news

హైకోర్టునే బురిడీ కొట్టించాలని చూసిన ప్రభుత్వ న్యాయవాదికి, హైకోర్టు ఇచ్చిన రిస్పాన్స్ తో దిమ్మ తిరిగింది. ఉపాధి హామీ బిల్లులు చెల్లింపులకు సంబంధించి రాష్ట్ర హైకోర్టులో, ఈ రోజు మళ్ళీ విచారణ జరిగింది. సుదీర్ఘ విచారణ అనంతరం, హైకోర్టు, రాష్ట్ర ప్రభుత్వం పై మండి పడింది. రెండు వారల క్రితం, 494 కేసులలో బిల్లుల చెల్లింపులు చేయాలని చెప్పి, ఆదేశాలు ఇస్తే, కేవలం 25 కేసులలో మాత్రమే చెల్లింపులు చేయటం పట్ల, అలాగే మరో 20 కేసుల్లో పిటీషన్లు వేయటం పై, రాష్ట్ర ప్రభుత్వం పై కోర్టు ఆగ్రహం వ్యక్తం చేసింది. పైగా రెండు వారాల్లో ఈ పేమెంట్ చేయాలని తాము స్పష్టమైన ఆదేశాలు ఇస్తే కూడా, వాటిలో కూడా 20 నుంచి 30 శాతం మినహాయించటం ఏమిటి అంటూ, ఏపి హైకోర్టు నిలదీసింది. ఈ 20 నుంచి 30 శాతం ఎందుకు మినహాయిస్తున్నారు అంటూ, తమకు వివరణ ఇవ్వాలని హైకోర్టు అదేసు ఆదేశాలు జారీ చేసింది. ఒక వేళ ఈ నెల 15వ తేదీ లోపు, తాము ఆదేశించిన విధంగా, మొత్తం చెల్లించిన పక్షంలో, ప్రతి ఒక్క పిటీషన్ పరిగణలోకి తీసుకుని, ప్రతి పిటీషన్ లో కంటెంప్ట్ అఫ్ కోర్టు కింద కేసులు మొదలు పెడతాం అని చెప్పింది. అయితే ఈ సందర్భంగా రాష్ట్ర ప్రభుత్వ న్యాయవాది, హైకోర్టుకు సర్ది చెప్పే ప్రయత్నం చేసి, ఏదో చెప్పబోయి తప్పించుకునే ప్రయత్నం చేసారు.

తాము ఇప్పటికే అన్ని చెల్లింపులు పంచాయతీలకు చేసామని, సర్పంచ్ ఎకౌంటులో వేస్తే, వారు కాంట్రాక్టర్ కు చెల్లించటం లేదని, కోర్టుకు చెప్పే ప్రయత్నం చేసారు. అయితే ఈ వాదాన పై పిటీషనర్ తరుపు న్యాయవాది అభ్యంతరం చెప్పారు. దీంతో కోర్టు కూడా సీరియస్ అయ్యింది. చెల్లింపులు చేయని సర్పంచ్ ల వివరాలు ఇస్తే, వారి పైన కూడా తాము కోర్టు ధిక్కరణ కింద కేసులు నమోదు చేస్తామని, వారి పూర్తి వివరాలు తమ ముందు ఉంచాలని హైకోర్టు చెప్పటంతో, ప్రభుత్వ న్యాయవాది షాక్ తిన్నారు. ఈ విషయం పై విచారణ చేస్తున్నామని, వారి చెక్ పవర్ రాద్దుక్ హేస్తామని, కోర్టుకు చెప్పే ప్రయట్నం చేసారు. అయితే దీని పై స్పందించిన హైకోర్టు, చెక్ పవర్ రద్దు అనేది మీ పని, కానీ తమ ఆదేశాలు పాటించలేదు కాబట్టి, వారి పై కోర్టు ధిక్కరణ చర్యలు చేపడతాం అంటూ, వారి పేర్లు ఇవ్వాలని హైకోర్టు కోరింది. దీంతో ప్రభుత్వ లాయర్ డిఫెన్స్ లో పడింది. రెండున్నర ఏళ్ళ తరువాత కూడా మీరు ఇంకా బిల్లులు ఇవ్వక పొతే వారు ఏమవుతారు అంటూ కోర్టు ప్రశ్నించింది. 15వ తారిఖు వరుకు సమయం ఇస్తూ, అప్పటి లోపు చెల్లింపులు జరగకపోతే, ఇక కోర్టు ధిక్కరణ చర్యలు మొదలు పెడతాం అని కోర్టు ఆదేశాలు ఇచ్చింది.

