news

ఏ ప్రభుత్వం అయినా, ప్రజల కోసం పని చేయాలి. అంతే కాని, ఎదుటి వ్యక్తి మీద కక్షతో కాదు. మన రాష్ట్రంలో ఇది మరీ ఎక్కువ. చంద్రబాబు మొదలు పెట్టారని అమరావతి ఆపారు, చంద్రబాబు తెచ్చారని కొన్ని కంపెనీల గురించి పట్టించుకోవటం మానేశారు. ఇలాగే రాజశేఖర్ రెడ్డి, కిరణ్ కుమార్ రెడ్డి, కేసీఆర్ ఆలోచిస్తే, చంద్రబాబు మొదలు పెట్టిన హైదరాబాద్ అభివృద్ధి, ఇంత పెద్ద ఎత్తున జరిగేదా ? వాళ్ళు అక్కడ చంద్రబాబుని చూడలేదు, అందులో రాష్ట్రానికి అవకశాలు చూసారు, ఉపాధి అవకాశాలు చూసారు, అందుకే చంద్రబాబు మొదలు పెట్టినా, వీరు ముందుకు తీసుకు వెళ్లి సక్సెస్ అయ్యారు, ఇప్పటికీ అవుతూనే ఉన్నారు. అదే అమరావతిని ఈ రోజు కంటిన్యూ చేసి ఉంటే, రాష్ట్రంలో ఉపాధి అవకాశాలు మరో రకంగా ఉండేవి. ఇప్పుడు ఇదంతా ఎందుకు అంటే, గతంలో జగన్ మోహన్ రెడ్డి ప్రభుత్వం చేసిన తప్పిదం వల్ల ఫ్రాంక్లిన్ టెంపుల్టన్ అనే ఫోర్చ్యున్ 500 కంపెనీ, విశాఖలో పెట్టుబడి పెట్టకుండా వెళ్ళిపోయింది. అంతే కాదు ఆ సమయంలో వైసీపీ నేతలు చెప్పిన మాటలు ఇప్పటికీ గుర్తున్నాయి. ఫ్రాంక్లిన్ టెంపుల్టన్ అనే ఒక డమ్మీ కంపెనీకి చంద్రబాబు 40 ఎకరాలు ఇచ్చారని, పార్లమెంట్ వేదికగా వైసీపీ నేతలు చేసిన ప్రకటనతో, రాష్ట్ర పరువు పోయింది. వీళ్ళకు ఫ్రాంక్లిన్ టెంపుల్టన్ అంటే ఒక డమ్మీ కంపెనీనా అందరూ నవ్వుకున్నారు.

నిజంగా చంద్రబాబు ప్రభుత్వం, ఫ్రాంక్లిన్ టెంపుల్టన్ కు భూమి విషయంలో ఏదైనా తప్పు చేసి ఉంటే., చర్యలు తీసుకోవాలి. అంతే కానీ, ఒక ఫోర్చ్యున్ 500 కంపెనీని, చంద్రబాబు మీద కోపంతో డమ్మీ కంపెనీ అని, ఒక దేశ పార్లమెంట్ లో అంటే, ఎవరికి నష్టం ? దీంతో అప్పట్లో ఆ కంపెనీ , విశాఖపట్నంలో పెట్టుబడి పెట్టకుండా వెనక్కు వెళ్ళింది. విశాఖ యువతకు అవకాశాలు వచ్చే ఒక మంచి మార్గం మూసుకుపోయింది. హైదరాబాద్ కి మైక్రోసాఫ్ట్ ఎలాగో, విశాఖకు ఫ్రాంక్లిన్ టెంపుల్టన్ వస్తే, అవకాశాలు వస్తూ, ఒక ఎకో సిస్టం తయారు అవుతుందని చంద్రబాబు భావించారు. అయితే జగన్ మోహన్ రెడ్డి ప్రభుత్వం, మూర్ఖంగా చంద్రబాబు ఇచ్చిన భూమి రద్దు చేసింది. డమ్మీ కంపెనీ అంటూ హేళన చేసారు. అయితే ఇప్పుడు తప్పు తెలుసుకున్నారో, లేక ఏమి అయ్యిందో కానీ, ఇప్పుడు మళ్ళీ ఫ్రాంక్లిన్ టెంపుల్టన్ కు ప్రభుత్వం లేఖ రాసింది. మీకు 25 ఎకరాలు ఇస్తాం, వచ్చి పెట్టుబడి పెట్టండి అంటూ, ఆ కంపెనీకి లేఖ రాసారు. దీని పై స్పందించిన తెలుగుదేశం పార్టీ, అందుకే జగన్ మోహన్ రెడ్డి ప్రభుత్వాన్ని, తుగ్లక్ ప్రభుత్వం అని విమర్శ చేసేది అంటూ కౌంటర్ ఇచ్చారు.

