గత వారం రోజులు నుంచి తిరుపతి ప్రచారం కంటే కూడా, వి-వే-క కేసు , ఆంధ్రప్రదేశ్ రాజకీయాల్లో హాట్ టాపిక్ అయ్యింది. వివేక కూతురు సునీత, నిస్సహయత వ్యక్తం చేస్తూ, ఢిల్లీలో ప్రెస్ మీట్ పెట్టటం, ఆమె అనేక అనుమానాలు వ్యక్తం చేయటంతో, విమర్శలు అన్నీ జగన్ వైపు సంధించే పరిస్థితి వచ్చింది. సవాళ్ళతో ప్రతిపక్షాలు విరుచుకుపడుతున్నా, జగన్ మోహన్ రెడ్డి మాతం ఈ విషయం పై ఏమి మాట్లాడటం లేదు. లోకేష్ మాట్లాడుతూ, తమ పై విమర్శలు చేస్తున్నారని, ఆ కేసుతో తమ కుటుంబ సభ్యులు ఎవరికీ సంబంధం లేదని వెంకన్న పై ప్రమాణం చేస్తాం, జగన్ కూడా మా కుటుంబంలో ఎవరికీ సంబంధం లేదని ప్రమాణం చేయాలి అంటూ, సవాల్ విసిరారు. అయితే దీని పై, అటు వైపు నుంచి ఎలాంటి రెస్పాన్స్ లేదు. ఇవన్నీ పక్కన పెడితే, వైఎస్ సునీత, సిబిఐ విచారణ నెమ్మదిగా జరగటం పై అసంతృప్తి వ్యక్తం చేస్తూ, ఏకంగా ఢిల్లీలో ప్రెస్ మీట్ పెట్టటంతో, జాతీయ మీడియాలో కూడా ఇది రావటంతో, సిబిఐ నష్ట నివారణ చర్యలు చేపట్టినట్టు ఉంది. తమ పై వస్తున్న విమర్శలు చేరిపెసేందుకు, సిబిఐ రంగంలోకి దిగింది. సిబిఐ అధికారుల బృందం గత రాత్రి, ఢిల్లీ నుంచి పులివెందుల చేరుకుంది. వచ్చీ రాగానే సిబిఐ రంగంలోకి దిగింది. వివేక ఇంటి చుట్టు పక్కన ఉన్న ప్రజలను, వివేక పీఏని, డ్రైవర్ ని విచారణ చేసినట్టు సమచారం వస్తుంది.

viveka 12042021 2

మరి కొంత మందిని కూడా సిబిఐ ఆరా తీస్తున్నట్టు తెలుస్తుంది. కొంత మంది సెల్ ఫోన్స్ కూడా ఇప్పటికే సీజ్ చేసినట్టు తెలుస్తుంది. ఒక సెల్ ఫోన్ షాపు యజమానిని కూడా విచారణ చేసినట్టు తెలుస్తుంది. ఈ సారి కొంత మందిని అరెస్ట్ చేసే అవకాసం కూడా ఉంది అంటూ, సమాచారం వస్తుంది. ఇప్పటికే పెద్ద ఎత్తున ప్రతిపక్షాల నుంచి విమర్శలు రావటం, కేంద్రం, రాష్ట్ర ప్రభుత్వాలు కూడా ఈ విషయం పై ఉదాసీనంగా ఉన్నారని, సిబిఐ కూడా ఇలా చేస్తే ఎలా అని, పెద్ద ఎత్తున విమర్శలు రావటంతో, సిబిఐ దూకుడు పెంచింది. ఈ సారి మూడో విడత విచారణలో, ఏదో ఒకటి తేలే దాకా కొనసాగే అవకాసం ఉందని, త్వరలోనే ఇది క్లైమాక్స్ కు వస్తుందని అంటున్నారు. ఘటన జరిగిన రోజు, ఎవరు ఉన్నారు, ఎవరు ర-క్తం మరకలు తుడిచారు, ఎవరు తుడవమంటే తుడిచారు, అప్పటికే చనిపోయిన వ్యక్తి తలకు కుట్లు ఎందుకు వేసారు ? ఎవరు వేసారు ? ఎవరు వేయమంటే వేసారు ? బయటకు గుండె నొప్పి అని ఎందుకు చెప్పారు ? ముందు ఎవరు చెప్పారు ? ఇలాంటి అనేక ప్రశ్నలకు త్వరలోనే సమాధానం దొరికే అవకాసం ఉంది.

