news

ఆంధ్రప్రదేశ్ కు చెందిన జనాభా యొక్క ఓట్లు తొలగించడం ఇప్పుడు రాష్ట్ర రాజకీయ వర్గాల్లో పెద్ద ధుమారాన్నే రేపుతోంది.అయితే ఇదంతా చంద్రబాబు కుట్రే బి జగన్ కాదు ఇదంతా జగన్ కుట్రే అని చంద్రబాబు ఒకరి మీద ఒకరు తీవ్ర స్థాయిలో విమర్శించుకుంటున్నారు.అయితే ఇప్పుడు బయటకి వస్తున్న ఒక్క అంశాన్ని పరిగణలోకి తీసుకున్నట్లయితే ఇప్పుడు కలకలంగా మారిన ఈ ఓట్ల తొలగింపు చర్య పక్కాగా ప్రతిపక్ష నేత వై ఎస్ జగన్మోహన్ రెడ్డి ప్రమేయం తోనే జరుగుతుందన్న అనుమానం వస్తుంది. జగన్ సూచనల మేరకే ఆ పార్టీకి చెందిన నేతలు ఫారం 7 పేరిట కావాలనే తొలగిస్తున్నారని తెలుస్తుంది. ఈ విషయం పైనే నిన్న వైసీపీ కి చెందిన బొత్స సత్యన్నారాయణ కూడా నోరు జారేసారు. జగన కూడా తామే ఫారం 7 ద్వారా, ఓట్లు తొలగిస్తున్నామని ఒప్పుకున్నారు.

కానీ అది తడబాటు అని అనుకుందాం ఇప్పుడు మాత్రం తెలుస్తున్న సమాచారం ప్రకారం ఈ తతంగం వెనుక ఉన్నది జగనేనా అన్న సందేహం అయితే తప్పకుండా వస్తుంది.కృష్ణ జిల్లా చంద్రల్లపాడు మండలం ఏటూరులో వైసీపీ బూత్ కన్వీనర్ గా పనిచేస్తున్నటువంటి జానకి రామారావు అనే వ్యక్తి ఆ పార్టీకి రాజీనామా చేసేసారు.. ఎవరో చేసిన రాజీనామాకి దీనికి ఏం సంబంధం ఉంది అనుకుంటున్నారా? ఇక్కడే అసలు రహస్యం బయటకు వచ్చింది.ఇతను రాజీనామా చేసిన తర్వాత కొన్ని సంచలన నిజాలు బయటపెట్టారు.తనని కొంత మంది వైసీపీ సీనియర్ నేతలు కలిసి తన ప్రమేయం లేకుండా తన సంతకాన్ని చేపట్టి తన బంధువులు,స్నేహితుల ఓట్లను తొలగించేశారని సంచలనం సృష్టించారు.ఆ తర్వాత ఇదేంటి అని వారిని ప్రశ్నిస్తే నీకేం పర్లేదు మేము చూసుకుంటామని మాట్లాడారని తెలిపారు.

పూర్తి వివరాలు ఇలా ఉన్నాయి... కృష్ణా జిల్లా చందర్లపాడు మండలం ఏటూరుకు చెందిన వైసీపీ నేత జానకి రామారావు పార్టీపై చేసిన ఆరోపణలు కలకలం రేపుతున్నాయి. వైసీపీ 36వ బూత్ కన్వీనర్‌గా ఉన్న జానకి రామారావు.. తన ప్రమేయం లేకుండానే.. సంతకం తీసుకుని 60 ఓట్లను ఫారం సెవెన్‌ ద్వారా తొలగించారన్నారు. ఎందుకిలా ఓట్లు తొలగించారని అడిగితే.. అంతా మేం చూసుకుంటామన్నారని వివరించారు. ఓట్ల తొలగింపుతో.. అందరూ తనను దూషిస్తున్నారని ఆవేదన వ్యక్తం చేశారు. దీంతో.. ఓట్ల తొలగింపులానే మరో కుట్ర చేసి తనపై అభాండాలు వేస్తారనే భయంతో.. టీడీపీలో చేరినట్లు జానకీ రామారావు స్పష్టం చేశారు.తన పేరిట ఓట్ల తొలగింపుపై జానకీ రామారావు పోలీసులకు ఫిర్యాదు చేశారు.

