news

ఆంధ్రప్రదేశ్ర్ రాష్ట్రంలో రెండు రోజులు క్రిందట జరిగిన వింత పరిస్థితి చూసి, దేశం మొత్తం షాక్ అయ్యింది. ఏకంగా కేంద్ర మంత్రి ఫోన్ చేసి, హెచ్చరించాల్సిన పరిస్థితి వచ్చింది. వివరాల్లోకి వెళ్తే, ఆంధ్రప్రదేశ్ రాష్ట్రంలో, కృష్ణా జిల్లాలో బ్యాంకుల ముందు చెత్త పోయటం పై, సంచలనంగా మారింది. ఏపి ప్రభుత్వం ఇచ్చే పధకాలకు, బ్యాంకులు రుణాలు ఇవ్వాలి అంటూ, ప్రభుత్వం ఒత్తిడి చేయటం, ఆ రుణం మేము ఇవ్వలేం అని బ్యాంకులు చెప్పటంతో, ఏకంగా బ్యాంకుల ముందే ప్రభుత్వ అధికారులు చెత్త పోయించి, ఇదే తమ నిరసన అంటూ, ఏకంగా జాతీయ బ్యాంకులను కూడా హడలేత్తించే ప్రయత్నం చేసారు. అయితే ఏపిలో జరిగిన ఈ చెత్త పని పై కేంద్రం సీరియస్ అయ్యింది. కేంద్ర ఆర్ధిక మంత్రి నిర్మలా సీతారామన్, రాష్ట్ర ఆర్ధిక మంత్రి బుగ్గనకి ఫోన్ చేసి, జరిగిన ఘటన పై సీరియస్ అయ్యారు. అంతే కాదు, ఏకంగా దీని పై కేంద్రం కూడా విచారణ ప్రారంభించింది. అయితే ఈ విచారణలో, ఈ పని చేయమని చెప్పింది ఒక ఉన్నతాధికారిగా కేంద్రం గుర్తించినట్టు తెలుస్తుంది. ఈ పని మొత్తానికి, కింద స్థాయి సిబ్బందిని బాధ్యులని చేసే ప్రయత్నం జరుగుతూ ఉండగా, కేంద్రం ఈ విషయం పై తమ స్థాయిలో ఎంక్వయిరీ చేయగా, ఒక ఉన్నతాధికారి అత్యుత్సాహం ఈ పరిస్థితికి దారి తీసినట్టు చెప్తున్నారు.

ఇటీవల కాలంలో, కలెక్టర్లతో ఒక సమావేశం జరగగా, ఆ సమావేశంలో బ్యాంకులు సరిగ్గా స్పందించటం లేదని, ప్రభుత్వం రుణాలు ఇవ్వమని చెప్పినా, రుణాలు ఇవ్వటం లేదనే ప్రస్తావన రాగా, అలాంటి బ్యాంకుల అంతు చూడాల్సిందే అంటూ, ఆ అధికారి ఆ సమావేశంలో మాట్లాడారని తెలిసింది. అప్పటి నుంచి బ్యాంకుల పై జిల్లా స్థాయిలో అధికారుల నుంచి ఒత్తిడి మొదలైందని, అందులో భాగంగానే, కృష్ణా జిల్లాలో ఏకంగా బ్యాంకుల ముందు చెత్త పోసి, నిరసన తెలిపారు. అలాగే ఈ ఘటన జరగటానికి ముందు కూడా, ఆ అధికారి బ్యాంకర్లతో సమావేశం అయిన సందర్భంలో, మేము చెప్పినట్టు వినకుంటే, మీ బ్యాంకుల ముందు చెత్త పోయిస్తా, కరెంటు, వాటర్ కట్ చేపిస్తానని వార్నింగ్ ఇచ్చారని, ఆ సమావేశంలోనే బ్యాంకర్లు షాక్ అయ్యారని సమాచారం. అయితే తరువాత ఈ చెత్త సంఘటన జరిగింది. మొత్తానికి కొంత మంది ఉన్నతాధికారులు, ప్రభుత్వ అధినేతల మన్ననులు పొందటానికి చేసిన పని, ఇప్పుడు వారి మెడకే చుట్టుకునేలా ఉంది. కేంద్ర ప్రభుత్వం, ఈ చర్య పై సీరియస్ అవ్వటంతో, ఆ అధికారి పై త్వరలోనే చర్యలు ఉంటాయనే టాక్ నడుస్తాంది.

