news

ఎన్నికల నోటిఫికేషన్ వచ్చిన సందర్భంగా, ఆదివారం రాత్రి చంద్రబాబు విలేకరులతో మాట్లాడారు. ‘ఇప్పటిదాకా ఆస్తుల దొంగలు, జేబు దొంగలు, భూకబ్జాదారులు ఉండేవారు. ఇప్పుడు ఓట్ల దొంగలొచ్చారు జాగ్రత్త. ఓటు లేకపోతే ఎన్నికల్లేవు. ప్రతిపక్ష నేతలు మీ ఓట్లను దొంగిలిస్తున్నారు. బతికుండగానే మనుషుల్ని చంపేస్తున్నారు. బిహార్‌లో కూర్చుని ఇక్కడ ఓట్లు తీసేస్తున్నారు. మీ ఓటు తొలగించినా... మళ్లీ నమోదు చేసుకునేందుకు ఈ నెల 15 వరకూ సమయం ఉంది. కాబట్టి ప్రతి ఒక్కరూ ఉదయం లేచాక ఒకసారి, మధ్యాహ్నం ఒకసారి, రాత్రి నిద్రపోయే ముందు ఒకసారి మీ ఓటు ఉందో లేదో చూసుకోండి. ఆ దొంగలు ఎప్పుడైనా మీ ఓట్లను కొట్టేయవచ్చు. ఈ నెల 15 అర్ధరాత్రి 12 గంటలకు ఒకసారి చెక్‌ చేసుకోండి. మీ ఓటు ఉందో లేదో చూసుకోవడానికి 1950 నంబరుకు ఫోన్‌ చేయండి. లేకపోతే ఎన్నికల సంఘం వెబ్‌సైట్‌లో చూడండి. ఓటే మీ ఆయుధం దాన్ని కోల్పోవద్దు. ఫారం-7ని దుర్వినియోగం చేసినవారిపై కేసులు పెట్టి అరెస్టు చేయాలని కేంద్ర ఎన్నికల సంఘాన్ని కలసి డిమాండు చేస్తాం’ అని సీఎం తెలిపారు.

అధికారులు, పారిశ్రామికవేత్తల్ని జైలుకు తీసుకెళ్లిన చరిత్ర వైకాపా నాయకులదని, వాళ్ల మాయలో పడవద్దని యువతకు చంద్రబాబు విజ్ఞప్తి చేశారు. హార్వర్డ్‌ విశ్వవిద్యాలయంలో... ఆర్థిక నేరాలు ఎలా చేస్తారన్న అంశానికి సంబంధించిన పాఠ్యాంశంలో జగన్‌ చేసిన నేరాల్ని ఒక కేస్‌ స్టడీగా వివరిస్తున్నారని, దాన్నిబట్టే వైకాపా నాయకులు రాష్ట్ర ప్రతిష్ఠను ఏ మేరకు దెబ్బతీశారో అర్ధమవుతుందని తెలిపారు. ‘18- 35 ఏళ్ల వయసున్న యువత ఎమోషనల్‌గా ఉంటారు. వాళ్లు ప్రాక్టికల్‌గా ఆలోచించాలి. ఏ ప్రభుత్వం, ఏ పార్టీ వారి భవిష్యత్తుకు భరోసా ఇస్తుందో ఆ పార్టీకి అండగా ఉండాలి. వైకాపా నాయకులేదో ప్రభుత్వాన్ని తిడుతున్నారు కదా? అని వాళ్లకు ఓటు వేస్తే మీ భవిష్యత్తు అంధకారమవుతుంది’ అని పేర్కొన్నారు.

‘విభజన జరిగిన ఐదేళ్లయినా వైకాపా నాయకులు హైదరాబాద్‌లోనే ఉంటూ... లోటస్‌పాండ్‌ కేంద్రంగా కుట్రలు చేస్తున్నారు. వాళ్లు వ్యక్తిత్వం లేనివారు. తెరాసకు బానిసలు. మోదీ, కేసీఆర్‌లకు ఊడిగం చేస్తున్నారు. వాళ్లకు మీరు ఓటేస్తే కేసీఆర్‌కి వేసినట్టే. తెలంగాణ రూ.5వేల కోట్ల కరెంటు బకాయిలు చెల్లించాల్సి ఉండగా... మనమే రూ.2వేల కోట్లు ఇవ్వాలని ఎదురుదాడి చేస్తున్నారు’ అని మండిపడ్డారు. జగన్‌కు కేసీఆర్‌ ఎన్ని డబ్బులిచ్చినా, ఎన్ని కుట్రలు, కుతంత్రాలు పన్నినా తననేమీ చేయలేరన్నారు. కేసీఆర్‌ పన్నాగాలు తెలంగాణలో పనిచేస్తాయేమోగానీ, తన దగ్గర కాదన్నారు. వచ్చే ఎన్నికల్లో తెదేపా గెలుపు ఏకపక్షమేనని చంద్రబాబు ధీమా వ్యక్తం చేశారు. కేసీఆర్‌కు ఊడిగం చేస్తున్న జగన్‌, బిహార్‌ నుంచి పనిచేస్తున్న ప్రశాంత్‌ కిశోర్‌, వీరికి సహకారం అందిస్తున్న కుట్రదారులంతా కలిసి కులం, మతం, ప్రాంతం అన్నీ రెచ్చగొట్టే ప్రయత్నం చేస్తారని చంద్రబాబు తెలిపారు.

