news

వైసిపి ప్రభుత్వ అవినీతి, ప్రజా వ్యతిరేక నిర్ణయాలు, అప్రజాస్వామిక విధానాలపై తెలుగుదేశం పార్టీ రాష్ట్రవ్యాప్తంగా వచ్చే వారం నుంచి ప్రజా చైతన్య యాత్రలు నిర్వహించాలని నిర్ణయించింది. మంగళవారం విజయవాడలో జరిగిన టిడిపి విస్తృత స్థాయి సమావేశంలో పార్టీ అధ్యక్షులు నారా చంద్రబాబు నాయడు ఈ షెడ్యూల్ ప్రకటించారు. 45రోజులపాటు గ్రామాల్లో, వార్డుల్లో పర్యటించి ప్రజలను చైతన్య పర్చాలని, వైసిపి ప్రభుత్వ దోపిడిని ఎండగట్టాలని పిలుపిచ్చారు. ఈ సందర్భంగా చంద్రబాబు ప్రసంగిస్తూ, ‘‘ రాష్ట్రంలో వైసిపి మాఫియా ఆగడాలకు అంతే లేకుండా పోయింది. శాండ్ మాఫియా/ల్యాండ్ మాఫియా, మైన్ మాఫియా/వైన్ మాఫియా అరాచకాలు అన్నీ ఇన్నీ కావు. బోగస్ ఇన్ వాయిస్ లతో, నకిలీ రశీదులతో రీచ్ లనుంచి, స్టాక్ పాయింట్ల నుంచి యధేచ్చగా ఇసుక దోచేస్తున్నారు. పొరుగు రాష్ట్రాలకు అక్రమ రవాణా చేస్తున్నారు. నకిలీ ఇన్ వాయిస్ లతో వైసిపి నేతలే ఇసుక కొల్లగొడుతున్నారు. ఇక మద్యం అమ్మకాల్లో పెద్దఎత్తున గోల్ మాల్ చేస్తున్నారు. ఇక్కడ అమ్మకాలు తగ్గినట్లు చూపి తెలంగాణ మద్యానికి గేట్లు ఎత్తేశారు. పొరుగు రాష్ట్రాలనుంచి మద్యం ఏరులై పారుతోంది. అందుకే ఆయా రాష్ట్రాలలో మద్యం అమ్మకాలు పెరిగిపోయాయి."

"తమకు ముడుపులు చెల్లించే సెలెక్టెడ్ బ్రాండ్స్ మాత్రమే అమ్మిస్తున్నారు. ల్యాండ్ మాఫియా పేట్రేగిపోయింది. ఒక్క విశాఖలోనే 32వేల ఎకరాలు ఆక్రమించారు. కనిపించిన భూమినల్లా కబ్జా చేస్తున్నారు. అసైన్డ్ భూములను బెదిరించి లాగేస్తున్నారు. చెరువులు పూడ్చేసి ఆక్రమిస్తున్నారు. గనుల లీజుదారులను వాటాల కోసం బెదిరిస్తున్నారు. వినని వాళ్ల లీజులు రద్దు చేసి, సొంత వాళ్లకు కేటాయిస్తున్నారు. వీటన్నింటిని ప్రజల్లోకి తీసుకెళ్ళాలి. ఇప్పటికే 30సార్లు కోర్టులు అక్షింతలు వేశాయి. అయినా వైసిపి నేతలు మొండిగా వ్యవహరిస్తున్నారు. ప్రభుత్వ కార్యాలయాలకు రంగులు వేయడంపై హైకోర్టు తప్పు పట్టింది. శాంతిభద్రతలు పూర్తిగా క్షీణించాయి. సొంత బాబాయి హ-త్య జరిగి ఏడాది కావస్తున్నా హం-త-కు-ల-ను పట్టుకోలేక పోయారు. తనకు రక్షణ లేదని, తండ్రిని హ-త్య చేసిన వాళ్లవల్ల తనకు ప్రా-ణ-హా-ని ఉందని, తండ్రి హ-త్యపై సిబిఐ విచారణ జరిపించాలని, తనకు రక్షణ కల్పించాలని వి-వే-కా-నం-ద రెడ్డి కుమార్తె కోరింది. అది జరగ్గానే సిబిఐ విచారణపై గతంలో తాను వేసిన పిటిషన్ జగన్మోహన్ రెడ్డి ఉపసంహరించారు. వీటన్నింటినీ ప్రజలకు వివరించాలి. తప్పుడు కేసులతో ప్రత్యర్ధులు మనలను వెంటాడుతున్నారు. ఈ పరిస్థితుల్లో మనలో మనం కలహించుకోరాదు. విభేదాలు వదులుకోవాలి. అందరూ కలిసికట్టుగా పనిచేయాలి. పేదలకు అండగా ఉండాలి. కార్యకర్తలకు భరోసా ఇవ్వాలి. నాయకులకు అండగా ఉండాలి."