గత రెండు రోజులుగా టిటిడిలో పెను మార్పులు జరిగాయి. గత శుక్రవారం, శ్రీవారి ఆలయ ప్రధాన అర్చకులలో ముగ్గురు, జగన్ మోహన్ రెడ్డిని కలిసి, వంశపారంపర హక్కులు పునరుద్దిస్తూ, తమ పిల్లలకు కూడా టిటిడిలో ఉద్యోగాలు ఇవ్వాలని, జగన్ ని కలిసి వేడుకున్నారు. దీంతో వారి పిల్లలను కూడా టిటిడిలో చేర్చుకోవాలని ఆదేశాలు ఇచ్చారు. దీంతో జగన్ మోహన్ రెడ్డి, కీర్తిస్తూ, ప్రధాన అర్చకులు జగన్ ని ఆకాశానికి ఎత్తారు. అయితే, గత రెండేళ్ళ నుంచి, పదవీ విరమణ చేసిన తాను, తిరుమలలో రీఎంట్రీ ఇవ్వటానికి ప్రయత్నం చేస్తున్న రమణ దీక్షితులకు, ఈ పరిణామం ఆగ్రహం తెప్పించింది. దీంతో గతంలో తనకు ఇచ్చిన హామీ ఏమైంది అంటూ, వైసీపీ నాయకులతో తాడో పేడో తేల్చుకోవటానికి, సంప్రదింపులు జరిపారు. ఈ నేపధ్యంలోనే, ముందుగా ప్రధాన అర్చకుల పిల్లలకు, టిటిడిలో చోటు దక్కుతుంది అని అందరూ అనుకున్న వేళ, తిరుమలలో గత రెండు రోజులుగా కీలక పరిణామాలు జరిగాయి. గతంలో హైకోర్టు ఇచ్చిన తీర్పుని, ఇప్పుడు ఇంప్లిమెంట్ చేయాలని భావించిన టిటిడి, నిన్న రాత్రి ప్రొసీడింగ్స్ ఇచ్చింది. గతంలో 65 ఏళ్ళు దాటిన వారిని తొలగించిన వారిని, మళ్ళీ ఆ పదవిలోనే తిరిగి నియమిస్తూ, ఉత్తర్వులు ఇచ్చింది. దీంతో గతంలో పదవి నుంచి తొలగించిన రమణ దీక్షితులు, మళ్ళీ ప్రధాన అర్చకుడిగా ఎంట్రీ ఇవ్వనున్నారు.

రెండేళ్ళ నుంచి, తనను పక్కన పెట్టినా, ఎట్టకేలకు సాధించారు. అయితే ఈ ఉత్తర్వులతో, ఇప్పుడు తిరుమలలో కొత్త డౌట్ వస్తుంది. ఇప్పుడు మళ్ళీ ముగ్గురు కొత్తా ప్రధాన అర్చకులుగా రానున్నారు. దీంతో, ఇప్పటికే ప్రధాన అర్చకులుగా ఉన్న వారి పరిస్థితి ఏమిటి ? వారు ప్రధాన అర్చకులుగా ఉంటారా ? రమణ దీక్షితులు ఆధిపత్యం తట్టుకుంటారా అనే చర్చ జరుగుతుంది. అయితే దీని పై ఇప్పుడున్న ప్రధాన అర్చకులు ఎలా స్పందిస్తారు అనే దాని పై చర్చ జరుగుతుంది. ఇక మరో పక్క శ్రీవారి సేవల పై అనేక ఆరోపణలు చేసి, చివరకు శ్రీవారికి సరిగ్గా సేవలు చేయటం లేదు, శ్రీవారి హుండీలో డబ్బులు కూడా వేయొద్దు అని రచ్చ రచ్చ చేసి, రాజకీయాలు చేసి, రాజకీయాల్లో ఒక పావుగా మారిన రమణ దీక్షితులు లాంటి వ్యక్తి, తిరుమల ప్రధాన అర్చకుడిగా వచ్చే అర్హత ఉందా అనే చర్చ కూడా జరుగుతుంది. లేని పింక్ డైమెండ్ పోయిందని, అబద్దాలు చెప్పిన ఈయన, శ్రీవారి ప్రధాన అర్చకుడా, అని వివిధ రాజకీయ పక్షాలు కూడా ఆరోపిస్తున్నాయి.

