news

ముఖ్యమంత్రి చంద్రబాబు రోజు రోజుకీ స్వరం పెంచుతున్నారు... ఢిల్లీ పై జరుగుతున్న పోరాటంలో, వారు ఆడుతున్న నాటకాలని బయట పెడుతున్నారు... రాష్ట్రంలో మోడీ పేరు చెప్పి మరీ, విమర్శలు చేస్తున్నది చంద్రబాబు ఒక్కరే... ఈ రోజు కూడా, ఢిల్లీలో ఉన్న టీడీపీ ఎంపీలతో టెలీకాన్ఫరెన్స్ నిర్వహిస్తూ, తీవ్ర వ్యాఖ్యలు చేసారు... ఆర్థిక నేరస్థులు ప్రధానిని కలవడం ఎక్కడైనా ఉందా ? అలాగే పీఎంవో చుట్టూ ఏ2 నిందితుడి ప్రదక్షిణలు ఏం సంకేతాలు పంపిస్తున్నాయి..? అంటూ వైసీపీ రాజ్యసభ సభ్యుడు విజయసాయిరెడ్డిని, పీఎంవోని ఉద్దేశించి పేర్కొన్నారు.... ఒకవైపు విశ్వాసం ఉందంటారు,మరోవైపు అవిశ్వాసం పెడతామంటారా అని ఆయన ఆగ్రహాం వ్యక్తంచేశారు. ఎందుకీ డ్రామాలు...?నాటకాలు...అని ప్రశ్నించారు.

ప్రజలు వైకాపాను అసహ్యించుకునే రోజు దగ్గరలోనే ఉందన్నారు. తెదేపా ఎంపీలు కలిసికట్టుగా ఉండి..చిత్తశుద్ధితో పోరాటం చేయాలని హితవు పలికారు. ఇది కీలక సమయమని...సభకు ఎవరూ గైర్హాజరు కావొద్దని కోరారు. కేంద్రం నుంచి ఎంత వచ్చింది, ఇంకా ఎంత రావాలి అనే వివరాలను ఆన్ లైన్‌లో ఉంచామని తెలిపారు. ఈ సమాచారాన్ని ఎంపీలు వినియోగించుకోవాలన్నారు. ప్రజల మనోభావాలకు అనుగుణంగానే తెదేపా ఎంపీల పోరాటం ఉండాలని... పార్లమెంటులో ఇతర పార్టీల ఎంపీలను కూడా సమన్వయం చేసుకోవాలని సూచించారు. ఆ రోజు సెంటిమెంటుకు ప్రత్యేక రాష్ట్రమే ఇచ్చారన్నా ముఖ్యమంత్రి.. ఈ రోజు సెంటిమెంటు చూసి డబ్బులు ఇవ్వలేమంటారా? అని ప్రశ్నించారు. ఇదేం న్యాయం.. అని మండిపడ్డారు.

ప్రజల తరఫునే ప్రతినిధులు నిలబడాలని...,ప్రజల గొంతు పార్లమెంటులో ప్రతిధ్వనించాలని సీఎం దిశానిర్దేశం చేశారు. 5 కోట్ల ప్రజల మనోభావాలపై కేంద్రం ఉదాసీనత భావ్యంకాదన్న ముఖ్యమంత్రి ....అభివృద్ధి ఆగిపోకుండా పోరాటం నిర్మాణాత్మకంగా జరగాలన్నారు. మన హక్కులలో రాజీలేదని, ప్రత్యేక హోదా తమ హక్కు.. ఎందుకివ్వరు? అని ప్రజలు భావిస్తున్నారని సీఎం తెలిపారు. పునర్వవస్థీకరణ చట్టం, హామీల అమలుపై ఈ రోజు శాసనసభలో ప్రత్యేక తీర్మానం చేయనున్నట్లు సీఎం తెలిపారు.

ఆంధ్రప్రదేశ్ ముఖ్యమంత్రి చంద్రబాబు కీలక నిర్ణయం తీసుకున్నారు... కేంద్రం ఎంతకూ దిగి రాకపోవటంతో, ప్రజా ఉద్యమానికి శ్రీకారం చుట్టనున్నారు... ఇందుకోసం, ముందుగా ప్రజల్లోకి వెళ్ళాలని చంద్రబాబు నిర్ణయించుకున్నారు... అసెంబ్లీ సమావేశాలు ముగిసిన వెంటనే జనంలోకి రావాలని ముఖ్యమంత్రి చంద్రబాబు నిర్ణయించుకున్నారు. జిల్లాల్లో పర్యటించి తాజా పరిణామాలను ప్రజల దృష్టికి తీసుకెళ్లాలని నిశ్చయించుకున్నారు. కేంద్ర వ్యవహరించిన తీరు, రాష్ట్రానికి జరిగిన నష్టాన్ని నేరుగా ప్రజలకు వివరించేందుకు ముఖ్యమంత్రి స్వయంగా ప్రజల్లోకి వెళ్లనున్నారు.

