news

ఆంధ్రప్రదేశ్ ప్రభుత్వానికి మరో ఎదురు దెబ్బ తగిలింది. రాజమహేంద్రవరం వైశ్య సేవా సదన్ భూములు, ఇళ్ళ పట్టాలకు ఇస్తూ ప్రభుత్వం తీసుకున్న నిర్ణయం పై, ఈ రోజు హైకోర్టులో విచారణ జరిగింది. ఈ సందర్భంగా, హైకోర్టు, ప్రభుత్వం తీసుకున్న నిర్ణయం పై స్టే ఇచ్చింది. 1922లో తెలుగు, సంస్కృతం అభివృద్ధి, వైశ్య పేద మహిళలకు సహాయం చెయ్యటం కోసం, ఈ వైశ్య సేవా సదన్ ఏర్పడినట్టు హైకోర్టు దృష్టికి తీసుకు వచ్చారు న్యాయవాది. వాదనలు విన్న ధర్మాసనం, ప్రభుత్వ నిర్ణయం పై స్టే ఇచ్చింది. అలాగే వైశ్య సేవా సదన్ కు హైకోర్టు నోటీసులు జారీ చేసింది. అక్టోబర్ నాటికి కౌంటర్ దాఖలు చెయ్యాలని ఆదేశించింది. పిటీషనర్ తరుపు న్యాయవాది మాట్లాడుతూ, కేసు వివరాలు చెప్పారు ఆయన మాట్లాడుతూ, రాజమహేంద్రవారంలో, 1922లో ఏర్పాటు చేసారని, ఈ సంస్థ ముఖ్య ఉద్దేశం, హిందీ, సంస్కృతం, ఆంగ్లం, వంటకు సంబంధించి, టెక్నికల్ ఎడ్యుకేషన్, ఇలాంటి అనేక విద్యలు ఇలాంటివి నేర్పాలి, ప్రత్యేకించి వైశ్య మహిళలకు నేర్పాలని ఇది స్థాపించారని చెప్పారు. ఈ సందర్భంగా, దాదాపుగా 500 ఎకరాల భూముల్లో అనేక భావనను, కాలేజీలు, గుడిలు ఇవన్నీ ఏర్పాటు చేసారు. వీటి పై వచ్చిన ఆదాయంతోటి, ఇలాంటి సేవా కార్యక్రమాలు చేస్తున్నారని అన్నారు.

అయితే దీనికి సంబందించిన 32 ఎకరాల భూమిని, ప్రభుత్వం ఇళ్ళ స్థాలలాకు తీసుకోవటానికి మొదలు పెట్టిందని, ఈ సందర్భంగా మార్చ్ 16 వ తేదీన ఎన్డౌమెంట్స్ కమిషనర్ గారు, ఈ భూములు తీసుకోవటానికి వీలు లేదని, హైకోర్టు తీసుకోవద్దని చెప్పిందని, తూర్పు గోదావరి జిల్లా కలెక్టర్ గారికి ఒక లేఖ కూడా రాసారని తెలిపారు. ఇన్ని వివరాలు ఇచ్చినా, ప్రభుత్వం కానీ, అధికారులు కానీ ముందుకు వెళ్తున్నారని, అందుకే స్థానికంగా ఉన్న ఒక పెద్ద మనిషి హైకోర్టులో ప్రజా ప్రయోజన వ్యాజ్యం వేసారని, ఈ రోజు అది కోర్టు ముందుకు వచ్చిందని తెలిపారు. ప్రధాన న్యాయమూర్తి బెంచ్ ముందుకు ఇది రావటంతో, హైకోర్టు అన్నీ పరిగణలోకి తీసుకుని, ప్రభుత్వ నిర్ణయం పై స్టే ఇచ్చిందని, అలాగే వైశ్య సేవా సదన్ కు కూడా నోటీసులు ఇచ్చి, కేసుని అక్టోబర్ నెలకు వాయిదా వేసిందని చెప్పారు. దేవాదాయ భూములు తీసుకుంటామని, ప్రభుత్వం చెప్పటం అన్యాయం అని, ప్రభుత్వం దేవాలయ భూముల జోలికి రాకుండా, చూసుకోవాలని పిటీషనర్ తరుపు న్యాయవాది తన అభిప్రాయాన్ని తెలిపారు.

