news

వైసిపీ ఎమ్మెల్యే ఆళ్ళ రామకృష్ణ రెడ్డి, చంద్రబాబు, నారాయాణ పై ఇచ్చిన ఫిర్యాదు పై, ఆ ఫిర్యాదు ఆధారంగా సిఐడి అధికారులు కేసు నమోదు చేసి విచారణ చేపడుతున్నారు. మొన్న కోర్టులో జరిగిన వాదనల్లో ఎలాంటి ఆధారాలు సిఐడి ఇవ్వలేక పోవటంతో, అభాసుపాలు అయ్యింది. అంతే కాదు, ఆళ్ళ రామకృష్ణా రెడ్డి ఇచ్చిన కంప్లైంట్ లోని రైతులు కూడా, మేము కంప్లైంట్ ఇవ్వలేదు, మా దగ్గర సంతకం తీసుకుని వెళ్లి కేసు పెట్టారని, చెప్పిన సంగతి వీడియోతో సహా బయటకు వచ్చింది. దీంతో ఈ కేసులో ఏమి లేదని, కేవలం చంద్రబాబుని రాజకీయంగా ఇబ్బంది పెట్టటానికి, జగన్ ప్రభుత్వం ఆడుతున్న డ్రామాగా ప్రజల్లోకి వెళ్ళింది. దీంతో ఎలాగైనా ఏదో ఒక చిన్న ఆధారం అయినా పట్టుకుని, చంద్రబాబుని దోషిగా నిలబెట్టటానికి, చేయని ప్రయత్నం లేదు. ఇందులో భాగంగా గత రెండు మూడు రోజులుగా సిఐడి వేగంగా దర్యాప్తు చేస్తుంది. తన ఫోర్సు మొత్తం, ఈ కేసు మీదే పెట్టింది. దాదాపుగా 5 బృందాలు, ఇదే పనిలో ఉన్నాయి. కళ్ళ ముందు జరుగుతున్న అన్యాయాల విషయంలో సిఐడి ఏమి చేయలేకపోయిందని, కోర్టులే తిట్టిన సందర్భాలు ఉన్నాయి. న్యాయస్థానాల పై దుర్భాషలాడిన వారిని కూడా సిఐడి విచారణ చేయలేకపోయిందని కోర్టు కూడా చెప్పింది. ఇక రామతీర్ధం కేసు అడ్డ్రెస్ లేదు.

ఇలాంటివి పట్టించుకోరు కానీ, ఎప్పుడో 2015లో జరిగిన దాని కోసం, రెండేళ్ళ నుంచి అధికారంలో ఉండి, ఏమి చేయలేని వాళ్ళు, ఇప్పుడు ఇలా ఇంత హడావిడి చేస్తున్నారు. ఒక్క ఆధారం కూడా లేకుండా, ఏకంగా చంద్రబాబు మీద కేసు పెట్టటంతో, ఇప్పుడు పరుగులు పెడుతున్నారు. ఎందుకంటే, ఇప్పటికే తెలుగుదేశం పార్టీ, చంద్రబాబు పై అక్రమ కేసు పెట్టారని, మీడియాలో అల్లరి చేసే విధంగా నోటీసులు ఇచ్చారని, ఒక ఎమ్మెల్యే కేసు పెట్టమంటే, ఇలా చేస్తున్నారని, ఇది రాజకీయ కక్ష సాధింపు అంటూ, కోర్టుకు వెళ్ళే ఆలోచనలో ఉందని, ఇప్పటికే ప్రకటించింది. దీంతో టిడిపి కోర్టుకు వెళ్ళే ముందే, ఏదో ఒక ఆధారం చూపించాలని, సిఐడి సర్వ ప్రయత్నాలు చేస్తుంది. అయితే ఇప్పటి వరకు ఎక్కడా, ఎలాంటి ఆధారం చంద్రబాబు మీద కానీ , అప్పటి ప్రభుత్వం మీద కానీ దొరకలేదు. దీంతో ఎక్కువ బృందాలు పెట్టి, దాదాపుగా రాజధాని గ్రామాల్లో అసైన్డ్ భూమి ఉన్న అందరి దళిత రైతులని విచారణ చేసి, ఎక్కడో ఒక చిన్న లింక్ దొరికినా, చాలు అనుకునే విధంగా పైన నుంచి ఒత్తిడి తెస్తున్నట్టు తెలుస్తుంది. అయితే టిడిపి మాత్రం, అక్రమ కేసులు పెట్టిన సిఐడి అధికారులు, చట్టం ముందు దోషులుగా నిలబడక తప్పదని అంటున్నారు. మరి ఏమి జరుగుతుందో చూడాలి.

