news

కేంద్రంలో ఉన్న బీజేపీ, రాష్ట్రానికి చేస్తున్న అన్యాయం నేపధ్యంలో, తెలుగుదేశం పార్టీ కేంద్రం నుంచి, ఎన్డీఏ నుంచి బయటకు వచ్చిన సంగతి తెలిసిందే... బయటకు వచ్చిన దగ్గర నుంచి, అక్కడ మోడీ, అమిత్ షా రాష్ట్రానికి చేస్తున్న అన్యాయం, అవమానాల పై, చంద్రబాబు ఒక ఆట ఆడుకుంటున్నారు... ఇన్నాళ్ళు మోడీని ఈ రేంజ్ లో, ఎసుకున్న నేత లేరు... ఇక్కడ పవన్, జగన్ అయితే, పూర్తిగా లొంగిపోయారు... మోడీ అనే మాట కూడా నోటి నుంచి అనలేక పోతున్నారు... ఈ నేపధ్యంలో, మెజారిటీ ప్రజలు చంద్రబాబు వెంట నడుస్తూ, బీజేపీ అన్యాయం చేస్తుంది అనే అభిప్రాయానికి వచ్చారు..

తెలుగుదేశం పార్టీ బయటకు వచ్చిన తర్వాత నష్ట నివారణ చర్యలకు శ్రీకారం చుట్టిన బిజెపి అధిష్టానం పార్టీ ప్రక్షాళన మొదలు పెట్టింది... ఇందులో భాగంగా ఆపరేషన్ గరుడలో భాగంగా, మరో పాత్రని సెట్ చెయ్యటానికి రెడీ అవుతుంది... ప్రస్తుత అధ్యక్షుడుగా ఉన్న విశాఖ ఎంపి కంబంపాటి హరిబాబు, ఒక మంచి జెంటిల్మెన్ గా పేరు ఉంది... సోము వీర్రాజు, మిగతా బీజేపీ నాయకులు లాగా, అబద్ధాలతో కూడిన పిచ్చి వాగుడు వాగరు.. అయితే ఇదే విషయం పై ఏపీ వ్యవహారాల ఇన్ ఛార్జ్ రామ్ మాధవ్ కూడా ద్రుష్టి సారించారు...

చంద్రబాబుని రెచ్చగొట్టాలని, రాష్ట్రంలో బూతులు తిట్టుకుంటూ, అసలు విషయం పక్కదారి పట్టించాలని, అలాంటి నేతలు కావాలని నిర్ణయించారు... మరో పక్క, చంద్రబాబు సామాజికవర్గానికి చెందిన హరిబాబు, ఆపరేషన్ గరుడలో సరిపోడు అని, కులాల మధ్య చిచ్చు పెట్టాలి అంటే, కాపు సామజికవర్గ నేతలు కావాలని, త్వరలో పవన్ కళ్యాణ్ తో పొత్తు పెట్టుకుని ఎన్నికలకు వెళ్తాం కాబట్టి, కాపు నేత అధ్యక్షుడు అయితే, కాపు వోటింగ్ తెలుగుదేశం నుంచి దూరం అవుతుంది అని, కులాల మధ్య చిచ్చు ఈజీగా పెట్టవచ్చు అని డిసైడ్ అయ్యారు... దీని కోసం, సోము వీర్రాజు, కన్నా లక్ష్మీనారాయణల, మాణిక్యాలరావు పేర్లను పరిశీలిస్తున్నారు... వీరు ముగ్గురు కాపు సామాజికవర్గానికి చెందినవారు... వీరిలో ఎవరో ఒకరు రాష్ట్ర బీజేపీ అధ్యక్షడు అయ్యే అవకాసం ఉంది...దీనికి సంబంధించి రేపోమాపో అధికారికంగా ఉత్తర్వులు వెలువడనున్నాయి...

