news

వైసిపీ పార్టీకి చెందిన ఎంపీలు ఐదుగురు రాజీనామా చేసి నిరాహార దీక్షకు కూర్చుకున్నారు... వీళ్ళ రాజీనామాలు స్పీకర్ ఆమోదిస్తారా, లేక వీళ్ళు చేసిది అంతా బీజేపీ డైరెక్షన్ లోనా అనేది పక్కన పెడదాం... విజయసాయి రెడ్డి మాత్రం రాజీనామా చెయ్యలేదు... ఎందుకు రాజీనామా చెయ్యటం లేదో, ఇప్పటి వరకు చెప్పలేదు... సరే, రాజీనామాకు ఏమన్నా ఇబ్బందులు ఉన్నాయేమో అని అనుకుందాం... వారితో కలిసి ఆమరణ నిరాహార దీక్ష చెయ్యొచ్చుగా ? అది ఎందుకు చెయ్యరు ? దానికి ఏ సాంకేతక పరమైన అడ్డంకులు ఉండవు కదా ? జగన్ తరువాత నేనే అని చెప్పుకునే విజయసాయి రెడ్డి, మిగతా ఎంపీలతో కలిసి ఆమరణ నిరాహార దీక్ష ఎందుకు చెయ్యరు ?

విజయసాయి రెడ్డి ఆమరణ నిరాహార దీక్ష చెయ్యటానికి చాలా ఇబ్బందులు ఉన్నాయంట... అది ఏంటో తెలుసా ? పొరపాటున, నిరాహార దీక్ష ఇలాగే కొనసాగితే, పోలీసులు వీళ్ళని ఎత్తేయక పొతే, శుక్రవారం వచ్చేస్తుంది... శుక్రవారం కోర్ట్ కి పోవాలి... ఇప్పటికే కోర్ట్, రాజకీయా కారణాలతో ఎగ్గొట్టద్దు అని చెప్పింది... అందుకే, ఎందుకు వచ్చిన గోల అనుకుని, నిరాహార దీక్షకు కూర్చోలేదు అని సమాచారం... అంతే కాదు, ఇది వరకు అయిన దానికి, కాని దానికి దీక్షకు కూర్చునే జగన్ కూడా, ఇదే కారణంతో, ఆమరణ దీక్ష చెయ్యటం లేదు అంట... ఎందుకంటే ఒకాయిన A1, ఇంకో ఆయన A2... ఇద్దరూ బెయిల్ పై బయట తిరుగుతూ, ప్రతి శుక్రవారం కోర్ట్ కి పోవాలి...అందుకే ఇలాంటి రిస్క్ లు తీసుకోవటం లేదు అంట...

మరో పక్క విజయసాయి రెడ్డి రాజీనామా చెయ్యక పోవటానికి కారణం కూడా చెప్తున్నారు... జగన్ స్వయంగా చెప్పిన విషయం ఒక ఎంపీ చెప్పారు.. "పార్లమెంట్ అయితే, మనం రాజీనామాలు ఆమోదించకుండా మ్యానేజ్ చెయ్యవచ్చు... అదే సాయన్న రాజ్యసభలో రాజీనామా చేస్తే, అక్కడ ఉన్నది వెంకయ్య నాయుడు... ఆయన మీద ఇప్పటికే మనం రాష్ట్రపతికి ఫిర్యాదు చేసాం.. అదీ ఆయన్ను మ్యానేజ్ చెయ్యటం కష్టం.. మరి, సాయన్న ఫిర్యాదు చెయ్యగానే, వెంకయ్య ఆమోదం చేస్తే, మన పరిస్థితి ఏంటి అంటూ జగన్ ప్రశ్నించారు." అని ఆ ఎంపీ చెప్పారు... అందుకే విజయసాయి రెడ్డి రాజీనామా చెయ్యలేదు అంట.. మొత్తానికి, అటు రాజీనామా చెయ్యకుండా, ఇటు ఆమరణ దీక్ష చెయ్యకుండా, ఇంతకీ విజయసాయి రెడ్డి ఎక్కడ ఉన్నాడు అంటారు ? మీరు ఊహించింది కరెక్టే... పియంఓ లోనే...

ప్రధాని మోడీ పై, విపక్ష పార్టీల ఎంపీలకే కాదు, సొంత పార్టీ ఎంపీలకు కూడా నమ్మకం పోతుంది... ఇప్పటికే బీజేపీలో మోడీ వ్యతిరేక వర్గం, టైం కోసం చూస్తుంది అని వార్తలు వస్తున్నాయి... అద్వానీకి జరిగిన అవమానానికి బదులు తీర్చుకోటానికి ఇప్పటికే కొంత ఎంపీలు రెడీగా ఉన్నారు.. అందుకే మోడీ, అవిశ్వాసం ఎదుర్కోకుండా పారిపోయారు అనే వార్తలు వస్తున్నాయి... మురళీ మనోహర్ జోషి, శత్రుఘ్న సిన్హా, యశ్వంత్ సిన్హా, బహిరంగంగానే మోడీ పై విమర్శలు చేస్తున్నారు... మొన్న ఒక దళిత ఎంపీ కూడా ప్రధాని పై లేఖ రాస్తూ విమర్శలు గుప్పించారు... తాజాగా, ఉత్తర ప్రదేశ్‌కు చెందిన మరో దళిత ఎంపీ యశ్వంత్ సింగ్ ఊహించని షాక్ ఇచ్చారు.

