news

నాడు నేడు పధకం మొత్తం బూటకం అంటూ వ్యాఖ్యలు చేసారు టిడిపి నేత, మాజీ మంత్రి కే.ఎస్.జవహర్. ఆయన మాట్లాడుతూ, "విద్యా శాఖలో విద్యా వంతులు వస్తే ఆ శాఖ బాగుపడుందని అందరూ భావించారు. కాని నేడు విద్యా శాఖకు మంత్రిగా ఆదిమూలపు సురేష్ రావడంతో మొత్తం విద్యా వ్యవస్థనే బ్రష్టుపట్టించారు. నేడు నేడు అనే బోగస్ పథకాన్ని మంత్రి బుజాన వేసుకొని తిరుగుతున్నారు. నాడు చంద్రబాబు నాయుడు గారు కి.మీ. లోపు పాఠశాలలను నిర్మించి విద్యార్ధులకు విద్యను అందిస్తే నేడు విద్యా శాఖ పిచ్చోడి చేతిలో రాయిలా మారింది. నాడు టీడీపీ హయాంలో కట్టిన పాఠశాలలకు నేడు రంగులు వేసుకుంటున్నారు. నాడు చంద్రబాబు నాయుడు గారి హయాంలో టంగుటూరి ప్రకాశం పంతులు గారి మీద యూనివర్సిటీ పెడితే నేడు ఆంధ్రకేసరి ప్రకాశం పంతులు అని పేరు మార్చుకున్నారు. నాడు నేడు పేరుతో జగన్ రెడ్డి బినామీలకు కమీషన్లు దోచిపెడుతున్నారు. రాష్ట్ర వ్యాప్తంగా అనేక పాఠశాల్లలో మరుగుదొడ్లు లేక ఇబ్బందులు పడుతున్నారని, 15 శాతం బడుల్లో మంచినీటి కోసం ఇబ్బంది పడుతున్నారని నిన్న కేంద్ర విద్యా శాఖ చెప్పింది. నాడు నాణ్యమైన విద్యలో 3 వస్థానం నుంచి నేడు 19వ స్థానానికి దిగజార్చారు. ఆదిమూలపు సురేష్ మంత్రికి ఎక్కువ ఎమ్మెల్యేకి తక్కువ. కామన్ స్కూల్ విధానం లేదు. మాతృభాష బోదనలో విలువ తెలియని వ్యక్తి నేడు విద్యా శాఖ మంత్రిగా ఉన్నారు. బెస్ట్ అవైలబుల్ స్కూల్, విదేశీ విద్య, కార్పొరేట్ కళాశాల్లో చదువుకునే వెసులుబాటులు ఇప్పుడేమయ్యాయో తెలియదు. "

"విద్యావ్యవస్థను బ్రష్టుపట్టిస్తున్నారు. నాడు నేడు పథకం ద్వారా ఉపాధ్యాయులు ఎంత మంది చనిపోయారో లెక్కచెప్పాలి. కరోనా ఎంత మంది ఉపాధ్యాయులను ఆదుకున్నారో చెప్పే దమ్ము ప్రభుత్వం దగ్గర ఉందా? అమ్మ ఒడి తో 80 లక్షల మంది విద్యార్ధులకు ఇవ్వాల్సింది. 44 లక్షల మందికి కుదించారు. ఉపాధ్యాయుల రిక్రూట్ మెంట్, డీఎస్సీల విషయంలో నాడు చంద్రబాబు నాయుడు గారు క్లారిటీగా ఉంటే నేడు జగన్ రెడ్డి కన్ఫూజ్ అవుతున్నారు. మొన్నటి వరకు పరీక్షల పేరుతో పిల్లలను భయబ్రాంతులకు గురి చేశారు. సుప్రీంకోర్టు చివాట్లు పెడితేగాని రద్దు చేయలేదు. ప్రశ్నించి లోకేష్ గారిపై అనవసరంగా నిందలు వేశారు. ఆదిమూలపు సురేష్, జగన్ రెడ్డిలను మానసిక డాక్టర్ల దగ్గర చికిత్స చేయించాలి. విద్యా శాఖ కమీషనర్ చిన వీరభద్రుడు కూడా ప్రశ్నించిన వారిపై మెమోలు ఇస్తున్నారు. కమీషనర్ గా తన బాధ్యతను విస్మరిస్తున్నారు. విద్యా శాఖలో చాలా మంది మేథావులు ఉన్నాయి వారి ఆలోచనలు ప్రభుత్వం ఎందుకు తీసుకోవడం లేదు." అని అన్నారు.

