news

విజయసాయి రెడ్డి అంటే, వైసీపీలో ఎంత స్థాయి వ్యక్తి అనేది అందరికీ తెలిసిందే. జగన్ మోహన్ రెడ్డి నెంబర్ వన్ అయితే, విజయసాయి రెడ్డి నెంబర్ 2 గా గుర్తింపు తెచ్చుకున్నారు. పార్టీలో విజయసాయి రెడ్డి అంటే, అందరికీ భయం, గౌరవం, భక్తి ఇలా అన్నీ ఉన్నాయి. ఇలాంటి పవర్ ఉన్న విజయసాయి రెడ్డి పై, మంత్రి పేర్ని నాని చేసిన వ్యాఖ్యలు సంచలనంగా మారాయి. ఈ రోజు క్యాబినెట్ మీటింగ్ జరిగిన తరువాత, క్యాబినెట్ లో జరిగిన విషయాల పై, ఆయన ఈ రోజు ప్రెస్ కాన్ఫరెన్స్ పెట్టారు. ఈ సందర్భంగా, మీడియా అడిగిన ప్రశ్నకు మంత్రి పేర్ని నాని స్పందిస్తూ, ఈ వ్యాఖ్యలు చేసారు. విజయసాయి రెడ్డి రెండు రోజుల క్రితం, 28న జగన్ మోహన్ రెడ్డి వైజాగ్ వస్తున్నారని, ఆయనకు భారీ స్వాగతం పలకాలని, ఏకంగా కల్లెక్టరేట్ లోనే, రివ్యూ మీటింగ్ పెట్టి, 24 కిమీతో మానవహారం పెట్టి, జగన్ కు కనీ వినీ ఎరుగని రీతిలో స్వాగతం పలకలాని, విజయసాయి రెడ్డి, వైజాగ్ లోని ప్రజా ప్రతినిధులను కోరుతూ, హంగామా చేసిన సంగతి తెలిసిందే.

ఇదే ప్రశ్న విలేఖరులు, మంత్రిని అడిగారు. ఒక పక్క రేపు జగన్ వైజాగ్ వస్తున్నారు, విశాఖను పరిపాలనా రాజధాని చేసిన తరువాత మొదటి సారి వస్తున్నారు, వెల్కమ్ చెప్పండి అంటూ మీ విజయసాయి రెడ్డి చెప్పారు కదా, మరి ఇప్పుడు మీరు క్యాబినెట్ లో ఏమి నిర్ణయం తీసుకోలేదు అని చెప్తున్నారు ఏమిటి అని అడగగా, దానికి మంత్రి సమాధానం చెప్తూ, విజయసాయిరెడ్డి చేసిన వ్యాఖ్యలను మంత్రి పేర్ని నాని ఖండించారు. విజయసాయి రెడ్డి ఒక రాజకీయ నాయకుడు, విశాఖ వైసీపీ ఇన్‌చార్జ్‌గా ఆయన ఉన్నారు, ఆయన విశాఖ మీద అభిమానంతో ఇలా చెప్పి ఉంటారు, మీము ప్రభుత్వంగా చెప్తున్నాం, మేము విశాఖ పై ఎలాంటి నిర్ణయం తీసుకోలేదు, కమిటీ నిర్ణయం రావాలి అంటూ, పెర్ని నాని చెప్పారు.

అయితే పెర్ని నాని చేసిన వ్యాఖ్యలు సంచలనంగా మారాయి. ఏకంగా విజయసాయి రెడ్డి మాటలను, ఒక్క మాటలో తీసి పడేసి, ఆయన ఒక రాజకీయ నాయుడు, మేము ప్రభుత్వం, మేము చెప్పిందే ఫైనల్ అంటూ, చెప్పటంతో, అందరూ ఒక్కసారిగా అవాక్కయ్యారు. వైసీపీ శ్రేణులు కూడా మంత్రి, ఏకంగా విజయసాయి రెడ్డిని ఇలా అనటం పై అవాక్కయ్యారు. ఒక పక్క విజయసాయి రెడ్డి, విశాఖలో గ్రాండ్ ఏర్పాట్లు చెయ్యాలి అని చెప్పటం, ఏకంగా వైసీపీ దాన్ని భారీగా ప్రాచారం చెయ్యటంతో, అందరూ వైజాగ్ క్యాపిటల్ అని ఫిక్స్ అయిపోయారు. అయితే, ఇప్పుడు క్యాబినెట్ దాన్ని ఫైనల్ చెయ్యక పోవటం, విజయసాయి రెడ్డి ఒక రాజకీయ నాయకుడు , మేము ప్రభుత్వం అంటూ చెప్పటం, అందరినీ ఆశ్చర్య పరుస్తుంది.

