news

ఒక్కసారి ప్రభుత్వం మీద, ప్రజలకు నమ్మకం పోతే, ఏమి జరుగుతుందో చెప్పే సంఘటన ఇది. ఈ రోజుల్లో సెంటు భూమి ప్రభుత్వాలు, ప్రజల నుంచి తీసుకోవాలి అంటేనే, అది ఒక పెద్ద తలనొప్పి. అలాంటిది, ఈ రాష్ట్ర భవిష్యత్తు కోసం, అమరావతి అనే నగర నిర్మాణానికి, అమరావతి రైతులను ఒప్పించి, నాటి ముఖ్యమంత్రి చంద్రబాబు నాయుడు, 33 వేల ఎకరాలు ఒక్క చిన్న సంఘటన జరగకుండా తీసుకున్నారు. రైతులు కూడా అలా సహకరించారు. అయితే అక్కడ భూములు ఇచ్చింది ఏపి ప్రభుత్వానికి, చంద్రబాబుకి కాదు అని మర్చిపోయిన, తరువాత వచ్చిన పాలకులు, అమరావతిని నిర్వీర్యం చేసే ప్రయత్నాల్లో, అమరావతిని మూడు ముక్కలు చేసారు. దీంతో అమరావతి రైతులే కాదు, రాష్ట్ర వ్యాప్తంగా, దేశ వ్యాప్తంగా ఉన్న రైతులు కూడా, అమరావతి రైతుల దీన గాధలు విని, ప్రభుత్వాలను నమ్మి భూములు ఇస్తే, తరువాత వచ్చే ప్రభుత్వాలు వాటిని నిలిపివేస్తే ఏమి అయిపోతాం, మన వ్యవసాయం ఏదో మనమే కిందా మీద పడి చేసుకుందాం అనే స్థాయికి వచ్చేశారు. సరిగ్గా అలాంటి సంఘటనే ఈ రోజు ఇదే ఆంధ్రప్రదేశ్ లో, అదే అమరావతిలో, అదే ప్రభుత్వానికి జరిగింది. రైతులు నుంచి వచ్చిన వ్యతిరేకత చూసి, ప్రభుత్వ అధికారులు కూడా ఏమి చెయ్యలేక వెనక్కు వచ్చేసిన పరిస్థితి. ప్రభుత్వం అనేది నమ్మకాన్ని ఇవ్వాలి అనేది ఇందుకే.

ఇక వివరాల్లోకి వెళ్తే, గత ప్రభుత్వ హయంలోనే, గోదావరి-పెన్నా నదుల అనుసందానం చెయ్యాలని నిర్ణయం తీసుకున్నారు. దీని కోసం భూమి పూజ కూడా చేసారు. ప్రాజెక్ట్ కు అవసరం అయిన భూమిని సమీకరించాలని, రైతులకు డబుల్ రేటు ఇవ్వాలని నిర్ణయం తీసుకున్నారు. రైతులు కూడా కొంత మంది దీనికి ఒప్పుకున్నారు. అయితే ప్రభుత్వం మారింది. ఇప్పుడు కొత్తగా వచ్చిన ప్రభుత్వం, మళ్ళీ ఈ ప్రక్రియ మొదలు పెట్టింది. ఈ రోజు గోదావరి-పెన్నా నదుల అనుసంధాన ప్రాజెక్ట్ కోసమని, భూసేకరణ కోసం, గుంటూరు జిల్లా అమరావతి మండలంలో ఉన్న, ధరణికోట, వైకుంఠపురం, లింగాపురం తదితర గ్రామాల్లో, అధికారులు గ్రామ సభలు పెట్టి, ఈ ప్రాజెక్ట్ కోసం నిర్మించే కాలువల కోసం, భూములు ఇవ్వాలని రైతులని విజ్ఞప్తి చేసారు. అంతే కాదు, ఎక్కువ రేటుకు భూములు తీసుకుంటాం అని, మీకు అన్ని విధాలుగా లాభం చేకూర్చేలా నిర్ణయం తీసుకుంటాం అని అన్నారు. అంతే ఒక్కసారిగా రైతుల్లో ఆగ్రహం కట్టలు తెంచుకుంది.

