‘‘ఇది మన ఒక్కరి సమస్య కాదు. మొత్తం రాష్ట్రానికి చెందిన సమస్య. అందుకే అఖిలపక్ష సమావేశం నిర్వహించి అందరినీ కలుపుకొని వెళ్లాలని నిర్ణయించాం. వారి సలహాలు, సూచనలతో మోడీ పై, కేంద్రం పై పోరాటాన్ని మరింత బలోపేతం చేద్దాం!’’ అంటూ ఆంధ్రప్రదేశ్ ముఖ్యమంత్రి హోదాలో, అన్ని పార్టీలని, ఈ రోజు సచివాలయానికి రమ్మని, అఖిలపక్ష నేతలను ఆహ్వానించారు... కేంద్రం ఏమి ఇచ్చింది, మనం ఎంత ఖర్చు పెట్టింది, ఇలా అన్ని వివరాలు అఖిలపక్షం, సంఘాల ముందు అన్ని వివరాలు అందుబాటులో ఉంచాలని ప్రభుత్వం అధికారులకు సూచించింది. నిధుల ఖర్చుకు సంబంధించి UCలు ఇవ్వలేదని కేంద్రం వాదిస్తున్న నేపథ్యంలో వాటిని కూడా ఈ సమావేశంలో ఉంచనుంది.

jsp 27032018

అయితే, ఇది మోడీకి వ్యతిరేకంగా, ఆంధ్రప్రదేశ్ ప్రభుత్వం తరుపున పెడుతన్న సమావేశం కావటంతో, మోడీకి లొంగిపోయిన, జనసేన, వైసీపీ, ఈ సమావేశానికి రావట్లేదు అని కబురు పంపింది... మోడీకి వ్యతిరేకంగా పెడుతున్న సమావేశంలో, మేము పాల్గుంటే, అమిత్ షా మాకు 70 యం యం సినిమా చూపిస్తారు, అందుకే మనం వెళ్ళద్దు అని పార్టీల్లో నిర్ణయించుకుని, బయటకు మాత్రం, యధావిధిగా చంద్రబాబు మీద నెట్టేసి, అఖిలపక్షం ఎగ్గొట్టారు... పవన్ కళ్యాణ్ గారు, తెలంగాణా పోరాటం ఆదర్శంగా తీసుకోవాలి, అందరు కలిసి కేంద్రం పై పోరాడాలి అని చెప్తూ, అందరం కలిసి పోరాడుదాం రండి అని ప్రభుత్వం పిలిస్తే, మేము మోడీకి వ్యతిరేకంగా సమావేశం అయితే వచ్చేది లేదు అని తేల్చి చెప్పారు...

jsp 27032018

ఇక జగన్ సంగతి అయితే సరే సరి... పార్లమెంట్ లో బీజీపీని ఇబ్బంది పెట్టకూడదు, లోపల ఉంటే వారి పై పోరాడాలి, అందుకే వారికి ఇబ్బంది లేకుండా రాజీనామాలు చేస్తున్నాం అంటూ కొత్త డ్రామా మొదలు పెట్టారు... ఇక ఇలాంటి సమావేశాలు వీళ్ళు ఎందుకు వస్తారు... అయితే, ఈ సమావేశాలకు మోడీ పై పోరాడటానికి, వామపక్షాలతో పాటు ప్రత్యేక హోదా సాధన సమితితో పాటు, మరి కొన్ని సంఘాలు, ఈ సమావేశానికి వస్తున్నట్టు చెప్పారు... ఈ రోజు ఉదయం 11 గంటలకు ఈ సమావేశం జరగనుంది...

కేంద్రం పై విపక్షాలు అన్నీ ఏకం అయ్యాయి... ఇప్పటికే టీడీపీ, వైసీపీ, కాంగ్రెస్ పార్టీలు అవిశ్వాస తీర్మానం నోటీసులు ఇవ్వగా తాజాగా ఆ జాబితాలో సీపీఎం కూడా చేరింది... తృణమూల్ కాంగ్రెస్ కూడా రేపు నోటీసు ఇవ్వనుంది.. జాతీయ పార్టీలయిన కాంగ్రెస్, సీపీఎం అవిశ్వాసం నోటీసులు ఇచ్చిన నేపథ్యంలో తప్పకుండా అవిశ్వాసం ఎదుర్కోవలసిన పరిస్థితి ఏర్పడింది. దీంతో బీజేపీ రేపు అవిశ్వాసం పై చర్చకు రెడీ అవుతుంది... దీంతో, ముఖ్యమంత్రి చంద్రబాబు, ఎంపీలతో టెలీకాన్ఫరెన్స్‌ నిర్వహించారు... లోక్‌సభ, రాజ్యసభ సభ్యులతో పాటు శాసనసభ వ్యూహ కమిటీ ప్రతినిధులు కూడా ఈ సమావేశానికి హాజరయ్యారు.

