news

నర్సాపురం ఎంపీ రఘురామకృష్ణం రాజు, జగన్ బెయిల్ రద్దు పై వేసిన పిటీషన్, ఈ రోజు హైదరాబాద్ లోని సిబిఐ కోర్టులో విచారణకు వచ్చింది. ఈ రోజు ఈ కేసుకు సంబంధించి కీలక పరిణామాలు చోటు చేసుకున్నాయి. సహజంగా వెంటనే వాయిదా పడే ఇలాంటి కేసుల్లో, రెండు పూటలా విచారణ జరిగింది. మొదటగా ఈ రోజు ఉదయం, ఈ కేసు విచారణ మొదలైంది. ఈ సందర్భంగా జగన్ తరుపు న్యాయవాది కేసు వాయిదా కోసం ప్రయత్నం చేసారు. గతంలో రఘురామరాజు వేసిన కౌంటర్ కు, తాము సమాధానం చెప్తూ మరో కౌంటర్ వేస్తామని, సమయం కావాలని కోరారు. అయితే ఈ ఎత్తు పారలేదు. సిబిఐ కోర్టు అందుకో ఒప్పుకోలేదు. వాళ్ళు వేసిన కౌంటర్ కు, మళ్ళీ మీరు రాతపూర్వకం కౌంటర్ ఇవ్వాల్సిన పని లేదని, మీరు మీ వాదనలు వినిపించే సమయంలో, ఈ విషయం చెప్పవచ్చు అంటూ, జగన్ న్యాయవాదుల వాదనను ఒప్పుకోలేదు. ఇరు వైపుల వాదనలు వింటాం అని, కేసుని మధ్యాన్నం 2.30 గంటలకు వాయిదా వేసారు. మధ్యానం మళ్ళీ జగన్ బెయిల్ రద్దు పిటీషన్ పై సిబిఐ కోర్టులో విచారణ ప్రారంభం అయ్యింది. ఇటు రఘురామకృష్ణం రాజు తరుపు న్యాయవాది, అలాగే అటు జగన్ తరుపు న్యాయవాది ఇరువురు హోరాహరీగా తమ వాదనలు వినిపించారు.

జగన్ మోహన్ రెడ్డి ఆర్ధిక నేరాలకు పాల్పడ్డారని, జగన్ కేసులు త్వరగా విచారణ చేయాలని రఘురామ రాజు తరుపున న్యాయవాదులు వాదించారు. జగన్ అందరినీ ప్రభావితం చేస్తున్నారని అన్నారు. జగన్ బెయిల్ ను రద్దు చేయాలని పిటీషన్ వేసిన రఘురామకృష్ణం రాజు పైనే, అధికారాన్ని అడ్డం పెట్టుకుని అక్రమ కేసులు పెట్టారని, హింసించారని కోర్టుకు తెలిపారు. ఈ కేసులో సాక్ష్యులుగా ఉన్న కొంత మంది అధికారులు ఆంధ్రప్రదేశ్ ప్రభుత్వంలో కీలక స్థానాల్లో ఉన్నారని అన్నారు. వారిని ప్రభావితం చేసే అవకాసం ఉందని వాదించారు. జగన్ తన అధికారాన్ని సాక్ష్యులను ప్రభావితం చేయటానికి వాడుతున్నారని అన్నారు. అలాగే సిబిఐ కూడా ఏమి చెప్పకుండా ఉండటం కరెక్ట్ కాదని, వారి వాదనలు కూడా వినిపించాలని అన్నారు. అయితే జగన్ తరుపు న్యాయవాది వాదిస్తూ, ఇది రాజకీయ ప్రేరేపిత పిటీషన్ అని, సాక్ష్యులను ప్రభావితం చేస్తే ఆధారాలు ఇవ్వాలని కోరారు. రఘురామరాజుకి పిటీషన్ వేసే అర్హత లేదని అన్నారు. అయితే ఈ కేసుని జూలై 8 అంటే రాజశేఖర్ రెడ్డి పుట్టిన రోజు నాటికి కోర్ట్ వాయిదా వేసింది. ఆ రోజు తుది వాదనలు విని, కేసుని క్లోజ్ కేసు అవకాసం ఉంది. మరి ఎలాంటి తీర్పు వస్తుందో చూడాలి.

