news

ఆంధ్రప్రదేశ్ లో రోజురోజుకూ కరోనా తీవ్రత పెరుగుతున్నప్పటికీ... రాష్ట్ర ప్రభుత్వం తగిన చర్యలు తీసుకో వడం లేదని... పరిస్థితిని సమీక్షించేందుకు కేంద్రం ప్రత్యేక బృందాన్ని పంపే అవకాశాలున్నాయని బీజేపీ నేతలు చెబుతున్నారు. రాష్ట్రంలో పరిస్థి తులపై బీజేపీ జాతీయ అధ్యక్షుడు జేపీ నడ్డా బుధవారం రాత్రి రాష్ట్ర నేత లతో ఆరా తీసినట్లు తెలుస్తోంది. కర్నూలు, కడప, నంద్యాల, శ్రీకాళహస్తి, గుంటూరు ప్రాంతాల్లో కరోనా కేసులు పెరుగుతున్నప్పటికీ... రాష్ట్ర ప్రభుత్వం వాస్తవాలు దాచి పెడుతోం దని రాష్ట్ర నేతలు అధిష్టానానికి ఫిర్యాదు చేశారు. "కర్నూలు పాతబస్తీలో పరిస్థితి చాలా తీవ్రంగా ఉంది. కర్నూలులో ఒక అధికార పార్టీ నేత, మర్కజ్ వెళ్లిన వారికి పరీక్షలు నిర్వహించకుండా అధికారులపై ఒత్తిడి తెచ్చారు. నంద్యాలలో కూడా కేసులను బయటకు రానివ్వడం లేదు. అక్కడ కరోనా వివరాలను బయటకు పొక్కనివ్వడం లేదు. కడపలో కూడా కరోనా పీడితులను క్వారంటైన్లో పెట్టకుండా కాపాడేందుకు ప్రయత్నిస్తున్నారు" అని నడా దృష్టికి తీసుకొచ్చారు.

లాక్ డౌన్ ఉన్నప్పటికీ శ్రీకాళహస్తిలో వైసీపీ ఎమ్మెల్యే బియ్యపు మధుసూధన్ రెడ్డి ఊరేగింపు జరిపారని తెలిపారు. ఆయా అంశా లకు సంబంధించిన పూర్తి వివరాలను తనకు అందించాలని... తన వద్ద కూడా కొంత సమాచారం ఉందని నడ్డా చెప్పారు. ఇదే విధంగా... మహా రాష్ట్ర, మధ్యప్రదేశ్, పశ్చిమ బెంగాల్ నుంచి ఫిర్యాదులు రావడంతో కేంద్రం టాస్క్ ఫోర్స్ ను నియమించిందని గుర్తు చేశారు. కేంద్ర బృందం ఆ రాష్ట్రాలకు వెళ్లి స్వయంగా పరిస్థితిని సమీక్షిస్తున్నదని నడ్డా తెలిపారు. ఆంధ్రప్రదేశ్ కూడా ప్రత్యేక టీమ్ ను పంపాల్సిన అవసరం ఉన్నదని ఆయన అభిప్రాయపడ్డట్లు తెలిసింది. వీడియో కాన్ఫరెన్స్ లో పార్టీ రాష్ట్ర అధ్యక్షుడు కన్నా లక్ష్మీనారాయణ, ఎంపీలు సుజనా చౌదరి, సీఎం రమేశ్, టీజీ వెంకటేశ్, జీవీఎల్ నరసింహారావు తదితరులు పాల్గొన్నట్లు తెలిసింది.

ఆంధ్రప్రదేశ్ లో కేసులు పెరిగిపోతున్నాయని, అలాగే, టెస్టింగుల విషయంలో కూడా అనుమానాలు ఉన్నాయని విపక్షాలు ఆరోపిస్తున్నాయి. పీసీఆర్ టెస్టులు చేసి, కరోనా నిర్ధారణ చేయాలనీ, రాపిడ్ టెస్టులు కేవలం లక్ష్యణాలు తెలుసుకోవటానికే అని కేంద్రం చెప్తున్నా, రాష్ట్రం మాత్రం రాపిడ్ టెస్టులు చేసి, గొప్పగా చెప్పుకుంటూ, ప్రజలను ఇబ్బందుల్లోకి నేడుతున్నారని ఆరోపిస్తున్నారు. అలాగే, 16 వేల టెస్టులకు సంబంధించి ఇప్పటికీ రిజల్ట్ రాకపోవటం పై, ఈ రోజు తెలుగుదేశం అధినేత చంద్రబాబు, ప్రభుత్వానికి ఉత్తరం కూడా రాసారు. ఇక విశాఖపట్నంలో కూడా ఏదో జరుగుతుందని విపక్షాలు ఆరోపిస్తున్నాయి. వీటి అన్నిటి నేపధ్యంలో, కేంద్రం నుంచి రాష్ట్రానికి టాస్క్ ఫోర్సు వచ్చి, నిజాలు నిగ్గు తెల్చనుందని సమాచారం.