మాజీముఖ్యమంత్రి చంద్రబాబునాయుడిపై సీఐడీ నమోదుచేసినకేసు రాజకీయకక్షసాధింపని, మీడియా చేసిన స్టింగ్ ఆపరేషన్ తో తేలిపోయిందని, ప్రభుత్వం, వైసీపీనేతలు తప్పుడుకేసులుపెడుతుంటే, వాటిలో కనీసం ప్రాథమిక ఆధారాలుకూడా లేనిపరిస్థితిలో చంద్రబాబునాయుడు కోర్టునుఆశ్రయిస్తే, అక్కడ స్టే ఇవ్వడం జరిగిందని, దాన్నికూడా తప్పుపడుతూ, అధికారపార్టీనేతలు మాట్లాడటం సిగ్గుచేటని టీడీపీ సీనియర్ నేత, మాజీ మంత్రి నక్కా ఆనందబాబు ఆగ్ర హం వ్యక్తంచేశారు. శనివారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. కేసులో ప్రాథమిక ఆధారాలులేకపోతే, అవిరాజకీయ కక్ష సాధింపులో భాగంగా పెట్టేవి అయినప్పుడు, వాటిని అడ్డుకోవడానికి కోర్టులను ఆశ్రయించడం తప్పెలా అవుతుందో వైసీపీనేతలు, ప్రభుత్వం సమాధానం చెప్పాలని ఆనందబాబు డిమాండ్ చేశారు. 9ఏళ్ల క్రితం జగన్మోహన్ రెడ్డిపై హైకోర్టులో అక్రమఆస్తులు, అవినీతి కేసులకు సంబంధించి విచారణ జరుగుతుంటే, ఆనాడు ఆయన స్టేకోసం సుప్రీంకోర్టువరకువెళ్లిన విషయం వైసీపీ నేతలు మరిచారా అని మాజీమంత్రి నిలదీశారు. హైకోర్టు లో, సుప్రీంకోర్టులో స్టే రాకపోవడంతో, జగన్ బొక్కబోర్లా పడ్డాడన్నారు. ఆధారాలున్నాయని కోర్టులుచెప్పడంతో సీబీఐ రూ.43వేలకోట్లదోపిడీ జరిగినట్లు నిర్ధారించింద న్నారు. ఆతరువాత జగన్మోహన్ రెడ్డి 16నెలలు జైల్లో ఉండివచ్చాడని, ఇప్పుడుకూడా ఆయన బెయిల్ పై నే బయటతిరుగుతున్నాడన్నారు. బెయిల్ పై బయట ఉండి, ముఖ్యమంత్రిహోదాలో కోర్టులకుహజరుకాకుం డా, తనపలుకుబడితో విచారణ జరగకుండా, తనపై ఉన్న అవినీతికేసుల విచారణను ఆయనెలా సాగదీస్తు న్నాడో చూస్తూనేఉన్నామన్నారు. ఆయనపై ఉన్న ఒక్కో కేసులో 10నుంచి 15 మంది ముద్దాయిలు ఉన్నా రని, ఒక్కో మద్దాయి ఒక్కోసారి డిశ్చార్జి పిటిషన్ వేస్తూ కాలయాపన చేస్తున్నారని ఆనందబాబు తెలిపారు. ఒక్కో కోర్టులో ఒక్కో పిటిషన్ వేయడంతో సంవత్సరాల తరబడి నుంచి ఒక్కకేసుకూడా అంగుళంకూడా ముం దుకు కదల్లేదన్నారు. అటువంటి వ్యక్తులు, బెయిల్ పై బయటతిరిగేవారు వారి నిజాయితీని నిరూపించుకోకుం డా, ప్రతిపక్షనాయకుడిపై తప్పుడుకేసులు పెట్టడం సిగ్గుచేటన్నారు.

