ఇదేదో పురాణ క‌థ‌లు కాదు..ఏపీలో చిత్రాలు..ప్ర‌జాస్వామ్య వ్య‌వ‌స్థని న‌డిరోడ్డుపై న‌గుబాటుకి గురిచేసిన వైసీపీ ఎన్నిక‌ల లీల‌లు. ప‌ట్ట‌భ‌ద్రుల ఎన్నిక‌ల కోసం వైసీపీ చేర్పించిన ఓట్లు చూస్తుంటే విప‌క్షాలే కాదు, సామాన్య ప్ర‌జ‌లు కూడా గుండెలు బాదుకుంటున్నారు. రాయ‌ల‌సీమ‌లో, ముఖ్యంగా జ‌గ‌న్ రెడ్డి అత్యంత ముఖ్యంగా భావించే పెద్దిరెడ్డి, భూమ‌న క‌రుణాక‌ర్ రెడ్డి ఉండే ప్రాంతాల్లో ఈ అరాచ‌క ఓట్ల న‌మోదు జ‌రిగింది. గ‌తంలో తిరుప‌తి ఉప ఎన్నిక‌, కుప్పం మున్సిప‌ల్ ఎన్నిక‌ల‌కి పెద్ద ఎత్తున టూరిస్టు ఓట‌ర్ల‌ని దింపిన వైసీపీ పెద్ద‌లు ఈ సారి ఏకంగా వేల‌సంఖ్య‌లో దొంగ ఓట్లు న‌మోదు చేయించారు.  తిరుప‌తిలో ఓట‌ర్ల లిస్టుల‌ని ప‌రిశీలించిన విప‌క్ష నేత‌లు వైసీపీ బ‌రితెగింపు చూసి నోరెళ్ల‌బెట్టారు. ఓట‌ర్ల లిస్టులు ప‌ట్టుకుని టిడిపి నుంచి పాల‌కొల్లు ఎమ్మెల్యే నిమ్మ‌ల రామానాయుడు, సీపీఐ నుంచి నారాయ‌ణ డోర్ టు డోర్ వెళితే..దొంగ ఓట‌ర్లు వేల‌సంఖ్య‌లో బ‌య‌ట‌ప‌డ్డారు.  తిరుప‌తి ఒక డోర్ నెంబ‌ర్‌లో 18కి పైగా ఓట్లు న‌మోదు అయ్యాయి. అయితే ఈ ఓట‌ర్లంద‌రికీ ఒకామె భార్య‌గా న‌మోదు చేసి దొరికిపోయారు. ఇంకో డోర్ నెంబ‌ర్‌కి వెళితే అది చికెన్ సెంట‌ర్‌. అందులో 36 ఓట్లున్నాయి. అవి కూడా ముస్లిం, హిందూ, క్రిస్టియ‌న్లు క‌లిసి వున్న‌ట్టు న‌మోదు చేశారు. ఇంకో డోర్ నెంబ‌ర్‌లో ఏ మ‌ణికంఠ పేరుతో 11 ఓట్లు న‌మోదు అయ్యాయి. ఏ మ‌ణికంఠ‌కి ప్ర‌తీ ఓటుకి తండ్రి మారిపోయాడు. ఏ తండ్రికీ ఇంటి పేరు ఏ లేదు. ఇవీ వైసీపీ మార్కు దొంగ ఓట‌ర్ల‌చిత్రాలు. అస‌లు చ‌దువుకోని వాళ్ల‌కి ప‌ట్ట‌భ‌ద్రుల ఓట్లు ఎలా వ‌చ్చాయో తెలియ‌ని మ‌రో విచిత్రం.  తిరుపతిలోని యశోదనగర్‌ 18-1- 90/12 నంబరు గల ఖాళీ ప్రదేశంలో 10 దొంగ ఓట్లు, ఒక వలంటీర్‌ ఇంట్లో 12 దొంగ ఓట్లు, సీపీఎం ఆఫీస్‌ పక్కన గల లక్ష్మీ ఇంట్లో 8 దొంగఓట్లు ఉన్నట్లు సీపీఐ నేత‌లు గుర్తించారు.తిరుపతి నగరంలోనే 7 వేల దొంగ ఓట్లు ఉన్నట్లు సీపీఐ ఆరోపిస్తోంది. తిరుపతిలో, చిత్తూరు జిల్లాలో అనేక ప్రాంతాల్లో వేలాది దొంగ ఓట్లను అధికార వైసీపీ నమోదు చేసిందని టిడిపి నేత‌లు అధికారుల‌కు ఆధారాల‌తో ఫిర్యాదు చేశారు. విప‌క్షాల‌న్నీ దొంగ ఓట్ల‌పై ఆధారాల‌పై ఫిర్యాదులు చేస్తుంటే, వైసీపీ స్పంద‌నతో అవి త‌మ ఘ‌న‌తే అని చాటుకున్న‌ట్టుంది. ఎన్నిక‌ల‌లో ఓట‌మి ఖాయం అని తెలిసే ఇలా దొంగ ఓట్ల ఆరోప‌ణ‌లు చేస్తున్నార‌ని వైసీపీ అంటోంది. వ‌లంటీర్లు న‌మోదు చేయించిన దొంగ ఓట్ల‌ను ఆధారాల‌తో స‌హా బ‌య‌ట‌పెట్టినా వాటిపై స్పందించ‌డంలేదంటే, అది త‌మ ప‌నేన‌ని ఒప్పుకున్న‌ట్టు స్ప‌ష్టం అవుతోంది.