cbn mps 26032018

రేపటి సభకు ఎంపీలంతా హాజరై అవిశ్వాసంపై చర్చకు పట్టుబట్టాలని సీఎం దిశానిర్దేశం చేశారు. తెదేపా, వైకాపాతో పాటు కాంగ్రెస్‌, సీపీఎం కూడా అవిశ్వాస నోటీసులు ఇచ్చాయని చెప్పిన ముఖ్యమంత్రి.. లాటరీ ద్వారా అవిశ్వాసంపై చర్చను చేపట్టే అవకాశం ఉందన్నారు. ముందు నోటీసు ఇచ్చిన పార్టీ అవిశ్వాసంపై చర్చను చేపట్టవచ్చన్నారు. ఈ చర్చ రాష్ట్రానికి ఎంతో ముఖ్యమైనదని, లోక్‌సభ వేదికగా ఐదు కోట్ల మంది ప్రజల ఆకాంక్షలను ప్రతిధ్వనించాలని ఆదేశించారు. ఇది చాలా కీలక సమయమని, అవిశ్వాసంపై చర్చ రాష్ట్రానికి ఎంతో ముఖ్యమన్నారు.

cbn mps 26032018

పార్టీ ఎంపీలంతా ఈ రాత్రికే దిల్లీ చేరుకోవాలని చంద్రబాబు ఆదేశించారు. రేపటి సభకు పసుపు చొక్కాలు, కండువాలతో హాజరుకావాలన్నారు. అవిశ్వాస తీర్మానం మంగళవారం చర్చకు వచ్చే అవకాశం ఉన్న నేపథ్యంలో అన్ని పార్టీల నేతలను కలిసి ఏపీకి సహకరించాలని కోరాలన్నారు. ఆంధ్రప్రదేశ్‌కు జరిగిన అన్యాయం గురించి అందరికీ వివరించాలని, తమ వద్ద ఉన్న సమాచారం అంతా ఆయా పార్టీల నేతలకు ఇవ్వాలని సూచించారు.

ఆంధ్రప్రదేశ్‌ను ఒంటరి చేయాలనే భాజపా ప్రయత్నాలను తిప్పి కొట్టాలని ముఖ్యమంత్రి ఎంపీలకు సూచించారు. ఎంపీలకు సమాచారం అందించేందుకు రెండు బృందాలను ఏర్పాటుచేసినట్టు చెప్పారు. దిల్లీలో ఒక బృందం, అమరావతి నుంచి మరో బృందం పనిచేస్తోందని తెలిపారు. సామాజిక మాధ్యమాల్లో భాజపా దుష్ప్రచారన్ని అధికం చేసిందని, దీనిపై ఎవరూ అధైర్య పడొద్దని, వెనుకంజ వేయొద్దని నిర్దేశించారు.

గత పది రోజులుగా కేంద్రం, కెసిఆర్ తో ఆడిస్తున్న అవిశ్వాస డ్రామా ముగిసింది... కేంద్రం నుంచి గ్రీన్ సిగ్నల్ రావటంతో, ఇక అవిశ్వాస తీర్మానానికి అడ్డు పడ కూడదు అని తెరాస నిర్ణయం తీసుకుంది... గత పది రోజులుగా, తెలుగుదేశం, వైఎస్ఆర్ కాంగ్రెస్ పార్టీ అవిశ్వాస తీర్మానం ఇవ్వటం, డ్రామా ప్రకారం, కెసిఆర్ ఎంపీలు, అన్నాడీఏంకే ఎంపీలు వెల్ లో గోల గోల చెయ్యటం, నేను సభ్యులని లెక్కపెట్టాలి అని స్పీకర్ అనటం, వీళ్ళు మరింత ఆందోళన చెయ్యటం, దీంతో సభ్యుల ఆందోళన మధ్య స్పీకర్‌ సుమిత్రా మహాజన్‌ సభను రేపటికి వాయిదా వెయ్యటం, ఇది రోజు జరుగుతుంది...

modi shah 26032018

అవిశ్వాసాని భయం లేదంటూనే, బీజేపీ ఇలా డ్రామాలు ఆడిస్తుంది అని, విపక్షలాన్నీ అంటున్నాయి... కెసిఆర్ థర్డ్ ఫ్రంట్ అంటూ డ్రామాలు ఆడుతున్నారని, సాటి తెలుగు వాడికి సాయం చెయ్యలేని వాడు, దేశాన్ని ఉద్దరిస్తాడా అంటూ, ఎద్దేవా చేసాయి... అయితే, దీని వెనుక కెసిఆర్ కు రాజ్యసభ ఎన్నికలు, అలాగే బీజేపీకి సొంత పార్టీ ఎంపీల నుంచి భయంతో ఇన్నాళ్ళు సాగదీసారు.. అయితే, అటు రాజ్యసభ ఎన్నికలు అయిపోవటం, ఇటు బీజేపీ అన్నీ సెట్ చేసుకోవటంతో, రేపు కాని, ఎల్లుండి కాని, అవిశ్వాసం పై, చర్చకు బీజేపీ రెడీ అవుతుంది.. అందులో భాగంగా, రేపు తెరాస కాని, అన్నాడీయంకే కాని ఆందోళన చెయ్యవు... తెరాస అయితే, ఈ విషయం ఇప్పటికే ప్రకటించింది కూడా...

