news

ముఖ్యమంత్రి జగన్ స్వాతంత్ర్య దినోత్సవం నాడు చేసిన ప్రసంగమంతా అబద్దాల పుట్టా, అసత్యాల చిట్ట అని టీడీపీ పొలిట్ బ్యూరో సభ్యులు వర్ల రామయ్య త్రీవ స్ధాయిలో మండిపడ్డారు. ఆదివారం నాడు టీడీపీ జాతీయ కార్యాలయంలో నిర్వహించిన విలేకరుల సమావేశంలో ఆయన మాట్లాడుతూ...జగన్ తన ప్రసంగంలో చెప్పిన మాటలు మన రాష్ట్రానికి వర్తించవు, సర్వోతోముఖాభివృద్ది చెందుతూ, రాజ్యాంగ బద్ద పాలన సాగిస్తున్న ప్రభుత్వానికి రాయాల్సిన ప్రసంగం.. రాసినవారెవరో పొరపాటున మన రాష్ట్రానికి రాసినట్టున్నారు. రాష్ర్టంలో శాంతి భధ్రతలు బాగున్నాయని సీఎం చెప్పటం, అది విని డీజీపీ ఆనందించటం హాస్యాస్పదం. దేశానికి స్వాతంత్ర్యం వచ్చిన రోజునే గుంటూరులో దళిత యువతి రమ్య హ-త్య-కు గురైంది, అర్ధరాత్రి మహిళలు స్వేచ్చగా తిరిగిన నాడే దేశానికి స్వాతంత్ర్యం అని గాంధీ అన్నారు, వైసీపీ పాలనలో మహిళలు పట్టపగలు తిరగడానికే భయపడుతున్నారు. రాష్ర్టంలో మహిళలపై గంటకు 39 నే-రా-లు జరుగుతున్నాయని పలు నివేదికలు చెబుతున్నాయి, ఇది నిజమైతే రాష్ర్టంలో పరిస్థితి ఇంత ఘోరంగా ఉంటే శాంతి భద్రతలు బాగున్నాయని ముఖ్యమంత్రి, డీజీపీ ఎలా చెబుతారు? రమ్య హ-త్య-కు ఎవరు బాధ్యులు ? రాష్ట్రంలో ఏం జరిగినా తాడేపల్లి గుహ నుంచి ముఖ్యమంత్రి బయటకు రారు, రమ్య కుటుంబానికి ఎవరు సమాదానం చెబుతారు? రాష్ట్రంలో అవినీతి, విలువల పతనం, స్వార్దం, కులం, మతం, ప్రాంతం వైషమ్యాలు పెరిగిపోయి ప్రమాద ఘంటికలు మోగిస్తున్నాయి. కానీ ముఖ్యమంత్రి రాష్ర్టంలో అంతా బాగుందని చెప్పటం కళ్లు మూసుకుని పిల్లి పాలు తాగిన చందంగా ఉంది. జగన్ ముఖ్యమంత్రిగా ప్రమాణ స్వీకారం చేసిననాడే ఎస్సీ, ఎస్టీ, బీసీ వర్గాల, ప్రతిపక్ష పార్టీల స్వాతంత్ర్యం హరించబడింది. వైసీపీ అధికారంలోకి వచ్చాక వైసీపీ నేతలకే స్వాతంత్ర్యం వచ్చింది. రాష్ట్రంలో రాజ్యాంగంలోని ఆర్టికల్ 19 (భావప్రకటనా స్వేచ్చ ) అమలవుతుందా? రాష్ట్రాన్ని ప్రతికార కుంపటిగా మార్చారు, ప్రతిపక్షాలపై ఇనుప పాదాలు మోపి అణిచివేసిన దాఖలాలు గతంలో ఎన్నడూ లేవు. అవినీతి, అరాచక పాలన సాగిస్తున్న ముఖ్యమంత్రి రేపటికి ఏం భరోసా ఇస్తారు? సామాజిక న్యాయం అంటూ జగన్ మాట్లాడటం వింతగా ఉంది, నేతిబీరకాయలో నెయ్యి ఉండదు, జగన్ చెప్పిన సామాజిక న్యాయంలో న్యాయం ఉండదు, ప్రాధాన్యత కల్గిన కార్పోరేషన్లనన్నీ తన అస్మదీయులకు కట్టెబెట్టి ప్రాదాన్యత లేని పదవులు ఎస్సీ, ఎస్టీ, బీసీలకు ఇచ్చారు, దళితులకు, బీసీలకు ప్రాధాన్యత కల్గిన ఆర్టీసీ చైర్మన్, ఏపీఐఐసీ వంటి చైర్మన్ పదవులు ఎందుకివ్వలేదు?

