కమలంతో తన ప్రయాణం ఉండదని జనసేన ఆవిర్భావసభలో జనసేన అధ్యక్షుడు ప్రకటించడంతో రాజకీయ సమీకరణాలు ఒక్కసారిగా మారిపోయాయి. అందరి కంటే ఏపీ బీజేపీ అధ్యక్షుడు సోము వీర్రాజు తీవ్ర ఆందోళనకి గురయ్యారు. ఇన్నాళ్లూ బీజేపీకి ఉన్న 0.50 శాతం ఓటింగ్ బలం కంటే, జనసేనకి ఉన్న 10 శాతం ఓటింగ్ని చూపించి అటు అధిష్టానం దగ్గర, ఇటు వైసీపీ దగ్గర మంచిగానే వెనకేసుకున్నారని బీజేపీలో టాక్ వినిపిస్తోంది. బందరులో జరిగిన ఆవిర్భావ సభా వేదికగా జనసేన అధినేత పవన్ కల్యాణ్ పొత్తులపై స్పందించారు. బీజేపీతో పొత్తులో ఉంటే ముస్లింలు దూరం అవుతారని, అందుకే తాను బీజేపీకి దూరంగా జరుగుతానని చెప్పడం ద్వారా బీజేపీతో పొత్తు తెంపేసుకున్నానని చెప్పకనే చెప్పారు. దీనిపై వైసీపీ క్యాంపులో తీవ్ర ఆందోళన నెలకొంది. ఎందుకంటే టిడిపితో జనసేన జట్టు కలిగితే క్లీన్ స్వీప్ చేసినా ఆశ్చర్యపోనక్కర్లేదని రాజకీయ విశ్లేషకుల మాట. సర్వేలు ఇదే చెబుతున్నాయి. అందుకే జనసేన టిడిపితో కలవకూడదని విశ్వప్రయత్నాలు చేస్తున్నాయి. పేరుకి బీజేపీ అధ్యక్షుడైనా వైసీపీ కోసమే పనిచేస్తారనే పేరున్న సోము వీర్రాజు జనసేన బీజేపీతో కటీఫ్ చెప్పడంతో టెన్షన్ పడుతున్నారు. తాను అధ్యక్షుడిగా ఉన్నపార్టీ, తనని ప్రేమగా చూసుకునే వైసీపీ అధికార కోల్పోతుందనే ఆందోళన నెలకొందట. బీజేపీతో కొనసాగేది లేదని పవన్ చేసిన వ్యాఖ్యలపై బీజేపీ నేత సోము వీర్రాజు వెరయిటీగా స్పందించారు. జనసేన, టీడీపీ పొత్తుపై పవన్ ఎక్కడా మాట్లాడలేదని, బీజేపీ పొత్తుపైనే మాట్లాడారని, టీడీపీతో పొత్తుపై జనసేన క్లారిటీ ఇచ్చాక మా భవిష్యత్ కార్యాచరణ ప్రకటిస్తామని బీజేపీ రాష్ట్ర అధ్యక్షుడు సోము వీర్రాజు ప్రకటించారు. మొత్తానికి పవన్ పొత్తు ఉండదని చెప్పడం ద్వారా సోమువీర్రాజుకి, వైసీపీకి గట్టి షాకే ఇచ్చారు.
news
ముగ్గురు మంత్రులు అవుట్.. లిస్టులో ఉన్నది వారేనా ?