ఆంధ్రప్రదేశ్ రాష్ట్రంలో పాజిటివ్ కేసులు పెరగటమే కాని, తగ్గటం అనేది లేకుండా పోతుంది. ఏ దశలోనో, కేసులు కంట్రోల్ అవ్వని పరిస్థితిలో ఆంధ్రప్రదేశ్ రాష్ట్రం ఉంది. నెల రోజుల క్రితం వరకు, కేవలం విదేశాల నుంచి వచ్చిన వారు, ఢిల్లీ నుంచి వచ్చిన వారు మాత్రమే ఉన్నారని, వారందరినీ ఇప్పటికే క్వారంటైన్ కు తరలించామని, మా వాలంటీర్ వ్యవస్థ ఈ విషయంలో అద్భుతం పని చేసిందని, చెప్పుకుంది ప్రభుత్వం. అయితే, నెల రోజులు తరువాత కూడా, కేసులు అత్యధికంగా పెరుగుతూ వెళ్తున్నాయి. గడిచిన 24 గంటల్లో, కేసులు సంఖ్య అనూహ్యంగా పెరిగిపోయింది. ఒక్క రోజులో అత్యధిక కేసులు వచ్చిన రోజుగా ఈ రోజు నిలిచిపోయింది. నిన్న ఉదయం నుంచి ఈ రోజు ఉదయం వరకు, ఆంధ్రప్రదేశ్ రాష్ట్రంలో, ఒక్కసారిగా 80 కేసులు వచ్చాయి. దీంతో, మొత్తం కేసులు సంఖ్య 893కి చేరుకుంది. ఒక్క రోజులు అత్యధికంగా 80 కేసులు రావటం ఈ రోజే. ఏప్రిల్ 20న, 74 కేసులు వచ్చి, మొన్నటి దాక ఎక్కువ కేసులు వచ్చిన రోజుగా ఉంది. గతంలో, ఏప్రిల్ 1న 67 వచ్చాయి.

అయితే జిల్లాల వారీగా చూసుకుంటే, కర్నూల్ జిల్లాలో, అత్యధికంగా, 234 కేసులు వచ్చాయి. తరువాత స్థానంలో, 194 కేసులతో గుంటూరు జిల్లా ఉంది. గడిచిన 24 గంటల్లో కర్నూల్ జిల్లాలో 31 కేసులు వచ్చాయి. అలాగే గుంటూరు జిల్లాలో 18 కేసులు వచ్చాయి. ఇక చిత్తూరు జిల్లాలో 14 కేసులు నమోదు అయ్యాయి. ఏప్రిల్ 14కి ముందు, కేసులు తగ్గు ముఖం పట్టాయి అని ప్రభుత్వం చెప్తూ వచ్చింది. చివరకు ప్రధానితో కూడా జగన్ అదే చెప్పారు. రెడ్ జోన్ చాలా తక్కువ మండలాల్లో ఉన్నాయని, అక్కడ తప్ప అన్నీ ఎత్తేయాలని చెప్పారు. అయితే ఏప్రిల్ 14 తరువాత, కేంద్రం లాక్ డౌన్ పొడిగించిన తరువాత నుంచి, ఏపిలో కేసులు పెరుగుతూ వస్తున్నాయి. సగటున, 30 నుంచి 40 కేసులు రోజుకి వస్తున్నాయి.

ఇక ఇప్పటి వరకు 141 మంది డిశ్చార్జ్ అయితే, 27 మంది చనిపోయారు. నిన్న ఒకే రోజులో 56 కేసులు వస్తే, ఈ రోజు 80 కేసులు వచ్చాయి. వాలంటీర్ల ద్వారా, మూడు సార్లు సర్వే చేసామని, అందరినీ పట్టుకున్నాం అని చెప్పిన ప్రభుత్వం, ఇప్పుడు పెరుగుతున్న కేసులతో, మరో సర్వే కు వెళ్ళాలని నిర్ణయం తీసుకుంది. అయితే ఇక్కడ మరొక విషయం కూడా ఆందోళన కలిగించే అంశం. దక్షిణ భారత దేశంలో, ఆంధ్రప్రదేశ్ లోనే మరణాలు ఎక్కువ. 27 మరణాలతో ఏపి నెంబర్ వన్ గా ఉంటే, తెలంగాణా 24 మరణాలతో తరువాత స్థానంలో ఉంది. ఇక రికవరీ రేటులో కూడా, ఆంధ్రప్రదేశ్ దక్షిణ భారత దేశంలో చివరి స్థానంలో ఉంది. ఏపికి 14.76 రికవరీ రేటు ఉండగా, అత్యధికంగా, కేరళాకు 70.32 శాతం రికవరీ రేటు ఉంది.