పవన్ కళ్యాణ్ చెప్పిన మాటలు గుర్తున్నాయా ? చంద్రబాబుకి 2.5 మార్కులు, కెసిఆర్ కు 6 మార్కులు ఇచ్చి, కెసిఆర్ పరిపాలన ఆహా ఓహో అంటూ పొగడ్తల వర్షం కురిపించాడు.. ఇక పవన్ కొత్త స్నేహితుడు, వైసిపీ దగ్గరకు వద్దాం.. నిన్న విజయసాయి రెడ్డి, అంతకు ముందు జగన్, ఇద్దరూ ఏమన్నారో గుర్తుందా ? చంద్రబాబు, కెసిఆర్ ని చూసి పరిపాలన ఎలా చెయ్యాలో నేర్చుకోవాలి అంట... వీళ్ళద్దరి మాట విని, ప్రజలు ఆశ్చర్యపోయారు.. ఎందుకంటే, ఎందులో చూసినా చంద్రబాబు, కెసిఆర్ కంటే వంద రెట్లు నయం... అసలు కెసిఆర్ సచివాలయనికే వెళ్ళాడు, అలాంటి వాడితో చంద్రబాబుకి పోలిక ఏంటి అని... అయితే, అటు పవన్ కు, ఇటు వైసిపీకి, అదిరిపోయే జెర్క్ ఇచ్చింది కాగ్...

తెలంగాణ ప్రభుత్వంలో ఆర్థిక క్రమశిక్షణ తప్పిందని కాగ్ పేర్కొంది. రెవెన్యూ లోటు 5 వేల కోట్లు ఉన్నట్లు కాగ్‌ నివేదిక వెల్లడించింది. అప్పు తెచ్చుకున్న నిధులను రెవెన్యూ రాబడిగా చూపించి ద్రవ్యలోటును రూ.2500 కోట్లు తక్కువగా చూపించారని తెలిపింది. వాల్టా చట్టం నిబంధనలు పాటించడంలో ప్రభుత్వం విఫలమందని నివేదికలో కాగ్ పేర్కొంది. వివిధ పథకాల కోసం డ్రా చేసిన నిధులకు యూసీ సమర్పించలేదని, కొన్ని చోట్ల నిధులు రాకుండానే యూసీలు సమర్పించారని మండిపడింది. అధిక ధరలకు విద్యుత్ కొనుగోలుతో రూ.5,820 కోట్ల భారం పడిందని తెలిపింది.

టీ హబ్ రెండో దశ భవన నిర్మాణంలో అక్రమాలు జరిగాయని, ప్రభుత్వంపై రూ. 16.70 కోట్ల ఆర్థిక భారం పడిందని కాగ్‌ తన నివేదికలో పేర్కొంది. ఇసుక కొనుగోలులో రూ.18 కోట్ల అనుచిత లబ్ది చేకూర్చారని ప్రభుత్వంపై అక్షింతలు వేసింది. ఇందిరమ్మ వరద కాలువకు రూ.4711 కోట్లు ఖర్చు చేసినా ఆశించిన ఫలితం రాలేదని కాగ్ తన నివేదికలో తెలియజేసింది. ప్రాధాన్యత లేని పనులను మొదటి రెండు దశల్లో మొదలు పెట్టారని..కేంద్రం ఇచ్చిన నిధుల్లో 50శాతం కూడా ఖర్చు చెయ్యలేదని ఆక్షేపించింది. దళితులకు మూడెకరాల భూమి గుర్తింపులో ప్రభుత్వం విఫలమైందని అభిప్రాయపడింది. ఎస్సీ, ఎస్టీ సబ్‌ప్లాన్ నిధులు ఖర్చు కావడం లేదని, కాగ్ తన నివేదికలో వెల్లడించింది. తెలంగాణాలో ఇంత జరుగుతున్నా, కెసిఆర్ ని ఆహా, ఓహో అంటూ పొగుడుతారు, చంద్రబాబుని తిడతారు... ఎందుకంటే, వీళ్ళు ఉండేది హైదరాబాద్ లో కాబట్టి... కెసిఆర్ తోక జాడిస్తే, ఏమి చేస్తాడో తెలుసు కాబట్టి...