జగన్ నిజంగా నిజాయితీపరుడైతే, తనపై కోర్టుల్లో ఉన్నకేసుల విచారణకు హాజరై, వాటి నుంచి త్వరగా బయటపడి, తనసచ్ఛీలతను ఎందుకు నిరూపించుకోలేకపోతున్నాడని మాజీమంత్రి ప్రశ్నిం చారు. తనపై ఉన్నకేసులవిచారణ త్వరగా జరగాలని ముఖ్యమంత్రిగా ఉన్న జగన్మోహన్ రెడ్డి ఎందుకు కోర్టు లో పిటిషన్ వేయడంలేదన్నారు. జగన్ తండ్రి రాజశేఖ ర్ రెడ్డి ముఖ్యమంత్రిగా ఉన్నప్పుడు, 25వరకు కేసులు చంద్రబాబుపై పెట్టాడని, అనేక కమీషన్లు, కమిటీలు కూడా వేశాడని, చివరకు ఎక్కడా ఎటువంటి ఆధారాలు లభించకపోవడంతో తేలుకుట్టిన దొంగలా మిన్నకుండి పోయాడన్నారు. 2012లో వై.ఎస్.విజయమ్మ కూడా చంద్రబాబుపై తప్పుడుకేసులుపెట్టి, కోర్టులతో చీవాట్లు తిన్నదన్నారు. వ్యక్తిగత, రాజకీయ ప్రయోజనాల కోసం కోర్టులను ఆశ్రయించడం ఏమిటని ఆమెను న్యాయస్థా నం ప్రశ్నిచింది నిజంకాదా అని ఆనందబాబు నిలదీశా రు. ఈ విధంగా అనేకపర్యాయాలు చంద్రబాబుపై పెట్టిన కేసులన్నీ ఆధారాలులేక వీగిపోయాయన్నారు. ఒక విజన్ తో, అభివృద్ధితో, పట్టుదలతో పరిపాలనలో తనదై నమార్క్ చూపడంద్వారా చంద్రబాబునాయుడు ప్రపంచ దృష్టిని ఆకర్షించాడన్నారు. ఈనాడు జగన్మోహన్ రెడ్డే మో అవినీతితో ఎలాఆస్తులుపెంచుకోవాలో చేసిచూపి ప్రపంచదృష్టిని ఆకర్షించాడని ఆనందబాబు ఎద్దేవాచేశా రు. జగన్మోహన్ రెడ్డి, ఆయన పార్టీవారు చంద్రబాబు గురించి మాట్లాడటం దయ్యాలు వేదాలు వల్లించినట్లుగా ఉందన్నారు. చంద్రబాబుపై గతంలో ఏకేసుల్లోనే స్టేలు లేవని, అవన్నీ కొట్టివేయడం జరిగిందన్నారు. ప్రభు త్వం తాజాగా సీఐడీతో పెట్టించిన కేసుపైనే న్యాయస్థా నం నాలుగువారాలు స్టేఇచ్చిందన్నారు.