ఆంధ్రప్రదేశ్ ప్రభుత్వంలో సలహాదారులు ఎక్కువ ఉన్నారని, దాదాపుగా 33 సలహాదారులు వరకు ఉన్నారని, వీరిలో చాలా మందికి అన్ని అలౌవెన్స్ లు కలుపుకుని, దాదాపుగా నాలుగు లక్షల వరకు జీతాలు ఇస్తున్నారని, ఇంత ప్రజాధనం ఎందుకు వృధా అంటూ, అటు పత్రికకు, ఇటు ప్రతిపక్షాలు విమర్శలు చేస్తున్న సంగతి తెలిసిందే. ఇన్ని విమర్శల మధ్య కూడా, పోయిన వారం మరో సలహదారుని ప్రభుత్వం నియమించిన సంగతి తెలిసిందే. అయితే ఇప్పుడు రాష్ట్ర ప్రభుత్వం మరో నిర్ణయం తీసుకుంది. ఇప్పటికే రాష్ట్ర ప్రభుత్వానికి కమ్యూనికేషన్స్ సలహదారుగా ఉన్న, జీవీడీ కృష్ణమోహన్‌ జీతాన్ని భారీగా పెంచేసింది. ఆయనకు ఇప్పటి వరకు జీతం నెలకు, రూ.14 వేలు కాగా, ఆయన జీతాన్ని ఇప్పుడు రెండు లక్షలు చేసింది ప్రభుత్వం. అంటే ఒకేసారి లక్షా 86 వేల జీతం పెంచింది. దీనికి సంబంధించి నిన్న ప్రభుత్వం ఒక జీవో విడుదల చేసింది. ఆ జీవోలో, జీతం పెంపుకు కారణం చెప్తూ, ఆయన పనితనానికి మెచ్చి, జీతం పెంచినట్టు ప్రభుత్వం తెలిపింది. వైసీపీ ప్రభుత్వం వచ్చిన కొత్తలో జీవీడీ కృష్ణమోహన్‌ ను కమ్యూనికేషన్స్ సలహాదారుగా నియమించి, ఆయనకు క్యాబినెట్ ర్యాంకు కూడా ఇస్తూ, ప్రభుత్వం ఆదేశాలు జరీ చేసింది.

అప్పట్లో ఇచ్చిన ఆదేశాలు ప్రకారం, ఆయనకు క్యాబినెట్ ర్యాంక్ ఇవ్వటంతో, ఇతర మంత్రులతో పాటు ఆయనకు కూడా 14 వేల జీతం, హౌసింగ్ రెంట్ అలౌన్స్ కింద లక్ష రూపాయలు, కారు అద్దె కోసం 30 వేలు, ఇతర అలవెన్స్ లు ఇవ్చ్చే వారు. అయితే ఇప్పుడు జీతం 14 వేల నుంచి రెండు లక్షలు చేసారు. అలాగే ఇతర అలవెన్స్ లు అలాగే ఉంటాయి. అయితే ఇప్పుడు ప్రభుత్వం జారీ చేసిన ఆదేశాలు ప్రకారం, మంత్రులు హోదా ఉన్నవారి కంటే, ఎక్కువ జీతం ఇస్తున్నారు. జీవీడీ కృష్ణమోహన్‌ , సాక్షిలో పని చేసే వారు. జగన్ ప్రభుత్వం వచ్చిన తరువాత, ఆయన్ను ప్రభుత్వంలోకి తీసుకున్నారు. ఇప్పటికే సలహాదారు పదవులు, వాటి ఖర్చు పై చర్చ జరుగుతున్న సమయంలో, ప్రభుత్వం ఈ నిర్ణయం తీసుకోవటం సాహసం అనే చెప్పాలి. మరి ప్రతిపక్షాలు, ఇతర సామాజిక వేత్తలు దీని పై ఎలా స్పందిస్తారో చూడాలి..