సహజంగా రాష్ట్ర ప్రభుత్వం చేసే చెల్లింపులు అన్నీ, ఆర్బీఐ నుంచే జరుగుతాయి. సహజ ప్రక్రియలో భాగంగా, ప్రభుత్వం పంపించే అన్ని బిల్లులను ఆర్బీఐ ఎటువంటి కొర్రీలు లేకుండా అప్రోవ్ చేస్తుంది. అయితే మన ఆంధ్రప్రదేశ్ ప్రభుత్వం, పంపిన ఒక బిల్లుని మాత్రం తిప్పి పంపటం, సంచలనంగా మారింది. దీని వెనుక కారణం లేకపోలేదు. ఈ మధ్య కాలంలో ఏపి ప్రభుత్వం ఏది చేసినా సంచలనమే. అలాగే మార్చ్ 31వ తారిఖు, రాత్రి 11.50 గంటలకు ఒక బిల్లు చెల్లింపు ఆర్బీఐ వద్దకు వెళ్ళింది. అయితే ఆ బిల్లు విలువ రూ.1,100 కోట్ల. చెల్లింపు అమయం, ఆర్ధిక ఏడాది పది నిమిషాల్లో ముగుస్తుంది అనగా. సారిగ్గా ఇక్కడే ఆర్బిఐ అభ్యంతరం చెప్పింది. ఆంధ్రప్రదేశ్ రాష్ట్ర ప్రభుత్వం రూ.1,100 కోట్ల చెల్లింపు విషయంలో, ఆర్ధిక ఏడాది పది నిమిషాల ముందు ఫైల్ రావటంతో, ఆర్బిఐ దాన్ని తిరస్కరించింది. ఇప్పుడు సమయం అయిపోయిందని, ఈ బిల్లుని వచ్చే ఆర్ధిక ఏడాదిలో, బడ్జెట్ లో, చూపించి, ఫైల్ తిరిగి పంపిస్తే, తాము ఆమోదిస్తామని ఏపి ప్రభుత్వానికి చెప్పింది. అయితే ఏపి ప్రభుత్వం మాత్రం, మేము సమయానికి పంపించామని, మీ దగ్గర ఆలస్యం అయ్యిందని, ఎలాగైనా, అది పోయిన ఆర్ధిక ఏడాదిలోనే చూపించాలని ఆర్బిఐకి చెప్పగా, దానికి ఆర్బిఐ ఒప్పుకోలేదు. దీంతో, ఈ రూ.1,100 కోట్లని, సస్పెన్స్ ఎకౌంటులో చూపించి, పోయిన ఆర్ధిక ఏడాది బిల్లులోనే చెల్లింపులు చేయాలని, ప్రభుత్వం ఆలోచిస్తుంది.

సహజంగా ఏదైనా బిల్లులో స్పష్టత లేకపోయినా, డబ్బులు తిరిగి వచ్చినా, అవి సస్పెన్స్ ఎకౌంటు లో పెట్టి, తరువాత కారణం తెలుసుకుని క్లియర్ చేస్తారు. అయితే ఇక్కడ కూడా ప్రభుత్వం అలాగే చేయాలని ఆలోచిస్తుంది అంటూ ఒక పత్రికలో వచ్చిన కధనం ఇప్పుడు సంచలనంగా మారింది. అయితే అసలు ప్రభుత్వం ఈ బిల్లు విషయంలో ఎందుకు ఇంత పట్టుదలగా ఉంది అనేది ఎవరికీ అర్ధం కావటం లేదు. వచ్చే ఆర్ధిక ఏడాదిలో, కొత్త తేదీ వేసి, ఆ బిల్లు క్లియర్ చేయవచ్చు కదా, ఇందులో ఏమి ఇబ్బంది అనే ప్రశ్నలు వస్తున్నాయి. ఇంతలా ఆర్బిఐతో డీ కొట్టి మరీ, బిల్లు ఎందుకు క్లియర్ చేయాలని అనుకుంటున్నారో అర్ధం కావటం లేదు. ఈ ఒక్క బిల్లు పైనే ప్రభుత్వంలోని పెద్దలు ఎందుకు ఇంత ప్రేమ చూపిస్తున్నారు అనే వాదన వస్తుంది. ఇప్పటికే అనేక వేల కోట్ల బిల్లులు ప్రభుత్వం వద్ద పెండింగ్ లో ఉన్నాయి. వాటి కోసం కాంట్రాక్టర్ లు ఎదురు చూస్తున్నారు. అయితే ఈ ఒక్క బిల్లు విషయంలో, అదీ ఆర్ధిక ఏడాది పది నిమిషాల్లో ముగుస్తుంది అనగా, ఎందుకు ఇంత రాద్ధాంతం చేస్తున్నారో అర్ధం కావటం లేదనే విశ్లేషణ వస్తుంది. మరి ప్రభుత్వం, దీని పై ఎలా స్పందిస్తుందో చూడాలి.