రాష్ట్రంలో వైకాపా నాయకుల అవినీతి, అమానుష చర్యలను ఎదుర్కొని ధైర్యంగా పోరాడుతున్న టిడిపి నాయకులను తెలుగుదేశం పార్టీ అధ్యక్షులు శ్రీ నారా చంద్రబాబు నాయుడు అభినందించారు. ఆయా నాయకులతో ఫోన్ లో మాట్లాడి అభినందనలు తెలిపారు చంద్రబాబు. విశాఖపట్నంలో విజయసాయి రెడ్డి తనపై చేసిన ఆరోపణలపై సాయిబాబా ఆలయంలో సత్య ప్రమాణానికి రావాలని సవాల్ చేసిన ఎమ్మెల్యే వెలగపూడి రామకృష్ణను చంద్రబాబు అభినందించారు. విశాఖలో జె గ్యాంగ్ భూకబ్జాలు, అవినీతి అక్రమ వసూళ్లపై పోరాటం చేస్తున్న టిడిపి నాయకులకు అభినందనలు తెలిపారు. ‘‘ఛలో పులివెందుల’’ కార్యక్రమాన్ని విజయవంతం చేసిన ఎమ్మెల్సీ బిటెక్ రవి, ఎంఎస్ రాజు, తెలుగు మహిళ అధ్యక్షురాలు వంగలపూడి అనిత, లింగారెడ్డి, జిల్లా పార్టీ నాయకులను ప్రశంసించారు. కడప, అనంతపురం జిల్లాలలో దళిత ఆడబిడ్డలపై అఘాయిత్యాలకు వ్యతిరేకంగా ఆందోళనల్లో పాల్గొన్న టిడిపి నాయకులను అభినందించారు. బాధిత కుటుంబాలకు అండగా ఉండి వారిలో మనోధైర్యం పెంచడాన్ని ప్రశంసించారు. పలాసలో సర్దార్ గౌతులచ్చన్న విగ్రహాన్ని కూలగొడ్తామన్న మంత్రి సీదిరి అప్పలరాజు వ్యాఖ్యలను నిరసిస్తూ శ్రీకాకుళం జిల్లాలో ఆందోళనలు జరిపిన మాజీ ఎమ్మెల్యే గౌతు శిరీషకు ఫోన్ చేసి అభినందించారు. బడుగు బలహీన వర్గాల పోరాట యోధుడు గౌతు లచ్చన్నపై మంత్రి అప్పలరాజు వ్యాఖ్యలను నిరసిస్తూ ఆందోళనల్లో పాల్గొన్న ఏపి టిడిపి అధ్యక్షుడు అచ్చెన్నాయుడు, ఎంపి రామ్మోహన్ నాయుడు, ఎమ్మెల్యే బెందాలం అశోక్, కూన రవికుమార్, శ్రీకాకుళం జిల్లా పార్టీ నాయకులను ప్రశంసించారు.

అనపర్తిలో వైసిపి ఎమ్మెల్యే సూర్యనారాయణ రెడ్డి అవినీతిపై ధ్వజమెత్తి రాష్ట్రవ్యాప్తంగా చర్చనీయాంశంగా చేసిన మాజీ ఎమ్మెల్యే నల్లమిల్లి రామకృష్ణారెడ్డిని చంద్రబాబు అభినందించారు. గుడిలో ప్రమాణం చేద్దామన్న రామకృష్ణారెడ్డి సవాల్ ద్వారా అనపర్తి ఎమ్మెల్యే అవినీతిని ప్రజల్లో నిలదీశారని ప్రశంసించారు. మాజీ ఎమ్మెల్యే జెసి ప్రభాకర్ రెడ్డి ఇంటికి వెళ్లి తన అనుచరులతో దౌర్జన్యానికి పురిగొల్పి తాడిపత్రిలో ఉద్రిక్తతలు సృష్టించిన వైసిపి ఎమ్మెల్యే కేతిరెడ్డి పెద్దారెడ్డి దుశ్చర్యలను ప్రజల్లో ఎండగట్టిన జెసి కుటుంబాన్ని, అనంతపురం టిడిపి నాయకులను చంద్రబాబు ప్రశంసించారు. పల్నాడులో వైసిపి దుర్మార్గాలపై ధ్వజమెత్తిన గురజాల మాజీ ఎమ్మెల్యే యరపతినేని శ్రీనివాసరావు, జిల్లా పార్టీ నాయకులను అభినందించారు. ఇదే స్ఫూర్తితో రాష్ట్రవ్యాప్తంగా అన్ని నియోజకవర్గాల్లో టిడిపి నాయకులు, శ్రేణులంతా సంఘటితంగా వైసిపి దుర్మార్గాలపై రాజీలేని పోరాటం చేయాలని, వైసిపి బాధిత ప్రజానీకానికి అండగా ఉండాలని చంద్రబాబు విజ్ఞప్తి చేశారు.