ఏపీ, తెలంగాణ రాష్ట్రాల్లో త్వరలో జరగబోయే లోక్ సభ ఎన్నికల్లో ఏ పార్టీలు విజయం సాధిస్తాయన్న విషయాన్ని సీ-ఓటర్ సర్వే వెల్లడించింది. సర్వే వివరాల ప్రకారం.. తెలంగాణలో మజ్లిస్ తో కలిసి టీఆర్ఎస్ క్లీన్ స్వీప్ చేస్తుందని, టీఆర్ఎస్ కు 16 సీట్లు, ఎంఐఎం ఒక స్థానంలో విజయం సాధిస్తాయని తెలిపింది. కాంగ్రెస్ పార్టీకి ఒక్క సీటు కూడా దక్కదని అభిప్రాయపడింది. ఇక, ఏపీలో ‘సైకిల్’ జోరు ఉంటుందని, టీడీపీ ఆధిక్యత కనబరుస్తుందని పేర్కొంది. టీడీపీకు 14 సీట్లు, వైసీపీకు 11 సీట్లు వస్తాయని సీ-ఓటర్ సర్వే తెలిపింది. అయితే మొన్నటి దాక ఈ సర్వేలో జగన్ కు 22 ఎంపీ సీట్లు వస్తాయని ఊదరగొట్టారు. ఇప్పుడు ఎన్నికలు దగ్గర పడే కొద్దీ ట్యూన్ మారుస్తున్నారు.

ఈ సర్వే పై చంద్రబాబు స్పందించారు. నిన్న జరిగిన ప్రెస్ మీట్ లో సీ ఓటర్‌ సర్వేలో తెలుగుదేశం పార్టీకి 14 ఎంపీ సీట్లు, వైసీపీకి 11ఎంపీ సీట్లు వస్తాయని వచ్చినట్లు పాత్రికేయులు చెప్పగా... ‘‘ ఏ ఊరెళ్లినా సైకిల్‌, తెలుగుదేశం అనే అంటారు. మా గ్రాఫ్‌ రోజురోజుకూ పెరుగుతోంది. ఈ ఎన్నికలు ఏకపక్షంగా జరుగుతాయి. ద్రోహులకు ఇక్కడ స్థానం లేదు. అభివృద్ధిని అడ్డుకునే వారిని రాష్ట్ర ప్రజలు సహించరు’’ అని తెలిపారు. పాతిక లోక్‌సభ స్థానాలు, 175 అసెంబ్లీ స్థానాల్లో గెలుపే లక్ష్యంగా ముందుకెళ్తామన్నారు.ఈ ఎన్నికలు ఆంధ్రుల ఆత్మగౌరవానికి సంబంధించినవని చంద్రబాబు పేర్కొన్నారు. ‘‘కేసీఆర్‌ పంచన చేరి, తెలంగాణకు ఊడిగం చేసే జగన్‌తో కాదు! జగన్‌ను ముందు పెట్టి ఆంధ్రపై పెత్తనం చేద్దామనుకుంటున్న కేసీఆర్‌తోనే పోటీ! కేసీఆర్‌ కావాలా? చంద్రబాబు కావాలా?’’ అని ప్రశ్నించారు. అసలు జగన్‌కు ఉన్న అర్హత ఏమిటని చంద్రబాబు ప్రశ్నించారు. ఆయన అవినీతి గురించి అంతర్జాతీయ ప్రసిద్ధి పొందిన హార్వర్డ్‌ విశ్వవిద్యాలయంలో పేపర్‌ ప్రజెంట్‌ చేశారని తెలిపారు.

ఒకప్పుడు జేబుదొంగలు, ఆస్తి దొంగలు, గొలుసు దొంగలుండేవారని... ఇప్పుడు ఓట్ల దొంగలొచ్చారని చంద్రబాబు విమర్శించారు. ‘‘బిహార్‌లో కూర్చుని అక్కడి నుంచే కంప్యూటర్‌ ద్వారా ఇక్కడున్నవారి పేర్లతో ఓట్లు తీసేయాలంటూ ఫామ్‌-7దరఖాస్తులు పెట్టారు. ఇది ఎంత దుర్మార్గం! ఓటు లేకుంటే ఎన్నికలు లేవు. మీ ఓటు ఉందో లేదో ఇప్పుడే తనిఖీ చేసుకోండి. 15వ తేదీ వరకు ఓటుకోసం దరఖాస్తు చేసుకోవచ్చు’’ అని తెలిపారు. ఫామ్‌-7 అక్రమాలపై ఫిర్యాదు చేసేందుకు, అదే సమయంలో జాతీయ స్థాయిలో ఏం చేయాలన్నదానిపై అన్ని పార్టీలతో మాట్లాడేందుకు త్వరలోనే ఢిల్లీకి వెళతానని చంద్రబాబు చెప్పారు.