పశ్చిమగోదావరి జిల్లాలో కీలకమైన తాడేపల్లిగూడెం నియోజకవర్గంపై ముఖ్య మంత్రి చంద్రబాబు దృష్టి సారించారు.అసెంబ్లీ అభ్యర్థిత్వాన్ని జడ్పీ చైర్మన్‌ ముళ్లపూడి బాపిరాజు, సమన్వయకర్త ఈలినాని, మునిసిపల్‌ చైర్మన్‌ బొలిశెట్టి శ్రీనివాస్‌ ఆశిస్తున్నారు. ముగ్గురు నాయకులు కూడా తమ ఆకాంక్షను నేరుగా సీఎం చంద్రబాబు ముందుంచారు.రాష్ట్ర స్థాయి నాయకులతో సంప్రదింపులు జరుపు తున్నారు. సీఎంపై ఒత్తిడి పెంచుతున్నారు. చాపకింద నీరులా తమ ప్రయత్నాలు సాగిస్తున్నారు. ఈ నేపథ్యంలోనే ఇంటెలిజెన్స్‌ వర్గాల నుంచి, పార్టీ శ్రేణుల వరకూ ముళ్లపూడి, నాని, బొలిశెట్టి పేర్లతోనే అధిష్ఠానం ఆరా తీసింది.

ముగ్గురి అభ్యర్థిత్వాలపై సర్వే సాగింది. దీనిపై నియోజకవర్గంలోనూ తీవ్ర ఉత్కంఠ నెలకొంది. ఎవరికి టిక్కెట్టు దక్కుతుందోనన్న ఆతృత పార్టీ శ్రేణుల్లో ఉంది. ఇప్పటికే నర్సాపురం పార్లమెంట్‌ పరిధిలో తాడేపల్లిగూడెం నియోజకవర్గం మినహా మిగిలిన అన్ని అసెంబ్లీ నియోజకవర్గాల్లో అభ్యర్థులను ఖరారు చేశారు. సిట్టింగ్‌లకే అవకాశం కల్పించారు. వారంతా ప్రచారాన్ని ప్రారంభించారు. తాడేపల్లిగూడెంపై సీఎం చంద్రబాబు ఎటువంటి నిర్ణయం తీసుకోలేదు. కేవలం రాష్ట్ర స్థాయిలో సమీక్ష నిర్వహించారు. నియోజకవర్గ సమన్వయ కమిటీ నుంచి అభిప్రాయాలను సేకరించారు.నిర్ణయాన్ని పెం డింగ్‌లో పెట్టారు. ముగ్గురు ఆశావహులు కూడా ఎవరికి వారే తమకే టిక్కెట్టు వస్తుందంటూ ధీమాతో ఉన్నారు.

ఈ మేరకు గురువారం రాజధానిలో ముళ్లపూడి, నాని, బొలిశెట్టిలతో ముఖ్య మంత్రి సమావేశం కానున్నారు. ముగ్గురు సర్దుబాటు ధోరణిలో పయనించాలంటూ ముఖ్యమంత్రి దిశానిర్దేశం చేసే అవకాశాలు కనిపిస్తున్నాయి. తాడేపల్లిగూడెం నియోజకవర్గంలో సామాజిక సమీకరణలు కీలక పాత్ర వహిస్తుండడంతో ముఖ్యమంత్రి చంద్ర బాబు ఎటువంటి నిర్ణయం తీసుకుంటారనే దానిపై ఇప్పుడంతా ఆసక్తిగా ఎదురు చూస్తున్నారు.ముగ్గురు నాయకులతో సంప్రదిం పులు జరిపిన తర్వాత ముఖ్యమంత్రి ఒక నిర్ణయానికి వచ్చే అవకాశం ఉంటుందని రాజకీయ వర్గాలు భావిస్తున్నాయి.