సీఐడీని విచార ణజరిపి ఆధారాలు సేకరించాలని కూడా కోర్టుచెప్పింద న్నారు. అసైన్డ్ భూములకు సంబంధించి తప్పుడు నివే దికలు సృష్టించి, బాధితులనిచెప్పి, వారిని మోసగించి ఎలా తప్పుడుసంతకాలు పెట్టించుకున్నారో మీడియా స్టింగ్ ఆపరేషన్ తో తేటతెల్లమైనా వైసీపీపెద్దల బుద్ధి మారలేదన్నారు. చంద్రబాబుపై ఆరోపణలుచేసిన దొంగలంతా అడ్డంగా దొరికిపోవడంతో ఇప్పుడు దొంగ నాటకాలు ఆడుతున్నారన్నారు. దళితులపై వైసీపీకి ప్రేమ పుట్టుకురావడం విచిత్రంగా ఉందన్న ఆనందబాబు, జీవోనెం-41తో దళితులకు అసైన్డ్ భూములపై సర్వహ క్కులు కల్పించిన ఘనత చంద్రబాబునాయుడికే దక్కిం దన్నారు. చంద్రబాబునాయుడు కల్పించిన హక్కుతో దళితులంతా లబ్ధిపొందారుగానీ, ఎక్కడా ఎవరూ నష్టపోలేదన్నారు. విశాఖపట్నంలో భూసేకరణకు సం బంధించి ప్రభుత్వమిచ్చిన జీవో 72తో అక్కడ 2552 ఎకరాలు ఎలాసేకరించారో, వాటిని ఎవరికి ధారాధత్తంచే శారో, దళితులకుఏవిధంగా అన్యాయం చేశారో ప్రజలకు కనిపిస్తోందన్నారు. ఇన్ సైడర్ ట్రేడింగ్, క్విడ్ ప్రోకో అనే వి విశాఖపట్నంలోనే జరిగాయితప్ప, అమరావతిలో వాటికి స్థానంలేదని స్వయంగా హైకోర్టే చెప్పడం జరిగిం దనని మాజీమంత్రి స్పష్టంచేశారు. వైసీపీపెద్దలు, ప్రభు త్వంచేస్తున్న తప్పుడు ఆరోపణలు, అబద్ధాలు కోర్టులో వీగిపోవడంతో, దిక్కుతోచనిస్థితిలో పదేపదే అవేఅబద్ధా లతో ప్రజలను నమ్మించాలని వైసీపీవారుచూస్తున్నార న్నారు. చంద్రబాబునాయుడిపై పెట్టిన ఏకేసుల్లోనూ స్టే లు లేవనే వాస్తవాన్ని ప్రభుత్వపెద్దలు గ్రహిస్తే మంచిద న్నారు. ప్రభుత్వ, వైసీపీచర్యలతో వారి సిగ్గేపోతోందని, దళితులకు నిజంగా అన్యాయంజరిగితే, వారే స్వచ్ఛం దంగా బయటికొచ్చేవారన్నారు. టీడీపీహాయాంలో రాజ ధానిప్రాంతంలోని దళితులు ఆర్థికంగా, సామాజికంగా మంచిఉన్నతిని సాధించారన్నారు. కుహనవాద రాజకీ యాలుచేస్తున్న వైసీపీకి ప్రజలే తగినవిధంగా బుద్ధిచెబు తారని ఆనందబాబు అభిప్రాయపడ్డారు.