"సంస్థాగత కమిటీలను త్వరితగతిన పూర్తి చేయాలి. అన్నిస్థాయిల్లో సమర్ధవంతమైన వ్యక్తులను ఎంపిక చేసుకోవాలి. మీ నియోజకవర్గాలను చూసుకోవాలి, పరిశీలకులుగా మీ బాధ్యతలను నిర్వర్తించాలి. వైసిపి ప్రభుత్వ బాధితులకు అండగా ఉండాలి. గ్రామాల్లో అభివృద్ది పనులు చేసిన వాళ్ల బిల్లులు చెల్లించకుండా ఇబ్బందులు పెడుతున్నారు. నరేగా బిల్లులను మొదట చేసినవాటికే తొలుత చెల్లింపులు జరపాలని కేంద్రం ఆదేశించినా బేఖాతరు చేశారు. హైకోర్టు తప్పు పట్టినా పట్టించుకోవడం లేదు. నరేగా స్ఫూర్తికే తూట్లు పొడుస్తున్నారు. దీనిపై న్యాయపోరాటం చేయాలి. ఆశయం మంచిదైతే చాలదు, దాని అమల్లో చిత్తశుద్ది లేకపోతే ఇలాగే ఉంటుంది. ఉదాత్తమైన పథకం నరేగా వైసిపి నిర్వాకాల వల్ల నీరుగారిపోయిందని’’ చంద్రబాబు అన్నారు.

యనమల రామకృష్ణుడు మాట్లాడుతూ, ‘‘ఆర్ధిక వ్యవస్థను అస్తవ్యస్తం చేశారు. కష్టపడి సంపాదించడం, ఖర్చు పెట్టడం, చాలకపోతే అప్పులు చేయడం కుటుంబంలో అయినా, వ్యవస్థలో అయినా సాధారణంగా జరిగే ప్రక్రియ. వ్యక్తి అయినా, వ్యవస్థ అయినా ఆర్ధిక క్రమశిక్షణ ముఖ్యం. రాబడి, వ్యయం, అప్పుల మధ్య సమతుల్యం ఉండాలి. విచ్చలవిడిగా చేస్తే ఇలాంటి పరిణామాలే ఉత్పన్నం అవుతాయి. రాష్ట్ర రాబడి 16% పడిపోయింది. అప్పులు 17% పెరిగాయి, ద్రవ్యోల్బణం 6% పెరిగింది. ఏదీ కొనేట్లు లేరు, ఏదీ తినేట్లు లేరు. తలసరి ఆదాయం దారుణంగా పడిపోయింది, కొనుగోలు శక్తి, పొదుపు శక్తి క్షీణించాయి. ఏదీ సమర్ధంగా నిర్వహించలేకే దా-డు-లు, దౌ-ర్జ-న్యా-ల-కు దిగారని’’ ధ్వజమెత్తారు. గోరంట్ల బుచ్చయ్య చౌదరి మాట్లాడుతూ, ‘‘ రాష్ట్రంలో సారా అమ్మకాలు యధేచ్ఛగా జరుగుతున్నాయి. సారా సామ్రాజ్యం నడుస్తోంది. ఏడాదికి రూ 20వేల కోట్ల ముడుపులు టార్గెట్ పెట్టుకున్నారు. మద్యం అమ్మకాలపై రూ 6వేల కోట్లు టార్గెట్. కమిషన్లు ఇచ్చిన సెలెక్టెడ్ బ్రాండ్స్ మాత్రమే అమ్ముతున్నారు. సిమెంట్ పై బస్తాకు రూ 10 జె ట్యాక్స్ కంపెనీల నుంచి వసూలు చేస్తున్నారు. బస్తాకు రూ 50పెంచి అమ్ముతూ వినియోగదార్లను దోచుకుంటున్నారు. సిమెంట్ అమ్మకాలపై రూ 4వేల కోట్లు టార్గెట్ పెట్టుకున్నారు. వైసిపి నేతల దోపిడి గురించి ప్రజల్లోకి తీసుకెళ్లాలని’’ కోరారు.