ప్రతిసారీ ఓటు వేస్తున్నాం కదా... మా ఓట్లు ఇప్పుడు లేవేంటీ? అని సామాన్య ప్రజలే కాదు... ఏకంగా మంత్రి ఫరూక్‌ కూడా ఆశ్చర్యపోయారు. ఆయన కుటుంబంలో ఏడుగురి ఓట్లు గల్లంతు కావడం కలకలం రేపుతోంది. ఫరూక్‌ కు ఐదుగురు కొడుకులు, ఒక కూతురు. కొడుకులు, కోడళ్లు, కూతురు, అల్లుడుకి నంద్యాలలోని 72వ పోలింగ్‌ కేంద్రంలో ఓట్లు న్నాయి. అయితే ఫరూక్‌ కుటుంబంలోని 7 ఓట్లు, ఫరూక్‌ అన్నదమ్ముల కుటుంబాల్లోని మరికొన్ని ఓట్లు గల్లంతైనట్లు వెలుగులోకి వచ్చింది. మంత్రి ఫరూక్‌ మాట్లాడుతూ వైసీపీ నాయకులు పథకం ప్రకారం ఓట్లను గల్లంతు చేయించారని ఆరోపించారు. రాష్ట్రంలో 54 లక్షల ఓట్లు తొలగించాలని జగన్‌ లక్ష్యంగా పెట్టుకున్నారని ఆరోపించారు. ఈ మొత్తం వ్యవహారానికి బీజేపీ నేతలే సలహాదారులని విమర్శించారు.

ఈ విషయం పై తెలుగుదేశం పార్టీ ఆరోపణలకు పదును పెట్టింది. తెలంగాణలో అధికారంలోకి రావడానికి టీఆర్‌ఎస్‌ 24లక్షల ఓట్లు గల్లంతు చేయిస్తే, ఏపీలో సీఎం కుర్చీ ఎక్కడానికి వైసీపీ 52లక్షల ఓట్లను తొలగించడానికి స్కెచ్‌ వేస్తోందని మంత్రి దేవినేని ఉమామహేశ్వరరావు అన్నారు. బుధవారం విజయవాడలో, మైలవరంలో ఆయన మీడియాతో మాట్లాడుతూ... టీఆర్‌ఎస్‌, బీజేపీతో కలిసి జగన్‌ రాజకీయ డ్రామాలు ఆడుతున్నారని విమర్శించారు. ఓట్ల తొలగింపునకు తన పార్టీయే స్వయంగా ఫామ్‌-7ను సమర్పించిందని జగనే ఒప్పుకున్నందున ఆయనపై ఎన్నికల కమిషన్‌ చర్యలు తీసుకోవాలని డిమాండ్‌ చేశారు.

చంద్రబాబు అమలు చేస్తున్న సంక్షేమ పథకాలను చూస్తున్న ప్రతిపక్ష నేత జగన్‌కు వైసీపీ అధికారంలోకి వచ్చే అవకాశం లేదని అర్థమైందని, గెలిచే సత్తా లేకే బీజేపీ, టీఆర్‌ఎ్‌సలతో కలిసి కుట్రలు చేస్తున్నారని మంత్రి అచ్చెన్నాయుడు తునిలో ఆరోపించారు. నేరగాళ్లకు ఇలాంటి ఆలోచనలే వస్తాయన్నారు. ఈ మూడు పార్టీలు కలిసి ప్రభుత్వ పథకాలను పక్కదారి పట్టించాలని చూస్తున్నాయని విమర్శించారు. వైసీపీ అధినేత వ్యవహార శైలి... దొంగే దొంగ అని అరిచినట్లుందని మంత్రి ప్రత్తిపాటి పుల్లారావు విమర్శించారు. గుంటూరులో బుధవారం మీడియాతో మాట్లాడుతూ.. జగన్‌ నేర మనస్తత్వం ఫామ్‌-7 దాఖలుతో బహిర్గతమైందని అన్నారు. రాజ్యాంగం కల్పించిన ఓటు హక్కునే తొలగించేందుకు ప్రయత్నించిన జగన్‌.. అధికారంలోకి వస్తే ప్రజల ఆస్తులను ఉండనిస్తారా? అని మంత్రి ప్రశ్నించారు.