వైఎస్ వివేకానంద‌రెడ్డి హ‌-త్య‌కేసులో ప్ర‌తీసారి ఓ కొత్త వాద‌న‌ని తెచ్చి వైఎస్ అవినాష్ రెడ్డి అడ్డంగా బుక్క‌య్యార‌ని మాజీ పోలీసు అధికారులు వ్యాఖ్యానిస్తున్నారు. మ‌ర్డ‌ర్ జ‌రిగిన వెంట‌నే అంతా ఓ మాట‌నుకుని గుండెపోటు థియ‌రీ తెచ్చారు. అదీ జ‌గ‌న్ సాక్షి చాన‌ల్‌లోనే వేశారు. జ‌గ‌న్ ఆత్మ‌లాంటి విజ‌య‌సాయిరెడ్డి గుండెపోటు ప్ర‌క‌ట‌న చేశాడు. ఆ త‌రువాత ఎన్నిక‌ల్లో ల‌బ్ధి పొందేందుకు మంచి అవ‌కాశం అని ప్ర‌శాంత్ కిశోర్ ఇచ్చిన స‌ల‌హాతో చంద్ర‌బాబు గొడ్డ‌లితో అడ్డంగా త‌న బాబాయ్‌ని న‌రికేశార‌ని, ఆయ‌న‌కి లోకేష్‌, బీటెక్ ర‌వి, ఆదినారాయ‌ణ‌రెడ్డి స‌హ‌క‌రించార‌ని అదే సాక్షిలో జ‌గ‌న్ రెడ్డి అచ్చేయించారు. ఇక్క‌డి నుంచే అనుమానాలు మొద‌ల‌య్యాయి. సేమ్ ప‌రిటాల ర‌వి కేసులో మాదిరిగానే సాక్షులు అనుమానాస్ప‌దంగా చ‌నిపోవ‌డం ఆ స్కెచ్ ఇక్క‌డా అమ‌ల‌య్యింద‌ని సందేహాలు వ్య‌క్తం అయ్యాయి. సీబీఐ రాక‌ముందే కేసుని అనామ‌కుల్ని ఇరికించి క్లోజ్ చేయాల‌నుకున్నారు. సీబీఐ దిగ‌డంతో సీబీఐపైనే దా-డు-ల‌కు వెన‌కాడ‌లేదు. ఒక్కో నిందితుడినీ సీబీఐ అరెస్ట్ చేసినా, విచార‌ణ‌కి పిలిచినా వైఎస్ అవినాశ్‌రెడ్డి గిల‌గిలా కొట్టుకుంటుండ‌డం, నిందితుల‌కు మ‌ద్ద‌తుగా లాయ‌ర్ల‌ని పెట్ట‌డంతో ఏ విచార‌ణ లేకుండానే అవినాష్‌రెడ్డి హ‌-త్య‌లో త‌న పాత్ర ఉంద‌ని ఒప్పేసుకున్న‌ట్టు అయ్యింది. ఈ నేప‌థ్యంలో మ‌ళ్లీ సాక్షిలోనే ఆస్తి గొడ‌వ‌ల నేప‌థ్యంలో అల్లుడు న‌ర్రెడ్డి ఈ హత్య చేయించాడ‌ని నిందితులు చెబుతున్న‌ది రాశారు. వివేకా హ‌-త్య‌లో సాక్షిలో  రాసిన మూడో వెర్ష‌న్ ఇది. తాజాగా మూడోసారి సీబీఐ విచార‌ణ‌కి హాజ‌రైన అవినాష్ రెడ్డి త‌న‌ను అరెస్ట్ చేయ‌కుండా ఆదేశాలివ్వాల‌ని కోర్టుకి వెళ్ల‌డం, విచార‌ణ అనంత‌రం వివేకానంద‌రెడ్డి అక్ర‌మ‌సంబంధాల గురించి మాట్లాడ‌టం కొత్త వెర్ష‌న్ బ‌య‌ట‌కి తెచ్చారు. ఇదీ సాక్షి మీడియాలోనే వ‌స్తోంది. వివేకాకు ఓ ముస్లిం మహిళతో సంబంధముంద‌ని షేక్ షహన్ షా అనే అబ్బాయి వారికి పుట్టాడ‌ని, ఆ అబ్బాయినే వార‌సుడ్ని చేయాల‌నుకున్నాడ‌ని, ఆ గొడ‌వ‌ల్లోనే