news

జగన్ మోహన్ రెడ్డి పరువు చంద్రబాబు కాపాడటం ఏంటి ? ఇద్దరూ ప్రత్యర్ధులు కదా అనుకుంటున్నారా ? కానీ మీరు విన్నది నిజం. నిన్న జగన్ మోహన్ రెడ్డి పరువుని కాపాడింది చంద్రబాబే. నిన్న కేంద్ర జల శక్తి శాఖా మంత్రి షెకావత్ పోలవరం పర్యటనకు వచ్చిన సంగతి తెలిసిందే. ఆ పర్యటనలో జగన్ మోహన్ రెడ్డి కూడా పాల్గున్నారు. పోలవరం ప్రాజెక్ట్ లో ప్రధాన సమస్య నిర్వాసితుల సమస్య. అయితే ముందే ట్రైనింగ్ ఇచ్చిన కొంత మందిని తెప్పించుకుని, జగన్ తోపు, జగన్ తురం అని కేంద్ర మంత్రి ముందు డబ్బా కొట్టించుకున్నారు. ఇక్కడ వరకు బాగానే గట్టెక్కారు. అయితే కేంద్ర మంత్రి నిర్వాసితుల కాలనీలు చూసే ప్రోగ్రాం కూడా. అయితే జగన్ మోహన్ రెడ్డి వచ్చిన తరువాత, అభివృద్ధి అనేది ఎక్కడ జరిగింది, ఇక్కడ జరగటానికి ? ఇక్కడ కూడా ఏ అభివృద్ధి కూడా జరగలేదు. అందుకే అధికారులకు అద్భుతమైన ఐడియా వచ్చింది. గతంలో చంద్రబాబు హాయంలో దాదాపుగా పూర్తి చేసిన కాలనీలు ఎంపిక చేసారు. చంద్రబాబు ముఖ్యమంత్రిగా ఉండగా, దేవీపట్నం నిర్వాసితులకు, తూర్పు గోదావారి జిల్లా ఇందుకూరులో నిర్మించిన నిర్వాసితుల కాలనీకి, కేంద్ర మంత్రిని తీసుకుని వెళ్లారు. జగన్ మోహన్ రెడ్డి ఈ కాలనీలు గురించి కేంద్ర మంత్రికి వివరించారు.

ఎవరైనా ఏమి అనుకుంటారు ? జగన్ మోహన్ రెడ్డే కట్టాడు అనుకుంటారు కదా? ఈ రకంగా చంద్రబాబు చేసిన పనిని తన పనిగా కేంద్ర మంత్రికి చూపించుకున్నారు. జగన్ పరువుని, చంద్రబాబు తన పనితనంతో ఇలా కాపాడాడు. మూడేళ్ళ క్రితమే ఈ కాలనీని చంద్రబాబు హయాంలోనే పూర్తి చేసారు. ఏడాది క్రితం వరదలు వచ్చినప్పుడు, ఈ ఇళ్ళను నిర్వాసితులకు కేటాయించారు. అప్పుడు కూడా లోకేష్ ఇక్కడకు వెళ్లి, తాము కట్టిన కాలనీలకు కనీసం మౌళిక వసతులని ఈ ప్రభుత్వం రెండేళ్ళలో చేయలేక పోయిందని విమర్శలు కూడా చేసారు. ఈ కాలనీకి కొంచెం మెరుగులు అద్ది, నిన్న కేంద్ర మంత్రికి, జగన్ మోహన్ రెడ్డి తన పనిగా చూపించుకున్నారు. విషయం తెలియని కేంద్ర మంత్రి, జగన్ మోహన్ రెడ్డి బాగా కట్టారు అంటూ అభినంధించి, ప్రశంసించారు. టిడిపి హాయంలో 6,551 ఇళ్లు పూర్తి చేసారు. అయితే జగన్ మోహన్ రెడ్డి ప్రభుత్వం వచ్చిన తరువాత ఒక్క నిర్వాసితుడకి కూడా ఇళ్లు కట్టి ఇవ్వలేదు. ఏదైతేనేం చంద్రబాబు చేసిన పనిని, తన పనిగా చెప్పుకుని, జగన్ పరువు కాపాడుకున్నారు.