మీరు ఇచ్చే డబ్బులు వద్దు, ఏమి వద్దు, మేము సెంటు భూమి కూడా ఈ ప్రభుత్వానికి ఇవ్వం అంటూ, రైతులు ఎదురు తిరిగారు. రాజధాని అమరావతి కోసం, రైతులు 34 వేల ఎకరాలు ఇస్తే వారిని నట్టేట ముంచారని, ఇప్పుడు ప్రభుత్వాన్ని నమ్మి భూములు ఇవ్వలేమని రైతులు అధికారులకు తేల్చి చెప్పారు. మా భూములు త్యాగాలు చేసి, కోట్ల రూపాయల విలువ చేసే భూమి, ప్రభుత్వాన్ని నమ్మి, మేము ఇవ్వలేము అని రైతులు అన్నారు. ఒక పక్క అమరావతి రైతులు ఆందోళన చూస్తూ, ఎవరిని నమ్మి భూములు ఇస్తాం అని అన్నారు. అభివృద్ధికి మేము వ్యతిరేకం కాదని, కానీ ఇప్పుడు ఎవరిని నమ్మి ఇవ్వాలని ? ఇప్పుడు ఈ ప్రభుత్వం తీసుకుంటే, వచ్చే ప్రభుత్వం వచ్చి మేము చెయ్యం అని, ఇప్పుడు చేసినట్టే చేస్తే, మా పరిస్థితి ఏమిటని ? ఎటూ ఉపయోగం లేని మా భూములు చూసి, వాళ్ళు 250 రోజులుగా ఏడుస్తున్న ఏడుపులు చూసి కూడా ఎలా ఇస్తాం అని అన్నారు. అంతే కాదు అధికారులు గో బ్యాక్ అంటూ, నినాదాలు చేసారు. దీంతో చేసేది ఏమి లేక అధికారులు వెనుదిరిగారు.

ఆంధ్రప్రదేశ్ లో ఫ్రంట్ లైన్ వారయిర్స్ గా ఉన్న డాక్టర్లకు, సరైన సౌకర్యాలు కల్పించాలని, విధి నిర్వహణలో చనిపోయిన డాక్టర్స్ కి నష్ట పరిహారం చెల్లించాలని, కుటుంబాలకు కూడా దూరంగా ఉంటూ, ప్రాణాలకు తెగించి వైద్యం చేస్తున్నామని, ఆంధ్రప్రదేశ్ ప్రభుత్వ వైద్యుల సంఘం ఈ రోజు తెలిపింది. తమకు ఇవ్వాల్సిన రీతిలో ప్రభుత్వం, మాకు సహకారం అందించటం లేదని, వాపోయారు డాక్టర్లు. ప్రభుత్వం డాక్టర్స్ అసోసియేషన్ కన్వీనర్ డాక్టర్ జయధీర్ ఈ రోజు పత్రికా సమావేశం పెట్టి, రాష్ట్ర ప్రభుత్వానికి అల్టిమేటం ఇచ్చారు. తమ సమస్యలు పరిష్కరించకపోతే, ఈ సమయంలో కూడా తాము సహాయ నిరాకర్నా చెయ్యటానికి వెనకాడమని అన్నారు. క-రో-నా తో పోరాడుతూ, వై-రస్ సోకిన వారికి వైద్యం చేస్తుంటే, తమను మాత్రం ప్రభుత్వం పట్టించుకోవటం లేదని అన్నారు. తాము గత మూడు నెలలుగా ఈ విషయం పై ప్రభుత్వంతో పోరాటం చేస్తున్నామని అన్నారు. ఇప్పటి వరకు అయిదుగురు డాక్టర్లు చనిపోయారని, అయితే ఈ రోజు వరకు వారికి ఎలాంటి పరిహారం అందలేదని, వారి కుటుంబాలు తీవ్ర ఇబ్బందుల్లో ఉన్నాయని అన్నారు. పోయిన సారి, మేము రాష్ట్ర ప్రభుత్వాన్ని కూడా, 50 లక్షలు ఇన్సురన్సు ఇవ్వమని అడిగితె, చేస్తాం అన్నారు కాని, ప్రభుత్వం మాత్రం ఇవ్వలేదు.