చంపేసి ఉంటార‌ని కొత్త వాద‌న తెర‌పైకి తెచ్చాడు. అంటే సాక్షిలో వేసిన‌దాని ప్ర‌కారం, జ‌గ‌న్ రెడ్డి స‌న్నిహితులు చెప్పిన దాని ప్ర‌కారం వివేకా హ‌-త్య‌కేసులో ఇది నాలుగో వెర్ష‌న్‌. ప్ర‌తీసారి కేసులో అనుమానితులు ఎందుకు మారుతున్నారంటే, అస‌లు నిందితులు వారికి తెలుసుకాబ‌ట్టి అనేది  కామ‌న్ మేన్‌కి కూడా అర్థం అవుతోంది.

వివేకానంద‌రెడ్డిని వైఎస్ అవినాష్ రెడ్డే చంపేశాడ‌ని సీబీఐ చెప్పినా మేము న‌మ్మం అంటోంది వైసీపీ. సీబీఐయే కాదు, కోర్టులు తీర్పు ఇచ్చినా మేము అవినాష్ రెడ్డి వెంటే ఉంటామంటూ వైసీపీ క్లారిటీ ఇచ్చేసింది. వైసీపీ అఫీషియ‌ల్, వైసీపీ సోష‌ల్మీడియా, వైసీపీ వెరిఫైడ్ లీడ‌ర్స్ అక్కౌంట్ల నుంచి మొత్తం #westandwithysavinash పేరుతో పెద్ద ఎత్తున క్యాంపెయిన్ చేస్తున్నారు. అంటే వైఎస్ అవినాష్ రెడ్డి బాబాయ్ వివేకానంద‌రెడ్డిని చంపేసినా ఆయ‌న వెనుకే మేమున్నాం అని పార్టీ ప్ర‌క‌టించ‌డం ద్వారా కిందిస్థాయి కార్య‌క‌ర్త‌లు తీవ్ర ఆందోళ‌న‌లో ఉన్నారు. ఇదే సోష‌ల్మీడియాలో నారాసుర‌ర‌క్త‌చ‌రిత్ర పోస్టులు పెట్టామ‌ని, ఇప్పుడు వైఎస్ సునీత ర‌క్త‌చ‌రిత్ర అని పెట్ట‌మంటున్నార‌ని వైసీపీ పోస్టుల కింద కామెంట్ల రూపంలో పోస్టులు చేస్తున్నారు. అవినాష్ రెడ్డిని అనుమానితుడు అని సీబీఐ స్ప‌ష్టం చేశాక కూడా వుయ్ స్టాండ్ విత్ అవినాష్ అంటున్నారంటే, వేసింది ఆయ‌నే అయినా వేయించింది త‌మ అభిమాన నేతే అని కార్య‌క‌ర్త‌లు క‌న్‌ఫామ్ చేసుకుంటున్నారు. మ‌రోవైపు వైఎస్ వివేకానంద‌రెడ్డితో అన్ని విధాలా వైరం ఉన్న దూర‌పు బంధువు వైఎస్ అవినాష్ రెడ్డి ఎందుకు చంపుతాడ‌నే వాద‌న‌లో ``ఒక క‌న్ను మ‌రో క‌న్నుని ఎందుకు పొడుస్తుంది అధ్య‌క్షా`` అని అమాయ‌కంగా ప్ర‌శ్నించిన జ‌గ‌న్ రెడ్డి త‌న సాక్షి పేప‌ర్లో వివేకానంద‌రెడ్డి కూతురే చంపేసింద‌ని అవినాష్‌రెడ్డి చెప్పిన‌ట్టు అచ్చేయించ‌డం చూస్తే అనుమానాలు మ‌రింత బ‌ల‌ప‌డుతున్నాయి. ఒక క‌న్ను మ‌రో క‌న్నుని ఎలా అనేది జ‌గ‌న్ చెప్పిందే నిజ‌మ‌నుకుంటే..సునీత‌పై నేరం మోప‌డం దారుణం అని వైసీపీలోనే చ‌ర్చ మొద‌లైంది.

