పట్టభద్రుల ఎన్నికలు తెలుగుదేశం పార్టీలో జోష్ నింపాయి. ఉమ్మడి జిల్లాలు 13లో 9 జిల్లాల పరిధిలో 108 నియోజకవర్గాలలో జరిగిన గ్రాడ్యుయేట్ ఎమ్మెల్సీ ఎన్నికల్లో తెలుగుదేశం పార్టీ మూడుకి మూడు సీట్లూ గెలిచేయడంతో కేడర్లో నవ్యోత్సాహం, లీడర్లలో ఊపు వచ్చింది. అయితే ఇది తెలుగుదేశం గొప్పతనం కాదని, ప్రభుత్వంపై ప్రజావ్యతిరేకత అనే విశ్లేషణలు ఓ పక్క ఉన్నాయి. ఉద్యోగులు, యువత వైసీపీ పాలనలో ఉన్న ఆగ్రహమే తెలుగుదేశం అభ్యర్థుల విజయం అంటున్నారు కొందరు. కానీ అసలు విషయం వేరే ఉంది. చంద్రబాబు వ్యూహాలు పార్టీ నేతలకే అంతుబట్టవు. అవి విజయాన్ని సాధించి పెట్టాయి. పరాజయం ముంగిట నిలిపాయి. పట్టభద్రుల ఎమ్మెల్సీ స్థానాలకి వచ్చేసరికి మూడు ప్రాంతాల్లోనూ అభ్యర్థుల ఎంపికలో చంద్రబాబు చాణక్యం పనిచేసింది. ఉత్తరాంధ్రలో ముందుగా బీసీ వర్గానికి చెందిన ఓ మహిళా అభ్యర్థి గాడు చిన్ని లక్ష్మకుమారి పేరు ప్రకటించారు. ఎన్నికలకు సరిగ్గా నెల ముందు వేపాడ చిరంజీవిని రంగంలోకి దింపారు. ఉత్తరాంధ్రలో అతి ఎక్కువ సామాజికవర్గం వారికి దగ్గరైన కులం కావడం, పట్టభద్రులకు, ఉద్యోగులకు ఎకానమీ చిరంజీవిగా సుపరిచితులు కావడం, ఆర్థికంగా బలమైన నేపథ్యం కలిసి వచ్చాయి. ఉత్తరాంధ్ర టిడిపి అభ్యర్థి మార్పు తిరుగులేని విజయానికి మలుపుగా మారింది. తూర్పు రాయలసీమ నుంచి కంచర్ల శ్రీకాంత్ ని ప్రకటించినప్పుడు పార్టీలో కొందరు నేతలు పెదవి విరిచారు. విద్యావంతుడు, సామాజికమాధ్యమాల పట్టు తెలిసిన వాడైన శ్రీకాంత్ పార్టీ లీడర్లతో సమన్వయం సాధించుకుంటూ విజయాన్ని సొంతం చేసుకున్నాడు. ఇక పశ్చిమ రాయలసీమ నుంచి టిడిపి దింపిన భూమిరెడ్డి రాంగోపాల్ రెడ్డిని వైసీపీ తక్కువ అంచనా వేసి బొక్కబోర్లా పడింది. జగన్ రెడ్డి నక్కజిత్తుల వ్యూహాలు, బలాలు-బలహీనతలు అన్నీ తెలిసిన పులివెందుల వాసి కావడంతో పోరాడి గెలిచాడు. టిడిపి మద్దతుతో గెలిచిన ముగ్గురు కూడా రాజకీయ వారసులు కారు. పెద్ద పదవులకి ముందుగా పోటీ చేసిన వారు కాదు. ముగ్గురూ మూడు సామాజికవర్గాలు. ముగ్గురూ ఉన్నత విద్యావంతులే. సమాజంతోని-యువతతోని సంబంధాలున్న వారే కావడంతో గెలుపు పలకరించింది. చంద్రబాబు చాణక్యం అంటే ఇదే అని నిరూపించింది.