గతంలో ఏసిబి డీజీగా పని చేసి, కొద్ది రోజుల క్రితమే ఇంటెలిజెన్స్ డీజీగా నియమించబడ్డ పీఎస్‍ఆర్ ఆంజనేయులు, ఈ రోజు హైకోర్టు ముందుకు హాజరు అయ్యారు. గతంలో ఒక కేసు విచారణకు సంబంధించి, ఈ విచారణకు హాజరు అయ్యారు. ప్రకాశం జిల్లాలో ఒక విద్యా సంస్థ పై గతంలో రైడ్లు చేసి, ఆ రైడ్లలోని వ్యక్తులకు సంబంధించి, ఎలాంటి చార్జ్ షీట్ దాఖలు చేయటం పై హైకోర్టు ఆగ్రహం వ్యక్తం చేసింది. కేసులో చార్జ్ షీట్ ఎందుకు దాఖలు చేయలేదని, ఇన్ని రోజులు పాటు ఎందుకు పెండింగ్ లో ఉంచుకున్నారు అని చెప్పి, హైకోర్టు వ్యాఖ్యానించింది. అవినీతి కేసుల్లో ఈ విధంగా జాప్యం చేయటం, సమంజసమా అని ప్రశ్నించింది. దీని పైన వివరణ ఇచ్చేందుకు, అప్పట్లో ఏసిబి డీజీగా ఉన్న పీఎస్‍ఆర్ ఆంజనేయులను నేరుగా హైకోర్టుకు హాజరు అయ్యి, సమాధానం చెప్పాలని చెప్పి, హైకోర్టు ఆదేశాలు ఇచ్చింది. ఈ నేపధ్యంలోనే ఈ రోజు పీఎస్‍ఆర్ ఆంజనేయులు హైకోర్ట్ కు హాజరు అయ్యారు. హైకోర్టుకు తన వివరణ ఇచ్చారు. ఈ కేసులో తాము చార్జ్ షీట్ దాఖలు చేసామని కోర్టుకు చెప్పారు. అదే విధంగా ఈ కేసుకు సంబంధించి, చార్జ్ షీట్ దాఖలులో జాప్యం జరిగినందుకు, పీఎస్‍ఆర్ ఆంజనేయులు హైకోర్టుని క్షమాపణ కోరారు. ఈ విధంగా కేసు ఆలస్యం అయినందుకు, కోర్టుకు క్షమాపణ చెప్పారు.

దీంతో, హైకోర్టు పీఎస్‍ఆర్ ఆంజనేయులను, వచ్చే వాయిదా నుంచి, కోర్టుకు రావాల్సిన అవసరం లేదని మినహాయింపు ఇచ్చింది. ఆయనకు వ్యక్తిగత హాజరు నుంచి మినహాయింపు ఇచ్చింది. గతంలో కూడా ఈ కేసు హైకోర్టులో జరిగినప్పిటికీ, కింద కోర్టుకు వెళ్లి తేల్చుకోవాలని స్పష్టం చేసింది. అయితే కింద కోర్టులో ఉన్నా కూడా, నేటి వరకూ కూడా కేసు విచారణ జరగుతున్నా కూడా, ఎలాంటి చార్జ్ షీట్ ఇంకా దాఖలు చేయలేదు అంటూ, సదరు విద్యా సంస్థల చైర్మెన్ హైకోర్టుని ఆశ్రయించారు. ఈ నేపధ్యంలోనే హైకోర్టు ఈ కేసు పైన పది రోజుల క్రితం విచారణ నిర్వహించి, ఈ విచారణ సందర్భంగా తీవ్ర వ్యాఖ్యలు చేసింది. ఈ కేసుల్లో ఇన్నేళ్ళు అయినా కూడా నేటి వరకు కూడా ఎందుకు చార్జ్ షీట్ దాఖలు చేయలేదని ప్రశ్నించింది. అదే విధంగా అవినీతి కేసులు దర్యాప్తు చేసేప్పుడు, నిజంగా వాళ్ళు తప్పు చేసి ఉంటే, వెంటనే చార్జ్ షీట్ వేయాలి కదా అని ప్రశ్నించింది. ఇది కేవలం దర్యాప్తుని సాగదేయాలనే ఉద్దేశమే అని కోర్టు వ్యాఖ్యానించింది.

