news

రాష్ట్ర విభజన తరువాత కాంగ్రెస పార్టీ, ఆంధ్రప్రదేశ్ర్ రాష్ట్రంలో అడ్డ్రెస్ లేకుండా పోయింది. అయితే ఈ పార్టీ నేతలు మాత్రం సేఫ్ గేం ఆడారు. అప్పట్లో రాష్ట్ర విభజనకు ప్రధాన కారకులు అందరూ, కాంగ్రెస్ పార్టీని దోషిగా చేసి, వారి రాజకీయ భవిష్యత్తు కోసం, జగన్ రెడ్డి పార్టీలో చేరిపోయారు. దీంతో కాంగ్రెస్ అడ్డ్రెస్ లేకుండా పోయింది. రాజకీయంగా వైఎస్ ఫ్యామిలీ ఎదగటానికి కారణం అయిన కాంగ్రెస్ పార్టీని కూడా జగన్ రెడ్డి వెన్ను పోటు పొడిచారని కాంగ్రెస్ ఆరోపిస్తూ వస్తుంది. నిజానికి ఇప్పుడు జగన్ మోహన్ రెడ్డి ఓటు బ్యాంకు అయిన ఎస్సీలు, ఎస్టీలు, మైనారిటీలు ఒకప్పటి కాంగ్రెస్ పార్టీ ఓటు బ్యాంకు. రాష్ట్రంలో కేవలం టిడిపి , వైఎస్ఆర్ కాంగ్రెస్ పార్టీ బలంగా ఉండటంతో, కాంగ్రెస్ పార్టీలో సరైన నాయకత్వం లేకపోవటంతో, వీరంతా వైఎస్ఆర్ కాంగ్రెస్ వైపు వెళ్ళారు. అయితే ఇప్పుడు మారుతున్న పరిస్థితిలో, జగన్ మోహన్ రెడ్డి ఆదరణ రోజురోజుకీ తగ్గి పోతూ ఉండటంతో, ఆ ఓటింగ్ ఇతర ప్రతిపక్షాలకు వెళ్ళకుండా, గతంలో తమకు ఓటు వేసిన వారినే మళ్ళీ తమ వైపు తిప్పుకోవటానికి కాంగ్రెస పార్టీ ప్రణాళికలు రచిస్తుంది. దేశమంతా వివిధ రాష్ట్రాలలో నాయకత్వ మార్పు చేసి, ప్రణాళికలు రచిస్తున్న కాంగ్రెస్ పార్టీ, తెలంగాణాలో రేవంత్ రెడ్డికి బాధ్యతలు ఇచ్చిన తరువాత, అక్కడ సీన్ మారిపోయింది.

రేవంత్ దుమ్ము దులుపుతూ, పాత కాంగ్రెస్ నేతలను మళ్ళీ కాంగ్రెస్ వైపు తీసుకుని వస్తూ, ప్రజల్లోకి చొచ్చుకుని వెళ్తున్నారు. ఆంధ్రప్రదేశ్ లో కూడా, అలాంటి గట్టి నేత కోసం కాంగ్రెస్ పార్టీ వెతుకుతుంది. ఈ ప్రణాళికలో భాగంగానే, నిన్న రాహులు గాంధీ ఏపి కాంగ్రెస్ నాయకులను పిలిపించారు. కిరణ్ కుమార్ రెడ్డి, కేవీపీ, పల్లం రాజు, హర్ష కుమార్, శైలజానాద్ సహా ఇతర నేతలు నిన్న రాహుల్ గాంధీతో సమావేశం అయ్యారు. తిరిగి పార్టీ పుంజుకునే విషయం పై చర్చించారు. ఈ సందర్భంగా జగన్ మోహన్ రెడ్డి పరిపాలన, ఇతర సామజిక అంశాల గురించి చర్చ జరిగింది. అయితే ఈ మొత్తం బాధ్యతను రాహుల్ గాంధీ కేవీపీకి అప్ప చెప్పారు. కాంగ్రెస్ ఓటు బ్యాంకు మళ్ళీ మన వైపు రావాలి అంటే ఏమి చేయాలో ప్రణాళిక ఇవ్వమని కేవీపీని రాహుల్ కోరినట్టు తెలుస్తుంది. గతంలో వైఎస్ఆర్ ఆత్మగా ఉన్న కేవీపీకి, జగన్ బలహీనతలు అన్నీ తెలుసు కాబట్టి, కేవీపీకి కీలక బాధ్యతలు అప్ప చెప్పినట్టు తెలుస్తుంది. జగన్ ఓటు బ్యాంకుని మళ్ళీ కాంగ్రెస్ వైపు మళ్ళించటానికి ఎలాంటి వ్యూహాలు పన్నుతారో చూడాలి మరి.