news
ఢిల్లీ సంస్థ తాజా సర్వే... వైసీపీ మంత్రులు, మాజీ మంత్రులు ఓటమి బాటే
మరో కొత్త సర్వే వచ్చింది. వైసీపీ గుండెల్లో గుభేల్మమనే గణాంకాలు మోసుకొచ్చింది. పట్టభద్రుల ఎమ్మెల్సీ మూడు స్థానాల్లో ఎదురైన పరాభవం మరిచిపోక ముందే మరో పరాజయం తప్పదనే సర్వే వైసీపీలో ప్రకంపనలు రేపుతోంది. రైజ్ అనే ఢిల్లీ బేస్డ్ సంస్థ చేసిన సర్వేలో మంత్రులు చాలా మంది ఓడిపోతారని తేల్చేసింది. మాజీ మంత్రులు కూడా ఓటమి తప్పదని వెల్లడించింది. రైజ్ సర్వే వెల్లడించిన దాని ప్రకారం మంత్రులు గుడివాడ అమర్ నాథ్, పినిపే విశ్వరూప్, కొట్టు సత్యనారాయణ, జోగి రమేష్, అంబటి రాంబాబు, రోజాలు ఏం చేసినా గెలిచే పరిస్థితి లేదట. మాజీ మంత్రులు పేర్నినాని, మేకతోటి సుచరిత, అనిల్ కుమార్ యాదవ్, వెల్లంపల్లి శ్రీనివాసరావు, అవంతి శ్రీనివాసరావు, కురసాల కన్నబాబు,చెరుకువాడ శ్రీరంగనాథ రాజులు దారుణ పరాజయం పాలు కాక తప్పదని సర్వే సంస్థ రైజ్ గణాంకాలు ముందు పెట్టి మరీ ప్రకటించింది.
ఛీ ఛీ... నాగార్జున వర్సిటీ వైస్ చాన్సలర్, వైకాపా నేతల్లాగే బరితెగించారు...
ఆచార్య నాగార్జున యూనివర్సిటీ వైఎస్ చాన్సలర్ బరితెగింపుపై విద్యావేత్తలు ముక్కున వేలేసుకుంటున్నారు. వైసీపీ అధికారంలోకి వచ్చాక విశ్వవిద్యాలయాలన్నీ వైసీపీ కార్యాలయాలుగా మార్చేశారనే ఆరోపణలున్నాయి. ఆంధ్రా యూనివర్సిటీ వీసీ ప్రసాదరెడ్డి అయితే ఉత్తరాంధ్ర వైసీపీ వ్యవహారాల అనధికార ఇన్చార్జిగా వ్యవహరిస్తున్నారని ఆరోపణలున్నాయి. తాజాగా ఉత్తరాంధ్ర పట్టభద్రుల ఎన్నికల ప్రచారంలోనూ పాల్గొనడం, కాలేజీ యాజమాన్యాలను బ్లాక్ మెయిల్ చేయడంపై ఫిర్యాదులు వచ్చినా పట్టించుకోలేదు. అంత పేరు ప్రఖ్యాతులున్న ఆంధ్రా యూనివర్సిటీ వీసీ బరితెగించినప్పుడు, తానేమీ తక్కువ తినలేదని నాగార్జున యూనివర్సిటీ వైఎస్ చాన్సలర్ ఏకంగా వైసీపీ నేత అవతారం ఎత్తేశారు. వైకాపా 13వ ఆవిర్భావ దినోత్సవాన్ని ఇటీవల జరుపుకుంది. ఆ రోజున వైసీపీ అధినేత జగన్ రెడ్డి ట్వీటేసి ఊరుకున్నారు. ఆచార్య నాగార్జున యూనివర్సిటీ వైస్ చాన్సలర్ రాజశేఖర్ మాత్రం వర్సిటీలో వైకాపా ఆవిర్భావ దినోత్సవాన్ని ఘనంగా జరిపారు. వైఎస్ విగ్రహానికి పూలమాలలు వేసి నివాళులర్పించారు. ఆదివారం సెలవు కావడంతో వైకాపా ఆవిర్భావ దినోత్సవాన్ని సోమవారం జరపగా రెక్టార్, రిజిస్ట్రార్ కూడా హాజరయ్యారు. రాజశేఖర్ తాను యూనివర్సిటీకి వీసీ కాదని, వైకాపా వీసీనని అనుకుంటున్నట్టున్నారని విద్యార్థులు ఆగ్రహం వ్యక్తం చేస్తున్నారు. ఈ వివాదం ఇలా కొనసాగుతుండగానే వైసీపీ కోసం కిరాయి తీసుకుని పనిచేసే రాం గోపాల్ వర్మని తీసుకొచ్చి విశ్వవిద్యాలయాన్ని గబ్బు పట్టించారు. ఆచార్య నాగార్జున విశ్వవిద్యాలయం అకడమిక్ ఎగ్జ్జిబిషన్ కి రాంగోపాల్ వర్మని అతిథిగా తీసుకొచ్చారు వీసీ. ఈ ఎగ్జిబిషన్ ప్రారంభించిన ఆర్జీవీ మాట్లాడుతూ ఏదైనా వైరస్ వచ్చి తాను తప్ప, మగజాతి అంతా అంతమైపోవాలని, అప్పుడు నేనొక్కడినే స్త్రీజాతికి దిక్కవుతానంటూ చెప్పుకొచ్చాడు. కష్టపడి చదివేవారు ఎప్పుడూ పైకి రారని, చదవకుండా, హార్డ్వర్క్ చేయకుండా, ఉపాధ్యాయుల మాటలు పట్టించుకోకుండా ఇష్టానుసారం తాగుతూ తిరుగుతూ జీవించాలి’’ అని సూచించారు. ఇదే సందర్భంగా ఏఎన్ యూ వీసీ రాజశేఖర్ మాట్లాడుతూ రాంగోపాల్వర్మ ప్రొఫెసర్, ఫిలాసఫర్ కంటే ఎక్కువని, ఆయనకు పీహెచ్డీ, ఆస్కార్ కంటే ఎక్కువ అర్హతలు ఉన్నాయని ప్రశంసించారు. నాగార్జున వర్సిటీలో ఆర్జీవీ వ్యాఖ్యలు, సమర్థించిన వీసీ తీరుపై యూజీసీ చైర్ పర్సన్, నేషనల్ ఉమెన్ కమిషన్ కు టిడిపి నేత వంగలపూడి అనిత ఫిర్యాదు చేశారు.