కేంద్రంలో అధికారంలో ఉన్న బీజేపీ ప్రభుత్వం గత నాలుగేళ్లలో దళితుల పట్ల తీవ్ర నిర్లక్ష్యం చూపిందంటూ నిలదీశారు. నాగిన నియోజవర్గం నుంచి లోక్‌సభ ఎంపీగా కొనసాగుతున్న యశ్వంత్.. కేవలం రిజర్వేషన్ కారణంగానే తాను ఎంపీనయ్యానన్నారు. ‘‘ఒక దళితుడిగా నా సామర్ధ్యాన్ని ఏమాత్రం ఉపయోగించుకోవడం లేదు. నేను కేవలం రిజర్వేషన్ కారణంగానే పార్లమెంటు సభ్యుడిని కాగలిగాను. దేశంలోని 30 కోట్ల మంది దళితులకు గత నాలుగేళ్లలో కేంద్రప్రభుత్వం చేసింది శూన్యం...’’ అంటూ తన లేఖలో ధ్వజమెత్తారు. ఎస్సీ ఎస్టీ వేధింపుల నిరోధక చట్టంపై ఇటీవల ఇచ్చిన తీర్పును సుప్రీంకోర్టు వెనక్కి తీసుకోవాలని అభ్యర్థించారు.

కాగా ఇటీవల యూపీలోని రాబర్ట్స్‌గంజ్ ఎంపీ ఛోటే లాల్ ఖార్వార్ కూడా ప్రధాని మోదీకి లేఖ రాసిన సంగతి తెలిసిందే. సీఎం యోగి ఆదిత్యనాథ్ వద్దకు సమస్యలు చెప్పుకోవడానికి వెళ్తే తనను బలవంతంగా గెంటేశారంటూ ఆయన సంచలన ఆరోపణలు చేశారు. చాందౌలీలోని అటవీ అధికారులు, జిల్లా అధికారులు ‘‘అవినీతి’’ పాల్పడుతున్న విషయాన్ని రెండుసార్లు సీఎం దృష్టికి తీసుకెళ్లినా కనీసం పట్టించుకోకుండా... తన పట్ల దారుణంగా వ్యవహరించారని ఫిర్యాదు చేశారు. దళిత ఎంపీ అయిన ఛోటేలాల్... ఇదే అంశంపై జాతీయ ఎస్సీ ఎస్టీ కమిషన్‌కు కూడా ఫిర్యాదు చేశారు.

బీఎస్పీ చీఫ్ మాయావతి, బీజేపీ జాతీయ అధ్యక్షుడు అమిత్‌షా పై తీవ్రస్థాయిలో విరుచుకుపడ్డారు... నిన్న అమిత్ షా మాట్లాడుతూ, ప్రతిపక్ష పార్టీలని జంతువలతో పోల్చటం పై మాయావతి తప్పుబట్టారు... తెలుగుదేశం పార్టీ లాంటి మిత్ర పక్షం కొట్టిన దెబ్బకు, అమిత్ షా ఏవోవో మాట్లాడుతున్నారని ఎద్దేవా చేశారు... టీడీపీ సహా మిత్రపక్షాలన్నీ దూరం కావడంతో బీజేపీ నేతలు ఇప్పుడు ఏకాకిలా మారి ఇలాంటి వ్యాఖ్యలు చేస్తున్నారని ఎద్దేవా చేశారు... బీజేపీ వ్యవస్థాపక దినం సందర్భంగా అమిత్ షా మాట్లాడుతూ... మోదీ హవాకు ఎదురొడ్డేందుకు పాములు, ముంగిసలు, పిల్లులు, కుక్కలు జతకట్టాయంటూ వ్యాఖ్యానించిన సంగతి తెలిసిందే. దీనిపై తీవ్ర అభ్యంతరం వ్యక్తం చేస్తూ బీజేపీ చీఫ్‌కు మాయావతి లేఖ రాశారు.

మొన్న జరిగిన ఉత్తరప్రదేశ్ లోక్‌సభ ఉపఎన్నికల్లో, సీఎం యోగి ఆదిత్యనాథ్ కూడా ప్రతిపక్షాలపై నోరుపారేసుకుని భారీ మూల్యం చెల్లించుకున్నారని, బీజేపీకి గుణపాఠం చెప్పడంతో ఆ పార్టీ నేతలకు దిక్కుతోచడం లేదని, దీని కారణంగానే అవమానకర భాషతో దూషణకు దిగుతున్నారు. ప్రధానమంత్రి నరేంద్ర మోదీ, ఆయన శిష్యుడు అమిత్ షా నాయకత్వంలో ఆ పార్టీ విలువలు ఎంత దిగజారాయో తాజా వ్యాఖ్యలు రుజువుచేస్తున్నాయని బీఎస్పీ అధినేత తన లేఖలో పేర్కొన్నారు.

‘‘బీజేపీ చెప్పిన నవ భారతం ఇలాగే ఉంటుందా? అసహ్యమైన మాటలు, చులకన చేసే వ్యాఖ్యలతో దేశాన్ని నిర్మిస్తారా? భారత అధికార పార్టీకి ఇది తగునా?’’ అని మాయవతి సూటిగా ప్రశ్నించారు. అతివిశ్వాసం, అహంకారం కారణంగా ఆ పార్టీకి మిత్రపక్షాలన్నీ దూరమయ్యాయనీ... దీంతో ఇప్పుడు బీజేపీ ఏకాకిగా మారిందన్నారు. ఆంధ్రప్రదేశ్‌కి ఇచ్చిన విభజన హామీలను నెరవేర్చకపోవడం వల్ల... ఎప్పటినుంచో మిత్రపక్షంగా ఉన్న తెలుగుదేశం పార్టీ సైతం బీజేపీ మీద అవిశ్వాస తీర్మానం పెట్టిందన్నారు.