అనుకున్నదే అయ్యింది... 56 అంగుళాల ఛాతీ, ఆంధ్రోడి దెబ్బకు నెల రోజుల నుంచి పారిపోతూ ఉండటం చూసాం... పార్లమెంట్ సమావేశాల చివరి రోజు కూడా, చర్చ జరపుండా, నిరవధిక వాయిదా వేసుకుని పారిపోయారు... నీ పై విశ్వాసం లేదు, నీ పరిపాలన పై విశ్వాసం లేదు అని, గత నెల రోజుల నుంచి, అన్ని విపక్షాలు ఏకమై, ఆందోళన చేసినా, చర్చకు ముందుకు రాలేక, పారిపోయారు... ప్రజాస్వామ్యం దేశంలో, సిగ్గు పడేలా, నీ పై విశ్వాసం లేదు అని చెప్తున్నా, అది ఎదుర్కునే దమ్ము లేక, కొన్ని పార్టీలతో డ్రామాలు ఆడించి, రోజుకి పది నిమషాలు కూడా సభ జరపకుండా పారిపోతూ వస్తున్నారు... చివరకు, చివరి రోజు కూడా ఇలాగే పారిపోయారు...

modi 06042018 1

మొదట్లో వైసిపీ అవిశ్వాసం నోటీసుకు తెలుగుదేశం పార్టీ మద్దతు ఇస్తాను అని చెప్పింది... అప్పటికి, ఇంకా దేశంలోని ఏ పార్టీ కూడా వైసిపీ అవిశ్వాసానికి మద్దతు ఇవ్వలేదు... కాని, ఒక పక్క అవిస్వాసం అంటూ, మరో పక్క అదే నోటీసు పట్టుకుని విజయసాయి రెడ్డి ప్రధాని ఆఫీస్ కి వెళ్ళటంతో, వెంటంటే చంద్రబాబు అలెర్ట్ అయ్యారు... వీళ్ళు డ్రామాలు ఆడుతున్నారు అని తెలుసుకుని, వెంటనే వారే అవిశ్వాసం పెట్టారు... అంతే, చంద్రబాబు అవిశ్వాసం పెట్టిన గంటలో, దేశంలో అన్ని విపక్షాలు, చంద్రబాబుకి మద్దతు ప్రకటించాయి... ఇదే మోడీ పతనానికి మొదటి అడుగు... అప్పటి నుంచి, పారిపోతూనే ఉన్నారు...

modi 06042018 1

అవిశ్వాసాని భయం లేదంటూనే, బీజేపీ ఇలా డ్రామాలు ఆడిస్తుంది అని, విపక్షలాన్నీ అంటున్నాయి... అయినా మాకు సంపూర్ణ బలం ఉంది అని చెప్పుకుంటున్న బీజేపీ, ఎందుకు వెనకడుగు వేసింది ? వీళ్ళు చేసిన పనులు అన్నీ, బయట పడతాయనా ? అన్ని రాష్ట్రాల వారు, మోడీ పై విరుచుకుపడితే వీరిఇమేజ్ దెబ్బతింటుంది అనా ? ఒక పార్టీ ఎంపీలు ఆందోళన చేస్తుంటే, వారిని సస్పెండ్ చేసి సభ నడపలేరా ? అసలు వింత ఏంటి అంటే, సందట్లో సడేమియ్యా.. నా పేరు బుడే మియ్యా ... అన్నట్టు, ఇంత గోలలోనూ కావలిన బిల్లులు పాస్ అయిపోయాయి...

కేంద్ర ప్రభుత్వ దుర్మార్గ వైఖరికి నిరసనగా తాము చేపట్టిన ఆందోళనకు ఇది ఆరంభం మాత్రమేనని, ఈ పోరాటాన్ని మరింత ఉధృతం చేస్తామని ఆంధ్రప్రదేశ్ ముఖ్యమంత్రి నారాచంద్రబాబు నాయుడు స్పష్టం చేశారు. శుక్రవారం అమరావతిలోని వెంకటపాలెం నుంచి రాష్ట్ర అసెంబ్లీకి సైకిల్ యాత్రను ప్రారంభించారు. స్వయంగా సైకిల్ నడుపుతూ ర్యాలీకి నాయకత్వం వహించారు. తొలుత నందమూరి తారకరామారావు విగ్రహానికి పూలమాల వేసి ఆయన నివాళులర్పించారు. ప్రజనుద్దేశించి ప్రసంగిస్తూ కేంద్రప్రభుత్వం ఉద్దేశపూర్వకంగా ఆంధ్రప్రదేశ్ అభివృద్ధిని అడ్డుకుంటోందని, ఇదెంతో దుర్మార్గమని చెప్పారు. 1984లో ఎన్టీఆర్ ప్రభుత్వాన్ని కాంగ్రెస్ నాందెడ్ల భాస్కరరావు సహాయంతో నాటి ప్రధాని ఇందిరా గాంధీ కుట్రలతో కూలదోసినప్పుడు తాము పోరాటం చేసి కేంద్రం మెడలు వంచామని, ఫలితంగా ఎన్టీఆర్ ని మళ్లీ ముఖ్యమంత్రిగా చేశారని గుర్తు చేశారు.