ఆంధ్రప్రదేశ్ ప్రభుత్వం లేని వివాదం రేపిందా ? లేక ప్రజల మూడ్ ని తక్కువ అంచనా వేసిందో కానీ, ఇప్పటికీ ఉన్న సమస్యలకు తోడుగా, ఇప్పుడు వచ్చిన మరో సమస్య, జగన్ ప్రభుత్వానికి చేటు తెచ్చిపెట్టింది అనటంలో సందేహం లేదు. ఇప్పటికే జగన్ మోహన్ రెడ్డి క్రీస్టియన్ అని, హిందూ వ్యతిరేకి అంటూ పెద్ద ఎత్తున ప్రచారం జరుగుతున్న నేపధ్యంలో, ఆ మచ్చ చేరుపుకోవటానికి జగన్ ఎన్నికల ముందు అనేక ప్రయత్నాలు చేసారు. చివరకు గంగలో కూడా మునిగారు. నిజానికి ఈ చర్యతో హిందూ ఓటు బ్యాంకులో కొంత పాజిటివ్ వచ్చింది. అయితే ప్రభుత్వంలోకి వచ్చిన తరువాత, జరిగిన అనేక సంఘటనలు, మళ్ళీ ఆయన పై ఉన్న ప్రచారానికి బలం చేకూర్చేలా ఉన్నాయి. పదో తారిఖు వినాయక చవితి పండుగ ఉన్న సంగతి తెలిసిందే. మాములుగా అయితే వాడ వాడలా పందిరులు, విగ్రహాలు పెట్టి, పూజలు చేసుకుంటారు. క-రో-నా కారణంగా కొంత ఆంక్షలు ఉంటాయని ప్రజలు భావించారు. అయితే రెండు రోజుల క్రితం, అసలు బయట పందుకే జరుపుకోకూడదని, కేవలం ఇళ్ళలోనే చేసుకోవాలి అంటూ ప్రభుత్వం ఇచ్చిన ఆదేశాలతో ఒక్కసారిగా వ్యతిరేకత భగ్గు మంది. ఆంక్షలు పెట్టి, ఇంత మంది మాత్రమే ఉండాలి, నిబంధనలు పాటించాలి అని చెప్పాలి కానీ, ఇలా అసలు చేసుకోవద్దు అని చెప్పటం పై విమర్శలు వచ్చాయి.

దీనికి కారణాలు కూడా చెప్తున్నారు. స్కూల్స్ లు తెరవలేదా అని ప్రశ్నిస్తున్నారు. సినిమా హాల్స్ గురించి ప్రస్తావిస్తున్నారు. ఇక మద్యం షాపుల దగ్గర హడావిడి అయితే సరే సరే. అలాగే మొన్న రాజశేఖర్ రెడ్డి జయంతిని, వైసీపీ చేసిన హడావిడి అంతా ఇంతా కాదు, ఇక ప్రభుత్వం చేసే కార్యక్రమాలు అయితే లెక్కే లేదు. అలాగే మొహరం పండుగకు ఇలాంటి నిబంధన పెట్టలేదని వాదిస్తున్నారు. క-రో-నా ఆంక్షలు, నిబంధనలు పెడితే సరిపోయే దానికి, అసలు బయట పండుగ చేసోకోకూడదు అని పోలీసుల చేత చెప్పించటం, అలాగే విగ్రహాలు చెత్త బండిలో తీసుకుని వెళ్ళటం, ఇవన్నీ లేని వివాదాన్ని సృష్టించటం లాగే ఉందని, ప్రభుత్వం ఈ విషయంలో ప్రజల మూడ్ ని తక్కువ అంచనా వేసిందా, లేక బీజేపీ పార్టీకి లబ్ది చేకూర్చటానికి ఈ ప్రయత్నం చేస్తుందా అనే మాటలు కూడా వినిపిస్తున్నాయి. ఏది ఏమైనా ఇంత రచ్చ అయ్యింది కాబట్టి, కొన్ని ఆంక్షలు, నిబంధనలతో, ప్రభుత్వం తన నిర్ణయాన్ని మార్చుకుని, ప్రజలకు అర్ధం అయ్యేలా చెప్తుందో లేక ఇలాగే మొండిగా వెళ్తుందో చూడాలి.