ఆంధ్రప్రదేశ్ రాష్ట్ర ప్రభుత్వానికి కేంద్రం నుంచి భారీ షాక్ వచ్చింది. భారీ షాక్ అనటానికి కారణం ఉంది. ప్రస్తుతం ఆంధ్రప్రదేశ్ రాష్ట్ర ప్రభుత్వానికి ఖర్చులతో పోల్చుకుంటే, ఆదాయం పెద్దగా లేదు. కేవలం అప్పుల మీద నెట్టుకుని రావాల్సిన పరిస్థితి వచ్చింది. ఒక్కో నెలలో జీతాలు కూడా లేట్ అవుతున్నాయి. అప్పు పుడితే కానీ, గడవని పరిస్థితికి వచ్చింది. ఇందు కోసం జగన్ మోహన్ రెడ్డితో పాటుగా, మంత్రి బుగ్గన చేయని ప్రయత్నం అంటూ లేదు. మంత్రి బుగ్గన ఢిల్లీ పర్యటనలో అప్పు కోసం అనేక ప్రయత్నాలు చేసారు. అయితే అదనపు వివరాలు కావాలని కేంద్రం కోరటం, ఆ అదనపు వివరాలు ఇచ్చిన తరువాత కేంద్రం అసలు విషయం చెప్పి భారీ షాక్ ఇచ్చింది. ఇక వివరాల్లోకి వెళ్తే ఆంధ్రప్రదేశ్ రాష్ట్ర రుణ పరిమితిని ఈ ఆర్ధిక ఏడాది, అంటే 2021-22 సమయానికి, రూ.42,472 కోట్లగా నిర్ణయించి, బహిరంగ మార్కెట్ లో రుణాలు తీసుకోవచ్చు అంటూ ముందుగా కేంద్రం చెప్పింది. అయితే ఇది సరిపోదని, ఇంకా అదనపు రుణం కావలి అంటూ బుగ్గన ఢిల్లీ చుట్టూ ప్రదక్షిణలు చేసారు. అయితే ఇప్పటి తీసుకున్న రుణాల పై సమగ్ర నివేదిక తమకు పంపిస్తే ఆలోచిస్తామని కేంద్ర ఆర్ధిక సఖ అధికారులు చెప్పారు.

ఆ వివరాలు అన్నీ పంపించిన తరువాత, రుణం పెంచుతారు అనుకుంటే, రూ.42,472 కోట్ల నుంచి రూ.27,668 కోట్లకు తగ్గించి షాక్ ఇచ్చారు. దీనికి కారణంగా గతంలో పరిమితికి మించి అప్పులు తీసుకున్నారని, ఇప్పుడు దాన్ని సరిచేస్తున్నాట్టు చెప్పారు. రాష్ట్ర జీడీపీలో 4 శాతం అప్పులు తీసుకోవచ్చు. అంటే రూ.42,472 కోట్లు. ఈ తీసుకున్న అప్పులో రూ.27,589 కోట్లను క్యాపిటల్ ఎక్స్పెండిచర్ కింద ఖర్చు పెడితే మరో 0.5% రుణాలు ఇస్తారు. అంటే మరో రూ.5,309 కోట్లు పెరుగాయి. లేకపోతే అంత తగ్గుతుంది. అంటే రూ.42,472 కోట్ల నుంచి రూ.37,163 కోట్ల వరుకే మన రుణ పరిమితి పరిమితం అవుతుంది. అయితే కేంద్రం అడిగిన లెక్కలు అన్నీ రాష్ట్ర ప్రభుత్వం లేఖ రూపంలో పంపించింది. గతంలో మనకు ఉన్న రుణ పరిమితి కన్నా, రాష్ట్ర ప్రభుత్వం రూ.17,923.94 కోట్లు అదనంగా తీసుకున్నట్టు కేంద్రం గుర్తించింది. అవన్నీ లెక్కిస్తే, మీకు ఈ ఏడాది రుణ పరిమితి కేవలం రూ.27,668 కోట్లు అని కేంద్రం, ఏపి అధికారులకు తేల్చి చెప్పింది. ఈ దెబ్బతో రాష్ట్ర ప్రభుత్వ పెద్దలకు, అధికారులకు ఏమి చేయాలో పాలు పోవటం లేదు. అదనంగా రుణం ఇస్తారు అనుకుంటే, మరింత కోత పెట్టటం పై షాక్ అయ్యారు. ఎలాగైనా ఇంకా ఎక్కువ రుణం వచ్చేలా చూడాలని ప్రయత్నం చేస్తున్నారు.