తిరుపతి ఉప ఎన్నికల ప్రచారానికి వస్తున్నా అంటూ జగన్ ముందు చెప్పటం, దానికి తగ్గట్టు భారీ ఏర్పాట్లు చేయటం, తరువాత అమ్మో క-రో-నా ఉంది నాకు బాధ్యత ఎక్కువ అంటూ, జగన్ మీటింగ్ రద్దు చేసుకోవటం తెలిసిందే. అయితే రేపు వాలంటీర్లకు సేవా మిత్రా అవార్డులు అంటూ, మీటింగ్ లో పాల్గుంటున్న జగన్, అక్కడ మాత్రం క-రో-నా రాదా ? బాధ్యత లేదా అంటే సమాధానం లేదనే చెప్పాలి. అయతే జగన్ మోహన్ రెడ్డి అసలు ఎందుకు మీటింగ్ రద్దు చేసుకున్నారో, ఎవరి విశ్లేషణలు వాళ్ళు చెప్తున్నారు. దీని పై కాంగ్రెస్ సీనియర్ నేత తులసి రెడ్డి కూడా స్పందించారు. జగన్ సభ రద్దు చేసుకోవటానికి ప్రధానంగా మూడు కారణాలు ఉన్నాయని తనకు అనిపిస్తుందని అన్నారు. మొదటిది, తన మీటింగ్ కు జనసమీకరణ ఫెయిల్ అవుతుంది ఏమో అనే భావనలో ఆయన ఉన్నారని అన్నారు. రెండోది సభలో ఏమి మాట్లాడాలో, ఎవరిని టార్గెట్ చేయాలో, బీజేపీ గురించి మాట్లాడాలో, ఇలా ఏది చెప్పాలో తెలియని కన్ఫ్యూషన్ లో ఉన్నారని అన్నారు. ఇక మూడోది, బహుశా ఉప ఎన్నికల్లో ఓడిపోతామనే రిపోర్ట్ ఏమైనా వచ్చి, వెనకడుగు వేశారేమో అని తులసిరెడ్డి అన్నారు.

మొన్నటిదాకా చంద్రబాబు ఆరు లక్షల కోట్లు తిన్నాడు, చంద్రబాబు ఆ స్కాం చేసాడు, చంద్రబాబు అమరావతి భూములు కాజేసాడు, ఇదీ, అదీ అంటూ హడావిడి చేసిన వైసీపీ ప్రభుత్వం, ఒక్క రూపాయి అవినీతి కూడా ఇప్పటి వరకు చంద్రబాబు పై నిరూపించలేక పోయింది. అమరావతి భూములు పై కేసు నమోదు చేయగా, దాన్ని కోర్టు స్టే కూడా ఇచ్చింది. దీంతో ఎలాగైనా చంద్రబాబు పై కేసు నమోదు చేయాలి అనుకున్నారో ఏమో కానీ, మళ్ళీ చంద్రబాబు పై ఇంకో కేసు నమోదు చేసారు. అదే సోషల్ మీడియాలో టిడిపి ఏదో పోస్ట్ చేసిందని, ఎస్సీ, ఎస్టీ కేసు. ఆశ్చర్యపోతున్నా ఇది నిజం. ఒక మాజీ ముఖ్యమంత్రి, 14 ఏళ్ళు సియంగా చేసిన వ్యక్తి, 40 ఏళ్ళు ప్రజా ప్రతినిధిగా ఉన్న వ్యక్తి పై, సోషల్ మీడియాలో టిడిపి ఏదో పోస్ట్ చేసిందని, ఏకంగా ప్రభుత్వమే ఎస్సీ, ఎస్టీ కేసు నమోదు చేయటం ఆశ్చర్యకరం. చంద్రబాబుతో పాటుగా, మాజీ మంత్రి నారా లోకేష్ పై కూడా కేసు నమోదు అయ్యింది. సైబర్ క్రైమ్ పోలీస్ స్టేషన్ లో ఈ కేసు నమోదు అయ్యింది. వినటానికి సిల్లీగా ఉన్నా, ఇది వాస్తవం. చంద్రబాబు పై, ఈ కేసు ఏమిటి అంటూ, తెలుగుదేశం నేతలు, కార్యకర్తలు కూడా ఆశ్చర్య పోతున్నారు. ఇక వివరాల్లోకి వెళ్తే, తెలుగుదేశం పార్టీ అఫిషియల్ ఫేస్బుక్, ట్విట్టర్ ఎకౌంటు లో, తిరుపతి ఉప ఎన్నికలకు సంబంధించి ఒక పోస్టింగ్ పడింది.