మంత్రి పదవి కోసం వైసీపీ ఎమ్మెల్యే జోగి రమేష్ రాజ్యాంగం పట్ల కనీస అవగాహన లేకుండా మాట్లాడటం సిగ్గుచేటు. అంబేద్కర్ దళితులకే రాజ్యాంగం రాశారని, బీసీలకు జగన్ ప్రత్యేకంగా రాజ్యంగం రాస్తున్నారని అవగాహన లేకుండా జోగి రమేష్ మాట్లాడటం రాజ్యాంగాన్ని అవమానించటమే. ప్రత్యేక రాజ్యాంగం రాయడానికి పార్లమెంట్ దగ్గర అనుమతి తీసుకున్నారా? అంబేద్కర్ ని, రాజ్యాంగాన్ని అవమానించిన జోగి రమేష్ పై డీజీపీ సుమోటోగా కేసు నమోదు చేసి అరెస్ట్ చేయాలి. దళిత జడ్జి రామకృష్ణపై అక్రమ కేసులు పెట్టి జైలుకు పంపిన ప్రభుత్వం రాజ్యాంగాన్ని అవమానించిన జోగి రమేష్ పై ఎందుకు చర్యలు తీసుకోదు. రేపు డీజీపీ ఆఫీస్ కి వెళ్లి ఈ ఘటనపై ఫిర్యాదు చేస్తామని వర్ల రామయ్య తెలిపారు. అన్ని కులాలను సమానంగా చూడాల్సిన ముఖ్యమంత్రి ఒక్క కులానికే అధిక ప్రాధాన్యత ఇవ్వటం సరికాదు. కుర్చీలు, బల్లాలు లేని కార్పోరేషన్లు ఏర్పాటు చేసి ప్రచారం తప్ప...వారికి ఏం చేశారు? ఎస్సీ కార్పోరేషన్ ని 3 విభాగాలు చేశారు కానీ, రెండున్నరేళ్లలో కార్పోరేషణ్ల ద్వారా కనీసం ఒక్కరికైనా రుణం ఇచ్చారా? ఒక్కరికైనా ఒక ఇన్నోవా కారు ఇచ్చారా? టీడీపీ ప్రభుత్వంలో దళిత యువతకు కార్లు, రుణాలు ఇచ్చి ఆర్దికంగా ఆదుకున్నాం. కానీ ఇప్పుడు చైర్మన్లకు కార్లకు సామాజికన్యాయం అనటం సిగ్గుచేటు, మీ ప్రభుత్వ పాలన వైఖరితో వైసీపీలోని దళిత ఎమ్మెల్యేలు, నాయకులు మింగలేక, కక్కలేక ఉన్నారు. టీడీపీ ప్రభుత్వంలో దళితులకు ఎన్ని రుణాలు ఇచ్చామో..వైసీపీ పాలనలో ఎన్ని రుణాలు ఇచ్చారో టీడీపీ నుంచి వైసీపీలోకి వెళ్లిన దళిత నాయకులు చెప్పాలి.

టీడీపీ హయాంలో దళితుల అభ్యున్నతికి రూ. 14 వేల కోట్లు ఖర్చు చేశాం. కానీ వైసీపీ పాలనలో ఎస్సీ, ఎస్టీ సబ్ ప్లాన్ నిదుల్లో గోల్ మాల్ జరిగింది. ఎస్సీ, ఎస్టీ సబ్ ప్లాన్ కు కేటాయించిన రూ. 15 వేల కోట్లలో కేవలం రూ. 4700 కోట్లు ఖర్చు చేసి మిగతా నిధులు నవరత్నాలకు, ఉద్యోగుల జీతాలకు దారి మళ్లించి ఎస్సీ, ఎస్టీలకు తీరని అన్యాయం చేశారు. చట్ట ప్రకారం దళితులకు వాడాల్సిన నిధుల్ని దారిమళ్లించిన వైసీపీ ప్రభుత్వం శిక్షార్హం, కేసులు పెట్టి అరెస్ట్ చేయాలి. రైతు భరోసా రూ 7500 ఇస్తూ రూ. 13500 ఇస్తున్నామనటం మోసం చేయటమే. దాన్యం కోనుగోలు కేంద్రాలకు రూ. 33 వేల కోట్లు ఖర్చు పెట్టామంటున్నారు. రైతులు పండించిన పంటకు గిట్టుబాటు ధరలు లేక నడిరోడ్డుపై పంటను పారిపోయటం ముఖ్యమంత్రి కళ్లకు కనపడటం లేదా? రైతులకు చేస్తున్నామన్న న్యాయం అంతా మిధ్య. ప్రతి నెలా 1 వ తారీఖున ఉద్యోగాలివ్వలేని స్థితిలో ప్రభుత్వం ఉంటే ప్రతి నెలా 1 తారీఖునే ఫించన్ ఇస్తున్నామని అబద్దాలు చెబుతున్నారు. వాలంటీర్లకు ఉద్యోగాలిచ్చి అవే ప్రభుత్వ ఉద్యోగాలని లెక్కలు చెబుతున్నారు. స్వాతంత్ర్య దినోత్సవం నాడు ముఖ్యమంత్రి అబద్దాలు చెప్పి ఆత్మవంచన చేసుకున్నారు. ముఖ్యమంత్రి ఉపన్యాసమంతా ప్రజా వ్యతిరేక ప్రసంగం.

