news

ఆంధ్రప్రదేశ్ రాష్ట్రంలో దాదాపుగా ఒక మూడు నాలుగు నెలల పాటు, వరుసుగా దేవాలయాల పై దా-డు-లు జరిగాయి. ఎవరైనా కావాలని చేస్తున్నారా, లేక అనుకోకుండా అలా జరిగాయో కానీ, ప్రతి రోజు ఏదో ఒక వార్త వస్తూ వచ్చేది. ఒక నెల రోజులు నుంచి ఉన్నట్టు ఉండి, అక్కడ ఇలాంటి వార్తలు పెద్దగా రాకపోవటంతో అటు పోలీసులు, ఇటు హిందువులు కూడా ఊపిరి పీల్చుకున్నారు. అయితే ఈ దా-డు-లు జరిగిన సమయంలో, విజయవాడ ఇంద్రకీలాద్రి పై జరిగన సంఘటనతో అందరూ షాక్ కు గురయ్యారు. మొత్తం రాష్ట్రాన్ని ఈ అంశం ఊపెసింది. ఇది రాజకీయం అంశం కూడా అయ్యింది. కనకదుర్గమ్మ రధానికి ఉండే నాలుగు వెండి సింహాల్లో, మూడు మాయం అయ్యాయి. ఇది గుర్తించటం, పెద్ద చర్చకు దారి తీయటం, ఇది గత ప్రభుత్వ హయాంలోనే జరిగిందని రాజకీయ ఆరోపణలు రావటం, చివరకు అది ఈ ప్రభుత్వ హయాంలోనే జరిగిందని పోలీసులు తేల్చటం జరిగింది. అయితే ఈ ఘటన జరిగి అనేక నెలలు అవుతున్నా, ఈ కేసులో ఎలాంటి పురోగతి లేదు. రాష్ట్రంలో తిరుమల తరువాత, అంత పెద్ద దేవాలయం కావటంతో, పోలీసులు కూడా ఈ కేసు విషయమై ప్రత్యెక శ్రద్ధ పెట్టారు. పోలీస్ కమీషనర్ కూడా రంగంలోకి దిగారు. అయినా ఎలాంటి పురోగతి పోలీసులు సాదించ లేకపోయారు. ముందుగా, ఈ చోరీ జరిగింది గత జూన్ నెలలో అని పోలీసులు గుర్తించారు. ఆ సమయంలో, వెండి సింహాలకు పాలిష్ చేసిన వ్యక్తిని కూడా పట్టుకుని, విచారించినా ఎలాంటి ఆధారాలు పోలీసులకు దొరకలేదు.

తరువాత ఆలయ సిబ్బందిని, సెక్యూరిటీ వారిని, ఇలా అనేక మందిని పోలీసులు విచారణ చేసారు. అలాగే కొంత మంది బీహార్ నుంచి వచ్చి ఇక్కడ కొన్నాళ్ళు పని చేసినట్టు గుర్తించారు. వారిని కూడా పోలీసులు విచారించారు. అయినా ఎలాంటి ఫలితం లేదు. అయితే ఈ లోపు దసరా పండుగ రావటం, దేవస్థానం అధికారులు కూడా బిజీ అయిపోవటంతో, ఈ విషయం మరుగున పడిపోయింది. కొత్త వెండి సింహాలు చేయించే పనిలో దేవస్థానం ఉన్నట్టు తెలుస్తుంది. అయితే అసలు ఇవి ఏమయ్యాయి, ఎవరు దొంగతనం చేసారు అనే విషయంలో మాత్రం ఎలాంటి పురోగతి లేదు. సాక్ష్యాత్తు దేవాదాయ శాఖా మంత్రి నివాసం ఉండే చోటుకుని, కూత వేటు దూరంలో ఉన్న గుడిలో జరిగిన దాన్ని, ఇప్పటి వరకు ప్రభుత్వం గుర్తించలేకపోయందని, అలాగే ఈ అంశంలో దేవాదాయ మంత్రి ప్రమేయం కూడా ఉంది అంటూ, ప్రతిపక్షాలు రాజకీయ విమర్శలు కూడా చేసాయి. ఎన్ని చేసినా, ఏమి చేసినా, పోలీసులు ఎంత విచారణ జరిపినా, ఇన్నాళ్ళు అయినా, ఈ కేసులో ఎలాంటి ఆధారం దొరకలేదు. మరి ఈ కేసుని ఎప్పటికి తెలుస్తారో, ఎప్పటికి దర్యాప్తు పూర్తి చేసి, నిజాలు బయట పెడతారో చూడాలి. ఏది ఏమైనా, ప్రభుత్వానికి ఇది ఒక మచ్చగా మిగిలిపోతుంది.