cbn 11042021 2

అందులో తిరుపతి వైసీపీ అభ్యర్ధి గురుమూర్తి, జగన్ మోహన్ రెడ్డి కాళ్ళు ఒత్తుతున్న ఫోటో ఒక వైపు, పెద్దిరెడ్డి కాళ్ళు ఒత్తుతున్న ఫోటో ఒక వైపు పెట్టి, పాద సేవ చేసే వారు కావాలా, ప్రశ్నించే వారు కావాలా అంటూ, పోస్టింగ్ వేసారు. అయితే దీని పై స్పందించిన వైసీపీ దళిత ప్రజా ప్రతినిధులు, ఈ పోస్టింగ్ పై డీజీపీకి ఫిర్యాదు చేసారు. వెంటనే ఎస్సీ, ఎస్టీ కేసు పెట్టాలని, డీజీపీకే కంప్లైంట్ ఇచ్చారు. దీని పై విచారణ చేసిన పోలీసులు, కేసు నమోదు చేసారు. సైబర్ క్రైమ్ పోలీస్ స్టేషన్ లో కేసు నమోదు చేసారు. అయితే దీని పై తెలుగుదేశం పార్టీ భగ్గుమంది. జగన్ మోహన్ రెడ్డి కాళ్ళు, గురు మూర్తి ఒత్తుతున్న ఫోటో, వారే కదా సోషల్ మీడియాలో పోస్ట్ చేసింది, అలాగే గురుమూర్తి, పెద్దిరెడ్డికి కడు ఫిజియో చేస్తారని తెలిసింది, ఇందులో తప్పు ఏముంది, మేము అదే వేసాం అని టిడిపి అంటుంది. ఏదైనా ఉంటే, ఆ ఫోటో బయటకు వదిలిన జగన్ మోహన్ రెడ్డి పై కేసు పెట్టాలని టిడిపి వాదిస్తుంది. చంద్రబాబు లక్షల కోట్లు దోచారు అని ప్రచారం చేసి, చివరకు ఇలాంటి కేసులు పెడుతున్నారని వాపోయారు.

