news

ఈ రోజు ఉదయం నుంచి, ఆంధ్రప్రదేశ్ పరీక్షలు విషయంలో, నాటకీయ పరిణామాలు చోటు చేసుకున్నాయి. ఉదయం పరీక్షల విషయంలో సుప్రీం కోర్టులో, ఆంధ్రప్రదేశ్ ప్రభుత్వానికి మొట్టికాయలు పడ్డాయి. సుప్రీం కోర్టు ఏపి ప్రభుత్వం వైఖరి పై తీవ్ర అసంతృప్తి వ్యక్తం చేసింది. దీంతో ఏపి ప్రభుత్వంలో ఎట్టకేలకు చలనం వచ్చింది. సుప్రీం కోర్టు ఘాటు వ్యాఖ్యలు నేపధ్యంలో ఉన్నట్టు ఉండి ఒక ఉన్నత స్థాయి భేటీ జరిగింది. ప్రకాశం జిల్లాలో ఉన్న మంత్రి ఆదిమూలపు సురేష్ ని ముఖ్యమంత్రి కార్యాలయం అర్జెంట్ గా రావాల్సిందిగా పిలిపించింది. దీంతో ప్రకాశం జిల్లా నుంచి మంత్రి విజయవాడ వచ్చారు. సుప్రీం కోర్టు వ్యాఖ్యల నేపధ్యంలో అధికారులతో చర్చించారు. ఇక లాభం లేదు అనుకున్నారో, లేదా రేపు శుక్రవారం యధావిధంగా మొట్టికాయలు పడతాయి అనుకున్నారో కానీ, పరీక్షలు రద్దు చేస్తూ నిర్ణయం తీసుకుంది. ఇదే విషయం మంత్రి ఆదిమూలపు సురేష్ మీడియా సమావేశం ఏర్పాటు చేసి చెప్పారు. అయితే మంత్రి మీడియా సమావేశంలో, పరీక్షలు రద్దు చేయటానికి గల కారణాలు వివారించారు. ఈ రోజు ఉదయం సుప్రీం కోర్టు, జులై 31 నాటికి ఫలితాలు ప్రకటించాలని అన్ని రాష్ట్రాల బోర్డులను ఆదేశిస్తూ తీర్పు ఇచ్చిందని, ఇదే విషయం పై ఈ రోజు చర్చించామని చెప్పారు.

అయితే పరీక్షలు నిర్వహణ, తరువాత మూల్యాంకరణ, ఇతర ప్రక్రియ అంతా పూర్తీ కావాటనికి, తమకు కనీసం 45 రోజులు పడుతుందని అన్నారు. అయితే సుప్రీం కోర్టు ఇచ్చిన గడువు లోపు, మనకు పరీక్షలు నిర్వహించే వీలు లేదని, అంత సమయం తమకు లేదు కాబట్టి, ఇక గత్యంతరం లేని పరిస్థితిలో సుప్రీం కోర్టు ఆదేశాలు ప్రకారం, పరీక్షలు రద్దు చేస్తున్నట్టు ప్రకటించారు. అయితే మార్కులు ఎలా ఇవ్వాలి, ఏమిటి అనే దాని పై, హైపవర్ కమిటీ ఏర్పాటు చేస్తామని, హై పవర్ కమిటీ నివేదిక ఆధారంగా మార్కులు ఇవ్వటం జరుగుతుందని అన్నారు. పదో తరగతి, ఇంటర్ పరీక్షలు రెండు రద్దు చేసారు. అయితే ప్రభుత్వం ఇంత మొండిగా వెళ్ళటం, చివరకు సుప్రీం కోర్టు చేతిలో మొట్టికాయలు తిని, చివరకు పరీక్షలు రద్దు చేయటం వెనుక ఉన్న కారణాలు మాత్రం, రాజకీయ కారణాలు గానే తెలుస్తున్నాయి. కేవలం నారా లోకేష్ ఈ విషయంలో మొదటి నుంచి పోరాటం చేస్తున్నారు కాబట్టి, అతని ఎక్కడ క్రెడిట్ వస్తుందో అని ఇక్కడ వరకు తెచ్చుకున్నారు.