వైఎస్ఆర్ కాంగ్రెస్ పార్టీ, బీజేపీ రెండూ ఒకటే అనే విషయం, రాజకీయాలు ఫాలో అయ్యే ప్రతి ఒక్కరికీ తెలుస్తుంది. అధికారికంగా ఇద్దరికీ పొత్తు లేకపోయినా, ఇద్దరూ కలిసి చంద్రబాబుని దింపటానికి చేయని ప్రయత్నం లేదు. అయితే రాను రాను కేంద్రంలో బీజేపీ నేతలు, వైసీపీకి కొంచెం దూరం జరిగారు అనే సంకేతాలు ఉన్నా, రాష్ట్రంలో బీజేపీ నేతలు మాత్రం, ఇప్పటికీ వైసీపీతో మంచి సంబంధాలు ఉన్నట్టే కనిపించింది. సోము వీర్రాజు ఆధ్యక్షుడు అయిన తరువాత, ఆయన చంద్రబాబు జపం తప్ప, వేరేవి పెద్దగా చేసిన సందర్భాలు లేవు. అందుకే జనసేన కూడా, రాష్ట్ర బీజేపీ నేతలతో కొంచెం దూరంగా ఉందనే అభిప్రాయం కూడా ఉంది. ఇది ఇలా ఉంటే, కేంద్రంలో బీజేపీ నేతలు మాతో మంచిగా ఉన్నారు అనే అభిప్రాయం కలిగించటానికి, విజయసాయి రెడ్డి ఎందుకో కానీ ఎక్కువగా ప్రయత్నాలు చేస్తూ ఉంటారు. గతంలో కూడా, మేము అన్నీ మోడీ, అమిత్ షా కి చెప్పే చేస్తాం అని చెప్పిన సందర్భం కూడా ఉంది. అయితే అది బీజేపీ ఖండించింది అనుకోండి వేరే విషయం. అయితే ఇప్పుడు మరోసారి ఇలాంటి కధనం ఒకటి జాతీయ మీడియాలో రావటం చర్చనీయంసం అయ్యింది. జగన బెయిల్ రద్దు కేసుతో పాటు, ఏపిలో చేస్తున్న అప్పులు విషయం, ఇలా అన్ని విషయాల్లో బీజేపీ, జగన్ కు వ్యతిరేకంగా ఉందని అర్ధం అవుతుంది.

ఈ అభిప్రాయం ప్రజల్లోకి వెళ్తే ఏమి అవుతుంది అనుకున్నారో ఏమో కానీ, నిన్న జాతీయ మీడియాలో ఒక కధనం వచ్చింది. జగన్ మోహన్ రెడ్డి, ఎన్డీఏలో చేరి, క్యాబినెట్ లో మంత్రి పదవులు తీసుకోవాలి అనుకున్నారు అనేది ఆ కధనం సారంశం. అయితే చివరి నిమిషంలో, జగన్ మోహన్ రెడ్డి రెండు మంత్రి పదవులు ఇవ్వాల్సిందే అని పట్టుబట్టటంతో డీల్ కుదరలేదు అంట. జాతీయ మీడియాలో వచ్చిన ఈ కధనంలో, విజయసాయి రెడ్డి అభిప్రాయంగా, మాటలు నడిచాయి, అవి ఏమిటి అనేది మా ముఖ్యమంత్రిని అడగాలని ఆయన చెప్పటంతో, ఈ కధనం నిజమే అని అందరూ అనుకున్నారు. అయితే ఈ కధనంతో, విజయసాయి రెడ్డి మాటలను బీజేపీ ఖండించింది. రౌడీల పార్టీతో తాము ఎందుకు పొత్తు పెట్టుకుంటాం అంటూ బీజేపీ ఖండిస్తూ, తాము జనసేనతో మాత్రమే ఉంటాం అని చెప్పింది. అయితే ఈ కధనం వెనుక విజయసాయి రెడ్డి ఉన్నారని, ఢిల్లీలో తమ పరపతి ఏ మాత్రం తగ్గలేదు అని చూపించుకోవటానికి, విజయసాయి రెడ్డి ఈ కధనం వేయించారు అంటూ ఆరోపణలు వస్తున్నాయి.

