news

ఆంధ్రప్రదేశ్‌కు కేంద్ర ప్రభుత్వం చేస్తున్న అన్యాయానికి నిరసనగా ముఖ్యమంత్రి చంద్రబాబు శుక్రవారం తన జన్మదినం రోజున ‘ధర్మ పోరాట దీక్ష’ పేరిట నిరాహార దీక్ష చేపట్టారు. విజయవాడలోని ఇందిరాగాంధీ మున్సిపల్‌ స్టేడియంలో రాష్ట్ర ప్రభుత్వ ఆధ్వర్యంలో దీన్ని నిర్వహిస్తున్నారు. ఉదయం ఏడు గంటలకు ప్రారంభమైన ఈ దీక్ష రాత్రి ఏడింటి వరకు కొనసాగనుంది. దీక్షా స్థలికి చేరుకున్న చంద్రబాబు ముందుగా మహాత్మాగాంధీ, అంబేడ్కర్‌, జ్యోతిరావు పూలే, ఎన్టీఆర్‌ చిత్రపటాలకు పూలమాల వేశారు. అనంతరం ‘మా తెలుగు తల్లికి మల్లెపూ దండ’ ఆలపించారు. దీక్షలో చంద్రబాబుతో పాటు పలువురు మంత్రులు కళా వెంకట్రావు, దేవినేని ఉమామహేశ్వరరావు, నారా లోకేశ్‌, కొల్లు రవీంద్ర, ఎంపీలు గల్లా జయదేవ్‌, కనకమేడల రవీంద్రకుమార్‌, కేశినేని నాని సహా పలువురు ఎమ్మెల్యేలు పాల్గొన్నారు. ప్రముఖ స్వాతంత్ర్య సమరయోధులు పావులూరి శివరామకృష్ణ చంద్రబాబుకు నూలుపోగు దండ వేసి అభినందించారు.

అయితే చంద్రబాబు దీక్ష చేసిన 12 గంటలు, ఆయన చేసిన తీరు అందరినీ ఆశ్చర్యానికి గురి చేసింది... ఉదయం 7 గంటలకు మొదలయ్యి, సాయంత్రం 7 గంటలకు వరకు దీక్ష కొనాసాగింది.. ఈ రోజు తెల్లవారుజాము నుంచి దీక్షలో కూర్చున్న చంద్రబాబు దీక్షలో కూర్చున్న నిమిషం నుంచి ముగించే వరకు కనీసం ఒక చుక్క నీరు కూడా తాగకుండా, కూర్చున్న చోటు నుంచి సైతం కదలకుండా ఉండటం ఆశ్చర్యానికి గురిచేస్తుంది … చెరగని చిరునవ్వుతో ఉన్న చంద్రబాబు తనకు మద్దతు తెలిపిన వారిని ఆప్యాయంగా పలకరించారు... ఎంతో మానసిక ధృఢత్వం , సంకల్ప బలం ఉంటే తప్పితే 68 ఏళ్ళ వయసులో అలా కూర్చోవటం అసాధ్యం. ఒక పక్క మాడు పగిలి పోయే ఎండ... ఈ సీజన్ లో, ఈ రోజు ఎండ హైలైట్.. అయితే, చంద్రబాబు మాత్రం, తన దీక్ష ఎంతో పద్దతిగా చేసారు.. ఎంతో సంకల్పంతో, ఈ వయసులో దీక్ష చేసారు..

ఇద్దరు చిన్నారులు ఆయనకు నిమ్మరసం ఇచ్చి దీక్షను విరమింపజేశారు. విజయవాడ నగరం నడిబొడ్డున ఉన్న ఇందిరాగాంధీ మునిసిపల్‌ స్టేడియం వేదికగా... భారీ ఎత్తున ఈ కార్యక్రమం జరిగింది. ఇది ముఖ్యమంత్రి హోదాలో చేస్తున్న దీక్ష కావడంతో ప్రభుత్వ యంత్రాంగం అవసరమైన అన్ని ఏర్పాట్లు చేసింది. అయితే చంద్రబాబుకు మద్దతుగా ఆయా జిల్లాల్లో మంత్రులు దీక్షలు చేశారు. సీఎం చేపట్టిన దీక్షకు అనూహ్య మద్దతు లభించింది. అంతే కాకుండా ధర్మ పోరాట దీక్షలో సినీ ప్రముఖులు తమ్మారెడ్డి భరద్వాజ, రాఘవేంద్రరావు, అశ్వీనిదత్‌, శివాజీ పాల్గొన్నారు. వీరితోపాటు రాజధాని ప్రాంత రైతులు, ముస్లింలు తమ మద్దతు ప్రకటించారు.