నూకల బాలాజీ మాట్లాడుతూ, ‘‘ టిడిపి క్రమశిక్షణ ఉన్న పార్టీ అయితే, వైసిపి బూతు శిక్షణ ఇచ్చేపార్టీ..వైసిపికి సంస్థాగత నిర్మాణం లేదు, టిడిపికి నిర్మాణం ఉంది. మీరు చేస్తున్న కష్టానికి గ్రామాల్లో బలమైన నాయకత్వం వస్తే టిడిపిని ఎవరూ ఎదుర్కోలేరు. నోరువాయి లేని వారిని కమిటిల అధ్యక్షులుగా పెడితే గ్రామాల్లో నాయకత్వం బలపడదు. బలమైన వాళ్లను కమిటిల్లో ఎంపిక చేసుకోకపోతే పార్టీకి ద్రోహం చేసిన వారవుతారు. పించన్ల తొలగింపు, కార్డుల తొలగింపుతో వైసిపిపై తీవ్ర వ్యతిరేకత ఉంది. ప్రజల్లో ఆ వ్యతిరేకతను టిడిపికి సానుకూలం చేసుకుంటే స్థానిక సంస్థల్లో గెలుపు ఖాయం’’ అని అన్నారు. గౌరివాని శ్రీనివాసులు మాట్లాడుతూ, ‘‘ ముస్లింలకు మంత్రి పదవి ఇవ్వలేదని టిడిపిని మొదటి 3ఏళ్లు విమర్శించారు వైసిపి నేతలు, కానీ టిడిపి పాలనలో ముస్లింల సంక్షేమానికి ఎన్నో వినూత్న పథకాలు పెట్టారు, పెద్దఎత్తున బడ్జెట్ కేటాయించారు, కానీ ఈ 9నెలల్లో ముస్లింకు డిప్యూటి సీఎం ఇచ్చినట్లు గొప్పలు చెబుతూ టిడిపి చేసిన సంక్షేమం అంతా నిలిపేశారని, రంజాన్ తోఫా, దుల్హన్ ఆపేశారని, ఇమాంలు, మౌజన్ లకు వేతనాలు ఆపేశారని ఒక ముస్లింలే తనతో చెప్పి వాపోయారని’’ తెలిపారు. ఈ సమావేశంలో పార్టీ పోలిట్ బ్యూరో సభ్యులు, ఎమ్మెల్యేలు, ఎమ్మెల్సీలు, మాజీ మంత్రులు, గత ఎన్నికల్లో పోటీచేసిన అభ్యర్ధులు, ఇతర నాయకులు పాల్గొన్నారు.

జగన్ మోహన్ రెడ్డి మరోసారి ఢిల్లీ వెళ్తున్నారు. రేపు, అంటే బుధవారం ఢిల్లీ టూర్ ప్లాన్ చేసారు జగన్. ఢిల్లీ పర్యటనలో ఆయన ప్రధాని మోడీని, కేంద్రం హోం మంత్రి అమిత్ షాని కలుస్తారని, సమాచారం. రేపు సాయంత్రం ప్రధాని మోడీతో జగన్ మోహన్ రెడ్డి భేటీ అవుతారని తెలుస్తుంది. అలాగే రేపు కాని, గురువారం ఉదయం కాని, హోం మంత్రి అమిత్ షాతో భేటీ అయ్యే అవకాసం ఉన్నట్టు తెలుస్తుంది. అయితే, గత మూడు సార్లుగా, జగన్ ఢిల్లీ వెళ్ళటం, అపాయింట్మెంట్ లేక తిరిగి రావటం జరుగుతూ వస్తున్నాయి. అమిత్ షా అపాయింట్మెంట్ కోసం, గత మూడు సార్లుగా, జగన్ పడరాని పాట్లు పడి, చివరకు తిరిగి వచ్చేయాల్సి వచ్చింది. ఒక్కసారి మాత్రం, ఆయన పుట్టిన రోజు అని వెళ్లి విష్ చేసారు కాని, ఎలాంటి అపాయింట్మెంట్ దొరకలేదు. ఇక హోం మంత్రి అమిత్ షా నే, అపాయింట్మెంట్ ఇవ్వకపోవటంతో, కేంద్ర మంత్రులు కూడా, ఇచ్చిన అపాయింట్మెంట్ రద్దు చేసిన సంగతి తెలిసిందే. గత మూడు సార్లుగా జగన్ ఢిల్లీ టూర్ ఫ్లాప్ అవుతూ వస్తుంది.