ఆంధ్రప్రదేశ్ రాష్ట్రంలో కక్ష సాధింపు రాజకీయలు నడుస్తున్నాయి. తమకు నచ్చకపోతే సస్పెన్షన్, తమను ప్రశ్నిస్తే సస్పెన్షన్ అనే ధోరణిలో రాష్ట్ర ప్రభుత్వం ఉంది. గతంలో చంద్రబాబు హయంలో, మంచి పొజిషన్ లో ఉన్న అధికారులను టార్గెట్ చేసి, వారికి పోస్టింగులు ఇవ్వకుండా, అలాగే వారిని తక్కువ హోదా పోస్టులు ఇస్తే, ఇంకా కొంత మంది అధికారులను సస్పెండ్ చేస్తూ రాష్ట్ర ప్రభుత్వం వ్యవహిస్తున్న తీరు పై అభ్యంతరాలు వ్యక్తం అవుతున్నాయి. ముఖ్యంగా ఓక సామజికవర్గ ఆఫీసర్లను టార్గెట్ చేసుకుని వెళ్తున్నారని, ఆరోపణలు వినిపిస్తున్నాయి. దానికి తగ్గట్టు గానే, చంద్రబాబు హయంలో కీలక ఆఫీసర్ గా, మంచి పనిమంతుడుగా పేరు ఉన్న జాసి కృష్ణ కిషోర్ ని రాష్ట్ర ప్రభుత్వం సస్పెండ్ చెయ్యటం, ఆయన ట్రిబ్యునల్ కు వెళ్లి, సస్పెన్షన్ రద్దు చెయ్యటం, కేంద్రం ఆయనకు పదోన్నతి ఇచ్చి గౌరవించటం తెలిసిందే. అలాగే, చంద్రబాబు హయంలో పని చేసిన, ఇంటలిజెన్స్ డీజీ , ఏబీ వెంకటేశ్వరరావు పై కూడా, ఇలాగే ప్రభుత్వం సస్పెన్షన్ వేటు వేసింది.

అయితే దీని పై ఏబీ వెంకటేశ్వరరావు, హైకోర్ట్ కు వెళ్లారు. ఆంధ్రప్రదేశ్ రాష్ట్రంలో గత మే నెలలో ఎన్నికల ఫలితాలు వచ్చిన తరువాత, ప్రభుత్వం మారగానే, తన పై కొత్తగా వచ్చిన రాష్ట్ర ప్రభుత్వం బదిలీ వేటు వేసిందని కోర్ట్ కు తెలిపారు. అంతే కాకుండా, తనకు జీత, భత్యాలు కూడా, రాష్ట్ర ప్రభుత్వం నిలిపివేసిందని, కోర్ట్ దృష్టికి తెచ్చారు. తనను కక్ష పూరితంగా, రాష్ట్ర ప్రభుత్వం సస్పెండ్ చేసిందని చెప్పారు. సస్పెన్షన్ కు ముందు కూడా, సర్వీస్ నిబంధనలు పాటించకుండా, అభియోగాలను రూపొందించకుండా, సస్పెండ్ చేసారని చెప్పారు. అంతకు ముందు ప్రభుత్వం మారగానే, బదిలీ చేసి, పోస్టింగ్ ఇవ్వకుండా, జీఏడీలో రిపోర్ట్‌ చేయ్యమన్నారని, తరువాత సస్పెండ్ చేసారని కోర్ట్ ముందు చెప్పారు.

మే 30, 2019 నుంచి తనకు జీతం ఇవ్వలేదని చెప్పారు. ప్రభుత్వం తనను అకారణంగా, కక్ష కట్టి సస్పెండ్ చేసిందని, ఆ ఉత్తర్వులు రద్దు చెయ్యాలని, తిరిగి విధుల్లోకి తీసుకొనేలా, ప్రభుత్వానికి ఆదేశాలు ఇవ్వాలని, అభ్యర్ధిస్తూ, ఏబీ వెంకటేశ్వరరావు హైకోర్టులో పిటీషన్ వేసారు. ఈ పిటీషన్ ను విచారణకు తీసుకున్న హైకోర్ట్, పిటిషనర్‌ తరఫు వాదనలు విన్న తరువాత, కొన్ని కీలక వ్యాఖ్యలు చేసింది. ప్రభుత్వం మారితే, ఒక సీనియర్ అధికారిని, ఇలా బదిలీ చేసి, జీతం కూడా ఇవ్వకుండా ఉంచటం మంచిది కాదని కోర్ట్ పేర్కొంది. ఈ మొత్తం వ్యవహరం పై కౌంటర్ వెయ్యాలని, కేంద్ర హోం కా ర్యదర్శి, ఏపి చీఫ్ సెక్రటరీ, డీజీపీలకు, హైకోర్ట్ ఆదేశాలు జారీ చేసింది. తదుపరి విచారణను, కోర్ట్ పది రోజులకు వాయిదా వేసింది.