జగన్మోహన్ రెడ్డి సర్కారు తప్పుడు పనులు చేయడంలో రికార్డులు సృష్టిస్తోందని, ఆర్థిక నేరాల్లో గొప్పపేరు ప్రఖ్యాతులు పొందిన రాష్ట్ర ముఖ్యమంత్రి, ప్రజలంతా నోళ్లువెల్లబెట్టేలా మితిమీరి ప్రవర్తిస్తున్నాడని, గతంలో అడ్రస్ లేని కంపెనీలతో లక్షల కోట్లు పోగేసిన వ్యక్తి, ఇప్పుడు ముఖ్యమంత్రయ్యాక అడ్రస్ లేని జీవోలిస్తూ, అడ్డగోలుగా వ్యవహరిస్తున్నాడని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ తెలిపారు. బుధవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే యథాతథంగా మీకోసం...! కొన్నిరోజులుగా ప్రభుత్వమిస్తున్న బ్లాంక్ జీవోలపై (ఖాళీ జీవోలు) పత్రికల్లో కథనాలు వస్తున్నాయి. సాధారణంగా జీవోలు ఇచ్చేటప్పుడు, ఏ అంశం కోసం విడుదల చేస్తున్నారనేది స్పష్టంగా తెలిసేది. కానీ జగన్మోహన్ రెడ్డి ప్రభుత్వం, తాను చేస్తున్న తప్పుడు పనులు ప్రపంచానికి తెలియకూడదనే ఈ విధంగా బ్లాంక్ జీవోలు ఇస్తోంది. రాష్ట్ర ముఖ్యమంత్రి జీవో అనే పదానికి అర్థమే మార్చేశాడు. గవర్నమెంట్ ఆర్డర్ గా చెప్పుకునే జీవోని గోల్ మాల్ ఆర్డర్ గా చేశాడు. తాను చేసే గోల్ మాల్ వ్యవహారాలకు అనుకూలంగా తప్పుడు జీవోలిస్తూ, అనేక అవినీతి కార్యక్రమాలకు పాల్పడుతున్నాడు. ఏ అవసరం వచ్చిందని, ఎలాంటి తప్పుడు పనులు చేయడానికి ముఖ్యమంత్రి ఇలాంటి గోల్ మాల్ ఆర్డర్లు ఇస్తు న్నాడో ఆయనే సమాధానం చెప్పాలి. గతంలో కూడా కాన్ఫిడెన్షియల్ జీవోల పేరుతో అసలు విషయాలను దాచి, జగన్ ప్రభుత్వం కొన్ని వందల జీవోలిచ్చింది. పత్రికల్లో వచ్చిన కథనాలను గమనిస్తే, పది నిమిషాల్లో పది రహస్య జీవోలని, కాన్ఫిడెన్షియల్ జీవోల జారీలో జగన్ ప్రభుత్వం రికార్డు అని, అర్థరాత్రి విడుదల అని వివిధ పేర్లతో కథనాలు వచ్చాయి. దొంగలు మాత్రమే అర్థరాత్రి పూట పనులు చక్కబెడుతుంటారు. ప్రజలు 151సీట్లిచ్చినా, ముఖ్యమంత్రి అయినా జగన్మోహన్ రెడ్డి బుద్దిమాత్రం మారలేదనడానికి అర్థరాత్రి ఇస్తున్న బ్లాంక్ జీవోలే నిదర్శనం. గృహనిర్మాణశాఖలో 17 రహస్య జీవోలు ఇవ్వడంపై “గోప్యతతో గందరగోళము” అని కథనాలు వచ్చాయి. అలానే పంచాయతీరాజ్ శాఖలో కాన్ఫిడెన్షియల్ జీవోలు... పురపాలికశాఖలో అంతా గుంభనమే... అనేపేర్లతో కూడా కథనాలు వచ్చాయి. ఎటువంటి వివరాలు, లబ్ధిదారుల జాబితాలు తెలుపకుండా చెల్లించిన రూ. 41 వేల కోట్లకు సంబందించి కాగ్ సీఏజీ (కాగ్) తప్పుపట్టింది. ఇప్పడు కూడా అలాగే ఎలాంటి వివరాలు లేకుండా అడ్డగోలుగా జీవోలిస్తున్నారు. రహస్యజీవోలు, బ్లాంక్ జీవోలతో ముఖ్యమంత్రి తనదోపిడీని యథేచ్ఛగా కొనసాగిస్తున్నాడు.