సజ్జల మూడు సీట్ల ఓటమిపై మూడు రకాల వెర్షన్లు
వైసీపీ నుంచి, సీఎం నుంచి ఏ ప్రకటన చేయాలన్నా సకలశాఖా మంత్రిగా టిడిపి పిలుచుకునే సజ్జల రామకృష్ణారెడ్డి మాత్రమే బయటకొస్తారు. కుండబద్దలు కొట్టాలన్నా, కవరింగ్ చేయాలన్నా అంతా సజ్జల బాధ్యతే. మూడు పట్టభద్రుల స్థానాలలో వైసీపీ మద్దతు అభ్యర్థుల దారుణ ఓటమి, టిడిపి అద్వితీయ గెలుపుపై సజ్జల రామకృష్ణారెడ్డి మూడు రకాల వెర్షన్లు వినిపించడం వైసీపీ వాళ్లే దుమ్మెత్తి పోస్తున్నారు. జగన్ రెడ్డి ప్రతిపక్షనేతగా ఉన్నప్పుడు నంద్యాల ఉప ఎన్నికల ఫలితం వైసీపీకి వ్యతిరేకంగా వచ్చినప్పుడు..చాలా డేరింగ్గా కొట్టారు, కొట్టించుకున్నామంటూ..తన టైము వచ్చినప్పుడు అంతకంటే గట్టిగా కొడతామంటూ జవాబిచ్చారు. సజ్జల రామకృష్ణారెడ్డి తమ ముఖ్యమంత్రి ధైర్యంలో ఒక్క శాతమూ కూడా కనపరచకుండా కప్పదాటు ధోరణి, గుడ్డకాల్చి ఎదుట వారిపై వేసే పద్ధతితో వైసీపీ నేతలు ఆగ్రహంగా ఉన్నారు.
మూడు పట్టభద్రుల స్థానాలు ఓడిపోవడంపై..ఓట్లేసిన వాళ్లు మా ఓటర్లు కాదంటూ కొత్త లాజిక్ చెప్పడం మొదటిది. రెండోది తెలుగుదేశం పార్టీ ఏ వ్యవస్థనైనా మేనేజ్ చేస్తుందని, ఎమ్మెల్సీ ఎన్నికలని మేనేజ్ చేసిందని చెప్పడం. ఇది మరీ కామెడీ వెర్షన్. రాజ్యాంగ వ్యవస్థలని బెదిరించి భయపెట్టి అధికారంలో ఉన్న వైసీపీ వాళ్లు టిడిపి వ్యవస్థలని మేనేజ్ చేస్తుందనడం సజ్జల దివాలాకోరు వాదనకి నిదర్శనం అంటున్నారు. ఇక మూడోది ఎమ్మెల్సీ ఎన్నికల్లో తెలుగుదేశం బీజేపీ, పీడీఎఫ్తోనూ రహస్య ఒప్పందం చేసుకుందని సజ్జల చెప్పుకొచ్చారు. బీజేపీతో బహిరంగ ఒప్పందం వైసీపీది అని బీజేపీ నేతలే చెబుతున్నారు. ఇక సీపీఎం మధు అయితే వైసీపీ కోసం తానున్నాను అన్నట్టు వ్యవహరిస్తారు. అటు కమ్యూనిస్టులతోనూ-ఇటు బీజేపీతోనూ బహిరంగ స్నేహాలు కొనసాగిస్తూ టిడిపిపై సజ్జల చేసిన ఈ ఆరోపణా ఓటమిని ఒప్పుకోలేక వెతుక్కున్న మరో సాకు అని విమర్శలు వినిపిస్తున్నాయి.