ఎప్పటి లాగా, ఈ సారి కూడా ఆంధ్రప్రదేశ్ ప్రభుత్వం మొండి పట్టుదలతో ముందుకు వెళ్తుంది. హైకోర్టు కాదు అని చెప్తున్నా, ఇప్పుడు సుప్రీం కోర్టులో తేల్చుకుంటాం అంటూ, మరోసారి సుప్రీం కోర్టు మెట్లు ఎక్కింది ప్రభుత్వం. గతంలో నిమ్మగడ్డ రమేష్ విషయం, పంచాయతీ భావనలకు పార్టీ రంగులు విషయం, అమరావతి విషయం, ఇలా అనేక అంశాల్లో హైకోర్టు ఇచ్చిన తీర్పులని సుప్రీం కోర్టులో సవాల్ చెయ్యగా, ప్రతి సారి అక్కడ కూడా చుక్కు ఎదురు అవుతుంది. ఇవన్నీ చట్టబద్దమైన అంశాలు కాబట్టి, ఎక్కడైనా ఒకే తీర్పు వచ్చే అవకాసం ఉండటంతో, కింద కోర్టు, పై కోర్టులో కూడా ప్రభుత్వానికి ఎదురు దెబ్బ తగులుతుంది. ఇప్పుడు తాజగా డాక్టర్ రమేష్ కేసు వ్యవహారంలో ఆంధ్రప్రదేశ్ ప్రభుత్వం పట్టుదలగా ఉంది. విజయవాడలో ఉన్న ఒక డాక్టర్ ని ఎలా అయినా బాధ్యుడుని చెయ్యలనే ఆలోచనలో, ఏకంగా ఒక రాష్ట్ర ప్రభుత్వం, ఒక ఊరిలో ఉన్న ఒక డాక్టర్ పై, సుప్రీం కోర్టు వరకు వెళ్ళటం అందరినీ ఆశ్చర్యానికి కలిగిస్తుంది. స్వర్ణా ప్యాలస్ ఘటన తరువాత, డాక్టర్ రమేష్ ని టార్గెట్ చేస్తూ, చర్చ అంతా డాక్టర్ రమేష్ పైనే తిరిగేలా చేసారు. ఏకంగా ప్రజలు ప్రాణాలు కాపాడే డాక్టర్ కి కులం అంట గట్టారు. ఇక మరింత ముందుకు వెళ్లి, డాక్టర్ రమేష్ ఆచూకీ తెలిపితే లక్ష రూపాయల బహుమతి ప్రకటించారు.

ఇలా ఒక డాక్టర్ పై ప్రభుత్వ స్థాయిలో టార్గెట్ చేసారు. అయితే ఘటన జరిగిన హోటల్ యాజమాన్యం పై కాకుండా, వైద్యం చేసిన డాక్టర్ రమేష్ ని టార్గెట్ చేస్తున్నారు అనే అభిప్రాయంతో పాటు, అసలు అక్కడ అనుమతి ఇచ్చిన అధికారులు ఎవరు అనే చర్చ కూడా మొదలైంది. అయితే ఈ కేసు పై డాక్టర్ రమేష్ హైకోర్టుకు వెళ్లారు. ఈ సందర్భంగా హైకోర్టు ఎఫ్ఐఆర్ పై స్టే విధించింది. తదుపరి ఆదేశాలు వచ్చే వరకు, స్టే విధిస్తూ, అసలు ఈ ఘటనకు బాధ్యులు ఎవరో తేల్చాలని కోరింది. ఆ హోటల్ లో ఇంతకు ముందు ప్రభుత్వం క్వారంటైన్ సెంటర్ నిర్వహణ చేసింది కదా ? అసలు అక్కడ పర్మిషన్ ఎవరు ఇచ్చారు ? కలెక్టర్ బాధ్యత ఏమిటి ? సబ్ కలెక్టర్ బాధ్యత ఏమిటి ?డీఎం అండ్ హెచ్‌వో ఏమి చేస్తున్నారు, వీరిని ఎందుకు బాధ్యులని చెయ్యకూడదు అనే ప్రాధమిక ప్రశ్నలు కోర్టు అడిగింది. అనుమతులు ఇచ్చిన అధికారులని హైకోర్టు ప్రశ్నించింది. అయితే హైకోర్టు ఎఫ్ఐఆర్ పై ఇచ్చిన స్టే పై, రాష్ట్ర ప్రభుత్వం ఇప్పుడు సుప్రీం కోర్టు తలుపు తట్టింది. అధికారులని బాధ్యులని చేరుస్తూ, రమేష్, హోటల్ యాజమాన్యం పై కూడా చర్యలు తీసుకుంటే అయిపోయే దానికి, సుప్రీం కోర్టుకు వెళ్ళటం పై, ఇప్పుడు చర్చ జరుగుతుంది. ప్రభుత్వానికి సుప్రీం కోర్టులో ఊరట లభిస్తుందా ? లేక హైకోర్టు ఇచ్చిన ఉత్తర్వులని సమర్ధిస్తారా అనేది చూడాలి.