తిరుపతి ఉప ఎన్నిక ప్రచారంలో ఉన్న చంద్రబాబు, ఈ రోజు రావూరులో ఎన్నికల ప్రచారం చేసారు. భారత రాజ్యాంగాన్ని పక్కన పెట్టి రాజారెడ్డి రాజ్యాంగాన్ని అమలు చేస్తున్నాడు.. సీఎం పదవి తనకు కొత్త కాదు.. తన రికార్డు ఎవ్వరూ బద్దలు కొట్టలేరు.. రాష్ట్రాన్ని కాపాడుకోవాల్సిన బాధ్యత మనందరిపై ఉంది.. తిరుపతి ఉప ఎన్నికల ద్వారా మంచి తీర్పును ఇచ్చి పనబాక లక్ష్మిని మంచి మెజార్టీతో గెలిపించుకుందాం.. మీ ఉత్సాహం, - కేరింతలు చూస్తుంటే కడుపు నిండిపోతుందని అన్నారు.. పార్లమెంట్లో టీడీపీ బలాన్ని పెంచే విధంగా అడుగులు వేద్దాం.. కక్ష్య సాధింపులతో నీచమైన పరిపాలన అందిస్తూ ఆకాశంలో తిరుగుతున్న జగన్ రెడ్డికి బుద్ధి చెప్పి వైసీపీని చిత్తుచిత్తుగా ఓడించాల్సిన సమయం ఆసన్నమయ్యిందని చంద్రబాబునాయుడు తెలుగు తమ్ముళ్లకు పిలుపును ఇచ్చారు. భారత రాజ్యాంగాన్ని అమలు చేయకుండా రాజారెడ్డి రాజ్యాంగాన్ని అమలు చేస్తున్న జగన్ రెడ్డికి ఎన్నికల్లో తగిన గుణపాఠం చెప్పాలన్నారు. ఎన్నికలకు ముందు జగన్‌ రెడ్డి ఏ ఒక్కరిని వదిలి పెట్టకుండా ముద్దులు పెట్టి అధి కారంలోకి వచ్చిన తర్వాత పిడిగుద్దులు గుద్దుతూ పాలన సాగిస్తున్నారన్నారు. అందరినీ వెన్నుపోటు పొడిచిన ఘనత జగన్ రెడ్డికే దక్కుతుందన్నారు. ఓ వైపు క-రో-నా కారణంగా ఆదాయం తగ్గిపోయి అన్ని వర్గాల వారు ఇబ్బందులు పడుతుంటే ధరలు మోత మోగిస్తూ నీచ పరిపాలన సాగిస్తున్న జగన్ రెడ్డి అమ్మ ఒడి ద్వారా రూ 15వేలు తల్లి ఖాతాలో వేసినాన్న బుడ్డీరూ 30వేలు చేసి దోచుకుంటున్నారన్నారు. ప్రజలకు గోరంత ఇచ్చి కొండంత దోచుకుంటున్నారని విమర్శించారు. ఉపాధ్యాయులను బ్రాందీషాపుల వద్ద ఉంచి మద్యం అమ్మకాలు సాగించిన జగన్‌ రెడ్డి గురువు పవిత్రతను అపవిత్రం చేశారన్నారు. ఎంపీటీసీ, జెడ్పీటీసీ ఎన్నికలు ఏ విధంగా జరిగాయో అందరికీ తెలుసన్నారు.