జగన్ మోహన్ రెడ్డి బెయిల్ రద్దు చేయాలి అంటూ, రఘురామకృష్ణం రాజు వేసిన పిటీషన్ నిన్న సిబిఐ కోర్టులో విచారణకు వచ్చిన సంగతి తెలిసిందే. అయితే ఈ సందర్భంగా జరిగిన ఒక పరిణామం ఇప్పుడు అందరి దృష్టిని ఆకర్షించింది. సిబిఐ చేసిన పనితో, అందరు ఒకింత ఆశ్చర్యానికి గురయ్యారు. సిబిఐ వైఖరిలో ఈ మార్పు ఎటు వైపు దారి తీస్తుంది అనే విషయంతో పాటుగా, కేంద్రం వైఖరి కూడా ఈ దెబ్బతో బయట పడనుందనే వాదన వస్తుంది. ఇక విషయానికి వస్తే రఘురామకృష్ణం రాజు జగన్ బెయిల్ పిటీషన్ రద్దు చేయాలి అంటూ, గతంలో ఆయన పిటీషన్ వేసిన సమయంలో, సిబిఐ కోర్టు, అటు జగన్ మోహన్ రెడ్డితో పాటుగా, సిబిఐని కూడా కౌంటర్ దాఖలు చేయాల్సిందిగా కోరింది. అయితే రెండు వాయిదాల్లో సిబిఐ ఏమి కౌంటర్ ఇవ్వలేదు. ఇక మూడో సారి మాత్రం ఏక వాఖ్యంతో సిబిఐ కౌంటర్ ఇచ్చింది. సిబిఐ కోర్ట్ ఏమి చెప్తే , ఏ నిర్ణయం తీసుకుంటే దానికి కట్టుబడి ఉంటాం అంటూ, సిబిఐ తన కౌంటర్ ఇచ్చింది. అయితే ఈ కౌంటర్ పై గతంలో భిన్న వాదనలు వచ్చాయి. సిబిఐ ఏదో ఒకటి చెప్పాలి కానీ, ఇలా తప్పించుకే ధోరణిలో, ఇలా కౌంటర్ వేయటం పై అందరూ ఆశ్చర్య పోయారు. సిబిఐ వైఖరి పై పలువురు అనుమానం కూడా వ్యక్తం చేస్తూ, విమర్శలు గుప్పించారు.

అయితే నిన్న జరిగిన వాయిదాలో సిబిఐ అనూహ్య నిర్ణయం తీసుకుంది. అటు రఘురామకృష్ణం రాజు తరుపు న్యాయవాది, సిబిఐ ఈ విషయంలో ఏదో ఒకటి చెప్పాలి అంటూ కోర్టులో వాదించటంతో పాటుగా, బయట నుంచి వస్తున్న విమర్శలతో కానీ, లేదా మరో వ్యూహంతో కానీ సిబిఐ అనూహ్య నిర్ణయం తీసుకుంది. రఘురామకృష్ణం రాజు, జగన్ మోహన్ రెడ్డి , ఇద్దరి వాదనలు విన్నాం అని, తాము కూడా ఈ సారి వాయిదాకి, రిటన్ ఆర్గుమెంట్స్ ఇస్తాం అంటూ, ప్రకటించింది. సిబిఐ కోర్టు కూడా సిబిఐ నిర్ణయం చెప్పమని కోరింది. దీంతో గతంలో కోర్టు ఏ నిర్ణయం తీసుకున్న ఒకే అంటూ చెప్పిన సిబిఐ, ఇప్పుడు వాదనలు చెప్తాం అని చెప్పటం వెనుక ఉన్న వ్యూహం ఏమిటో అర్ధం కావటం లేదు. సిబిఐ కేంద్ర హెం శాఖ పరిధిలో ఉంటుంది కాబట్టి, సిబిఐ ఇచ్చే వాదనలు కేంద్రం , జగన్ పై ఉన్న వైఖరిని తెలియ చేస్తాయని విశ్లేషకులు అంటున్నారు. సహజంగా తాము విచారణ చేసి, చార్జ్ షీట్లు వేసిన వారికి అనుకూలంగా సిబిఐ వ్యవహరించే అవకాసం ఉండదు. మరి సిబిఐ ఏమని చెప్తుందో, 8వ తారీఖు తేలిపోనుంది.