news

రాష్ట్రంలో శాంతి భద్రతలు పూర్తిగా అదుపు తప్పాయి. ఇప్పటికే అమరావతి ఉద్యమం, తీవ్రంగా ఉంది. ప్రతి రోజు రణరంగా పరిస్థతులు ఉన్నాయి. మహిళలను ఎలా పోలీసులు ట్రీట్ చేస్తున్నారో చూస్తున్నాం. మొన్నటి దాక ప్రశాంతంగా ఉన్న రాష్ట్రం, ఇప్పుడు నిత్యం ఏదో ఒక సంఘటనతో అదుపు తప్పుతూనే ఉంది. ఇప్పుడు ప్రశాంతంగా ఉన్న కాకినాడకులో కూడా ఇప్పుడు ఈ పరిస్థితి వచ్చింది. నిన్న కాకినాడ నగర ఎమ్మెల్యే ద్వారంపూడి చంద్రశేఖరరెడ్డి మాట్లాడిన మురికి భాష అందరూ చూసారు. చంద్రబాబు పై, పవన్ కళ్యాణ్ పై, లోకేష్ పై, లంXXX అనే బూతులతో ఆయన విరుచుకు పడ్డారు. పక్కన మహిళా ఎంపీ కూడా, ఈయన మాట్లాడిన భాషకు, ఆవిడ కూడా నోటి మీద చెయ్యి వేసుకున్నారు. ఇంతలా మాట్లాడారు, ఆ వైసీపీ ఎమ్మేల్యే. అయితే, ఆయన ఏదో ఆవేశంలో మాట్లాడారు, పెద్ద హుందా పదవిలో ఉన్నారు, ఆయన క్షమాపణ చెప్తారని అందరూ అనుకున్నారు. అయితే ఆయన క్షమాపణ చెప్పకపోగా, ఈ రోజు నిరసన చేస్తున్న జనసేన కార్యకర్తల పై రాళ్ళతో, కర్రలతో కొట్టారు.

తమ అధినేత పై ద్వారంపూడి చంద్రశేఖర్‌రెడ్డి అసభ్య వ్యాఖ్యలను చేసారని చెప్తూ, ఆయన వ్యాఖ్యలకు నిరసనగా, భానుగుడి సెంటర్‌లో జనసేన కార్యకర్తలు ఆందోళన చేపట్టారు. ఎమ్మెల్యే క్షమాపణ చెప్పాలని చెప్తూ, ఆయన ఇంటికి బయలుదేరిన జనసేన కార్యకర్తల పై, రాళ్ళ దాడి చేసారు, వైసీపీ కార్యకర్తలు. జనసేన కార్యకర్తలు వస్తున్నారని తెలిసి, అప్పటికే అక్కడ వైసీపీ కార్యకర్తలు ద్వారంపూడి ఇంటి వద్దకు చేరుకొని, జనసేన కార్యకర్తల పై వైకాపా వర్గీయులు రాళ్లు, కర్రలతో దాడి చేశారు. ఈ రాళ్ల దాడిలో పలువురు జనసేన కార్యకర్తలకు గాయాలయ్యాయి. తమ నాయకులను వైసీపీ నేతలు వెంటాడి మరీ కొట్టారని.. ఇదంతా పోలీసుల ఎదుటే జరుగుతున్నా.. ఏమాత్రం పట్టించుకోలేదని జనసేన కార్యకర్తలు ఆరోపిస్తున్నారు.

ఈ నేపథ్యంలో స్పెషల్‌ బ్రాంచి పోలీసులను భారీగా మోహరించారు. కొందరు జనసేన నాయకులు, కార్యకర్తలను పోలీసులు అరెస్టు చేశారు. అయితే బూతులు మాట్లాడిన ఎమ్మెల్యేని కాదని, తమను ఆర్రేస్ట్ చేస్తున్నారని, వాపోతున్నారు. ఈ రాష్ట్రంలో ఎక్కడా ప్రశాంత పరిస్థితి ఉండనిచ్చే పరిస్థితి లేదని, కావాలనే అందరినీ రెచ్చగోడుతున్నారని వాపోతున్నారు. వైసీపీ నాయకులు ఇలా బూతులు మాట్లాడటం ఇది మొదటి సారి కాదు. మంత్రులు, స్పీకర్, ఎమ్మేల్యేలు, ఇలా అందరూ, ఇష్టం వచ్చినట్టు, బూతులు తిడుతూ, ప్రత్యర్ధుల పై విరుచుకు పడుతున్నారు. వీళ్ళు బూతులు తిడుతూ, వీళ్ళను ఎదురు ఎవరైనా ఏమైనా అంటే, వారిని తీసుకువెళ్ళి లోపల వేస్తున్నారు. పోలీసులు కూడా, ఏమి చెయ్యాలని పరిస్థితి.