ఎటు వంటి సమాచారం బయటకు రానివ్వకుండా ఇలాంటి జీవోలివ్వడం చూస్తేనే, ముఖ్యమంత్రి దుర్బుద్ధిఏమిటో తెలిసిపోతోంది. ఈ వ్యవహారంపై ముఖ్యమంత్రే ప్రజలకు వివరణఇవ్వాలి. అధికారుల బదిలీల్లో కూడా జగన్మోహన్ రెడ్డి ఎందుకం త గోప్యత పాటిస్తున్నాడు? ముఖ్యమంత్రేమీ అధికారులను నియమించడం లేదు కదా..? జగన్ ప్రభుత్వంలో పనిచేస్తున్న ఐఏఎస్ అధికారులు, ఆయన చేస్తున్న తప్పుడు పనులకు సహకరిస్తూ, వారి గొయ్యి వారే తీసుకుంటున్నారు. గతంలో ఎలాగైతే, ఐఏఎస్ అధికారులు ఈ అవినీతిపరుడిని నమ్మి, ఇప్పటికీ కోర్టులచుట్టూ తిరుగుతూనే ఉన్నారు. వారిని చూశాకైనా ఇప్పుడు ప్రభుత్వంలో ఉన్న ఐఏఎస్ అధికారులు బాధ్యతతో, చట్టప్రకారం పనిచేస్తే మంచిదని సూచిస్తున్నాం. కాన్ఫిడెన్షియల్ జీవోలు, బ్లాంక్ జీవోలు విడుదల చేసే అధికారులంతా తాడేపల్లి ఆదేశాల ప్రకారం నడుచుకోవడం మానుకుంటే, వారికే మంచిదని చెబుతున్నాం. తప్పుడు పనుల్లో భాగస్వాములు కావద్దని ప్రభుత్వంలోని ఉన్న తాధికారులను కోరుతున్నాం. ఏ దొంగపనులు, తప్పుడు పనులు చేయడం కోసం ముఖ్యమంత్రి అధికారులతో అర్థరాత్రి జీవోలు ఇప్పిస్తున్నాడు? వేలకోట్ల అవినీతిని కొనసాగించడానికే ముఖ్యమంత్రి ఈవిధంగా జీవోలిప్పిస్తున్నాడా? ఏ దురుద్దేశంతో ముఖ్యమంత్రి వివిధ శాఖల్లో తప్పుడు జీవోలిప్పిస్తున్నాడు? ప్రజలంతా కూడా ఈ దొంగముఖ్యమంత్రి వ్యవహార శైలిని అర్థంచేసుకోవాలని కోరుతున్నాం. గవర్నమెంట్ ఆర్డర్ ను గోల్ మాల్ ఆర్డర్ గా మార్చేసి మరీ, ఈ ముఖ్యమంత్రి బ్లాంక్ జీవోలు, కాన్ఫిడెన్షియల్ జీవోలు ఇప్పిస్తున్నాడు. సదరు జీవోల వెనకున్న రహస్యాలను ప్రభుత్వం తక్షణమే ప్రజల ముందుంచాలని తెలుగుదేశం పార్టీ తరుపున డిమాండ్ చేస్తున్నాం. ఏ అంశాల కోసం ప్రభుత్వం బ్లాంక్ , రహస్య జీవోలు విడుదల చేస్తోంది. ఎటువంటి అవినీతి కార్యక్రమాలకోసం రాత్రికి రాత్రి అధికారులను మార్చేస్తూ, బ్లాంక్ జీవోలు ఇస్తున్నారు? ఎవరికి ఎంత దోచిపెట్టడంకోసం ప్రభుత్వం బ్లాంక్ జీవోలు ఇస్తోంది? ఏ కంపెనీకి ఏరకంగా సహక రించడానికి కాన్ఫిడెన్షియల్ జీవోలిస్తున్నారు? ఆంధ్రప్రదేశ్ లో బ్లాంక్ జీవోల జారీ ముసుగులో జరుగుతున్న అవినీతిని జాతీయ మీడియా కూడా ప్రశ్నిస్తోంది. అధికారులిచ్చే జీవోలపై ప్రభుత్వం ఎందుకు వివరణ ఇవ్వడంలేదు? ప్రతిదానికీ పోలోమని ఎగేసుకొని మీడియా ముందుకొచ్చే తాడేపల్లి జీతగాడు సజ్జల రామకృష్ణారెడ్డి రహస్య, బ్లాంక్ జీవోల జారీపై సమాధానంచెప్పడానికి మీడియా ముందుకు ఎందుకురాలేదో చెప్పాలి. ఏపీప్రజలు కూడా జగన్మోహన్ రెడ్డి చీకటివ్యవహారాలు, రహస్యజీవోల బాగోతంపై ఆలోచనచేయాలని పట్టాభిరాం అన్నారు.