విశాఖ ఎయిర్ పోర్టులో అప్ప‌టి ప్ర‌తిప‌క్ష‌నేత వైఎస్ జ‌గ‌న్ రెడ్డిని పొడిచిన కోడిక‌త్తి ఎక్క‌డుంది? అనేది ఇప్పుడు హాట్ టాపిక్‌. ఇప్ప‌టివ‌ర‌కూ విచార‌ణ జ‌ర‌గ‌ని ఈ కేసు ఇటీవ‌లే క‌ద‌లిక వ‌చ్చింది. అయితే బాధితులు, సాక్షులు రాకుండా కేసు విచార‌ణ ఎలా అని న్యాయ‌మూర్తి ప్ర‌శ్నించ‌డంతో సాక్షి వ‌చ్చారు కానీ, బాధితుడైన జ‌గ‌న్ రెడ్డి మాత్రం కేసు విచార‌ణ‌కి రావ‌డంలేదు. ఈకోడికత్తి కేసులో అసలు బాధితుడు అప్పటి ప్రతిపక్ష నేత.. ప్రస్తుత సీఎం వైఎస్ జగన్ మాత్రం ఇప్పటివరకు కోర్టుకు హాజరుకాలేదు. నిందితుడు ఇప్పటి వరకు కోర్టుకు హాజరుకాకపోవటంపై ఎన్ ఐఏ కోర్టు అసహనం వ్యక్తంచేసింది. బాధితుడిగా భావిస్తున్న జగన్ కోర్టుకు రావాల్సిందేనని గతంలో స్పష్టంచేసింది. అయినా జగన్ కోర్టుకు హాజరుకాకపోవడం ఏంటని అసహం వ్యక్తం చేసినట్టు సమాచారం. పోలీసులు స్వాధీనం చేసుకున్న కోడిక‌త్తిని కోర్టులో ప్ర‌వేశ‌పెట్ట‌లేద‌ని తెలుస్తోంది. మ‌రోవైపు అవినాష్ రెడ్డి కేసు విచార‌ణ సంద‌ర్భంగా తెలంగాణ హైకోర్టు న్యాయ‌మూర్తి వ్యాఖ్య‌లు కోడిక‌త్తి కేసులో మ‌రో ట్విస్ట్ కి తెర‌లేపాయి. జ‌గ‌న్ రెడ్డిపై దాడి జ‌రిగిన రోజు ఎయిర్ పోర్టులో సీసీ కెమెరాలు  కూడా ప‌నిచేయ‌లేద‌ట‌. అంటే ఇదంతా చాలా ప్లాన్డ్‌గా రికార్డు కాకూడ‌ద‌ని చేసిన‌ట్టే ఉంది.  2018లో విశాఖపట్నం ఎయిర్ పోర్టులో అప్పటి ప్రతిపక్ష నేత జగన్‌ మోహన్ రెడ్డిపై జ‌నిప‌ల్లి శ్రీనివాస రావు  కోడికత్తితో దాడి చేశాడు. ఆ దాడిలో జగన్ భుజానికి గాయమైంది. ఈ కేసు విచార‌ణ‌ని ఎన్ఐఏ తీసుకుంది. అప్ప‌టి నుంచి జైలులోనే కోడిక‌త్తి శ్రీను ఉంటున్నాడు. సీఎం జ‌గ‌న్ రెడ్డిని క‌లిసేందుకు కోడిక‌త్తి శ్రీను త‌ల్లిదండ్రులు ప్ర‌య‌త్నించినా సాధ్యంకాలేదు. శ్రీను లాయ‌ర్ విజ్ఞ‌ప్తి మేర‌కు విజయవాడ ఎన్ఐఎ కోర్టు విచార‌ణ చేప‌ట్టింది. ఈ కేసులో ప్రధానమైన కోడికత్తిని తీసుకురావాల‌ని కోర్టు ఆదేశించింది. కోడికత్తి కేసుకు సంబంధించి సాక్షిగా సీఐఎస్ఎఫ్ అసిస్టెంట్ కమాండర్ దినేశ్ కుమార్ ను కోర్టు విచారించింది.

Advertisements

Latest Articles

Most Read