ఆంధ్రప్రదేశ్ రాష్ట్రానికి జీవనాడి అయిన పోలవరం ప్రాజెక్ట్ విషయంలో, రోజుకి ఒక వార్త ప్రజలను కలవర పెడుతుంది. ముఖ్యంగా 20 రోజులు క్రితం, చంద్రబాబు హయాంలో 55 వేల కోట్లకు ఆమోదించిన పోలవరం అంచనాలు, ఇప్పుడు 20 వేలకు తగ్గిస్తూ కేంద్రం నిర్ణయం తీసుకుందనే వార్త కలవర పెడుతుంది. అయినా రాష్ట్ర ప్రభుత్వం, కేవలం ఒక లేఖ రాసి, చంద్రబాబుని టార్గెట్ చేస్తూ గడిపేస్తుంది. అయితే గత వారం మరో సంచలన వార్త బయటకు వచ్చింది. అదే పోలవరం ప్రాజెక్ట్ ఎత్తు తగ్గిస్తున్నారని. దీని పై ఎక్కడ ఇంకా అధికారికంగా ప్రకటన రాకపోయినా, ఇప్పటికే దీని పై ఏపి ప్రభుత్వం రివ్యూ చేసింది అంటూ వార్తలు వచ్చయి. ఇలా ఎత్తు తగ్గిస్తే, పోలవరం ఖర్చు భారీగా తగ్గించవచ్చని ప్రభుత్వం ప్లాన్ గా ఉంది. అయితే ఇలా ఎత్తు తగ్గించటం వల్ల, మనం దశాబ్దాలుగా కోరుకున్న పోలవరం ప్రాజెక్ట్ ప్రయోజనం చేకూరదు. రాష్ట్రంలోని 13 జిల్లాలకు నీరు వెళ్ళాలి, అలాగే విద్యుత్ జనరేషన్ కూడా అనుకున్నట్టు జరగాలి అంటే, పోలవరం ఎత్తు 45.72 మీటర్లకు తగ్గకుండా ఉండాలి. గతంలో చంద్రబాబు ముఖ్యమంత్రి అవ్వగానే, 45.72 మీటర్లకు పోలవరం కడుతున్నాం కాబట్టి, తెలంగాణాలో ఉన్న 7 ముంపు మండలాలు, ఏపిలో కలపాలని కేంద్రం పై ఒత్తిడి తెచ్చి సాధించారు. ఇప్పుడు ఎత్తు తగ్గిస్తే, ఆ ముంపు మండలాలతో పని ఉండదని కూడా వార్తలు వస్తున్నాయి.

ఇలా రకరకాల ప్రచారాలు జరుగుతున్నా, ఇప్పటి వరకు ప్రభుత్వం పూర్తి క్లారిటీ ఇచ్చింది లేదు. అయితే దీని పై తెలుగుదేశం పార్టీ తీవ్రంగా స్పందించింది. మాజీ ఇరిగేషన్ మంత్రి, గతంలో పోలవరం ప్రాజెక్ట్ శ్వాసగా పని చేసిన దేవినేని ఉమా, ఈ ఎత్తు తగ్గింపు వార్తల పై మాట్లాడుతూ, సంచలన వ్యాఖ్యలు చేసారు. ఇది పక్క రాష్ట్ర ముఖ్యమంత్రి కేసిఆర్ చెప్పిన దాని ప్రకారం, జగన్ నడుచుకుంటున్నారని, ఇదేదో ఆషామాషీగా చెప్పటం లేదని, కేసీఆర్ స్వయంగా అసెంబ్లీలో మాట్లాడిన వీడియో ట్విట్టర్ లో పోస్ట్ చేసారు. అందులో జగన్ తో నేను మాట్లాడానని, పోలవరం ఎత్తు తగ్గిస్తే మా భద్రాచలం కూడా ముప్పు ఉండదు అని జగన్ తో చెప్తే, ఆయన ఒప్పుకున్నారు అంటూ, కేసిఆర్ చెప్పిన మాటల వీడియో ఉమా ప్లే చేసి చూపించారు. తన రాష్ట్రం మునగుకుండా కేసీఆర్ చెప్పిన దానికి జగన్ ఒప్పుకుని, మన రాష్ట్రాన్ని ముంచేస్తున్నారని, పోలవరం 13 జిల్లాల జీవనాడి అని, 3.57 మీటర్ల వరకు ఎట్టు తగ్గిస్తే, ఎక్కువ నీరు నిల్వ చేసుకునే సామర్ధ్యం ఉండదని, అలాగే గ్రావిటీ ద్వారా నీరు దూర ప్రాంతాలకు వెళ్ళదని, అటు రాయలసీమకు, ఇటు విశాఖకు కూడా ఇబ్బందని, అలాగే విద్యుత్ కూడా అనుకున్నంత మనం జెనరేట్ చేయలేమని, కేసీఆర్ చెప్పినట్టు కాకుండా, రాష్ట్ర ప్రయోజనాల కోసం నడుచుకోవాలని దేవినేను ఉమా అన్నారు.