అమరావతి ప్రాంత రైతులకు, రోజు రోజుకీ మద్దతు పెరుగుతుంది. 26 రోజులుగా అమరావతి రైతులు ఆందోళన చేస్తున్నా ప్రభుత్వం మాత్రం స్పందించటం లేదు. 26 రోజుల క్రితం, కేవలం 29 గ్రామాల సమస్యగా మొదలైన అమరావతి ఉద్యమం, నేడు ఆంధ్రప్రదేశ్ అంతటా పాకింది. అయితే, ఈ 26 రోజులు నుంచి ప్రభుత్వం మాత్రం, మీ సమస్య ఏమిటి అని మాత్రం, రైతులని అడగలేదు. ఇక పొతే, అమరావతి ఉద్యమానికి అన్ని వర్గాల నుంచి మద్దతు లభిస్తుంది. ముఖ్యంగా అన్ని ప్రాంతాల్లో మహిళలు వారికి మద్దతుగా నిలుస్తున్నారు. ఇక పొతే, అన్నిటికంటే ముందు ఉండాల్సిన సినీ పరిశ్రమ మాత్రం, ఇటు వైపు కూడా చూడటం లేదు. కేవలం హీరో నారా రోహిత్, సింగర్ స్మితా మాత్రమే, అమరావతి ఉద్యమానికి మద్దతు పలికారు. చిరంజీవి లాంటి అగ్ర హీరో అయితే, మొదటి రోజే, అద్భుతమైన నిర్ణయం తీసుకున్న జగన్ రెడ్డి అంటూ, భజన చేసారు. దీంతో సినీ పరిశ్రమ పై, ఏపి వ్యాప్తంగా వ్యతిరేకత వస్తుంది. ఇక్కడ ఎక్కువ కలెక్షన్లు తెచ్చుకుని, ఏపిని మాత్రం పట్టించుకోరు అని ప్రజలు వాపోతున్నారు.

ఈ సందర్భంలో, తెలుగు సినీ ఇండస్ట్రీ దిగ్గజ నిర్మాతలో ఒకరైన ప్రముఖ నిర్మాత అశ్వినీదత్, ఈ రోజు అమరావతి ప్రాంతంలో పర్యటించారు. అక్కడ రైతులు చేస్తున్న ఉద్యమానికి మద్దతు ఇచ్చారు. ఈ సందర్భంగా ఆయన మాట్లాడుతూ, సొంత సినీ పరిశ్రమ పై, చిరంజీవి పై సంచలన వ్యాఖ్యలు చేసారు. మూడు రాజధానులు భేష్ అంటూ మెగాస్టార్ చిరంజీవి తీసుకున్న నిర్ణయాన్ని, అయన విజ్ఞతకే వదిలేస్తున్నానని అశ్వినీదత్ అన్నారు. చిరంజీవికి అసలు ఏమి తెలుసనీ, ఆయనకు ఏమి తెలియదు కాబట్టే, మూడు రాజధానులు బాగుంటుందని చెప్పారని అన్నారు. ప్రపంచంలో ఎక్కడైనా ఒకటి కంటే ఎక్కువ రాజాధనులు ఉన్న ప్రాంతాలు, ఫెయిల్ అయ్యాయనే విషయం చిరంజీవికి తెలియదా అని ప్రస్నిన్చాఉర్.

పవన కళ్యాణ్ సినిమాల్లోకి వస్తే, ఆయానకు కోట్లు వస్తాయని, సినిమాలు వదిలేసి ఆయన రైతులు కోసం ఎందుకు పోరాడుతున్నారో, చిరంజీవికి తెలియదా అని అశ్వినీదత్ ప్రశ్నించారు. ఇక పృథ్వీ మాట్లాడిన మాటలు ఎవరూ పట్టించుకోనవసరం లేదని, అతనికి విలువే లేదని, అలంటి వాడి మాటలకు విలువ ఇవ్వాల్సిన పని లేదని అశ్వినీదత్ అన్నారు. రైతులు, సినీ పరిశ్రమమద్దతు ఇవ్వమని అడగనవసరం లేదని, సినిమాలు చూడటం మానిస్తే చాలని, సినీ ఇండస్ట్రీ మొత్తం, దిగి వచ్చి, మీ ముందు ఉంటుంది అని అన్నారు. ఈ గడ్డ పై పుట్టిన వాళ్ళు సూపర్ స్టార్లు అయ్యారని, నటుడిగా కాకున్నా, కనీసం మనిషిగా అయినా స్పందించాలని అన్నారు. రాజధాని రైతులను చూస్తే ఆవేదన కలుగుతోందని అశ్వినీదత్ అన్నారు. సొంత ఇండస్ట్రీ పై, అశ్వినీదత్ చేసిన వ్యాఖ్యలు, సినీ ఇండస్ట్రీలో ఎలాంటి రియాక్షన్ ఇస్తుందో మరి.