రాష్ట్రంలో అనూహ్యంగా మారిన రాజకీయ పరిస్థితుల కారణంగా ప్రజల్లో కేంద్రం చేస్తున్న అన్యాయాన్ని వివరించి, తమ వాదన వినిపించేందుకు ఇదే సరైన సమయమని ముఖ్యమంత్రి చంద్రబాబు భావిస్తున్నట్టు సమాచారం... కొన్ని చానల్స్ లో పాదయాత్ర అనే వార్తలు వస్తున్నా, అది కుదరకపోవచ్చు అని తెలుస్తుంది... బస్సు యాత్ర ద్వారానే ప్రజల వద్దకు చంద్రబాబు వచ్చే అవకాసం ఉంది... ఎదో జిల్లాల పర్యటన కాకుండా, ఒక యాత్ర ద్వారానే, జిల్లాలు చుట్టి వచ్చే అవకాసం ఉంది..

కేంద్రం చేస్తున్న అన్యాయంతో పాటు, రాష్ట్రంలో బీజేపీ చేస్తున్న తప్పుడు ప్రచారం తిప్పి కొట్టటం, అలాగే జగన్ ఆడుతున్న డ్రామాలు ప్రజల వద్దకు వెళ్లి, వారికే వివరించనున్నారు... అలాగే అప్పుడు హోదా వద్దని, ప్యాకీజికి ఎందుకు ఒప్పుకున్నారు, తరువాత కేంద్రం ఎలా మోసం చేసింది, మిగలిన రాష్ట్రాలకు హోదా ఇస్తున్నప్పుడు, మనకు ఎందుకు ఇవ్వరు అంటూ అడుగుతున్న అంశాల పై, ఈ యాత్రలో చంద్రబాబే స్వయంగా ప్రజలకు వివరించనున్నారు..

మనకు ఇది వరకు తెలిసింది, ఇరిగేషన్‌ ప్రాజెక్ట్ లు అంటే, ధన యజ్ఞం... అలాంటిది, చంద్రబాబు వచ్చిన తరువాత, సంవత్సరం లోపే, పట్టిసీమ పూర్తి చేసి, అసలైన జల యజ్ఞం అంటే ఏంటో చేసి చూపించారు... అదే స్ఫూర్తితో, ప్రాధాన్యతా క్రమంలో, రాష్ట్రంలో ప్రాజెక్ట్ లు పూర్తి చేసుకుంటూ వస్తున్నారు... అదే క్రమంలో, మొన్నటి దాక 28 ప్రాజెక్ట్ లు ప్రాధాన్యతా క్రమంలో పెడితే, వాటిని 50 కి పెంచారు... ఇప్పుడు, ప్రాధాన్య ప్రాజెక్టుల జాబితాలో మరో రెండు ప్రాజెక్టులను ముఖ్యమంత్రి చంద్రబాబునాయుడు చేర్చారు. పోలవరం సహా వివిధ ప్రాజెక్టుల పురోగతిపై ఆయన సోమవారం వెలగపూడి సచివాలయంలో సమీక్ష నిర్వహించారు.

ఈ సందర్భంగా ఆయన మాట్లాడుతూ కర్నూలు జిల్లాలోని గుండ్రేవుల రిజర్వాయర్, తోటపల్లి కుడి, ఎడమ కాలువల అభివృద్ధి పనులు చేపట్టాలని ఆదేశించారు. ఈ రెండింటితో ప్రాధాన్య ప్రాజెక్టుల సంఖ్య 52కు చేరింది. ఇప్పటికే 8 ప్రాజెక్టులు ప్రారంభించగా మరో 5 పూర్తయ్యాయని తెలిపారు. జూన్ 15 నాటికి మరో 15 ప్రాజెక్టులు పూర్తికానున్నాయని తెలిపారు. పోలవరం ప్రాజెక్టు పనులు 54శాతం పూర్తయిందని తెలిపారు. జలసంరక్షణ ఉద్యమం చేపట్టి నెల రోజులు కావస్తోందని, 247 కోట్ల రూపాయల పనులు చేపట్టామన్నారు.

రాష్ట్రంలో 52 ప్రాజెక్టులను ప్రాధాన్యతాపరంగా గుర్తించగా, వాటిలో ఇప్పటికే 8 ప్రాజెక్టులు ప్రారంభమయ్యాయని , రాష్ట్ర జలవనరుల శాఖ మంత్రి దేవినేని ఉమామహేశ్వరరావు తెలిపారు. ప్రస్తుతం ప్రారంభానికి 5 ప్రాజెక్టులు సిద్ధంగా ఉండగా, వచ్చే జూన్ నాటికి 15 ప్రాజెక్టులను పూర్తిచేయనున్నామన్నారు. ఇవే కాకుండా ఈ ఏడాది డిసెంబర్ నాటికి, వచ్చే ఏడాది ఫిబ్రవరి నాటికి పూర్తిచేసేలా ప్రణాళికలను ప్రభుత్వం రూపొందించిందన్నారు. పోలవరం ప్రాజెక్టుకు సంబంధించి స్పిల్‌ వే, స్పిల్‌ చానెల్‌, అప్రోచ్‌, పైలెట్‌ చానల్‌, స్పిల్‌ చానల్‌ బ్రిడ్జి, డయాఫ్రమ్‌వాల్‌, రేడియల్‌ గేట్ల నిర్మాణం ద్వారా వరద నీటి మళ్లింపునకు మొత్తం రూ.9,189.81 కోట్ల వ్యయమయ్యిందన్నారు.