ఈ రోజు క్యాబినెట్ సమావేశం జరుగుతున్న సంగతి తెలిసిందే. జగన్ మోహన్ రెడ్డి తాడేపల్లిలోని తన నివాసం నుంచి, అమరావతి రాజధాని గ్రామాలు మీదుగా, వెలగపూడి సచివాలయం రావలిసి ఉంటుంది. అయితే, ఈ రోజు అమరావతిలో కేవలం అసెంబ్లీ ఉంటుందని, సచివాలయం వైజాగ్ కి వెళ్ళిపోతుందని, హైకోర్ట్ కర్నూల్ కు వెళ్ళిపోతుందని, క్యాబినెట్ నిర్ణయం తీసుకునుంది. ఈ నేపధ్యంలోనే, అమరావతి రాజధాని ప్రజలు, పది రోజులుగా నిరసన తెలుపుతున్నారు. అయితే, క్యాబినెట్ సమావేశం నేపధ్యంలో, ఎక్కడ ప్రజలు నిరసన తెలుపుతారో అని, రైతులు పై అనేక ఆంక్షలు పెట్టరు. అయినా, జగన్ మోహన్ రెడ్డి, సచివాలయం వచ్చే సమయంలో, ఏమైనా ఘటనలు జరుగుతాయి ఏమో అని, అందరూ టెన్షన్ పడ్డారు. అయితే, రైతులను బోల్తా కొట్టించి, తెలివిగా ఎటువంటి ఆందోళనకు గురి కాకుండా, జగన్ మోహన్ రెడ్డి సచివాలయం చేరుకున్నారు. దీంతో పోలీసులు ఊపిరి పీల్చుకున్నారు.

దీనికి పోలీసులు అదిరిపోయే వ్యూహం పన్నారు. రైతులను రోడ్డు మీదకు రావద్దు అన్నా వారు వచ్చి ఉన్నారు. అయితే, ఇవి గ్రామాలు కావటంతో, ఎవరు ఎటు వైపు నుంచి వస్తారో, తెలియని పరిస్థితి. అందుకే పోలీసులు ఓక మాస్టర్ ప్లాన్ వేసారు. ముందుగా జగన్ మోహన్ రెడ్డి సచివాలయం వస్తున్నట్టుగా, ఒక డమ్మీ కాన్వాయ్ ని పంపించారు. అయితే రైతుల నుంచి పెద్దగా ఎక్కడా ప్రతిఘటన లేకపోవటం, ఎలాంటి ఆవంచనీయ ఘటనలు లేకపోవటంతో, వెంటనే దాని వెనుక జగన్ మోహన్ రెడ్డి అసలు కాన్వాయ్ వచ్చింది. ఎలాంటి ఘటనలు జరగకుండా, కాన్వాయ్ సచివాలయానికి చేరుకుంది. దీంతో అటు పోలీసులు, ఇటు జగన్ బద్రత సిబ్బంది, ఊపిరి పీల్చుకున్నారు. ఎలాం ఆటంకం కలగక పోవడంతో పోలీసులు ఊపిరిపీల్చుకున్నారు.

ఇది ఇలా ఉంటే, సచివాలయంలో, క్యాబినెట్ సమావేశం ప్రారంభం అయ్యింది. జీఎన్ రావు కమిటీ ఇచ్చిన నివేదిక పై, క్యాబినెట్ లో చర్చిస్తున్నారు. అయితే, ఈ రోజు ఎటువంటి ప్రకటన చెయ్యకుండా, ఉండే అవకాసం ఉన్నట్టు తెలుస్తుంది. కొద్ది రోజుల్లో, ఈ అంశం పై ముందుగా అఖిల పక్ష సమావేశం పెట్టాలని, అందరి అభిప్రాయం తీసుకుని, చెయ్యాలని నిర్ణయం తీసుకునే అవకాసం ఉన్నట్టు తెలుస్తుంది. అలాగే మరో పక్క, అమరావతి రైతులను శాంతింప చేసి, వారితో చర్చలు జరపటానికి, ఒక క్యాబినెట్ సబ్ కమిటీ కూడా వేసి, వారితో చర్చలు జరిపి, ప్యాకేజీ పెంచటం, లాంటి హామీలు ఇచ్చి, అమరావతి రైతులను దారిలోకి తెచ్చుకునే వ్యూహం కూడా పన్నుతారని తెలుస్తుంది.