ప్రస్తుతం ఆంధ్రప్రదేశ్ ప్రభుత్వం ఆర్ధిక పతనం అంచున ఉంది. ఇప్పటికే జీతాలు ఇవ్వాలి అంటే, రెండో వారం, మూడో వారం కూడా అవుతుంది. ఇక రోడ్డు పనులు కానీ, ఏ అభివృద్ధి పని కానీ జరగటం లేదు. అనేక బిల్లులు పెండింగ్ లో ఉన్నాయి. రిటైర్డ్ అయిన ఉద్యోగులకు బెనిఫిట్స్ ఇవ్వటం లేదు. ఆదాయం చూస్తే రోజు రోజుకీ తగ్గిపోతుంది. కంపెనీలు రావటం లేదు. అందుకే పన్నులు రూపంలో అందినకాడికి లాగేస్తున్నారు. పెట్రోల్, డీజిల్ పైన మనమే ఇండియాలో నెంబర్ వన్ గా ఉన్నాం. అలాగే విద్యుత్ చార్జీలు బాదుడు, ఇంటి పన్ను, చెత్త పన్ను, బాత్ రూమ్ పన్ను, ఇలా అనేక చిత్ర విచిత్ర పన్నులతో వాయించి పడేసారు. అయినా వచ్చే ఆదాయం సరిపోవటం లేదు. అలాగే భూములు అమ్మకం పెట్టారు, అయినా సరిపోవటం లేదు. ఇలాంటి పరిస్థితిలో ఏపి ప్రభుత్వానికి అప్పులు దిక్కు అయ్యాయి. ఈ అప్పులు తెచ్చి ఆస్తులు ఏమైనా పెంచుతున్నారా అంటే, ఆ డబ్బులు ఏమై పోతున్నాయో తెలియటం లేదు. చివరకు ఏడాది కాలంలో తేవాల్సిన అప్పు, నాలుగు నెలల్లో తెచ్చేసారు. దీంతో అప్పు ఇచ్చే వారు కూడా లేకుండా పోయారు. ఆర్బిఐ, ఇతర బ్యాంకులు కూడా అప్పు ఇవ్వం అని చెప్పేసాయి. దీంతో ప్రభుత్వానికి ఏమి చేయలో తోచక, వచ్చే నెలలు ఎలా గడపాలో అర్ధం కాక, ఢిల్లీ బాట పట్టారు.

ఆర్ధిక మంత్రి బుగ్గన, ఎక్కువగా ఢిల్లీలోనే ఉంటూ, ఢిల్లీ పెద్దలను కలిసి, అదనపు అప్పు కోసం చేయని ప్రయత్నం లేదు. రెండు నెలలు నుంచి తిరగగా, తిరగగా, మొన్నటి దాకా అదనపు అప్పు ఇవ్వటం కుదరదు అని తేల్చి చెప్పిన కేంద్ర, చివరకు అదనపు ఇవ్వటానికి ఒప్పుకుంది. ఏమి మ్యాజిక్ చేసారో కానీ, కేంద్రం ఒప్పుకోవటంతో, వైసీపీ శ్రేణులు ఎగిరి గంతు వేస్తున్నాయి. బీజేపీ ప్రభుత్వానికి, జగన్ కు ఎంత అండర్ స్టాండింగ్ ఉందో, ఈ చర్యతోనే అర్ధం అవుతుంది. మొత్తం మీద రూ.10,500 కోట్ల అప్పు వరకు మళ్ళీ పర్మిషన్ ఇచ్చారు. అయితే ఇది గట్టిగా రెండు నెలలకు కూడా సరిపోదు, మళ్ళీ కేంద్రాన్ని అడిగి తెచ్చుకుంటారో ఏమో కానీ, ప్రస్తుతానికి అయితే గండం గట్టేక్కిన్నట్టే. కేంద్రంలో ఉన్న బీజేపీతో ఏదో, విబేధాలు ఉన్నట్టు నటిస్తున్నారు కానీ, ఇద్దరికీ మంచి అవగహన ఉందనే కామెంట్స్ వినిపిస్తున్నాయి. రేపటి నుంచి ఏపి సాకుగా చూపి, మిగతా రాష్ట్రాలు కూడా ఇలా అదనపు అప్పు తీసుకుంటే, కేంద్రం ఏమి చేస్తుందో మరి. దేశ, రాష్ట్రాల ఆర్ధిక స్థితి ఏమిటో, కేంద్ర, రాష్ట్ర ప్రభుత్వాలకే తెలియాలి.