కర్ణాటక అసెంబ్లీ ఎన్నికల్లో కాంగ్రెస్, బీజేపీలు హోరాహోరీగా ప్రచారం చేస్తున్నాయి. కర్ణాటక ముఖ్యమంత్రి సిద్ధరామయ్యకు పోటీగా బీజేపీ జాతీయ అధ్యక్షుడు అమిత్ షా రాష్ట్రంలోనే మకాం వేసి, గెలుపు కోసం శాయశక్తులా కృషి చేస్తున్నారు. ఈ నేపథ్యంలో ప్రధాని నరేంద్ర మోదీపై సిద్ధరామయ్య తీవ్ర వ్యాఖ్యలు చేశారు. ట్విట్టర్ ద్వారా విమర్శలు గుప్పించారు. ఆయనను ఒక నమ్మక ద్రోహిగా అభివర్ణించే ప్రయత్నం చేశారు. ఈ సందర్భంగా ఏపీకి ప్రత్యేక హోదా, ముఖ్యమంత్రి చంద్రబాబులను ఆయన ప్రస్తావించారు. ఆంధ్రప్రదేశ్ కు ప్రత్యేక హాదా ఇస్తామంటూ మోడీ ప్రామిస్ చేశారు...

అయితే, చివరకు ప్రత్యేక హోదాతో పాటు చంద్రబాబును కూడా తొక్కేసే ప్రయత్నం చేశారు. కర్ణాటక అసెంబ్లీ ఎన్నికల నేపథ్యంలో ఏపీ తరహాలో మన రాష్ట్రానికి కూడా ఎలాంటి హామీలనైనా ఇవ్వడానికి మోదీ ఏమాత్రం సంశయించడం లేదని చెప్పారు. ఇప్పటికే బెంగళూరు గర్వించదగ్గ హిందుస్థాన్ ఏరోనాటిక్స్ నుంచి రాఫెల్ కాంట్రాక్టును ఇతర ప్రాంతానికి తరలించారు అంటూ ట్వీట్ చేశారు. తద్వారా మోడీ ఇచ్చే హామీలను కర్ణాటక ఓటర్లు నమ్మవద్దని కోరారు... ఇప్పటికే కర్ణాటకలోని తెలుగు ప్రజలు, బీజేపీకి వోట్ వెయ్యద్దు అంటూ, ప్రచారం సాగుతుంది. సోషల్ మీడియా వేదికగా, ఆంధ్రప్రదేశ్ కు జరిగిన అన్యాయం పై, మోడీకి దిమ్మ తిరిగేలా తీర్పు ఇవ్వాలి అంటూ, ప్రచారం చేస్తున్నారు...

ఇది సిద్ధరామయ్య పెట్టిన ట్వీట్లు PM promised special status to Andhra Pradesh but let down the state & Shri Chandrababu Naidu @ncbn.. For Karnataka the PM didn’t even bother to promise anything...Instead he took away Rafael contract from Bengaluru’s pride the Hindustan Aeronautics Limited. #KarnatakaDefeatsBJP Our people will vote performance & not promise. @BSYBJP failed the one chance given him & now he is promising corruption free governance! PM @narendramodi promised to bring black money back & deposit 15 lakhs in each family’s bank account. Not a rupee came.#KarnatakaDefeatsBJP

మోడీ ..నేను హిందీలో మాటాడతన్నా నీకు అర్థం కావాలని ..తెలుగు నేర్చుకో నువ్వు.. నీ గానా బజానా బ్యాచ్ ..షా లాంటి వాళ్ళ మాటలు కాదు ..జనాల మాటలు విను.. దేనికైనా ఒక హద్దుంటది జాగ్రత్త..ఇది నా వార్నింగ్... ఇది బాలయ్య ఉతికిన ఉతుకుడు... ముఖ్యమంత్రి చంద్రబాబు విజయవాడలోని ఇందిరా గాంధీ స్టేడియంలో చేపట్టిన ‘ధర్మ పోరాట దీక్ష’కు మద్దతుగా పాల్గొన్న ఆయన మాట్లాడుతూ ఎంతో మంది వీర పుత్రులకు జన్మనిచ్చిన పుణ్యభూమి మనదని, ఎంతోమంది ప్రవక్తలు పుట్టిన వేధభూమి మనదని, పల్నాటి బ్రహ్మనాయుడు నడయాడిన నేలమనదని అన్నారు. బ్రిటిష్ సామ్రాజ్యాన్ని గడగడలాడించి, వాళ్ల గుళ్లకు గుండెను ఎదురొడ్డిన జగజ్జట్టీలకు జన్మనిచ్చిన పోతుగడ్డమనదని బాలయ్య వ్యాఖ్యానించారు. పద్యపాటవాల్లో మగవారికి ధీటుగా మోగించిన మగువల పుట్టినిల్లు మనదని, కళారంగాలలో ఘనతకెక్కిన వీరమాతల, వీరవణితల కన్న పుణ్యభూమి మనదని ఆయన వ్యాఖ్యానించారు.