పక్కన ఉన్న తెలంగాణాలో మాత్రం, మొన్న ఒక డాక్టర్ చనిపోతే, 50 లక్షలతో పాటు, కుటుంబంలో ఒకరికి ఉద్యోగం ఇచ్చారని అన్నారు. అలాగే ఢిల్లీలో కూడా కోటి రూపాయలు ఇచ్చారని, ఇలాంటి మానవత్వా సహాయం రాష్ట్ర ప్రభుత్వం ఇవ్వాలని అన్నారు. ప్రభుత్వం వైద్యులుగా ఇంత మంది వైద్యులు చనిపోతున్నా, ఇప్పటి వరకు వైద్యం చెయ్యలేం అని అనలేదని అన్నారు. అలాగే మా వల్ల, మా కుటుంబ సభ్యులకు క-రో-నా వస్తే, వారికి ఒక బెడ్ ఇవ్వాలని, లేదా పక్క రాష్ట్రాలు వైద్యం కోసం వెళ్తే, రీయింబర్స్మెంట్ ఇవ్వాలని అన్నారు. 2006 జీతాలు ప్రకారం, కేవలం 60 వేలు ఇస్తున్నారని, ఇవన్నీ మారాలని అన్నారు. బయటకు మాత్రం, డాక్టర్లకు ఇంత చేస్తాం , అంత చేస్తాం అంటున్నారని, కానీ బయటకు మాత్రం జరుగుతుంది వేరు అని అన్నారు. రేపటి నుంచి ఉద్యమ కార్చరణ ప్రకటిస్తున్నాం అని, రేపటి నుంచి, రెండు రోజుల పాటు కొవ్వుత్తుల ర్యాలీ చేస్తాం అని, అప్పటికీ ప్రభుత్వం స్పందించకపోతే, ఇక భవిష్యత్తు కార్యాచరణ ప్రకటిస్తాం అని అన్నారు. అలాగే న్యాయ పోరాటం కూడా చేస్తాం అని అన్నారు. ఇప్పటి వరకు చనిపోయిన డాక్టర్లకి, ఒక్క రూపాయి పరిహారం కూడా ఇవ్వలేదని అన్నారు. అయితే శుక్రవారం, వైద్య శాఖ పై సమీక్ష ఉందని, ఆ సమీక్షలో ఈ డిమాండ్ల పై ఒక నిర్ణయం తీసుకునే అవకాసం ఉన్నట్టు తెలుస్తుంది.

ప్రస్తుతం రాష్ట్రంలో నడుస్తున్న హాట్ టాపిక్ రాయలసీమ ఎత్తిపోతల పధకం. దీని పై ఇరు తెలుగు రాష్ట్రాల మధ్య వివాదం నెలకొంది. మంచి స్నేహితులం, రాయలసీమను రత్నాల సీమను చేస్తాం, అంటూ గొప్పలు చెప్పుకున్న రెండు రాష్ట్రాల ముఖ్యమంత్రులు, కూర్చుని మాట్లాడకుండా అయిపోయేదానికి, ఇప్పుడు ఈ ప్రాజెక్ట్ కోర్టుల వరకు వెళ్ళింది. అయితే ఇప్పుడు కోర్టులో జగన్ ప్రభుత్వానికి మంచి ఆయుధం దొరికింది. ఆ ఆయిధం గతంలో చంద్రబాబు ముందు చూపుతో చేసిన పని. రాయలసీమకు కృష్ణా జలాల్లో ఎలాంటి కేటాయింపులు లేనప్పుడు, అసలు సీమకు కృష్ణా నీళ్ళు తీసుకువెళ్ళే రాయలసీమ ఎత్తిపోతల ప్రాజెక్ట్ ఎలా నిర్మిస్తారు అనేది తెలంగాణా ప్రభుత్వం వాదన. అయితే చంద్రబాబు ముఖ్యమంత్రిగా ఉండగా, కృష్ణా ట్రిబ్యునల్ ఆదేశాలు పాటిస్తూ, ఏ ప్రాంతానికైనా కృష్ణా నీళ్ళు వాడుకోవచ్చు అంటూ నాడు చంద్రబాబు, కేసీఆర్ చేత ఒప్పందం చేపించారు. సరిగ్గా అదే ఇప్పుడు జగన్ ప్రభుత్వానికి ఒక పెద్ద ఆయుధంగా మారింది. ప్రస్తుతం రాయలసీమ ఎత్తిపోతల ప్రాజెక్ట్ కు తెలంగాణా ప్రభుత్వం అభ్యంతరం చెప్తున్న సంగతి తెలిసిందే. నేషనల్ గ్రీన్ ట్రిబ్యునల్ లో ఈ వాదనలు జరుగుతున్నాయి. రాయలసీమ ప్రాంతానికి 111 టీఎంసీల కేటాయింపులు ఉన్నాయి అంటూ, నేషనల్ గ్రీన్ ట్రిబ్యునల్ కు ఇచ్చిన నివేదిక పై తెలంగాణా అభ్యంతరం చెప్తుంది.