ఆంధ్రప్రదేశ్ ఆర్ధిక పరిస్థితి రోజు రోజుకీ దిగజారి పోతుంది. ఆదాయం పెరగటం లేదు, ఖర్చులు పెరిగిపోతున్నాయి. ఖర్చులు కోసం అప్పులు పెరుగుతున్నాయి. పోనీ ఆ ఖర్చులు మన ఆదాయాన్ని పెంచే మార్గాలా అంటే కాదు. ఆ అప్పులు మన ఆస్తులు పెంచే మార్గాలా అంటే కాదు. మరి ఆ అప్పులు దేనికి ? ఓటు బ్యాంకు కోసం. ఉచిత పధకాల కోసం. ఇవి అయినా సరిగ్గా అందుతున్నాయా, ప్రజలు జీవితాలు సంతోషంగా ఉన్నాయా అంటే అదీ లేదు. మన ఆంధ్రప్రదేశ్ ఆర్ధిక లెక్కలు చూస్తే, ఆర్ధిక శాస్త్రం మీద కనీస అవగాన ఉన్న వారు కూడా, రేపు వచ్చే ఉపద్రవం తలుచుకుని భయపడుతున్నారు. పాలకులు మాత్రం, రెండేళ్ళు అయినా, తమ పంధా మార్చుకోవటం లేదు. అభివృద్ధి వైపు, పెట్టుబడులు వైపు అడుగులు వేయటం లేదు. ఫిబ్రవరి 2021 చివరి వరకు, కాగ్ రిపోర్ట్ వచ్చింది. ఆంధ్రప్రదేశ్ ప్రభుత్వ ఆర్ధిక పరిస్థితి ఎలా ఉందో వివరిస్తూ చెప్పుకొచ్చింది. ఈ ఆర్ధిక సంవత్సరం, ఫిబ్రవరి 2021 చివరి వరకు మన రాష్ట్ర అప్పులు 79000 కోట్లుకు చేరుకున్నాయి. గత ఏడాది 63 వేల కోట్ల అప్పు అయ్యింది. అంటే మన పరిస్థితి ఎలా ఉందో చూడండి. ఇక ఫిబ్రవరి 2021 వరకు జరిగిన టాక్స్ కలెక్షన్ 68000 కోట్లు. అంటే, ఆదాయానికి మించి అప్పులు చేస్తున్నాం. ఈ పరిస్థితి ఎక్కడకు వెళ్తుందో తెలియదు.

ఇక ఇదే లెక్కలు ఫిబ్రవరి 2019 తో పోల్చి చూస్తే, ఇప్పుడు మనం ఎంత వేగంగా పతనం వైపు వెళ్తున్నామో అర్ధం అవుతుంది. ఫిబ్రవరి 2019 అంటే చంద్రబాబు ముఖ్యమంత్రిగా ఉన్న సమయం. అప్పట్లో ఫిబ్రవరి 2019 వరకు 78000 కోట్లు టాక్స్ కలెక్షన్ జరిగితే, ఇప్పుడు 68000 కోట్లు మాత్రమే జరిగింది. సంవత్సరం సంవత్సరం టాక్స్ కలెక్షన్ పెరుగుతూ వెళ్తుంది, కానీ మనకు బాగా తగ్గింది. రెండు సంవత్సరాలలో 14 శాతం ఆదాయం పడిపోవటం అంటే, మన పరిస్థితి అర్ధం చేసుకోవచ్చు. ఇక అప్పులు విషయానికి వస్తే, ఫిబ్రవరి 2019 వరకు 47000 కోట్లు అప్పు చేస్తే, ఇప్పుడు 79000 కోట్లు చేశారు. అంటే 32000 కోట్లు ఎక్కువ అప్పు చేశారు. ఇక మరో విషయం. జగన్ మోహన్ రెడ్డి గారు, నేను మద్య నిషేధం చేస్తాను, ఇది నా నవరత్నంలో ఒక రత్నం, మాట తప్పను మడమ తిప్పను అని చెప్తూ ఉంటారు. అయితే, ఇక్కడ లెక్కలు చూస్తే, ఎంత పచ్చి మోసం చేస్తున్నారో అర్ధం అవుతుంది. ఫిబ్రవరి 2019 వరకు, 5 వేల కోట్లు లిక్కర్ ఆదాయం ఉంటే, జగన్ గారి హయాంలో, ఫిబ్రవరి 2021 చివరి వరకు, 10 వేల కోట్ల లిక్కర్ ఆదాయం వచ్చింది. అంటే డబుల్ అయ్యింది. దీన్ని మద్య నిషేధం అంటారా ? పేదల రక్తాన్ని పీల్చుకుని తాగటం అంటారా ?