మన ఆత్మగౌరవాన్ని ఢిల్లీ వీథుల్లో తాకట్టు పెడుతున్న పరిస్థితుల్లో, తెలుగుజాతి ఆత్మగౌరవాన్ని కాపాడడం కోసం 1982లో నందమూరి తారకరామారావు తెలుగుదేశం పార్టీని స్థాపించి... 9 నెలల్లోనే ముఖ్యమంత్రి పీఠాన్ని అధిష్టించారని, బడుగు, బలహీన వర్గాలు, మైనారిటీ, వెనుకబడిన తరగతుల కులాలను పైకితీసుకువచ్చి అధికారపీఠంపై కూర్చోబెట్టిన మహానుభావుడు ఎన్టీరామారావని బాలయ్య కొనియాడారు. పేదవాడి గుండె చప్పుడు ఎన్టీఆర్ అని అన్నారు. అశాస్త్రీయంగా జరిగిన రాష్ట్ర విభజన వలన లోటు బడ్జెట్‌తో ఏర్పడిన ఆంధ్రప్రదేశ్‌ను తన అనుభవంతో చంద్రబాబునాయుడు అభివృద్ది దిశగా ముందుకు తీసుకువెళుతున్నారని, ఇలాంటి సమయంలో ఏపీని అన్నివిధాలా ఆదుకుంటుందని, సహాయ సహకారాలు అందిస్తుందన్న ఆశతో టీడీపీ, ఎన్డీయేతో పొత్తుపెట్టుకుందని బాలకృష్ణ అన్నారు. దాన, బేదాలు అయిపోయాయని, ఇప్పుడు దండోపాయం జరుగుతుందన్నారు. మోదీ తెలుగు నేర్చుకోవాలన్నారు. మోదీ ఇష్టమొచ్చినట్లు పాలించడానికి ఇది గుజరాత్ కాదని, ఆంద్రప్రదేశ్ అని ఆయన అన్నారు. రాజకీయాల్లో మోదీ కంటే చంద్రబాబు సీనియర్ అని, అనుభవజ్ఞులను ఎలా గౌరవించాలో మోదీ నేర్చుకోవాలని బాలయ్య సూచించారు. సామాన్య, పేద ప్రజల అవసరాలు ఏమిటో మోదీ తెలుసుకోవాలన్నారు. ఈ విషయాలన్నీ మోదీకి అర్థమయ్యే విధంగా బాలకృష్ణ హిందీలో మాట్లాడారు.

మోదీ ఉత్తర, దక్షిణ భారత దేశం అంటూ రాష్ట్రాల్లో విబేధాలు సృష్టిస్తున్నారని బాలకృష్ణ ధ్వజమెత్తారు. తెలుగువారు పిరికివాళ్లు కాదని, తెలుగువారి సత్తా ఏమిటో చూపిస్తామని అన్నారు. ప్రధాని ఎవరెవరితోనో కుప్పిగెంతులు వేయిస్తూ, చిల్లర రాజకీయాలు చేయిస్తున్నారని విమర్శించారు. వచ్చే ఎన్నికల్లో దక్షిణాదిలో బీజేపీకి ఒక్క సీటు కూడా రాదన్నారు. ఏపీ రాజధాని నిర్మాణానికి నిధులు ఇవ్వకుండా మట్టి, నీళ్లు ఇచ్చారని తీవ్ర స్థాయిలో విమర్శించారు. చివరిగా రాజధానికి భూములిచ్చిన రైతులకు పాదాభివందనం అంటూ బాలకృష్ణ తన ప్రసంగాన్ని ముగించారు.