పోలవరం ప్రాజెక్ట్ అనేది రాష్ట్రానికి జీవనాడి. ఆంధ్రప్రదేశ్ రాష్ట్రం విడిపోయిన సందర్భంలో, మనకు ఏదైనా వచ్చిన మంచి ఏదైనా ఉంది అంటే, అది పోలవరం ప్రాజెక్ట్ ని జాతీయ ప్రాజెక్ట్ గా ప్రకటించటం. 2014 వరకు 3 శాతం పనులు అయితే, చంద్రబాబు 2014 నుంచి 2019 వరకు ఆ పనులను 72 శాతానికి తీసుకుని వెళ్లారు. గత 18 నెలలుగా గట్టిగా 2 శాతం పని కూడా జరగలేదు. ఇది ఇలా ఉంటే చంద్రబాబు హయాంలోనే, పోలవరం ప్రాజెక్ట్ అంచనాలను కేంద్రం రూ.55,548.87 కోట్ల అంచనాకు ఆమోదించింది. కేంద్ర జలశక్తి శాఖలోని టెక్నికల్ అడ్వైజరీ కమిటీ, సిడబ్ల్యుసీ అప్పట్లోనే ఈ అంచనాలు ఆమోదించాయి. అయితే తరువాత ప్రభుత్వం మారటంతో, కేంద్రం పోలవరం విషయంలో తప్పించుకునే ప్రయత్నం చేసింది. చంద్రబాబు హయాంలో ఆమోదించిన రూ.55,548.87 కోట్లు కాకుండా, కేవలం రూ.20 వేల కోట్లు ఇస్తే సరిపోతుందని, రాష్ట్రానికి ఒక లేఖ రాసింది. దీని పై కేంద్రంతో పోరాడి, మోడీ మెడలు విరిచి, పోలవరం అంచనాలు రూ.55,548.87 కోట్లకు ఆమోదించుకుని రావాల్సిన రాష్ట్ర ప్రభుత్వం, తమ చేతకాని తనాన్ని చంద్రబాబు మీద రుద్దే ప్రయత్నం చేసింది. గతంలో చంద్రబాబు ప్యాకేజికి ఒప్పుకోవటంతోనే, కేవలం 2013-14 రేట్లు ప్రకరామే కేంద్రం ఇస్తాను అంటుందని, అప్పట్లో క్యాబినెట్ సమావేశంలో కూడా ఇదే ఒప్పుకున్నారు అంటూ, ఇదంతా చంద్రబాబు తప్పు అంటూ చెప్పుకొచ్చింది వైసిపీ.

అయితే 2019లో ఆమోదించారు కదా , ఎప్పుడో 2017లోది ఎందుకు ? 2019 ఆమోదించిన దాని గురించి చెప్పండి అంటే మాత్రం, మాట్లాడటం లేదు. ఇలా తమ చేతకాని తనాన్ని, చంద్రబాబు మీద వేసే ప్రయత్నం చేసింది వైసీపీ. అయితే అబద్ధం ఏనాటికైనా బయట పడుతుంది కాబట్టి, ఈ రోజు అదే బయట పడింది. కేంద్ర జల శక్తి శాఖ ఇచ్చిన 2020 నివేదికలో, పోలవరం ప్రాజెక్ట్ అంచనా వ్యయం 2017-18నాటి ధరల ప్రకారం, రూ.55,548.87 కోట్లుగా గుర్తించింది. అంటే చంద్రబాబు హయాంలో ఆమోదించిన దానికే కేంద్రం ఒప్పుకుంది. అలాగే ఇప్పటి వరకు పోలవరం ప్రాజెక్ట్ కోసం పెట్టిన ఖర్చు రూ.17,327 కోట్లుగా కేంద్రం తేల్చింది. ఇప్పటికైనా వైసీపీ ప్రభుత్వం మేల్కొనాలి. ఇది కేంద్ర ప్రభుత్వం మనకు ఇచ్చిన ఒక పెద్ద ఆయుధం. ఇది చూపించి, మీరు లేఖ రాసినట్టు రూ.20,398.61 కోట్లు కాదు, మాకు రూ.55,548.87 కోట్లు ఇవ్వాల్సిందే అని వెంటనే జగన్ మోహన్ రెడ్డి లేఖ రాయాలి. కేంద్రాన్ని ఇదే సమయంలో ఫిక్స్ చేయాలి. చంద్రబాబుని ఎప్పుడైనా సాధించవచ్చు కానీ, కేంద్రం ఇచ్చిన ఈ అవకాశాన్ని మాత్రం, రాష్ట్ర ప్రభుత్వం వదులుకోకూడదు. చూద్దాం, ప్రభుత్వం ఏమి చేస్తుందో.