జగన్ మార్క్ ట్రీట్మెంట్ అంటే ఎలా ఉంటుందో, ఈ మధ్య గౌతం సవాంగ్ ని చూసిన అందరికీ అర్ధం అవుతంది. వాడుకుంటారు, వాడుకుంటారు, వాడుకుంటారు, చివరకు లాచి ఒకటి పీకుతారు. ఇది గౌతం సవాంగ్ ఒక్కడి విషయంలోనే కాదు, అంతకు ముందు ఎల్వీ సుభ్రమణ్యం, అలాగే పీవీ రమేష్, ఇలా అనేక మంది అధికారులను వాడుకుని, వదిలేయటంతోనే అయిపొయింది. అయితే ఇప్పుడు ఈ జాబితాలో జాస్తి నాగభూషణ్‌ చేరారు. ఆయనతో ఇక అవసరం లేదు అనుకున్నారో, లేదా మరే కారణమో కానీ, నెత్తిన పెట్టుకున్న వారే, ఇప్పుడు ఇంటికి పంపించి పడేయటంతో, జగన్ మార్క్ ట్రీట్మెంట్ ఎలా ఉంటుందో మరోసారి అర్ధం అవుతుంది. జాస్తి నాగభూషణ్‌, మాజీ సుప్రీం కోర్టు జడ్జి జాస్తి చలమేశ్వర్ కుమారుడు. ఈయనకుదాదపుగా రెండేళ్ళ క్రితం రాష్ట్ర అదనపు అడ్వకేట్‌ జనరల్ పదవి ఇచ్చారు. అయితే ఈ నియామకం పై అప్పట్లోనే అనేక చర్చలు జరిగాయి. ఆ తరువాత, ఈయనకు ఇష్టం వచ్చినట్టు పేమెంట్ లు ఇస్తూ, జీవోలు ఇవ్వటం పైన కూడా చర్చ జరిగింది. అయితే ఎన్ని విమర్శలు వచ్చినా కూడా, జాస్తి నాగభూషణ్‌ ను ప్రభుత్వం నెత్తిన పెట్టుకుంది. అప్పట్లో వాళ్ళ అవసరాలు అలా ఉండేవి మరి. ఇప్పుడు ఈయనతో అవసరం లేదు అనుకున్నారో ఏమో కానీ, ఇపుడు పొగ బెట్టి సాగనంపారు.

అప్పట్లో సుప్రీం కోర్టు చీఫ్ జస్టిస్ అయ్యే జస్టిస్ ఎన్వీ రమణ పైన, జాస్తి చలమేశ్వర్ సాయంతోనే, జగన్ ప్రభుత్వం , ఎన్వీ రమణ పైన ఎదురు దా-డి చేసింది అనే ప్రచారం ఉంది. జడ్జిల మీద ఫిర్యాదులు చేయటంలో, ఈయన సహాయం తీసుకున్నారు. ఆ సమయంలోనే జాస్తి చలమేశ్వర్ కుమారుడికి, పదవి ఒకటి కల్పించి మరీ ఇచ్చారు. ఈయన ఎక్కువగా ఢిల్లీలో ఉంటూ, జగన్ వ్యవహారాలు చక్క బెట్టే వారు. నేరుగా సియం ఆఫీస్ కు వెళ్ళేంత చనువు పొందారు. అయితే ఏమైందో ఏమో కానీ, ఈ మధ్య కాలంలో జాస్తి నాగభూషణ్‌ ను పక్కన పెడుతూ వచ్చారు. సియం ఆఫీస్ లోకి ఎంట్రీ కూడా లేకుండా పోయింది. కేసులు కూడా ప్రభుత్వం తరుపున ఏమి ఇవ్వటం లేదు. వీటి అన్నిటిని నేపధ్యంలో, తనకు జరిగిన అవమాన భారాన్ని భరించ లేక, జాస్తి నాగభూషణ్‌ నిన్న తన పదవికి రాజీనామా చేసారు ఆంధ్రప్రదేశ్‌ అదనపు అడ్వొకేట్‌ జనరల్‌ పదవికి రాజీనామా చేసారు. జగన్ మోహన్ రెడ్డి వాడుకుని వదిలిసేన జాబితాలో, ఈయన కూడా చేరిపోయారు.