సర్పంచ్ ఎన్నికలు సైతం ఏ విధంగా చేసుకున్నారో ప్రత్యక్షంగా చూశామన్నారు. మంత్రులు, ఎమ్మెల్యేలు ఏది చెబితే పోలీసులు అది అమలు చేశారన్నారు. సొంత చిన్నాన్న వైఎస్ వివేక్ హ-త్య-కు గురైతే అప్పట్లో సాక్షి పత్రికలో గుండెపోటుతో చనిపోయాడని బ్రేకింగ్ న్యూస్ ఇచ్చారన్నారు. ఆ తర్వాత సాక్ష్యాలు తారుమారు చేశారన్నారు. ఆ సమయంలో వివేకనందరెడ్డి కుమార్తె తనకు ఫోన్ చేసి తమ నాన్న మృతిపై అనుమానాలు ఉన్నా యని చెప్పారన్నారు. గొడ్డలితో న-రి-కి చం-పి-చ-న-ట్లు-గా తేలిందన్నారు. ఆ నింద తనమీద వేసి జగన్‌రెడ్డి ఆరోపణలు చేశారన్నారు. ఇప్పటికీ చిన్నాన్నను చం-పి-న దోషులెవ్వరో తేల్చలేదన్నారు. సొంత చిన్నాన్నను చం-పి-న వ్యక్తులను కాపాడుతున్న జగన్ రెడ్డికి ప్రజలు ఓ లెక్క అన్నారు. తెలుగుదేశం పార్టీ నాయకులు, కార్యకర్తలను అణగదొక్కాలని చూస్తే తిరుగుబాటు చేసి తగిన బుద్ధి చెబుతామన్నారు. క-రో-నాపై దృష్టి సారించని జగన్ రెడ్డి కక్ష్య సాధింపు చర్యలకు దిగడం నీచం అన్నారు. పవన్ కళ్యాణ్ నటించిన వకీల్ సాబ్ సినిమా రిలీజ్ కాకుండా అడ్డుకున్న జగన్ రెడ్డి మిగిలిన సినిమాలను ఎందుకు అడ్డుకోలేదో వాటికి ఎందుకు రాయితీలు ఇచ్చారో చెప్పాలన్నా రు. పవన్‌ కళ్యాణ్ పై అంత కక్ష్య ఎందుకో చెప్పాలన్నారు. తాను ముఖ్యమంత్రిగా ఉన్నప్పుడు కక్ష్య సాధింపు చర్యలకు తాను పాల్పడి ఉంటే జగన్ రెడ్డి బయట కాలు పెట్టేవారు కాదన్నారు. సొంత పార్టీ ఎంపీ రఘు రామరాజు తనకు ప్రాణహాని ఉందని కేంద్రానికి లేఖ రాశారంటే జగన్ రెడ్డి ఎలాం టి పరిపాలన అందిస్తున్నారో ప్రజలంతా గమనించాలన్నారు.

నాసిరకం బ్రాందీలను ప్రజలచేత తాగించి దానికి మద్యపాన నిషేధమని పేరుపెట్టి ఆ మద్యం ద్వారా వేలకోట్లు సంపాదిస్తున్నారన్నారు. జగన్‌ రెడ్డి దోపిడి రాజ్యం కారణంగా 40 లక్షల మంది భవన కార్మికులు పనులు లేక ఇబ్బందులు పడుతున్నారన్నారు. ప్రత్యేక హోదా అన్న విషయాన్ని జగన్ రెడ్డికి గుర్తు ఉందా అని ప్రశ్నించారు. ప్రత్యేక హోదా సాధన కోసం తన పార్టీ ఎంపీలు రాజీనామాలు చేసేందుకు కూడా సిద్ధంగా ఉన్నారని వైసీపీ ఎంపీలు రాజీనామాలు చేసే దమ్ముందా అని సవాల్ విసిరారు. జగన్ రెడ్డి పరిపాలన పై చర్చకు సిద్ధం అని, ఎవరు వస్తారో రావాలని సవాల్ విసిరారు. ప్రతి ఒక్కరు ఆలోచన చేసి చరిత్రను సృషించే విధంగా తిరుపతి ఉప ఎన్నికల్లో తెలుగు దేశం పార్టీ అభ్యర్థిగా బరిలో నిలిచిన పనబాక లక్ష్మిని నిండు మనస్సుతో ఆశీర్వదించి మంచి మెజార్టీతో గెలిపించాలని అభ్యర్థించారు. చంద్రబాబు నాయుడు నిర్వహించిన రోడ్ షోకు వేలాదిగా పార్టీ నాయకులు, కార్యకర్తలు తరలి రావడంతో ఈ రోడ్ షో విజయ వంతం అయ్యింది. అయితే పెద్దిరెడ్డి సవాల్ కు చంద్రబాబు పరోక్షంగా స్పందించారు. రాజకీయాలు కాదని, ప్రత్యేక హోదా కోసం, రాజీనామాలు చేయటానికి సిద్ధం అని, మీరు సిద్ధమా అని సవాల్ విసిరారు.

Advertisements

Latest Articles

Most Read