ఆంధ్రప్రదేశ్ రాష్ట్ర ప్రభుత్వం, ఉపాధి హామీ బిల్లులు చెల్లించకుండా చేస్తున్న పనులకు, ఇప్పటికే కోర్టుల్లో అనేక మార్లు అక్షింతలు పడిన సంగతి తెలిసిందే. మొన్న కోర్టు విచారణలో, హైకోర్టు కేంద్ర ప్రభుత్వాన్ని కూడా హెచ్చరించింది. కేంద్ర ప్రభుత్వం కూడా సరైన వివరాలతో అఫిడవిట్ వేయక పోవటంతో, కోర్ట్ ఆగ్రహం వ్యక్తం చేసిన సంగతి తెలిసిందే. ఈ నేపధ్యంలోనే ఆంధ్రప్రదేశ్ హైకోర్టు సీరియస్ అవ్వటమో, లేక కేంద్రమే అసలు ఏమి జరుగుతుందో తెలుసుకోవలనో కానీ కేంద్ర గ్రామీణాభివృద్ధి శాఖ అధికారులు, రాష్ట్ర గ్రామీణాభివృద్ధి శాఖ అధికారులతో వీడియో కాన్ఫరెన్స్ నిర్వహించారు. రాష్ట్ర గ్రామీణాభివృద్ధి శాఖ ముఖ్యకార్యదర్శి గోపాలకృష్ణ ద్వివేదితో పాటుగా, ఇతర అధికారులు కూడా ఈ వీడియో కాన్ఫరెన్స్ కు హాజరు అయ్యారు. అయితే ఒక ప్రముఖ పత్రికలో వచ్చిన కధనం ప్రకారం, కేంద్ర అధికారుల ప్రశ్నలకు ద్వివేదితో పాటుగా, ఇతర అధికారులు సమాధానాలు చెప్పలేక ఇబ్బంది పడ్డారు. కేంద్ర ప్రభుత్వం పంపించిన లేఖలు కూడా చదవలేదని చెప్పటంతో, ఆగ్రహం వ్యక్తం చేసినట్టు ఆ పేపర్ ప్రచురించింది. అలాగే ఉపాధి హామీ బిల్లులు పెండింగ్ విషయంలో కూడా కేంద్ర అధికారులు, రాష్ట్ర అధికారుల పై ప్రశ్నల వర్షం కురిపించగా, దానికి కూడా సమాధానం చెప్పలేక పోయారు.

రాష్ట్ర హైకోర్టు కేంద్ర అధికారుల పై ఆగ్రహం వ్యక్తం చేసిందని, మీకు నిధులు ఇచ్చి, కోర్టుల చేత మేము చీవాట్లు తింటున్నాం అంటూ, ఆగ్రహం వ్యక్తం చేసారు. అలాగే ఉపాధి హామీ తనిఖీ రిపోర్ట్ లు కేంద్రం యాప్ లో నమోదు చేయాల్సి ఉండగా, ఒక్క నివేదిక కూడా కేంద్రానికి రావటం లేదని ఆగ్రహం వ్యక్తం చేసారు. ఇక రాష్ట్ర ప్రభుత్వం అధిక పని దినాలు కల్పించాం అంటూ చెప్పిన వివరాల పై కూడా అనుమానం వ్యక్తం చేసినట్టు తెలుస్తుంది. నిజంగానే అన్ని పని దినాలు కల్పించారా, లేక కాగితాలకే పరిమితమా అని ఆగ్రహం వ్యక్తం చేసారు. వ్యవసాయ పనులు మొదలైన తరువాత కూడా, ఇన్ని పని దినాలు ఎలా కల్పించారు అంటూ అనుమానం వ్యక్తం చేసారు. ఈ ప్రశ్నలకు అధికారులు అవక్కయ్యారని తెలుస్తుంది. నేరుగా సమాధానం చెప్పలేక పోయినట్టు సమాచారం. ఇక అలాగే, సాఫ్ట్ వేర్ వినియోగం పై కూడా కేంద్ర అధికారులు ప్రశ్నించారు. అందరూ కొత్త సాఫ్ట్ వేర్ వాడుతుంటే, కేవలం ఆంధ్రప్రదేశ్ మాత్రమే పాతది వాడుతుందని అన్నారు. త్వరలోనే రాష్ట్రానికి వచ్చి, మీ నివేదికలు ఆధారంగా క్షేత్ర స్థాయిలో తనిఖీ చేస్తాం అని చెప్పినట్టు సమాచారం.