ఢిల్లీలో వ్యవహారాలు చూసే విజయసాయి రెడ్డి, ఈ విషయంలో ఘోరంగా విఫలం అవుతూ వస్తున్నారు. కనీసం ఒక సిఎంకు, మూడు సార్లుగా అపాయింట్మెంట్ ఇప్పించలేని పరిస్థితి. మరి ఈ సారి అయినా, జగన్ మోహన్ రెడ్డికి, అమిత్ షా అపాయింట్మెంట్ దొరుకుతుందో లేదో చూడాల్సి ఉంది. రేపు సాయంత్రం ప్రధాని మోడీతో అయితే, అపాయింట్మెంట్ ఫిక్స్ అయ్యిందని, జగన్ మోహన్ రెడ్డి రేపు సాయంత్రం ప్రధాని మోడీని కలుస్తారని సమాచారం. ముఖ్యంగా రాష్ట్రంలో జరుగుతున్న విషయాల పై, జగన్ మోహన్ రెడ్డి, కేంద్రంలోని పెద్దలకు చెప్పి, వాళ్ళను ఒప్పించే విషయమై లాబయింగ్ చేస్తున్నారు. ఇప్పటికే ఢిల్లీలో అదే పని చేస్తున్న విజయసాయి రెడ్డికి, ఇప్పుడు జగన్ మోహన్ రెడ్డి తోడు అవుతున్నారు.

ముఖ్యంగా మూడు ముక్కల రాజధాని అంశం పై, కేంద్ర పెద్దల నుంచి, అనుకూలంగా నిర్ణయం రాబట్టే ప్రయత్నం చెయ్యనున్నారు. అలాగే, అనూహ్యంగా తెలుగుదేశం పార్టీ వేసిన దెబ్బతో, మండలిని కూడా రద్దు చెయ్యాల్సిన పరిస్థితి రావటంతో, ఆ బిల్ ఇప్పుడు కేంద్రం చేతిలో ఉండటంతో, ఎలాగైనా, శాసనమండలి రద్దు బిల్లుని ఉభయసభల్లో పాస్ చెయ్యాలని, జగన్ మోహన్ రెడ్డి, కేంద్ర పెద్దలను కోరనున్నారు. ఈ రెండు అంశాలు, కేంద్ర హోం శాఖ ఆధ్వర్యంలో ఉండటంతో, ఇవన్నీ అమిత్ షా కి చెప్పాలని జగన్ ప్రయత్నిస్తున్నారు. అయితే, మరి అమిత్ షా అపాయింట్మెంట్ ఇస్తారో లేదో చూడాల్సి ఉంది. ఇక మరో అంశం అయిన ఇన్సైడర్ ట్రేడింగ్ పై, ఎలాగైనా తెలుగుదేశం నేతల పై, ముఖ్యంగా చంద్రబాబు పై, సిబిఐ ఎంక్వయిరీ వెయ్యాలని జగన్ భావిస్తున్నారు. ఈ విషయం కూడా రేపు ప్రస్తావించే అవకాసం ఉంది.