cbn cycle 06042018 1

ఉమ్మడి ఆంధ్రప్రదేశ్ ను సోనియాగాంధీ అశాస్త్రీయంగా విభజించారని, కాంగ్రెస్ చేసిన అన్యాయానికి ఆ పార్టీ ఆంధ్రులు రగిలిపోయారని, ఆగ్రహ జ్వాలల మధ్య కాంగ్రెస్ అడ్రస్ లేకుండా పోయిందని చంద్రబాబు అన్నారు. ప్రధాని నరేంద్రమోడీ తెలుగువారితో పెట్టుకోవద్దని, తెలుగువారి ఆత్మగౌరవాన్ని దెబ్బతీస్తే బీజేపీకి కూడా కాంగ్రెస్ కు పట్టిన గతే పడుతుందని హెచ్చరించారు. ప్రత్యేక హోదా, విభజన హామీల అమలుకోసం తాము ప్రారంభించిన పోరాటంలో ఇది ఆరంభం మాత్రమేనని చంద్రబాబు అన్నారు. రైతులు నవ్యాంధ్ర రాజధాని నిర్మాణానికి ఉదారంగా, స్వచ్ఛందంగా 33 వేల ఎకరాల భూమినిచ్చారని, ఇందువల్ల రైతులు లాభపడ్డారని, ప్రభుత్వం కూడా ప్రయోజనం పొందిందని చెప్పారు. కొందరు కుట్రపూరితంగా రాజధాని నిర్మాణాన్ని అడ్డుకుంటున్నారని, ఇది దారుణమైన విషయమని విమర్శించారు.

cbn cycle 06042018 1

అయితే సైకిల్ యాత్ర చేస్తున్న సందర్భంలో, ముగ్గురు చిన్న పిల్లలు, అందరినీ ఆకట్టుకున్నారు... వెంకటపాలెంకు చెందిన ముగ్గురు పిల్లలు, చంద్రబాబుతో పాటు సైకిల్ యాత్రలో, పరిగెడుతూ వచ్చారు... మూడు కిలో మీటర్ల పాటు, అలాగే చంద్రబాబు సైకిల్ తొక్కుతుంటే, ఆయన పక్కనే పరిగెడుతూ వచ్చారు... వారిని చుసిన చంద్రబాబు, ఎంతో ముచ్చటతో మెచ్చుకున్నారు... కేంద్రం పై చేస్తున్న నిరసనలో, ఈ చిన్న పిల్లలు, ఇలా పరిగెడుతూ రావటంతో, వారి చర్యలకు మెచ్చిన చంద్రబాబు, వారికి మూడు సైకిళ్ళు బహుమతిగా ఇచ్చారు... చంద్రబాబు చేసిన ఈ పనితో, ఆ పిల్లల ఆనందానికి అవధులు లేవు....

ఆంధ్రప్రదేశ్ రాష్ట్రానికి కేంద్రంలోని బీజేపీ సర్కారు చేస్తున్న అన్యాయం పై తాను చేస్తున్న పోరాటాన్ని తీవ్రతరం చేసిన సీఎం చంద్రబాబునాయుడు, ఈ ఉదయం అమరావతిలో సైకిల్ యాత్ర చేశారు. పార్లమెంట్ సమావేశాల్లో అవిశ్వాసం, రాష్ట్రానికి జరిగిన అన్యాయంపై చర్చకు కేంద్రం నిరాకరిస్తున్న వైఖరిని తూర్పారబడుతూ, వెంకటపాలెం నుంచి అమరావతి వరకూ సైకిల్ పై వెళ్లి నిరసన తెలిపారు. కొద్దిసేపటి క్రితం వెంకటపాలెం గ్రామ నడిబొడ్డున ఉన్న ఎన్టీఆర్ విగ్రహానికి పూలమాల వేసి నివాళులు అర్పించిన ఆయన, అసెంబ్లీ వరకూ సైకిల్ పై బయలుదేరగా, పలువురు ఎమ్మెల్యేలు, ఎమ్మెల్సీలు, టీడీపీ నేతలు, కార్యకర్తలు ఆయనను అనుసరించారు.

cbn 06042018

ఈ సందర్భంగా చంద్రబాబు మాట్లాడుతూ, రాష్ట్ర ప్రయోజనాల కోసం కేంద్రంపై చేస్తున్న పోరాటంలో అందరూ కలిసిరావాలని పిలుపునిచ్చారు. పార్లమెంటులో తెదేపా ఎంపీలు వీరోచిత పోరాటం చేస్తున్నారన్నారు. ఎంపీల మానవహారానికి వైకాపా ఎంపీల గైర్హాజరు కావడం మ్యాచ్‌ ఫిక్సింగ్‌కు మరో రుజువని ఆరోపించారు. పార్లమెంటు చివరిరోజు ఎంపీలు పోరాటాన్ని మరింత ఉద్ధృతం చేయాలన్నారు. ఆంధ్రప్రదేశ్‌ను బలహీన పరచాలని కేంద్రం యోచిస్తోందని.. అది ఎప్పటికీ సాధ్యం కాదన్నారు.తెలుగువారితో పెట్టుకోవద్దని...తమ పొట్టకొట్టదన్నారు. లేదంటే గతంలో కాంగ్రెస్‌కు పట్టినగతే తమకు పడుతుందని ప్రధాని మోదీని సీఎం హెచ్చరించారు. హక్కులు సాధించే వరకు తమ పోరాటం కొనసాగుతుందని ఆయన స్పష్టం చేశారు. ఇది ఆరంభం మాత్రమే అని సీఎం చంద్రబాబు తెలిపారు..