modi shah 26032018

ఇక రేపు అవిశ్వాసం ఎదుర్కుంటానికి బీజేపీ రెడీ అవుతుంది... అటు అద్వానీ వర్గం ఎంపీలను ఇప్పటికే చల్లబరిచారు.. ఇటు కొంత మంది విపక్షాలను కూడా లొంగదీసుకున్నారు.. ప్రభుత్వానికి భయం లేదు అని నిర్ధారణకు వచ్చిన తరువాత, ఇక ఇప్పుడు చర్చ అంటూ మొదలు పెట్టి, ఇక్కడ ఎన్ని డ్రామాలు ఆడుతారో చూడాల్సి ఉంది... ఏది ఏమైనా, మన రాష్ట్ర సమస్యలు దేశం మొత్తం వినిపించి, కేంద్రం చేస్తున్న అన్యాయాన్ని దేశానికీ చెప్పే అవకాసం ఉంది... మరి, అంత అవకాశం వీళ్ళు ఇస్తారో, బుల్డోజ్ చేసి పడేస్తారో చూడాలి...

గత 10 రోజుల నుంచి, వాయిదాలతో సాగుతన్న పార్లమెంట్, రేపు కొన్ని కీలక పరిణామాలు చోటు చేసుకునే అవకాశం ఉంది... తెలుగుదేశం అవిశ్వాసం ఇచ్చిన తరువాత, దేశ రాజకీయాల్లో ఒక కుదుపు వచ్చింది.. అయితే, కేంద్రం మాత్రం, అవిశ్వాస చర్చకు సిద్ధం కాలేక పోయింది... ఒక పక్క సొంత ఎంపీలు వ్యతిరేకంగా ఓటు వేస్తారు అని భయం, మరో వైపు చంద్రబాబు ఇంత మందిని కూడగడితే, చంద్రబాబు పెద్ద నాయకుడుగా కనిపిస్తాడు అనే ఇగో... అందుకే వాయిదా వేస్తూ వచ్చింది... అయితే, ఉన్నట్టు ఉండి కాంగ్రెస్ పార్టీ అవిశ్వాస తీర్మానం ఇవ్వటంతో, ఇక బీజేపీ కూడా ఎదో ఒక చర్చ చేపట్టాల్సిన పరిస్థితి ఏర్పడింది...

modi bjp 26032018 2

ఇప్పటికే టీడీపీ, వైసీపీ అవిశ్వాస తీర్మానం నోటీసులు ఇవ్వగా , శనివారం కాంగ్రెస్ పార్టీ కూడా నోటీసు ఇచ్చింది... తాజాగా ఆ జాబితాలో సీపీఎం కూడా చేరింది. . సోమవారం లోక్‌సభ జనరల్ సెక్రటరీకి అవిశ్వాస తీర్మానం నోటీసును అందజేసింది. తృణమూల్ కాంగ్రెస్ కూడా ఈ జాబితాలో చేరే అవకాశం ఉన్నట్లు తెలుస్తుంది... రేపటికి సీపీఐతో పాటు, మరిన్ని పార్టీలు కూడా నోటీసు ఇస్తారని తెలుస్తుంది... ఇప్పుడు అవిశ్వాస తీర్మానాన్ని బీజేపీ కచ్చితంగా ఎదుర్కోవలసిన పరిస్థితి ఏర్పడింది..

modi bjp 26032018 3

దీంతో ఇక బీజేపీ కచ్చితంగా అవిశ్వాస తీర్మానం ఎదుర్కోవాల్సిన పరిస్థితి వచ్చింది... గత రెండు రోజులు నుంచి, బీజేపీ ఈ ప్రకారం కసరత్తు చేస్తుంది... ఇప్పటికే, కెసిఆర్ పార్టీ కూడా, మేము ఇక ఆందోళన చెయ్యము, మేము అవిశ్వాసానికి సహకరిస్తాం అని చెప్పారు.. ఇవన్నీ చూస్తుంటే, అవిశ్వాసం పై చర్చకు బీజేపీ రెడీ అవుతున్నట్టే అర్ధమవుతుంది... ఇదిలా ఉంటే.. అవిశ్వాస తీర్మానం ఎల్లుండి లోక్‌సభలో చర్చకు వచ్చే అవకాశం ఉంది. కాగా రేపు అవిశ్వాస తీర్మానం నోటీసు అడ్మిట్ అయ్యే అవకాశాలు మెండుగా ఉన్నాయి...

Advertisements

Latest Articles

Most Read