సార్వత్రిక ఎన్నికల నగరా మోగడంతో ఆంధ్రప్రదేశ్ రాజకీయం మరింత వేడెక్కింది. ఎన్నికల్లో మరోసారి గెలిచేందుకు టీడీపీ అధినేత చంద్రబాబు కసరత్తు చేస్తున్నారు. ఇందులో భాగంగా సోమవారం పార్టీ నేతలతో టెలికాన్ఫరెన్స్ నిర్వహించారు. ఎన్నికలకు తక్కువ సమయం ఉన్న నేపథ్యంలో ఓటర్లకు ఎలా చేరువకావాలో దిశానిర్దేశం చేశారు. ఇదే సమయంలో ప్రతిపక్ష పార్టీ వైసీపీపై, బీజేపీ, టీఆర్ఎస్‌పైనా తీవ్ర విమర్శలు చేశారు. వైసీపీ అధినేత జగన్‌పై చంద్రబాబు తీవ్రస్థాయిలో విమర్శలు చేశారు. జగన్ కరుడుగట్టిన నేరస్థుడు అని, ఆయన్ని నమ్మితే జైలుకు పంపుతాడని వ్యాఖ్యానించారు. అవినీతి కేసుల్లో జైలుకెళ్లిన జగన్.. తనతోపాటు అనేక మందిని జైలుపాలు చేశాడని విమర్శించారు. వైఎస్సార్ కాంగ్రెస్ నేర చరిత్ర ఉన్న పార్టీ అని దుయ్యబట్టారు. ఆ పార్టీతో పోరాటంలో ఏమాత్రం ఏమరపాటుగా ఉండరాదన్నారు.

సార్వత్రిక ఎన్నికల నగరా మోగడంతో ఆంధ్రప్రదేశ్ రాజకీయం మరింత

ప్రతిరోజూ నేరాలు చేయడం వైసీపీకి అలవాటు అని నిప్పులు చెరిగారు. వాటిని కప్పిపెట్టడానికే మరిన్ని నేరాలు చేస్తున్నారని అన్నారు. నేరగాళ్ల ఆలోచనలు నేరాలు-ఘోరాల మీదే ఉంటాయని వ్యాఖ్యానించారు. త్వరలో జరగనున్న ఎన్నికల్లో కుట్రలు చేసి గెలవాలని వైసీపీ చూస్తోందని ఆరోపించారు. చరిత్రలో కుట్రదారులు గెలిచిన దాఖలాలు లేవన్నారు. ధర్మాన్ని ఏమార్చడం ఎవరి వల్లా కాదని, సత్యానికి ఉన్న శక్తి గొప్పదని పేర్కొన్నారు. ధర్మపోరాటంలో టీడీపీదే విజయం అని చంద్రబాబు ధీమా వ్యక్తం చేశారు. అభివృద్ధి, సంక్షేమం పనుల్లో తెలుగుదేశం నిమగ్నమై ఉంటే.. కుట్రలు చేసే పనుల్లో మోదీ, కేసీఆర్, జగన్ నిమగ్నమై ఉన్నారని దుయ్యబట్టారు.

సార్వత్రిక ఎన్నికల నగరా మోగడంతో ఆంధ్రప్రదేశ్ రాజకీయం మరింత కేసీఆర్ విషయమై ప్రత్యేకంగా ప్రస్తావించిన సీఎం చంద్రబాబు.. ఆయన నోరు ఎలా మూయించాలో తమకు బాగా తెలుసునని వ్యాఖ్యానించారు. ‘మనం అంతా ఓటర్లతో మమేకం అవుతున్నాం.. వాళ్లంతా ఓట్లు తొలగించే కుట్రల్లో ఉన్నారు. మనం గ్రామాలు-వార్డులు తిరిగే పనుల్లో ఉన్నాం. వాళ్లు ఇతర రాష్ట్రాల్లో ఉంటూ ఫారం-7 ద్వారా కుట్రలు చేస్తున్నారు’ అని చంద్రబాబు ఆరోపించారు. వైసీపీ, టీఆర్ఎస్, బీజేపీ కుట్రలు తిప్పికొట్టాలని పార్టీ శ్రేణులకు పిలుపునిచ్చారు. మూడు పార్టీల కుతంత్రాలకు ఈ ఎన్నికలు సమాధానం కావాలన్నారు.