కొందరు మంత్రుల్ని తప్పించాలంటే, కొత్త వారికి అవకాశం కల్పించాలి. మంత్రివర్గ విస్తరణ వార్తలు ఊపందుకున్న వేళ రాజ్భవన్ లో గవర్నర్ అబ్దుల్ నజీర్ ను సీఎం జగన్ రెడ్డి కలవడం ప్రాధాన్యం సంతరించుకుంది. విశాఖలో జరగనున్న జీ-20 సమావేశ వివరాలు తెలియజేశారని బయటకు చెబుతున్నా..కొత్తగా కొందరు మంత్రుల్ని తీసుకునే విషయాన్ని గవర్నర్ దృష్టికి తీసుకెళ్లారని తెలుస్తోంది. మార్చి 14నే మంత్రివర్గ విస్తరణ ఉంటుందని ముందుగా వార్తలొచ్చాయి. ప్రధానంగా ముగ్గరు మంత్రుల్ని తప్పిస్తారని జోరుగా ఊహాగానాలు సాగాయి. ఈ మధ్యే ఎమ్మెల్సీగా ఎన్నికైన మర్రి రాజశేఖర్, తోట త్రిమూర్తులు, పొన్నాడ సతీష్లను మంత్రివర్గంలోకి తీసుకుంటారని విశ్లేషణలు సాగాయి. మార్చి 14న మంత్రివర్గ విస్తరణ జరగకపోవడంతో తప్పిస్తారని టాక్ వినిపించిన మంత్రులు ఊపిరి పీల్చుకున్నారు. గుడివాడ అమర్ నాథ్, రోజా, జోగి రమేష్, విడదల రజిని, దాడిశెట్టి రాజా, సీదిరి అప్పలరాజులలో నలుగురిని తప్పిస్తారని పార్టీ వర్గాలే వ్యాఖ్యానిస్తున్నాయి. మంత్రివర్గ విస్తరణ వార్తల నేపథ్యంలోనే సీఎం గవర్నర్ ని కలిశారని వార్తలు వెలువడటంతో ఆశావహులు ఆశగా చూస్తున్నారు. కేబినెట్ బెర్తు కోల్పోతారని బయటకొచ్చిన పేర్లవారు ఆందోళనలో ఉన్నారు.
news
నెల్లూరు నుంచి మరో కీలక వైసీపీ ఎమ్మెల్యే జంప్ కొడుతున్నారా?
వైసీపీకి తిరుగులేని విజయాలు అందించిన నెల్లూరు నుంచి ఒక్కో వైసీపీ ఎమ్మెల్యే జారుకుంటున్నారు. పార్టీపై తిరుగుబాటు జెండా ఎగురవేసిన, వైసీపీ సస్పెండ్ చేసిన వారంతా జగన్ రెడ్డి సామాజికవర్గం వారే. కోటంరెడ్డి, రాంనారాయణరెడ్డి, చంద్రశేఖర్ రెడ్డిల బాటలోనే కోవూరు ఎమ్మెల్యే నల్లపురెడ్డి ప్రసన్నకుమార్ రెడ్డి కూడా అసంతృప్తితో ఉన్నారని, పార్టీని వీడనున్నారని టాక్ నడుస్తోంది. వైసీపీ ఆవిర్భావం నుంచీ జగన్ రెడ్డికి అండగా నిలిచిన సీనియర్ నాయకుడు నల్లపురెడ్డి ప్రసన్నకుమార్ రెడ్డి బీజేపీలో చేరేందుకు ప్రయత్నిస్తున్నారని టాక్ నడుస్తోంది. వైసీపీ 2019లో అధికారంలోకి రావడంతో తనకు ఖచ్చితంగా మంత్రి పదవి వస్తుంది అని ఆశించిన ప్రసన్నకుమార్ రెడ్డికి నాలుగేళ్లయినా మంత్రి పదవి దక్కలేదు. దీనిపై చాలారోజులుగా వైసీపీ అధిష్టానంపై గుర్రుగా ఉన్నారు. చివరికి తనకు రావాల్సిన పెండింగ్ బిల్లులు కూడా రావట్లేదు అని అనుచరుల దగ్గర ప్రసన్నకుమార్ రెడ్డి వాపోవడం చర్చనీయాంశం అవుతోంది. పార్టీలో కనీస గౌరవం లేదు అని అసంతృప్తితో రగిలిపోతున్న ప్రసన్నకుమార్ రెడ్డి పార్టీ మారడం తప్ప తనకు వేరే మార్గం లేదని అనుచరులకు స్పష్టం చేసినట్లు సమాచారం బయటకొచ్చింది. అయితే టిడిపిలో చేరే చాన్స్ లేదని, టిడిపిని నల్లపురెడ్డి ప్రసన్నకుమార్ రెడ్డి తిట్టినంతగా ఏ ఎమ్మెల్యే తిట్టలేదని..