గుడివాడ రాజకీయం రోజు రోజుకీ రసవత్తరంగా మారుతుంది. కొడాలి నానిని ఓడించటానికి టిడిపి అనేక పావులు కదుపుతుంది. అయితే ఇక్కడ కాపుల ఓట్లు ఎక్కువగా ఉండటంతో, అటు నుంచి నరుక్కువచ్చే వ్యూహం కూడా ఇందులో ఉంది. ఈ క్రమంలోనే గుడివాడలో కొడాలి నానికి మొన్నటి వరకు అండగా నిలిచిన వంగవీటి వర్గం, నెమ్మదిగా దూరం జరగటం మొదలు పెట్టింది. తాజాగా కొడాలి నానికి భారీ షాక్ ఇచ్చారు వంగవీటి వర్గీయులు. గుడివాడ టిడిపి ఇంచార్జ్ రావితో కలిసి, రాధా-రావి యుత్ పేరుతో ముందుకు వచ్చారు. రాధా-రావి యూత్ పేరుతో గుడివాడలో అనేక కార్యక్రమాలు మొదలు పెట్టారు. ఎక్కడ చూసినా రాధా-రావి యూత్ ఫ్లెక్సీలు వెలిచాయి. గత కొంత కాలంగా, వంగవీటి రాధా, రావి వెంకటేశ్వరరావు మధ్య చర్చలు జరిగాయి. అలాగే ఈనెల 26న వంగవీటి రంగా వర్ధంతి కార్యక్రమంలో, రాధా, రావి కలిసి పాల్గుననున్నారు. ఈ కలయికతో కొడాలినాని వర్గంలో కూడా టెన్షన్ మొదలైంది. కొడాలి నానికి అండగా ఉంటూ వచ్చిన వర్గం, ఇప్పుడు దూరం జరుగుతుంది. ఇది ఎక్కడి వరకు వెళ్తుందో చూడాలి.