మెగాస్టార్ చిరంజీవికి, జగన్ మోహన్ రెడ్డిని పిలుపు వచ్చింది. తనని వచ్చి కలవాల్సిందిగా జగన్ మోహన్ రెడ్డి, చిరంజీవికి సందేశం పంపించారు. ఈ మేరకు ఆంధ్రప్రదేశ్ మంత్రి పేర్ని నాని, చిరంజీవికి ఫోన్ చేసి, జగన్ మోహన్ రెడ్డిని కలవాల్సిందిగా కోరినట్టు వార్తలు వచ్చాయి. అయితే ముఖ్యంగా ఈ భేటీ వెనుక కారణం ఏమిటి అంటే, ప్రస్తుతం సినీ పరిశ్రమ ఎదుర్కుంటున్న ఇబ్బందులు ఏమిటో వివరించాలని, చిరంజీవి మాత్రమే కాకుండా, ఇతర సినీ పెద్దలు కూడా వచ్చి కలవాలని పేర్ని నాని చెప్పినట్టు తెలుస్తుంది. దీంతో జగన్ మోహన్ రెడ్డి పిలుపు మేరకు, చిరంజీవితో పాటుగా, ఇతర సినీ ప్రముఖులు వచ్చే వారం జగన్ ని కలిసే అవకాసం ఉన్నట్టు తెలుస్తుంది. ఈ మేరకు మంత్రి పేర్ని నాని కూడా సమాచారం అందించినట్టు తెలుస్తుంది. ముఖ్యంగా సినీ పరిశ్రమలోని అనేక సమస్యలు ఈ సందర్భంగా చర్చించనున్నారు. క-రో-నా కారణంగా షూటింగ్లు లేక పరిశ్రమ వర్గాలు అనేక ఇబ్బందులు పడుతున్నాయి.. అలాగే థియేటర్ల యాజమాన్యాలు కూడా అనేక సమస్యలు ఎదుర్కుంటున్నాయి. థియేటర్లు పూర్తి స్థాయిలో తెరుచుకోవటానికి ప్రభుత్వ సహకారం ఎంతో అవసరం. ప్రస్తుతం రాష్ట్రంలో మూడు షోలు నడుస్తున్నాయి. దాన్ని నాలుగు షోలకి, అవసరం అయితే అయుదు షోలకి అనుమతి ఇవ్వాలని కోరనున్నారు.

ఇక అలాగే టికెట్ ధరల విషయంలో కూడా అనేక అభ్యర్ధనలు సినీ ఇండస్ట్రీ నుంచి వస్తున్నాయి. ఆంధ్రప్రదేశ్ ప్రభుత్వం సినిమా టికెట్ రెట్లు తగ్గించి వేయటంతో, పరిశ్రమ ఇబ్బందులు పడుతుందని చెప్తున్నారు. ఇలా అనేక సమస్యలతో సినీ పరిశ్రమ ఇబ్బందులు పడుతుంది. అయితే ఇక్కడ మరో విషయం ఏమిటి అంటే, గత ఏడాది కూడా ఇలాగే సినీ ప్రముఖులు వచ్చి జగన్ ని కలిసి వెళ్ళారు. ఆ సమయంలో అనేక హామీలు ఇచ్చినట్టు చెప్పారు. మరి ఇప్పటి వరకు ఎలాంటి హామీలు అమలు అయ్యయో చిరంజీవి గారే చెప్పాలి. ఇక ఈ భేటీల పై మరో కోణం కూడా ఉంది. ఇదంతా రాజకీయం కోసం చేస్తున్న ఎత్తుగడగా చెప్పే వారు కూడా ఉన్నారు. ఏపి ప్రభుత్వం ముఖ్యంగా చేయాల్సింది సినీ పరిశ్రమ వర్గాలకు, థియేటర్లకు రాయతీలు ఇవ్వటం. అవి ఇచ్చే పరిస్థితిలో రాష్ట్రం లేదు. మరి ఎందుకు చిరంజీవి వచ్చి కలుస్తున్నారో తెలియదు. అయితే ఈ సారి అయినా, ఒట్టి మాటలు కాకుండా, నిజంగా ఏమైనా హామీలు నెరవేర్చుతారేమో చూడాలి.