ఇప్పుడు ఏ మొఖం పెట్టుకుని టిడిపిలో చేరతారని విశ్లేషణలు వస్తున్నాయి. బీజేపీలో చేరే చాన్స్ ఉందని, ఈ విషయంపై మరికొద్ది రోజుల్లో స్పష్టత వచ్చే అవకాశం ఉందని ఆయన అనుచర గణం చెబుతోంది. గతంలో ఒకసారి పార్టీ మారుతున్నారని జరిగింది తప్పుడు ప్రచారం అని కోవూరు వైఎస్సార్ కాంగ్రెస్ పార్టీ ఎమ్మెల్యే నల్లపరెడ్డి ప్రసన్నకుమార్ రెడ్డి వాపోయారు. తనపై జరుగుతున్న దుష్ప్రచారాన్ని ఎవరూ నమ్మొద్దని కోరారు. వైసీపీలో వైఎస్ విజయమ్మ తర్వాత ఎమ్మెల్యేగా గెలిచిన వ్యక్తిని తానేనన్నారు. అంతటి సీనియర్ నాయకుడినైన తనపై కొందరు పనిగట్టుకుని దుష్ప్రచారం చేస్తున్నారని దుయ్యబట్టారు. అయితే ఈ సారి ప్రసన్నకుమార్ రెడ్డి పార్టీ మారుతారని ఆయన అనుచరులే ప్రచారం చేయడం కొసమెరుపు.
జగన్ పైన నెగటివిటీని, సజ్జల పై తోసేసే ప్లాన్ వేసారా ?
ప్రభుత్వ సలహాదారుడు సజ్జల రామకృష్ణారెడ్డి నుంచి తనకు ప్రాణహాని ఉందని తాడికొండ ఎమ్మెల్యే ఉండవల్లి శ్రీదేవి సంచలన ఆరోపణలు చేశారు. ఎమ్మెల్సీ ఓటింగ్ అనంతరం తాను అజ్ఞాతంలోకి వెళ్లిపోయానని ఆరోపిస్తున్నారని, అయితే వైసీపీ మూకల చేతిలో డాక్టర్ సుధాకర్, డాక్టర్ అచ్చెన్న మాదిరిగా చనిపోకూడదనే జాగ్రత్తతో దూరంగా ఉన్నానని చెప్పారు. తన కార్యాలయంపై వైసీపీ గూండాలు దాడులు చేశారని, సోషల్మీడియాలోనూ అసభ్యంగా దూషిస్తూ పోస్టులు పెడుతున్నారని, తాను చేసిన తప్పేంటో చెప్పకుండా వేధింపులకు గురిచేస్తున్నారని ఆవేదన వ్యక్తం చేశారు. జగనన్న ఇళ్ల పథకం అనేది పెద్ద కుంభకోణం అని, జగనన్న ఇళ్ల పథకంలో రూ.వేల కోట్లు దోచుకున్నారని ఆరోపించారు. ఎస్సీలను అణగదొక్కేందుకు దాడులు చేస్తున్నారని, చంపుతున్నారు, సామాన్యులు రాష్ట్రంలో తిరిగే పరిస్థితి లేదన్నారు. రహస్య బ్యాలెట్లో ఎన్నికలు జరిగితే తానే క్రాస్ ఓటింగ్కి పాల్పడ్డానని ఆరోపిస్తూ వైసీపీ గూండాలు వేధిస్తున్నారన్నారు. సజ్జల రామకృష్ణారెడ్డి నుంచి తనకు ప్రాణహాని ఉందని, తనకు ఏదైనా జరిగితే ప్రభుత్వమే బాధ్యత వహించాలని డిమాండ్ చేశారు. జాతీయ ఎస్సీ కమిషన్ కు ఫిర్యాదు చేసే ఏపీలో అడగుపెడతానని, తనకు పోలీసు రక్షణ కల్పించాలని కోరారు.
