం చేశారు. పోలవరం ప్రాజెక్టుకు నిధుల విడుదలలో జాప్యాన్ని నిరసించాలని సూచించారు. రాజధాని అమరావతికి నిధులు విడుదలయ్యేలా ఒత్తిడి చేయాలన్నారు. చట్టంలో 18అంశాలు, 6 హామీలు నెరవేర్చేదాకా పోరాడాలన్నారు. ఎన్టీఆర్‌తో పెట్టుకుని ఇందిరాగాంధీ చేతులు కాల్చుకున్నారని.. కుట్ర రాజకీయాలను ఎదుర్కోవడం తెదేపాకి కొత్తేమీ కాదన్నారు. ఏడాది బిడ్డగా ఉన్నప్పుడే ఇందిర కుట్రలను సమర్ధంగా ఎదుర్కొన్నామని ఇప్పుడు భాజాపా కుట్రలను కూడా అదే స్ఫూర్తితో అధిగమిస్తామన్నారు.

ఈ రోజు రాష్ట్రంలో ఉన్న హోంగార్డులకి ఒక వింత అనుభవం ఎదురైంది. తమ జీతాలు పెంచాలంటూ వారు సియం ఆఫీస్ దగ్గరకు వెళ్లారు. విషయం తెలుసుకున్న చంద్రబాబు కొంత మందిని రమ్మన్నారు. అయితే, అక్కడ వారు ఊహించనిది జరిగింది. దీంతో వారి ఆనందానికి అవధులు లేవు.. వివరాలు ఇలా ఉన్నాయి... అమరావతి ప్రజాదర్బార్ హాల్‌లో రాష్ట్ర హోగార్డులు సీఎం చంద్రబాబును కలిసి తమ సమస్యల్ని విన్నవించుకున్నారు. దీని పై చంద్రబాబు వెంటనే స్పందించారు. వేతనాలు రెట్టింపు చేయడంతోపాటు మెటర్నిటీ సెలవులను మూడు నెలలకు పెంచుతూ కీలక నిర్ణయం తీసుకున్నారు. రాష్ట్రంలోని హోంగార్డుల దినసరి వేతనం రూ.300 నుంచి రూ.600రూపాయలకు పెంచుతున్నట్లు ముఖ్యమంత్రి చంద్రబాబు ప్రకటించారు.

అంతే కాదు, హోంగార్డు మృతిచెందితే దహన సంస్కారాలకు రూ. 10 వేలు మంజూరు చేస్తామన్నారు. ఎన్టీఆర్ వైద్య సేవలో రెండున్నరలక్షల రూపాయల మేర వైద్య సాయంతో పాటు గృహనిర్మాణ పథకంలో లబ్దిచేకూర్చే అంశాన్ని అధికారులతో చర్చించి నిర్ణయిస్తామని సీఎం వెల్లడించారు. సియం తీసుకున్న నిర్ణయంతో, హోంగార్టులు సంతోషం వ్యక్తం చేశారు. మేము చంద్రబాబును కలిసి సమస్యలు విన్నవించుకుంటే, ఆయన వెంటనే స్పందించారని, ఎప్పటి నుంచో మేము పడుతున్న బాధలు, ఇప్పటికి తీరాయని అంటున్నారు.

వారం రోజుల క్రితం జరిగిన పెళ్లకూరు మండలం తాళ్వాయిపాడులో రచ్చబండ కార్యక్రమంలోనే చంద్రబాబు, కొంచెం హింట్ ఇచ్చారు. ఆశా వర్కర్లు, అంగన్‌వాడీ కార్యకర్తలు, హోంగార్డులు త్వరలోనే శుభవార్త వింటారని తీపికబురు అందించారు. అయితే, ఇదే ఎదో రోటీన్ గా చెప్పే స్పీచ్ అనుకుని హోంగార్డులు లైట్ తీసుకున్నారు. కాని, ఈ రోజు చంద్రబాబు తీసుకున్న నిర్ణయంతో, వారి సంతోషానికి అవధులు లేవు.. ఏకంగా వేతనాలు రెట్టింపు అవ్వటంతో, ఇంత పెంచుతారని ఎప్పుడూ అనుకోలేదని, రాష్ట్రం ఇబ్బందుల్లో ఉన్నా, మా కోసం ముఖ్యమంత్రి ఈ నిర్ణయం తీసుకున్నారని, రాష్ట్ర పురోగతికి మా వంతు సహాయం అందించి, ముఖ్యమంత్రికి వెన్నుదన్నుగా ఉంటామని అన్నారు..