అమరావతి ఉద్యమం కేవలం, రెండు జిల్లాలకే, అది కూడా కేవలం ఒక కులానికే పరిమితం అంటూ, వైసీపీ ముందు నుంచి ప్రచారం చేసింది. పది మంది లేరు అని అవహేళన చేసారు. అయితే వందల సంఖ్యలో రైతులు రోడెక్కారు. పెయిడ్ ఆర్టిస్టులు అన్నారు. ఆగ్రహంతో వేలాదిగా మహిళలు రంగంలోకి దిగి కదం తొక్కారు. 4 గ్రామాల వారే ఉద్యమం చేస్తున్నారు అని నవ్వారు. వేలాదిగా విద్యార్థులు ఉద్యమానికి తోడై జాతీయ రహదారులను సైతం స్తంభించారు. 29 గ్రామాల్లో జరిగితే ఉద్యమమా?రైతు అనేవాడు గోచి కట్టుకొని నోరు మూసుకొని బురదలో ఉండాలి అని ఎద్దేవా చేసారు. 2 జిల్లాల ప్రజలు రోడ్ల పైకి వచ్చి సింహాల్లా గర్జించారు. డ్రామా కంపెనీ వాళ్లు రోడ్ల పైకి వచ్చారు అంటూ కించపర్చారు. 4 జిల్లాలో ఉద్యమం పురుడు పోసుకొని అమరావతి కోసం గొంతు విప్పుతున్నారు. వాళ్లంతా రైతులు కాదు రియల్ ఎస్టేట్ బ్రోకర్లు అంటూ అరవడం మొదలు పెట్టారు. 13 జిల్లాలో మాకు వద్దు ఈ మూడు రాజాధానులు,ముప్పై రాజధానులు అంటూ సకల జనులు నినదిస్తున్నారు.

మహిళల్ని రోడ్ల పై ఈడ్చుకెళ్ళి,లాఠీ ఛార్జ్ చేసి సాయంత్రం ఆరు దాటిన తరువాత కూడా స్టేషన్ లో నిర్బంధించారు. అనారోగ్యంతో చస్తే ఉద్యమం కోసం చనిపోయారు అని బిల్డ్ అప్ ఇస్తున్నారు అని అన్నారు. ప్రాణాలైనా అర్పిస్తాం ,అమరావతి ని సాధిస్తాం అని రైతులు ,మహిళలు ,విద్యార్థులు అనే పరిస్థితి తెచ్చారు. ఇప్పుడు రాయలసీమలో కూడా ఇది కళ్ళారా చూసే పరిస్థితి వచ్చింది. ఈ రోజు అమరావతి జేఏసీ తరుపున, చిత్తూరు జిల్లా తిరుపతిలో పెద్ద ర్యాలీ జరిగింది. ఇందులో చంద్రబాబుతో పాటుగా, ఇతర పార్టీ నేతలు పాల్గున్నారు. ఉదయం నుంచి అనేక నిర్బంధాలు చేసారు. ర్యాలీకి పర్మిషన్ లేదు అంటూ, ఎక్కడికక్కడ నేతలను హౌస్ అరెస్ట్ చేసారు. పోలీసులు అనేక ఆంక్షలు పెట్టరు.

చివరకు చంద్రబాబు తిరుపతిలో అడుగు పెట్టటంతో, ఇక తప్పక షరతులతో కూడిన అనుమతులు ఇచ్చారు. అయితే, ఈ రోజు ర్యాలీకి, మచిలీపట్నం, రాజమండ్రి కంటే ఎక్కువ మంది ప్రజలు వచ్చారు. రాయలసీమలో, అమరావతికి వచ్చిన ఈ రెస్పాన్స్ చూసి, వైసీపీలో కలవరం మొదలైంది. అమరావతి పై ఎంత వ్యతిరేకత తీసుకువద్దాం అని ప్రయత్నం చేసినా, తమకు ఎంతో బలం ఉన్న రాయలసీమలో, ప్రజలు ఒకే రాజధానికి మద్దతు తెలపటం పై, వైసీపీలో అంతర్మధనం మొదలైంది. రాయలసీమ ప్రజలు మద్దతు పలకటం పై చంద్రబాబు ట్వీట్ చేసారు... "ఉదయం నుంచి తిరుపతిలో హౌస్ అరెస్ట్ లు చేసారు. ప్రజలని నిర్బంధించారు. అడుగడుగునా ఆంక్షలు పెట్టారు. నిర్బంధాలు దాటుకుని రాజధాని అమరావతి పరిరక్షణ కోసం జేఏసీ ఆధ్వర్యంలో తిరుపతిలో జరిగిన ర్యాలీలో భారీ ఎత్తున హాజరై సంఘీభావం చెప్పారు చిత్తూరు జిల్లా ప్రజలు. రాయలసీమ నినదిస్తోంది 'జై అమరావతి' అని, 'ఒకే రాష్ట్రం-ఒకే రాజధాని' అని!" అంటూ చంద్రబాబు ట్వీట్ చేసారు.