కేబినెట్ సమావేశం గురించి మంత్రులు చెప్పింది చూస్తే, ప్రజలకు ఉపయోగపడే అంశాలేవీ మంత్రివర్గ సమావేశంలో చర్చించినట్టుగా లేదని, నిరుద్యోగ యువత జాబ్ కేలండర్ కు వ్యతిరేకంగా చేస్తున్న ఆందోళన, ధర్నాలను ప్రభుత్వం పట్టించుకొనిఉంటే, దానిపై ప్రకటన చేసేవారని, దాన్ని బట్టే నిరుద్యోగుల సమస్యల ఊసే కేబినెట్ లోచర్చించలేదని అర్థ మవుతోందని టీడీపీ ఎమ్మెల్సీ పరుచూరి అశోక్ బాబు స్పష్టం చేశారు. బుధవారం ఆయన మంగళగిరిలోని టీడీపీ జాతీయ కార్యాలయంలో విలేకరులతో మాట్లాడారు. రూపాయి పనికి 100 రూపాయల ప్రచారం చేసుకుంటున్న ప్రభుత్వం, గ్రూప్-1, గ్రూప్-2 లో 36 పోస్టుల ప్రకటింపును సమర్థించుకోవడం సిగ్గు చేటన్నారు. ఇంజనీరింగ్, రెవెన్యూ, ఇతరప్రభుత్వ శాఖల్లో దాదాపు 15 నుంచి 20వేల ఖాళీలుంటాయని, టీచర్ పోస్టులు దాదాపు 16 నుంచి 18వే ల వరకు ఉంటాయని, వాటన్నింటి భర్తీ గురించి ప్రభుత్వం ఆలోచన చేయకపోవడం దారుణమన్నారు. ప్రతిపక్షంలో ఉన్నప్పుడు 2.30లక్షల ప్రభుత్వ ఉద్యోగాలు ఖాళీలున్నాయనిచెప్పిన జగన్మోహన్ రెడ్డి, ఆయన అధికారంలోకి వచ్చాక ఏర్పడిన ఖాళీలను కూడా కలిపి జాబ్ కేలండర్ ఎందుకు విడుదల చేయలేదో ఆయనే నిరుద్యోగులకు సమాధానం చెప్పాలని పరుచూరి డిమాండ్ చేశారు. పోలీస్ , వైద్యశాఖలో కాంట్రాక్ట్ ఎంప్లాయీస్ ఖాళీలను పట్టించుకో కుండా, నిరుద్యోగుల ఆందోళనలను పరిగణనలోకి తీసుకోకుండా, ముఖ్యమంత్రి తన ఆలోచనలతో కేబినెట్ సమావేశాన్ని నిర్వహించడం బాధాకరమన్నారు. యువత ఎందుకిలా ఆందోళనలు చేస్తుందనే ఆలోచన పాలకులకు ఉంటే, కచ్చితంగా జాబ్ కేలండర్ పై కేబినెట్ లో చర్చించి ఉండేవాళ్లన్నారు.

తాను తీసుకున్నదే నిర్ణయం... తను చెప్పిందే వేదమన్నట్లుగా ముఖ్యమంత్రి ప్రవర్తిస్తున్నాడు అనడానికి ఇదే నిదర్శనమన్నారు. గతంలో ప్రభుత్వ ఉద్యో గాల భర్తీకి సంబంధించిన ప్రకటనలు వెలువడే, 4, 5నెలల ముందే యువత ఉద్యోగాల సాధనకు సన్నద్ధమయ్యేదని, కానీ ఇప్పుడు ఈ ప్రభుత్వంలో ఎప్పుడు నోటిఫికేషన్ వస్తుందో, ఎప్పుడు పరీక్షలు, ఇంటర్వ్యూలు నిర్వహిస్తారనే ప్రశ్నలకు సమాధానమే లేకుండా పోయిందన్నారు. జగన్ ఇచ్చిన ఎన్నికల హామీ ప్రకారం ఏడాదికి 45వేల పోస్టుల వరకు భర్తీ చేయాల్సి ఉందని, అవేవీ చేయకుండా ముఖ్యమంత్రి విడుదల చేసిన జాబ్ కేలండర్ ను టీడీపీ సహా, యువతంతా తీవ్రంగా తప్పుపడుతోందన్నారు. కేబినెట్ సమావేశం ఛాయ్, బిస్కట్ సమావేశంలా సాగిందని మంత్రుల మాటల్లో నే అర్థమైందన్నారు. ప్రభుత్వం తక్షణమే జాబ్ కేలండర్ ను రద్దుచేసి, ఏఏ శాఖల్లో ఎన్ని ఖాళీలున్నాయో గుర్తించి, ప్రణా ళికాబద్ధంగా సరికొత్త జాబ్ కేలండర్ విడుదల చేయాలని టీడీపీ తరుపున డిమాండ్ చేస్తున్నట్లు అశోక్ బాబు తేల్చి చెప్పారు. నిరుద్యోగుల ధర్నాలు, ఆందోళనలను పరిగణనలో కి తీసుకోకుండా, ప్రభుత్వం తన ఫ్యూడల్ మనస్తత్వాన్ని మరోసారి బయటపెట్టుకుందన్నారు. నేడు జరిగిన కేబినెట్ సమావేశానికి ఎలాంటి నిబద్ధత, ప్రజాసంక్షేమం గురించిన ఆలోచనలు లేవని స్పష్టమైందన్నారు. ప్రభుత్వం తక్షణమే రాష్ట్రంలోని ప్రభుత్వోద్యోగాల ఖాళీలపైతక్షణమే శ్వేతపత్రం విడుదల చేయాలని అశోక్ బాబు డిమాండ్ చేశారు.