మూడు ముక్కల రాజధాని అంటూ, జగన్ మోహన్ రెడ్డి ప్రకటన చేసిన తరువాత, ప్రజలందరూ, ముందుగా కేంద్రం వైపు, తరువాత కోర్ట్ ల వైపు ఆశగా చూస్తున్నారు. జగన్ మోహన్ రెడ్డి మూడు ముక్కల రాజధానితో, ఎవరికీ ఉపయోగం ఉండదని, ఇప్పటికే అమరావతికి భూములు ఇచ్చిన రైతుల పరిస్థితి ఏమిటి అనే ప్రశ్నలు వస్తున్నాయి. ఇన్ని జరుగుతున్నా జగన్ మోహన్ రెడ్డి మాత్రం, తన నిర్ణయాన్ని ముందుకు తీసుకు వెళ్తూనే ఉన్నారు. 55 రోజులుగా అమరావతి ప్రజలు నిరనస చేస్తున్న లెక్క చెయ్యటం లేదు. ఈ క్రమంలో రాష్ట్రంలో బీజేపీ, జనసేన పార్టీలు, మేము అమరావతిని మేము కాపాడతాం అంటూ బయలుదేరాయి. కాని ఏమైందో ఏమో కాని, మొదట్లో చూపించిన ఉత్సాహం, ఇప్పుడు కనిపించటం లేదు. బీజేపీ కాని, ఇటు జనసేన కాని, అసలు అమరావతి గురించే మాట్లాడటం లేదు. అయినా ఏపి ప్రజలు ఆశగా కేంద్రం వైపు చూస్తున్నారు. జగన్ మోహన్ రెడ్డి స్పీడుకు, కేంద్రం బ్రేకులు వేస్తుందని, ఆశగా చూస్తున్నారు కాని, కేంద్రం మాత్రం ఏ మాత్రం స్పందించటం లేదు.

ఈ క్రమంలోనే, ఈ రోజు పార్లమెంట్ లో, తెలుగుదేశం పార్టీ ఎంపీ కేశినేని నాని ఆడిగిన ప్రశ్నతో, మరోసారి, కేంద్రం వైఖరి స్పష్టం అయ్యింది. కేశినేని నాని మొత్తం నాలుగు ప్రశ్నలు అడిగారు. ఒక రాష్ట్రం, రాజధానిని ఎంపిక చెయ్యాలి అంటే, ఏదైనా ప్రక్రియ ఉందా ? ప్రక్రియ ఉంటే, వాటి వివరాలు చెప్పండి. గతంలో మూడు కొత్త రాష్ట్రాలు ఏర్పడిన సమయంలో, తమ నూతన రాజధానులు ఎలా ఎంపిక చేసుకున్నాయి ? ప్రభుత్వానికి, ఈ విషయంలో ఏదైనా పాత్ర ఉంటుందా అని కేశినేని నాని ప్రశ్నించారు. అయితే దీని పై, కేంద్ర మంత్రి నిత్యానంద్ రాయ్ సమాధానం చెప్తూ, రాష్ట్ర రాజధానులు ఎంపిక చేసుకునే అంశం రాష్ట్రాల పరిధిలో ఉంటుందని, కేంద్రానికి ఎలాంటి సంబంధం లేదని తేల్చి చెప్పారు.

అంటే మాకు ఏ సంబంధం లేదు అని కేంద్రం చెప్పి, తప్పించుకుంది. వారం క్రితం, గల్లా జయదేవ్ అడిగిన ప్రశ్నకు కూడా కేంద్రం ఇలాగే సమాధానం చెప్పింది. కాకపొతే అప్పుడు, అమరావతిని రాజధానిగా 2015లోనే నోటిఫై చేసారు అని ప్రకటన చేసింది. అయితే ఇక్కడ ఒక ప్రశ్నకు మాత్రం కేంద్రం సమాధానం చెపాల్సి ఉంటుంది. కొత్త రాజధానులు అంశం అయితే రాష్ట్రాలు ఇష్టం అనుకోవచ్చు కానీ, ఇప్పటికే ఉన్న రాజధానిని మార్చటం కేంద్రం ఎలా సమర్ధిస్తుంది ? అది కూడా ఇప్పటికే 2500 కోట్లు కేంద్రం అమరావతికి ఇచ్చి, ఇప్పుడు అది నిరుపయోగంగా పడేస్తాం అని రాష్ట్రం అంటుంటే, కేంద్రం మాకు సంబంధం లేదు, అది రాష్ట్రం ఇష్టం అనటం ఎంత వరకు సమంజసం ? ఇదే సంస్కృతి అన్ని రాష్ట్రాలకు పాకితే, అధికారం మారిన ప్రతిసారి, ఇలా రాజధానులు మార్చితే, కేంద్రం చూస్తూ ఉంటుందా ?