అయితే ప్రస్తుతం జగన్ ప్రభుత్వం మాత్రం ధీమాగా ఉంది. సీమ ఎత్తిపోతలకు ఎలాంటి ఇబ్బందులు రావని, గతంలో కేంద్రం సమక్షంలో, తెలంగాణా ప్రభుత్వమే దీని పై ఒప్పుకుందని, ధీమాగా ఉంది. 2015 జూన్ 18, 19 తేదీల్లో, కేంద్రంలో ఒక మీటింగ్ జరిగింది. ఈ మీటింగ్ కు కేంద్ర జల వనరుల శాఖ అదనపు కార్యదర్శి అమర్జిత్ సింగ్, ఆంధ్రప్రదేశ్ నుంచి ఆదిత్యనాథ్ దాస్, తెలంగాణా నుంచి ఎస్ కే జోషీ హాజరు అయ్యి, ఒక ఒప్పందం చేసుకున్నారు. మహబూబ్ నగర్ జిల్లాలోని భీమా పథకం నుంచి 20 టీఎంసీల నీటిని మేము తీసుకుంటామని, ఇది ఒప్పుకుంటేనే, సీమ ప్రాజెక్ట్ లకు కృష్ణా జలాల పై ఒప్పుకుంటామని తెలంగాణా భీష్మించింది. ఒకానొక సమయంలో ఈ ఒప్పందం చెయ్యకుండా వాక్ అవుట్ చెయ్యటానికి కూడా తెలంగాణా నిర్ణయం తీసుకుంది. అయితే విషయం చంద్రబాబుకు తెలియటంతో, ఆదిత్యనాథ్ దాస్ తో చర్చలు జరిపి, భీమా పథకం ఉమ్మడి ఆంధ్రప్రదేశ్ లోనే పూర్తయ్యిందని, దీని పై మనం అభ్యంతరం చెప్పాల్సిన పని లేదు అంటూనే, వ్యూహాత్మికంగా వ్యవహరించారు.

ఆంధ్రప్రదేశ్ రాష్ట్రానికి నీటి కేటాయింపుల పై లిఖితపూర్వకంగా తెలంగాణ ప్రభుత్వం ఒప్పుకుంటే, భీమా పథకం నుంచి 20 టీఎంసీల కృష్ణా జలాలను తీసుకునేందుకు అభ్యంతరం లేదని చెప్పారు. చంద్రబాబు ఎత్తుగడ ఫలించి, ఈ ఒప్పందం సాకారం అయ్యింది. కేటాయించిన కృష్ణా జలాలను, ఏ ప్రాంతంలో అయినా వాడుకోవచ్చు అని ఒప్పందం చేసుకున్నారు. తరువాత 2016లో ముఖ్యమంత్రుల స్థాయిలో జరిగిన మొట్టమొదటి అపెక్స్ సమావేశంలో కూడా ఈ ఒప్పందానికి, ఇరు రాష్ట్రాల ముఖ్యమంత్రులు ఆమోదం తెలిపారు. దీంతో కృష్ణా జలాలు రాయలసీమ వాడుకుంటానికి ఎలాంటి ఇబ్బంది లేకుండా పోయింది. ఇప్పుడు ఈ ఒప్పందమే జగన్ ప్రభుత్వానికి ఆయుధం అయ్యింది. రాయలసీమ ఎత్తిపోతల పధకం న్యాయపోరాటంలో, ఈ ఒప్పందం చూపిస్తే, తెలంగాణా వాదనకు బలం లేకుండా పోతుందని, తద్వారా ఈ కేసు ఆంధ్రప్రదేశ్ ప్రభుత్వం గెలుస్తుందని, ఏపి వర్గాలు భావిస్తున్నాయి. ఆ నాడు చంద్రబాబు దార్శనికుని ముందుచూపుకు ఇదొక ఉదాహరణ