ఇదేమి బిల్డ్ అప్ ? అనిల్ కుమార్ యాదవ్ కటౌట్కి 15 మంది పోలీసుల కాపలా
బుల్లెట్టు దిగిందా లేదా అని అసెంబ్లీలో రౌడీ భాష మాట్లాడిన మాజీ మంత్రి నెల్లూరు సిటీ ఎమ్మెల్యే అనిల్ కుమార్ యాదవ్కి కోటంరెడ్డి బుల్లెట్టు బాగానే దిగినట్టుంది. కటౌట్ చూసి కొన్ని కొన్ని నమ్మేయాలి డ్యూడ్ అంటాడు ప్రభాస్. తన కటౌట్ చుట్టూ 15 మంది పోలీసుల్ని కాపలా పెట్టుకున్నప్పుడే అనిల్ కుమార్ యాదవ్ ఎంత భయపడుతున్నాడో అర్థం అయిపోతోంది. నెల్లూరులో కోటంరెడ్డి పేరు వింటేనే అనిల్ కుమార్ యాదవ్ ఉలిక్కి పడుతున్నారు. గతంలో వీళ్లిద్దరూ మంచి దోస్తులు. ఎప్పుడైతే కోటంరెడ్డి వైసీపీతో విభేధించారో అప్పుడే శత్రువులు అయ్యారు. వైసీపీకి చెందిన నెల్లూరు సిటీ ఎమ్మెల్యే అనిల్ కుమార్ యాదవ్ జన్మదినం నర్తకీ కూడలిలో భారీ కటౌట్ను ఏర్పాటు చేశారు. ఈ కటౌట్కి 15 మంది పోలీసుల్ని కాపలాగా పెట్టుకున్నారనే వార్తలు గుప్పుమన్నాయి. ఇటీవల టీడీపీలో చేరిన కోటంరెడ్డి గిరిధర్ రెడ్డి.. ఎన్టీఆర్ విగ్రహానికి పూలమాల వేసి నివాళులు అర్పించేందుకు ఆదివారం నర్తకీ కూడలికి వచ్చారు. అక్కడే ఏర్పాటు చేసిన అనిల్ కుమార్ యాదవ్ కటౌట్ ని కోటంరెడ్డి అనుచరులు ఏమైనా చేస్తారేమోననే అనుమానంతో కటౌట్కి పోలీసుల్ని కాపలాగా పెట్టడం చర్చనీయాంశం అయ్యింది. మనుషుల్ని నడిరోడ్లపై పట్టపగలు చంపేస్తుంటే పట్టించుకోని ఏపీ రాష్ట్రంలో ఓ అధికార పార్టీ ఎమ్మెల్యే కటౌట్ రక్షణకి ఓ సీఐ, 15మంది కానిస్టేబుల్స్ ని కాపలాగా పెట్టడం చూసి జనం విస్తుపోతున్నారు. జనం ప్రాణాల కంటే కటౌట్ల రక్షణకే విలువనిచ్చే పాలకులు ఉండటం మన దురదృష్టం అని తమని తామే నిందించుకుంటున్నారు.