జగన్ పై ఉన్న అక్రమాస్తులు కేసులో, జగన్ బెయిల్ రద్దు చేయాలి అంటూ, నర్సాపురం ఎంపీ రఘురామకృష్ణం రాజు వేసిన పిటీషన్, ఈ రోజు సిబిఐ కోర్టు ముందుకు వచ్చింది. అయతే ఈ సారి కూడా మళ్ళీ వాయిదా వేయించుకోవాలని చూసిన జగన్ తరుపు న్యాయవాదికి, సిబిఐ కోర్టు షాక్ ఇచ్చింది. దీంతో ఈ కేసు పూర్తి స్థాయి వాదనలు, ఈ మధ్యానం నుంచి మొదలు కానున్నాయి. ఇక వివరాల్లోకి వెళ్తే, రాజశేఖర్ రెడ్డి సియంగా ఉండగా , జగన్ మోహన్ రెడ్డి అక్రమ సంపాదన పొందారు అంటూ సిబిఐ 11 కేసులు, ఈడీ 5 కేసులు దాఖలు చేసాయి. ఆ సందర్భంలో జగన్ ని అరెస్ట్ చేసాయి కూడా. జగన్ మోహన్ రెడ్డి 16 నెలలు జైల్లో ఉన్నారు. తరువాత ఆయనకు కండీషనల్ బెయిల్ లభించింది. ఇదే క్రమంలో ఆయన 2019 ఎన్నికల్లో అధికారంలోకి వచ్చారు. ఈ క్రమంలోనే రెండు నెలల క్రిందట ఎంపీ రఘురామరాజు కృష్ణం రాజు, జగన్ బెయిల్ ని రద్దు చేయాలి అంటూ పిటీషన్ దాఖలు చేసి , అందరినీ ఆశ్చర్య పరిచారు. అయితే దీని పై కౌంటర్ దాఖలు చేయాలని సిబిఐ కోర్టు, జగన్ ని కోరగా, ఆయన దాదాపుగా నాలుగు వాయిదాల పాటు, కౌంటర్ దాఖలు చేయకుండా సాగదీసారు. అయితే ఫైనల్ వార్నింగ్ ఇచ్చిన కోర్టు, కౌంటర్ దాఖలు చేయకపోతే, మేము కేసు విచారణ మొదలు పెడతాం అని చెప్పటంతో, కౌంటర్ దాఖలు చేసారు.

జగన్ దాఖలు చేసిన కౌంటర్ పై చట్ట ప్రకారం, పిటీషనర్ అని రఘురామరాజు మరో కౌంటర్ దాఖలు చేసే అవకాశం ఉండటంతో, కోర్టు రఘురామరాజుని కౌంటర్ దాఖలు చేయాలని ఆదేశాలు ఇచ్చింది. తరువాత రఘురామ రాజు కౌంటర్ కూడా దాఖలు చేసారు. దీంతో ఈ కేసు ఈ రోజుకి వాయిదా పడింది. కోర్టు ఏమి చెప్తుందా అని అందరూ ఎదురు చూస్తున్న సమయంలో, జగన్ తరుపు న్యాయవాదులు మరోసారి వాయిదా కోసం ప్రయత్నం చేసారు. రఘురామరాజు ఇచ్చిన కౌంటర్ పై, తాము రిప్లయ్ దాఖలు చేస్తామని, తమకు సమయం కావాలి అంటూ జగన తరుపు న్యాయవాదులు కోరారు. అయితే దీనికి కోర్టు ఒప్పుకోలేదు. చట్ట ప్రకారం వాళ్ళు ఇచ్చిన కౌంటర్ పై, మళ్ళీ మీరు లిఖితపూర్వక వివరణ ఇవ్వనవసరం లేదని, మీరు డైరెక్ట్ గా వాదనలు వినిపించవచ్చని, విచారణలో మీ వాదనలు వినిపించండి అంటూ కోర్టు షాక్ ఇచ్చింది. అంతే కాదు, మరో రోజుకి వాయిదా వేయకుండా, ఇరు వైపులా వాదనలకు సిద్ధం కావాలని, కేసుని మధ్యాహ్నం 2.30 గంటలకు వాయిదా వేసింది.