news

డబ్బులు ఇస్తే ఓట్లు వేస్తారు, పధకాలు ఇస్తే ఓట్లు వేస్తారు అనేది తప్పు అని తెలంగాణ ప్రజలు హుజురాబాద్ ఎన్నికల్లో తేల్చి చెప్పారు. పది వేల డబ్బు పంచారు, పది లక్షల పధకం అయిన దళిత బంధు ప్రవేశ పెట్టారు. అయినా టీఆర్ఎస్ పార్టీ ఇక్కడ ఓడిపోయింది. అంటే ప్రజలకు తిక్క రేగింది అంటే, డబ్బులు ఇచ్చినా ఓటు వేయరు, ఎన్ని పధకాలు పెట్టినా ఓటు వేయరు అనేది అర్ధం అవుతుంది. కేవలం హుజురాబాద్ ఎన్నికల కోసమే అన్నట్టు, కేసీఆర్ దళిత బంధు పధకం తెచ్చారు. ఈ నియోజకవర్గంలో మొత్తం 40 వేల మంది దళితులు ఉండటంతో, దళిత బంధు పధకం తెచ్చారు. ఈ పధకం ఒకటి రెండు కాదు, ఏకంగా పది లక్షల పధకం. 17 వేల మందికి డబ్బులు వేసారని టీఆర్ఎస్ చెప్తుంది కూడా. ఇంకేముంది, పధకాలు పెట్టేశాం, పది లక్షల పధకం అనుకున్నారు. అయినా ప్రజలు ఈ పధకాలలు లొంగ లేదని అర్ధమైంది. ఎలక్షన్ ముందు రోజు డబ్బు ఇచ్చారు. తెలుగు రాష్ట్రాలు ఎప్పుడూ చూడని విధంగా, ఆరు వేలు, పది వేలు ఇలా డబ్బు పంచారు. అయినా కూడా దాదాపుగా 20 వేల ఓట్ల తేడాతో ఓడిపోయారు. అంటే వాళ్ళు ఇచ్చిన పది వేల డబ్బులు ప్రజలకు పట్టలేదు, అలాగే ఉచిత పధకాలు అంటూ, పది లక్షల పధకాలు పెట్టినా, ప్రజలు లొంగలేదు.

ఇప్పుడు ఇదే ఉచిత సలహా కేసీఆర్ నుంచి జగన్ కు వస్తుంది. ప్రస్తుతం ఎన్నికల్లో బెదిరించి, లేకపోతే ప్రతిపక్షం పోటీ లేకుండా చేసి, ఎన్నికల్లో మేమే గెలిచాం అంటూ జగన్ మోహన్ రెడ్డి చెప్పుకుంటున్నారు. నిజానికి కేసీఆర్ ఏమి తక్కువ సంక్షేమం చేయటం లేదు. పైగా అక్కడ అభివృద్ధి కార్యక్రమాలు, పెట్టుబడులు ఇలాంటివి అన్నీ వేగంగా జరుగుతున్నాయి. అయితే ఆంధ్రప్రదేశ్ లో మాత్రం మొత్తం రివర్స్ లో జరుగుతుంది. అప్పులు తేవటం, సంక్షేమం అని అరకోర ఖర్చు పెట్టి, మేము సంక్షేమం చేసేస్తున్నాం అంటూ హడావిడి చేస్తున్నారు. ఎక్కడా అభివృద్ధి అనే మాటే లేదు. కనీసం రోడ్డుల మీద గుంటలు కూడా పూడ్చలేని పరిస్థితి. ఇలా మొత్తం గందరగోళంగా ఉంది పరిస్థితి. మరి కేవలం ఉచితాల మీద ఆధారపడి పరిపాలన సాగిస్తున్న జగన్ మోహన్ రెడ్డి, కేసిఆర్ కు తగిలిన ఉచిత దెబ్బతో అయినా మేల్కొంటారో, లేక అక్కడ ప్రజలు వేరు, ఇక్కడ ప్రజలు వేరు, మా మాటే వింటారు, ఏమైనా చేస్తాం అనే ధీమాతో ఉంటారో చూడాలి.

ఏ రాష్ట్రంలో అయినా అప్పులు అనేవి చాలా ముఖ్యం. ఆ అప్పులు ఎలా ఉపయోగిస్తున్నాం అనే దాని పైన, మనం తీసుకునే అప్పుకు సార్ధకత ఉంటుంది. అప్పు తీసుకుని అభివృద్ధి చేస్తే అది ఉపయోగం. అప్పు తీసుకుని రెండో రోజే ఖర్చు పెడితే, అది గుడ్లు పెట్టి, మన తల మీద భారమై కూర్చుంటుంది. ఆంధ్రప్రదేశ్ రాష్ట్రం ఎడా పెడా అప్పులు చేస్తుంది. అప్పుల కోసం అడ్డ దారులు కూడా తొక్కుతుంది. అప్పుల కోసం నైతికత లేకుండా, మద్యం ఆదాయం కూడా తాకట్టు పెడుతుంది. అప్పుల కోసం గవర్నర్ పేరు కూడా వాడుకుంటుంది. ఇంతా చేసి, ఆ అప్పులు సరిగ్గా అభివృద్ధి కార్యక్రమాలకు వాడుతున్నారా అంటే, లేదు, అవి దారి మళ్ళిపోతున్నాయి. చివరకు ప్రపంచ బ్యాంక్ నుంచి తీసుకున్న అప్పుని కూడా ఏపి ప్రభుత్వం ఇలాగే చేయటంతో, ప్రపంచ బ్యాంక్ కూడా ఆగ్రహం వ్యక్తం చేసింది. ప్రపంచ బ్యాంక్ నిధులు రాష్ట్రాలకు చాలా అవసరం. అనేక ప్రాజెక్ట్ లలో ప్రపంచ బ్యాంక్ లోన్ ఇస్తుంది. దీనికి కేంద్ర ప్రభుత్వం పూచి కూడా ఉంటుంది. అంటే మనం ఎంత భాద్యతగా ఉండాలి ? ఏమైనా తేడా వస్తే, మనకు ఏమి అవుతుందో పక్కన పెడితే, మనకు పూచికత్తు ఉన్నందుకు, ప్రపంచ బ్యాంక్ దగ్గర మన దేశ పరువు పోతుంది. సరిగ్గా అదే జరిగింది. ఏపి ప్రభుత్వం ఇబ్బందుల్లో పడింది.