ఇటీవలకాలంలో కేబినెట్ మీటింగ్ నిర్వహించిన సందర్భంగా మంత్రుల పనితీరుపై సీఎం వ్యాఖ్యలు చేస్తుండడంతో కొందరికి ఉద్వాసన తప్పదని వార్తలు వస్తున్నారు. గతంలో ఓపెన్గానే పనితీరు బాగాలేదని, కొందరు కొత్తవారిని తీసుకుంటామని లీకులిచ్చిన సీఎం..తాజా కేబినెట్ భేటీలోనూ ముగ్గురుకి ఉద్వాసన తప్పదని హెచ్చరించారని టాక్ వినిపిస్తోంది. మంత్రి పదవి వచ్చిన నుంచీ వివాదాలు బాట పట్టిన రాయలసీమకి చెందిన మహిళా మంత్రికి ఉద్వాసన తప్పదని తెలుస్తోంది. ఆమె మళ్లీ టీవీ షోలు చేసుకోవాల్సిందేనని వైసీపీ సర్కిల్లో టాక్. మరోవైపు అమాయకత్వంతో నటిస్తూ, వైసీపీ సర్కారుని ఎర్రి పుష్పం చేస్తున్న కోడిగుడ్డు శాఖా మంత్రిని తప్పిస్తారని ప్రచారం సాగుతోంది. కేబినెట్ భేటీ పూర్తయ్యాక వెళ్లిపోతున్న మంత్రుల్ని పిలిచి చాంబర్లో క్లాస్ తీసుకోవడంతో వీరికి బుగ్గ కారు యోగం తప్పినట్టేనని తాడేపల్లి వర్గాల సమాచారం. ఎమ్మెల్యే కోటా ఎమ్మెల్సీలను గెలిపించే బాధ్యతలను మంత్రులకు సీఎం కట్టబెట్టారు. ఒక్కో మంత్రికి ఆరుగురు ఎమ్మెల్యేల బాధ్యతలను ఆయన అప్పగించారు. గెలిపించకపోతే మంత్రి పదవులు వదులుకోవడానికి సిద్ధంగా ఉండమంటూ వార్నింగ్ ఇచ్చారట. గత నెలలో జరిగిన కేబినెట్ సమావేశంలో ఇద్దరు మంత్రులకు సీఎం మందలించారు. ఒకరేమో అనవసరంగా వేరే నియోజకవర్గాల్లో తలదూర్చడం.. ఇంకో మంత్రిపై భూ తగాదాల ఆరోపణలు రావడంతో ఇద్దరినీ పిలిచి హెచ్చరించి పంపారని తెలిసింది. లేటెస్ట్ మంత్రివర్గ సమావేశంలో గతంలో కోటింగ్ అందుకున్న మంత్రులకి రీ కోటింగ్ పడినట్టు వైసీపీ వర్గాలు చెబుతున్న సమాచారం. ఈ లెక్కన ఈ మంత్రులకి మరో అవకాశం లేనట్టే.
బాబాయ్ వర్ధంతి చేయని అబ్బాయిలు..జగన్, అవినాష్ ఫోటోలు తీసేసిన పులివెందుల వాసులు
ఒక కన్ను ఇంకో కన్నుని ఎందుకు పొడుస్తుంది అధ్యక్షా అనే జగన్ నాటకానికి ముగింపు పలికేశారు వైఎస్ జగన్ రెడ్డి, వైఎస్ అవినాష్ రెడ్డి. తన బాబాయ్ వివేకానందరెడ్డి హత్యలో సూత్రధారి వైఎస్ అవినాష్ రెడ్డేనని సీబీఐ అనుమానిస్తున్న నేపథ్యంలో నాలుగవ వర్థంతికి కనీసం నివాళులు అర్పించని అబ్బాయిలపై ఇంకా అనుమానాలు పెరిగిపోయాయి. బాబాయ్ వివేకాని చంపేసినప్పుడు ఎన్నికలు ఉండడంతో సానుభూతి కోసమే మొసలి కన్నీరు కార్చి విగ్రహాలు ఏర్పాటు చేశారని...మర్డర్ స్కెచ్ అంతా సామాన్యులకు తెలిసిపోవడంతో..చంపేసి దండ వేస్తే మరింత చులకన అవుతామని వివేకా 4వ వర్ధంతికి జగన్, అవినాష్ దూరంగా ఉన్నారు. మరోవైపు సీఎం సొంత నియోజకవర్గం, తన అడ్డా అయిన పులివెందులలో వైసీపీ వేసిన వివేకా వర్థంతి ఫ్లెక్సీలు ఏ ఒక్కదానిలోనూ జగన్, అవినాష్ ఫోటోలు లేవు. అంటే స్థానిక ప్రజలే కాదు, పులివెందుల వైసీపీ నేతలు కూడా చంపింది ఆ బ్రదర్సే అని నమ్ముతున్నారని స్పష్టమవుతోంది. పులివెందులలో నిర్వహించిన వైఎస్ వివేకానంద రెడ్డి వర్ధంతి కార్యక్రమానికి ఆయన కుటుంబ సభ్యులు, అభిమానులు హాజరయ్యారు. ఈ సందర్భంగా ఏర్పాటు చేసిన ఫ్లెక్సీలలో ముఖ్యమంత్రి జగన్ మోహన్ రెడ్డి, ఎంపీ వైఎస్ అవినాష్ రెడ్డి ఫొటోలు లేవు. ఇవే ఫ్లెక్సీలలో జగన్ తల్లి విజయమ్మ, చెల్లి షర్మిల, మరో చెల్లి సునీత ఫొటోలు ఉన్నాయి. జగన్ తాత రాజారెడ్డి, తండ్రి రాజశేఖర్ రెడ్డి ఫొటోలు కూడా వేసి జగన్ రెడ్డివి వేయలేదంటే బాబాయ్ని హత్యచేసింది అబ్బాయేనని పులివెందులవాసులు ఫిక్సయ్యారని ప్రచారం సాగుతోంది.