సరస్వతి పవర్ ఇండస్ట్రీస్ ప్రైవేటు లిమిటెడ్ కు సంబంధించి, నర్సాపురం ఎంపీ రఘురామకృష్ణం రాజు దాఖలు చేసిన పిటీషన్ పై నిన్న హైకోర్టులో విచారణ జరిగింది. విచారణ సందర్భంగా జగన్ మోహన్ రెడ్డీ సహా, పిటీషన్ లో పేర్కొన్న ప్రతివాదులు అందరికీ నోటీసులు జారీ చేయాలని హైకోర్టు ఆదేశించింది. సరస్వతి పవర్ ఇండస్ట్రీస్ ప్రైవేటు లిమిటెడ్ కు సంబంధించి, తన వైపు నుంచి వాదనలు వినాల్సిందిగా రఘురామకృష్ణం రాజు, ఆంధ్రప్రదేశ్ హైకోర్టులో పిటీషన్ దాఖలు చేసారు. సరస్వతి పవర్ ఇండస్ట్రీస్ కు ఈ రాష్ట్ర ప్రభుత్వం ఇచ్చిన మైనింగ్ లీజ్ అక్రమం అని చెప్పి, సిబిఐ కేసు నమోదు చేసిన నేపధ్యంలో, ఆ విషయాన్ని కోర్టుకు తెలియకుండా, కోర్టుకు చెప్పకుండా, ఏపి ప్రభుత్వం మైనింగ్ లీజ్ ను, నీటి సరఫరాను ఇవ్వటం పై అభ్యంతరం వ్యక్తం చేస్తూ హైకోర్టులో పిటీషన్ దాఖలు చేసారు. ముఖ్యంగా పిటీషన్ లో, తన వైపు నుంచి కూడా వాదనలు వినిపించేందుకు అవకాసం ఇవ్వాలని చెప్పి, ఆయన లీవ్ పిటీషన్ దాఖలు చేసారు. ఈ లీవ్ పిటీషన్ లో ప్రతివాదులుగా సరస్వతి పవర్ ఇండస్ట్రీస్ ప్రైవేటు లిమిటెడ్ తో పాటుగా, మైనింగ్ ప్రినిసిపల్ సెక్రటరీ, మైనింగ్ డైరెక్టర్ తో పాటుగా, కాలుష్య నియంత్రణా మండలిన కూడా ప్రతివాదులుగా చూపిస్తూ, పిటీషన్ దాఖలు చేసారు.

అయితే ప్రతివాదులు అందరికీ కూడా హైకోర్టు నోటీసులు జారే చేసింది. ఈ కేసు విచారణను మూడు వారాలకు హైకోర్టు వాయిదా వేసింది. అయితే ఈ సరస్వతి పవర్ ఇండస్ట్రీస్ ప్రైవేటు లిమిటెడ్ మొదటి నుంచి వివాదాల్లో ఉంది. రాజశేఖర్ రెడ్డి ముఖ్యమంత్రిగా ఉండగా, భూములు తీసుకోవటం, ఇంటికో ఉద్యోగం ఇస్తాం అని చెప్పటం, తరువాత ఇబ్బందులు రావటంతో, తాము ఇచ్చిన భూముల్లో రైతులు మళ్ళీ సేద్యం ప్రారంభించటం, అప్పట్లో జగన్ వర్గీయులు వారి పై దా-డి చేయటం, రైతులు హైదరాబాద్ లోటస్ పాండ్ ముందు జగన్ కు వ్యతిరేకంగా ధర్నా చేయటం, ఇవన్నీ జరిగాయి. అయితే ఈ వ్యవహారం కోర్టులో ఉన్న సందర్బంగా, జగన్ మోహన్ రెడ్డి ప్రభుత్వం అధికారంలోకి వచ్చిన వెంటనే, కొన్ని విషయాలు కోర్టుకు చెప్పకుండా దాచి, ఏకంగా ప్రభుత్వమే ఆ కంపెనీకి అనుకూలంగా పని చేసి, లీజు వచ్చేలా చేసిందనే ఆరోపణలు ఉన్నాయి. దీని పై టిడిపి పెద్ద గొడవే చేసింది. అయితే ఇప్పుడు రఘురామరాజు ఈ విషయం పై హైకోర్టులో కేసు వేయటంతో, హైకోర్టు ఇప్పుడు ఏమి చెప్తుందో చూడాల్సి ఉంది.