ప్రకృతి విపత్తుల వల్ల దెబ్బతినే మౌళిక వసతులు మళ్ళీ పునరుద్ధరించేందుకు, ప్రపంచ బ్యాంక్ రుణం రూపంలో నిధులు ఇస్తుంది. ఈ ప్రాజెక్ట్ చాలా పెద్దది, వేల కోట్ల రూపాయలు, మనం చేసే పనులకు తగ్గట్టు దశల వారీగా ఇస్తారు. పని అయిన తరువాత, ఆడిట్ చేసి డబ్బులు ఇస్తారు. అయితే ఈ ప్రాజెక్ట్ లో, కాంట్రాక్టర్ లకు డబ్బులు కట్టలేదని, ప్రపంచ బ్యాంక్ గుర్తించింది. ఏపి ప్రభుత్వం రూ.110 కోట్లు బకాయిలు పడినట్టు గుర్తించింది. ప్రపంచ బ్యాంక్ నిధులు దారి మళ్ళాయి. దీంతో ప్రపంచ బ్యాంక్ , వెంటనే ఆ బకాయలు చెల్లించాలని, అక్టోబర్ 15 వరకు సమయం ఇచ్చింది. మన ప్రభుత్వం కోర్టులనే లెక్క చేయదు కదా, వీళ్ళ మాట కూడా వినలేదు. పైగా కాంట్రాక్టర్ సమయం పెంచాలని కోరింది. దీంతో ప్రపంచ బ్యాంక్ తీవ్ర ఆగ్రహం వ్యక్తం చేస్తూ, కేంద్రం ఆమోదంతోనే ఈ ప్రాజెక్ట్ వచ్చింది కాబట్టి, ఈ విషయం కేంద్రం వద్దే తెల్చుకుంటానికి సిద్ధం అయ్యింది. మరి కేంద్ర ఆర్ధిక శాఖ ఏమి చెప్తుందో కానీ, ఇప్పుడు భవిష్యత్తు ప్రాజెక్ట్ ల పై ఎలాంటి మచ్చ పడుతుందో చూడాలి.

మొత్తానికి కేంద్ర ప్రభుత్వం దిగి వచ్చింది. ఇన్నాళ్ళు పెట్రోల్, డీజిల్ పై ప్రజలను పీల్చి పిప్పి చేసిన కేంద్ర ప్రభుత్వం, రాష్ట్ర ప్రభుత్వాలు ప్రజలను చాలా ఇబ్బంది పెట్టాయి. అయితే మన రాష్ట్ర ప్రభుత్వం పెట్రోల్ మీద టాక్సులు పెంచుకుంటూ పోతున్న సంగతి తెలిసిందే. అయితే కేంద్రం మాత్రం, ఇప్పుడు పెట్రోల్ డీజిల్ పై ఎక్సైజ్ డ్యూటీ భారీగా తగ్గించింది. లీటల్ పెట్రోల్‍పై రూ.5, డీజిల్‍పై రూ.10 తగ్గిస్తూ కేంద్ర ప్రభుత్వం నిర్ణయం తీసుకుంది. తగ్గించిన ధరలు రేపటి నుంచే అమలులోకి రానున్నాయి. పెట్రోల్, డీజిల్ ధరల పై కేంద్ర ప్రభుత్వం పై అనేక విమర్శలు వచ్చాయి. దేశ వ్యాప్తంగా జరిగిన ఎన్నికల్లో కూడా ప్రతికూల ఫలితాలు వచ్చాయి. దీంతో కేంద్ర ప్రభుత్వం దిగి వచ్చింది. పెరిగిన రేటుతో, ఈ తగ్గింపు పెద్ద తగ్గింపు కాకపోయినా, ప్రజలకు ఎంతో కొంత ఉపసమనం అనే చెప్పాలి. అయితే మన ఆంధ్రప్రదేశ్ రాష్ట్ర ప్రభుత్వం మాత్రం, పెట్రోల్ టాక్సులు బాదుడులో అగ్ర స్థానంలో ఉంది. మన ప్రభుత్వం కూడా తగ్గిస్తే, ఇంకా ప్రజలకు ఉపసమనం లభిస్తుంది. ఏదైతేనేమి మొత్తానికి కేంద్ర ప్రభుత్వం, ప్రజాగ్రహానికి దిగి వచ్చింది.