తెనాలిలో వైసీపీ ఎమ్మెల్యేకి బాలయ్య వార్నింగ్
నరసరావుపేట ఎమ్మెల్యే గోపిరెడ్డికి హీరో, హిందూపురం ఎమ్మెల్యే బాలకృష్ణ వార్నింగ్ ఇచ్చారు. ఇటీవల నరసరావుపేటలో జరిగిన వేడుకల్లో బాలకృష్ణ సినిమా పాటలు వేసిన వారిని తొలగించాలని వైసీపీ ఎమ్మెల్యే గోపిరెడ్డి ఆదేశించడం విదితమే. దీనిపై బాలయ్య ఘాటుగా స్పందించారు. రాజకీయాలకు, సినిమాలకు ముడిపెట్టొద్దని, రాజకీయాలను రాజకీయాలుగానే చూడాలని బాలయ్య పేర్కొన్నారు. తన పాటలు వేయొద్దని వార్నింగ్ ఇచ్చిన గోపిరెడ్డి పేరు పెట్టకుండానే, మరోసారి ఇటువంటి ఘటన జరిగితే చూస్తూ ఊరుకోనని నందమూరి బాలకృష్ణ హెచ్చరించారు. డాక్టర్ అయి వుండి కూడా అరాచకాలు, ఫ్యాక్షన్ చర్యలలో నరసరావుపేట వైసీపీ ఎమ్మెల్యే గోపిరెడ్డి శ్రీనివాస్రెడ్డి అందరికంటే రెండాకుల ఎక్కువేనని ప్రచారం సాగుతోంది. ఇటీవల టిడిపి నేతల వరస హత్యలు అన్నీ ఎమ్మెల్యే చేయించినవేనని ఆరోపణలున్నాయి. ఈ నేపథ్యంలో వైసీపీ ఎమ్మెల్యేకి స్ట్రాంగ్ వార్నింగ్ ఇచ్చారు బాలకృష్ణ. పొలిటీషియన్ పొలిటీషియన్గానే ఉండాలని.. నీచానికి దిగజారకంటూ శ్రీనివాస్రెడ్డిని హెచ్చరించారు. బాలకృష్ణ పాట పెట్టిన వైసీపీ కార్యకర్త భాస్కర్ రెడ్డిని వేధించినట్లు ఆరోపణల నేపథ్యంలో బాలకృష్ణ స్పందించారు. సినిమాలు వేరు, రాజకీయాలు వేరని.. అన్ని పార్టీల వాళ్లు తన సినిమాలు చూస్తారన్నారు బాలకృష్ణ. ఇలాంటి మళ్లీ పునరావృతం కాకుండా చూడాలంటూ హెచ్చరించారు. తెనాలి పెమ్మసాని థియేటర్లో ఎన్టీఆర్ శతజయంతి ఉత్సవాలు జరగగా సినీ నటుడు నందమూరి బాలకృష్ణ హాజరయ్యారు. ఈ సందర్భంలో బాలయ్య గోపిరెడ్డిని లక్ష్యంగా చేసుకుని ఈ వ్యాఖ్యలు చేశారు.