దేశంలోని 101 జిల్లాల ర్యాంకింగ్ తీస్తే, ఆంధ్రప్రదేశ్ లోని విజయనగరం నెంబర్ వన్, కడపకి నాలుగవ స్థానం... విశాఖకు 13 స్థానం... ఇది చెప్పింది చంద్రబాబు కాదు, లేకపోతే ఆంధ్రప్రదేశ్ లోని పత్రికలు కావు... నీతి ఆయోగ్‌ ... ప్రధాన మంత్రి నరేంద్ర మోడీ స్వయానా చైర్మన్‌గా ఉన్న నీతి ఆయోగ్‌, ఈ విషయం చెప్పింది. అనేక వనరులు ఉండి, అభివృద్ధికి దూరంగా ఉన్న జిల్లాలను బహుముఖంగా అభివృద్ధి దిశగా పరుగుతీయించటమే లక్ష్యంగా నీతి ఆయోగ్‌ సరికొత్త పథకానికి రూపకల్పన చేసింది. ఈ ఏడాది జనవరిలో ప్రధాని మోదీ ఈ కార్యక్రమాన్ని ప్రారంభించారు. 28 రాష్ట్రాల నుంచి మొదటిగా 115 జిల్లాలను గుర్తించింది. వాటినుంచి 101 జిల్లాలను ఎంపిక చేసి వాటికి బేస్‌లైన్‌ ర్యాంకులను కేటాయించింది.

ఐదు రంగాలలో, 49 సూచికల ఆధారంగా ఈ ర్యాంకులను కేటాయించినట్లు నీతి ఆయోగ్‌ ప్రకటించింది. వీటిలో విజయనగరం 48.15శాతం మార్కులతో మొదటి స్థానలో నిలిచింది. 47.55 శాతం మార్కులతో కడప నాల్గవ స్థానంలోనూ, 42.66శాతం మార్కులతో విశాఖ 13 స్థానంలోనూ నిలిచాయి. ఎంపిక చేసిన జిల్లాల అభివృద్ధికి ప్రత్యేక కార్యాచరణ ప్రణాళిక రూపొందిస్తామని నీతి ఆయోగ్‌ తన నివేదికలో తెలిపింది. నీతి ఆయోగ్‌ తన సర్వే కోసం బిల్‌,మిలిండా గేట్స్‌ ఫౌండేషన్‌, టాటా ట్రస్ట్‌, ఐటీసీ గ్రూప్‌, పిరమల్‌ ట్రస్ట్‌ తదితర సంస్థల సేవలను వినియోగించుకుంది.

కేంద్ర ప్రభుత్వంలోని వివిధ మంత్రిత్వ శాఖలు 43 జిల్లాలను, వామపక్ష తీవ్రవాద ప్రభావం ఉన్న 33 జిల్లాల ప్రగతిని కేంద్ర హోంమంత్రిత్వ శాఖ పర్యవేక్షిస్తుంది. ఈ విధమైన విభజన వల్ల ఏపీలోని విజయనగరం, కడప జిల్లాలు వివిధ కేంద్ర మంత్రిత్వ శాఖల పరిధిలోకి వెళ్లాయి. నక్సల్స్‌ ప్రభావిత జిల్లాలైన విశాఖపట్నం కేంద్ర హోంమంత్రిత్వ శాఖ పరిధిలో ఉంటాయి. దేశంలోనే అత్యుత్తమంగా అభివృద్ధి చెందిన జిల్లాను అందుకునేలా పోటీపడటం, తీర్చిదిద్దడమే లక్ష్యంగా కార్యాచరణ ఉంటుందని పేర్కొంది. ఈ జిల్లాల్లో ప్రత్యేక కార్యాచరణ ప్రారంభమైన తర్వాత రియల్‌టైమ్‌ ప్రాతిపదికన ఆ సూచీల ప్రగతిని పరిశీలిస్తామని, రాష్ట్రంలో అత్యుత్తమ, దేశంలో అత్యుత్తమ స్థాయికి చేరుకోవడానికి ఇంకా ఎంత దూరంలో ఉందనే విషయాన్ని ఎప్పటికప్పుడు అంచనా వేస్తామని పేర్కొన్నారు.