ఈ రోజు అమరావతిలో జరిగిన క్యాబినెట్ సమావేశంలో అంతా జరిగిపోతుంది, మూడు రాజధానుల ప్రకటన జరిగిపోతుంది అంటూ, అందరూ అనుకున్న సంగతి తెలిసిందే. అయితే అనూహ్యంగా, క్యాబినెట్ లో, ఈ విషయం పై, ఎలాంటి నిర్ణయం తీసుకోలేదని తెలుస్తుంది. మధ్యానం రెండు గంటలకు, క్యాబినెట్ లో ఏమి జరిగిందో, మంత్రి పెర్ని నాని చెప్తారని మీడియాకు సమాచారం ఇచ్చారు. అయితే, మంత్రి కన్న బాబు మీడియాతో చిట్ చాట్ చేస్తూ, జీఎన్ రావు కమిటీ నివేదిక పై క్యాబినెట్ లో చర్చించామని చెప్పారు. అయితే, మరో కమిటీ అయిన బోస్టన్ కన్సల్టెంట్ కంపెనీ అనే హై పవర్ కమిటీ నివేదిక కూడా రావాల్సి ఉందని, ఆయన చెప్పారు. అంటే దీన్ని బట్టి, రాజధానుల విషయం పై ఎలాంటి నిర్ణయం తీసుకోలేదని కన్నబాబు మాటలను బట్టి అర్ధమవుతుంది. ఎన్ని సార్లు మీడియా అడిగినా, మూడు రాజధానుల పై నిర్ణయం తీసుకున్నాం అని మాత్రం చెప్పకుండా, ఇంకో కమిటీ నివేదిక రావాల్సి ఉంది అని మంత్రి చెప్పటం, ఏ నిర్ణయం తీసుకోలేదు అనే అనుకోవాలి.

అయితే పూర్తి వివరాలు, మధ్యానం రెండు గంటలకు, ఐ అండ్ పీఆర్ మంత్రి పేర్ని నాని, బ్రీఫింగ్ ఇవ్వనున్నారు. అప్పుడు పూర్తీ విషయం తెలిసే అవకాశం ఉంది. రెండు గంటల పాటు జరిగిన క్యాబినెట్ సమావేశంలో, జీఎన్ రావు కమిటీ నివేదికను యథాతథంగా ఆమోదిస్తారని, అందరూ అనుకున్నారు. అలాగే, అమరావతి అభివృద్ధి, తిరిగిచ్చే ప్లాట్ల అంశంపైనా మంత్రివర్గ సమావేశంలో చర్చించి నిర్ణయం తీసుకుంటారని, మరో కమిటీ దీని పై వేస్తారని, వీళ్ళు రైతులతో, చర్చిస్తారని లీకులు ఇచ్చారు. అలాగే సీఆర్డీఏ రద్దు చేస్తారని చెప్పారు. మొత్తానికి, మంత్రి కన్న బాబు మాటలను బట్టి అయితే, ప్రస్తుతానికి ఎలాంటి నిర్ణయం తీసుకోలేదని, మరో కమిటీ రిపోర్ట్ కోసం చూస్తున్నారని తెలుస్తుంది.

అయితే బోస్టన్ కమిటీ వచ్చిన తరువాత, సంక్రాంతి పండుగ వెళ్ళిన తరువాత, అసెంబ్లీ సమావేశం పెట్టి, ఈ విషయం పై చర్చిస్తారని, అఖిల పక్ష సమావేశం పెడతారని, అప్పుడు మళ్ళీ క్యాబినెట్ పెట్టి, అప్పుడు మూడు రాజధానుల పై ప్రకటన చేస్తారని తెలుస్తుంది. అయితే ప్రభుత్వం, అమరావతి రైతులు చేస్తున్న ఆందోళనకు వెనక్కు తగ్గిందా ? కొంచెం టైం తీసుకుని, అందరినీ లైన్ లో పెట్టి, అప్పుడు మళ్ళీ దీని పై తుది నిర్ణయం ప్రకటిస్తారా అనే అంశం కూడా చర్చ జరుగుతుంది. ప్రస్తుతం మూడు రాజధానుల ప్రకటన తరువాత, వైజాగ్, కర్నూల్ నుంచి కూడా ప్రజల్లో అనూహ్య స్పందన అయితే రాలేదు. ఇవన్నీ పరిగణలోకి తీసుకుని, కొంచెం టైం తీసుకుని, ప్రభుత్వం నిర్ణయం ప్రకటించే అవకాసం ఉన్నట్టు తెలుస్తుంది. ఇవన్నీ మధ్యానం రెండు గంటలకు, పెర్ని నాని ప్రెస్ మీట్ తో, తెలిసిపోతాయి.