యువజన శ్రామిక రైతు కాంగ్రెస్ పార్టీ ఎంపీ రఘురామకృష్ణం రాజు ఈ మధ్య రాజధాని రచ్చబండ కార్యక్రమం, వారినికి రెండు సార్లే చేస్తున్నా, ఆయన పేల్చుతున్న పంచ్ లు మాత్రం, సూపర్ గా పేలుతున్నాయి. ఓవర్ హైప్ లేకుండా లాజికల్ గా మాట్లాడుతూ ఉండటంతో, ప్రజలు కూడా పెద్ద సంఖ్యలో వీక్షిస్తున్నారు. ఇక పొతే, రేపు సోమవారం అంటే, నవంబర్ 16వ తారీఖు టెన్షన్, వైసీపీలో అధికంగా ఉంది. జగన్ మోహన్ రెడ్డి, ఆయన ప్రభుత్వ సలహాదారు అజయ్ కల్లం రెడ్డి చేసిన పనికి, కంటెంప్ట్ అఫ్ కోర్ట్ కింద సుప్రీం కోర్ట్ లో కేసులు పడ్డాయి. హైకోర్ట్ జడ్జిల పై, అలాగే సుప్రీం కోర్టు కాబోయే చీఫ్ జస్టిస్ పై, జగన్ ఫిర్యాదు చేస్తూ, చీఫ్ జస్టిస్ అఫ్ ఇండియాకు లేఖ రాసారు. అయితే ఆ లేఖను ప్రెస్ మీట్ పెట్టి మరీ బయటకు విడుదల చేయటం, వివాదాస్పదం అయ్యింది. ఒక పక్క చీఫ్ జస్టిస్ నోటీస్ లో ఉండగానే, దాదాపుగా ఏడు మంది జడ్జిల పై ఆరోపణలు చేస్తూ, ఆ ఆరోపణలు బహిరంగ పరచటం పై, దేశ వ్యాప్తంగా విమర్శలు వచ్చాయి. అన్ని రాష్ట్రాల బార్ అసోసియేషన్స్, వివిధ వర్గాలు దీన్ని ఖండించారు. మరి కొంత మంది సుప్రీం కోర్టులో జగన్ పై కంటెంప్ట్ అఫ్ కోర్ట్ కింద కేసులు కూడా వేసారు. అయితే దాదాపుగా 45 రోజులు తరువాత, ఈ కంటెంప్ట్ అఫ్ కోర్ట్ కేసుల్లో కదలిక రావటం, నవంబర్ 16న ఈ కేసులు లిస్టు కావటంతో, సుప్రీం కోర్టు ఏమి చెప్తుందా అనే ఆసక్తి అందరిలో నెలకొంది.

ముఖ్యంగా వైసీపీ శ్రేణులు, ఈ విషయంలో ఏమి అవుతుందా అని భయం భయంగా ఉన్నారు. అయితే అదే పార్టీకి చెందిన ఎంపీ రఘురామ రాజు మాత్రం ఒక అడుగు ముందుకు వేసి, నవంబర్ 16 న జగన్ భవితవ్యం తేలిపోతుందని అంటున్నారు. మీడియాతో మాట్లాడిన ఆయన, నవంబర్ 16 న జగన్ రాజీనామా కూడా చెయ్యాల్సి రావచ్చని అంటున్నారు. జగన్ చేసిన కంటెంప్ట్ అఫ్ కోర్ట్ అని అందరికీ తెలిసిందే అని, ఆయన ముందు రెండే ఆప్షన్స్ ఉన్నాయని, ఒకటి బేషరతుగా సుప్రీం కోర్టుకు తప్పు అయిపోయిందని చెప్పటం, రెండోది తాను రాజీనామా చేసి, ఆ స్థానంలో మరొకరిని పెట్టి నడిపించటం అని, రఘురామరాజు కుండ బద్దలు కొట్టేసారు. గతంలో నీలం సంజీవ రెడ్డి, నేదురుమల్లి జనార్ధన్ రెడ్డి, ఇలాగే కోర్టులు తప్పు బట్టటంతో రాజీనామా చేసిన చరిత్ర ఉందని, , రాజ్యాంగంలోని కన్వెన్షన్లకు లోబడి రాజీనామా చేసారని, ఇప్పుడు జగన్ మోహన్ రెడ్డి గారికి కూడా అదే పరిస్థితి ఉందని రఘురామరాజు అన్నారు. ఈ ప్రమాదాన్ని గుర్తించి, తప్పుడు సలహాలు వినకుండా, జగన్ మోహన్ రెడ్డి సుప్రీం కోర్టులో తప్పు ఒప్పుకుంటే, అందరికీ మంచిదని, ఆయన ఇచ్చిన హామీలు చాలా పెండింగ్ లో ఉన్నాయి కాబట్టే, ఆయానే సియంగా ఉండాలని తాను కోరుకుంటున్నాను కాబట్టి, కోర్టులో ఆయన తప్పు ఒప్పుకుని క్షమాపణ కోరితే తప్పితే, ఈ సమస్య ముగిసిపోదని రఘురామ రాజు అన్నారు.