వైఎస్ జగన్ మోహన్ రెడ్డి పై హైకోర్టు నమోదు చేసిన క్రిమినల్ రివిజన్ పిటీషన్ కు సంబంధించి, నిన్న హైకోర్టులో సుమోటో కేసు పై విచారణ జరిగింది. ఈ విచారణ సందర్భంగా, హైకోర్ట్ స్పందిస్తూ, ప్రతివాదులకు నోటీసులు జారీ చేస్తామా ని చెప్పగా, అడ్వొకేట్ జనరల్ మాత్రం, ఈ 11 కేసుల్లో కొన్ని కేసులు పై తమకు అబ్జక్షన్స్ ఉన్నాయని, దాని పై వాదనలు వినిపిస్తాం అని చెప్పారు. ఈ వాదనలు వినిపిస్తున్న నేపధ్యంలోనే ఆయన అనంతపురంలో 5 కేసులు, గుంటూరు జిల్లాలో ఆరు కేసులకు సంబంధించి, ప్రసిక్యుషన్ విత్ డ్రా చేసుకున్నారని చెప్పూర్. దీని పై ఎవరు అయితే ఫిర్యాదు చేసారో, ఫిర్యాదుదారులు అనుమతి లేకుండా, ప్రభుత్వమే విత్ డ్రా చేసుకోవటం పై కూడా క్రిమినల్ రివిజన్ పిటీషన్ లో, హైకోర్టు ఒక కమిటీ ద్వారా నివేదిక తెప్పించుకుని, ఆ నివేదిక ఆధారంగా, ఈ కేసున హైకోర్టు సుమోటోగా తీసుకుంది. అయితే ఈ సందర్భంగా, అడ్వొకేట్ జనరల్ వాదనలు వినిపిస్తూ, అసలు ఈ క్రిమినల్ రివిజన్ పిటీషన్ కు సంబంధించి, నోటీసులు ఇవ్వబోయే ముందే, కొన్ని మీడియా చానల్స్ కు ఎలా తెలిసింది అంటూ హైకోర్టుని ప్రశ్నించారు. అలా ఎలా మీడియాకు ముందే తెలుస్తాయి అంటూ ప్రశ్నించారు. అలాగే అసలు ఈ పిటీషన్ కు విచారణ అర్హత ఉందా లేదో కూడా చూడాలని హైకోర్టుని కోరారు.

అదే విధంగా, న్యాయ పరమైన వ్యవహారాలను, పాలన పరమైన కమిటీ ఎలా నిర్దారిస్తుందని ప్రశ్నించారు. ఇంతకు ముందు పదవీ విరమణ చేసిన జస్టిస్ రాకేశ్ కుమార్ ఇచ్చిన ఒక తీర్పుకి సంబంధించి కొన్ని అంశాలు చదివి వినిపించారు. అందులో ఈ 11 కేసులు కూడా సైట్ అయ్యి ఉన్నాయని కోర్టుకు చెప్పారు. అయితే ఇక్కడ హైకోర్టు కేసుని సుమోటోగా తీసుకుంటే, దీనికి విచారణ అర్హత ఉందా అని మళ్ళీ కోర్టునే ప్రశ్నించటం పై, పలువురు న్యాయవాదులు ఆశ్చర్య పోతున్నారు. ప్రభుత్వ ప్లీడర్ వాదనలో పసలేదని అన్నారు. సుమోటోగా తీసుకుంది అంటే, హైకోర్టు అన్నీ పరిశీలించి తీసుకుంటుందని, ఇక దీనికి విచారణ అర్హత ఉందా అని అడగటమే, తప్పు అని పలువురు న్యాయ నిపుణులు అంటున్నారు. ఇక మీడియాలో వచ్చిన వార్తలు అనేవి, ప్రతి మీడియా సంస్థ ఇవి చేస్తుందని, జగన్ మోహన్ రెడ్డి సాక్షి కూడా ఇలాంటివి అనేకం వేసిన విషయాన్ని గుర్తు చేస్తున్నారు. బలవంతంగా కేసులు విత్ డ్రా చేయటం పై, కచ్చితంగా విచారణ జరగాలని న్యాయ నిపుణులు అంటున్నారు. ఈ కేసు విచారణ శుక్రవారానికి వాయిదా పడింది.