cbn 06042018

తెలుగుదేశం పార్టీపై కుట్రలు పన్నుతున్నారని, అయితే... ఈ కుట్రలు తమకు కొత్తేమీకాదన్నారు. రాజధాని అమరావతి నిర్మాణానికి రైతులు ఇష్టపూర్వకంగా భూములు ఇస్తే బలవంతంగా తీసుకున్నారని ఎక్కడ నుంచో వచ్చి మాట్లాడుతున్నారని సీఎం అన్నారు. మన రాజధానిని మనమే నిర్మించుకోవాలని, ప్రతి ఒక్కరూ విరివిగా విరాళాలు ఇవ్వాలన్నారు. రాష్ట్రాభివృద్ధికి అండగా ఉండాల్సిన పార్టీలు టీడీపీపై బురద చల్లుతున్నాయని చంద్రబాబు అన్నారు.

రాష్ట్రం... అభివృద్ధి... ఆత్మవిశ్వాసం... ప్రజలేముందు..ఇదే అజెండా... అనితరసాధ్యమైన ఈ క్రతువు పూర్తిచేయటానికి ...తపస్సు చేస్తున్న చంద్రబాబుని ఇబ్బింది పెడుతూ, ఆటంకాలు,అవమానాలు,అవరోధాలు, ఆరోపణలుతో తపస్సు భగ్నం చేయటానికి చేయని ప్రయత్నం లేదు..! స్నేహం పేరుతో..పొత్తుల పేరుతో..సమయం చూసి దెబ్బతీయాలని పధకం వేసుకొని...ఇప్పడు రాజకీయాలు వద్దురా నాయనా...ఎన్నికలప్పుడు చూసుకుందాం అంటే వినకుండా...దీక్ష ని ,తపస్సుని చేతకాని తనం గా భావించి...ముప్పుతిప్పలు పెట్టారు... ఫలితం...!ఊచకోత...!ఢిల్లీ నడిబొడ్డులో... ఊచకోత!

cbn 06042018 1

ఎవరి పేరు చెపితే ఢిల్లీలో కొంత మంది పాద పూజ చేస్తారో, ఎవరి పేరు చెపితే గల్లీలో కొంత మంది ఆయనకి లొంగిపోతారో.. ఎవరి పేరు చెపితే నూట ఇరవై సంవత్సరాల పైగా చరిత్ర ఉన్న రాజకీయ పక్షం ...చేష్టలుడిగిపోయిందో... ఎవరు పెద్దలు..గురువులను..అవమానించి పక్కకు తప్పించారో... ఆవ్యక్తి..ఆశక్తి...ఆసమూహం... కాని చంద్రబాబు వీరిలా కాదు, సర్జికల్ స్ట్రైక్ చేసారు... అతని రాజ్యకేంద్రం మీద మెరుపు దాడి నిర్వహించారు... ప్రజలముందు మీడియా సాక్షిగా ఊచకోత కోసారు... వర్గాలు...ప్రాంతాలు...కులాలు...పార్టీ లుకి అతీతంగా మద్దతు లభిస్తుంది...

cbn 06042018 1

చంద్రబాబు గారూ....మీరు మెత్తని వాడనుకున్నాము...మొత్తేసారు కదా మామ్మల్ని అంటూ, బీజేపీ నాయకులే వాపోతున్నారు... ఢిల్లీలో ప్రెస్ మీట్ పెట్టి రెండు రోజులు అయినా, ఇంకా ఆ ఊచకోతే ఢిల్లీ పెద్దలకు వినిపిస్తుంది... ఈ దెబ్బ ఆంధ్రాలో కాదు, మేము ఆశలు పెట్టుకున్న కర్ణాటక రాష్ట్రం పై కూడా చంద్రబాబు గెట్టిగా కొట్టారు అంటున్నారు బీజేపీ నేతలు... కోటి మంది తెలుగు ఓటర్లు ఉన్న కర్ణాటకలో చంద్రబాబు ప్రెస్ మీట్ దెబ్బ మాములుగా లేదు అంటున్నారు... మొన్నటి దాక, ఎదో ఒక ఆశ ఉండేది, కాని చంద్రబాబు కొట్టిన దెబ్బతో, ఇక దక్షినాదిలో కర్ణాటక ద్వారా అడుగు పెడదాం అనుకుంటున్న అమిత్ షా - మోడీ ఆశల పై చంద్రబాబు నీళ్ళు చల్లారు అని చెప్తున్నారు బీజేపీ నేతలు...

Advertisements

Latest Articles

Most Read