news

పాక్‌ యుద్ధవిమానాలు నియంత్రణ రేఖను దాటి భారత భూభాగంలోకి వచ్చి బాంబులు జారవిడిచి వెళ్లాయి. బుధవారం ఉదయం ఈ ఘటన చోటు చేసుకొంది. పాక్‌ యుద్ధవిమానాల కదలికలపై ముందు నుంచే ఒక కన్నేసిన భారత వాయుసేన వెంటనే ప్రతిస్పందించింది. భారత్‌కు చెందిన యుద్ధవిమానాలు వాటిని అడ్డుకొనేందుకు వెళ్లాయి. భారత్‌కు చెందిన రెండు యుద్ధవిమానాలను కూల్చినట్లు పాక్‌ ప్రకటించింది. ఈ విషయాన్ని పాకిస్థాన్‌కు ఇంటర్‌ సర్వీస్‌ పబ్లిక్‌ రిలేషన్స్‌ డీజీ ఆసీఫ్‌ గఫూర్‌ వెల్లడించారు. పాక్‌ యుద్ధవిమానాలను వెంటాడుతూ నియంత్రణ రేఖను దాటిన రెండు భారత వాయుసేనకు చెందిన యుద్ధవిమానాలను కూల్చివేసినట్లు ట్విటర్‌లో వెల్లడించారు.

వీటిలో ఒక విమానాన్ని పాక్‌ ఆక్రమిత కశ్మీర్‌లో కూల్చేయగా.. మరో విమానాన్ని కశ్మీర్‌లో కూల్చివేసినట్లు పేర్కొన్నారు. భారత వాయుసేనకు చెందిన ఒక పైలట్‌ను అదుపులోకి తీసుకొన్నట్లు వెల్లడించారు. ఈ విషయాన్ని భారత వాయుసేన ధ్రవీకరించాల్సి ఉంది. భారత గగనతలంలోకి ప్రవేశించిన పాక్ సైన్యానికి ఇండియన్ ఎయిర్ ఫోర్స్ దీటైన జవాబిస్తోంది. పాక్ యుద్ధ విమానాలపై వైమానికి దళం ఎదురుదాడికి దిగింది. ఈ దాడుల్లో పాక్‌కు చెందిన ఎఫ్ - 16 యుద్ధ విమానం నేల కూలింది. లాంబ్ లోయలో నేలకూలినట్టు భారత వైమానిక దళం ధ్రువీకరించింది. అయితే కొంతమంది పైలట్లు ప్యారాచూట్ ద్వారా తప్పించుకున్నారని తెలుస్తోంది.

బాలాకోట్ ఎయిర్ స్ట్రైక్స్ నేపథ్యంలో సరిహద్దుల్లో యుద్ధ వాతావరణం నెలకొంది. అటు పాక్ యుద్ధ విమానాలు.. ఇటు భారత వైమానిక దళం హోరాహోరిగా పోరాడుతున్నాయి. భారత్ భూభాగంలో పాక్ దాడుల నేపథ్యంలో.. పాక్ ఎలాంటి చర్యలకు పాల్పడినా తిప్పి కొట్టేందుకు సైన్యం సిద్ధమవుతోంది. జమ్మూ, శ్రీనగర్, లేహ్, పఠాన్‌కోట్‌లో హై అలర్ట్ ప్రకటించింది. ఇక్కడి ఎయిర్ పోర్టులలో విమానాల రాకపోకలను పూర్తిగా నిలిపివేశారు. ఎయిర్‌బేస్‌లో భారత వాయుసేనకు చెందిన విమానాలు, ఎయిర్ ఢిఫెన్స్ సిస్టమ్‌ను కేంద్రం సిద్ధం చేసింది. యుద్ధానికి సర్వం సిద్ధమన్నట్టుగా సంకేతాలు ఇస్తోంది. మరోవైపు అమృత్‌సర్‌లోనూ విమానాల రాకపోకలు నిలిచిపోయాయి. బుధవారం ఎయిర్ పోర్టును మూసివేసినట్టు ఎయిర్ పోర్టు అధికారి ఏపీ ఆచార్య ఓ ప్రకటనలో తెలిపారు.

ఒంగోలు లోక్‌సభ నియోజకవర్గం సమీక్షా సమావేశానికి టీడీపీ అధిష్టానం సరికొత్త పంథాను అనుసరించింది. ఇప్పటివరకు జరిగిన సమీక్షలకు అతీతంగా అసెంబ్లీ నియోజకవర్గాలలోని క్షేత్రస్థాయిలో ఉన్న నాయకుల అభిప్రాయాలను కూడా తెలుసుకునేందుకు ప్రాధాన్యమిచ్చారు. అదే సమయంలో ముఖ్యమైన నాయకులు ముందుగా మాగుంటతో భేటీ కాగా ముఖ్యమంత్రి చంద్రబాబునాయుడు కూడా ముందుగా మాగుంటతో భేటీ అయిన తర్వాతే సమీక్షా సమావేశానికి శ్రీకారం చుట్టారు. ఈ మొత్తం వ్యవహారం అనంతరం తిరిగి రాత్రి 10గంటల తర్వాత అసెంబ్లీ నియోజకవర్గాల వారీ ఎమ్మెల్యేలు, ఇన్‌చార్జ్‌లతో ముఖాముఖి భేటి కార్యక్రమానికి సీఎం ప్రారంభించారు. ఎమ్మెల్సీ మాగుంటతో మంత్రులు, పార్టీ నాయకులు, ఆ తర్వాత ముఖ్యమంత్రి కూడా ప్రత్యేకంగా మాట్లాడటం విశేషం. ఒంగోలు లోక్‌సభ ఎంపీ అభ్యర్థిగా మాగుంట పేరుని ముందుగానే చంద్రబాబు ప్రకటించటం, ఆ తర్వాత ఆయన ఆయా నియోజకవర్గాలలో పార్టీ పరిస్థితులపై ఆవేదన చెందుతూ సీఎంకి ఫిర్యాదులు చేయటం, అదే సమయంలో మాగుంట తమ పార్టీలోకి వస్తున్నట్లు వైసీపీ నేతలు ప్రచారం చేయటం తెలిసిందే.

దీనికి తోడు టీడీపీలోనే ఉంటూ పోటీకి దూరంగా ఉండే ఆలోచన కూడా మాగుంట చేస్తున్నట్లు ప్రచారం జరిగింది. ఇంకోవైపు ఒంగోలు కాకుంటే నెల్లూరు నుంచైనా మాగుంటను బరిలోకి దించాలని టీడీపీ అధిష్టానం పరిశీలన చేస్తున్నట్లు తెలిసింది. ఈ నేపథ్యంలో ఇటీవల చంద్రబాబుని కలిసిన మాగుంట ముఖ్యమంత్రితో భేటీ వివరాలను వెల్లడించకపోగా తన రాజకీయ వైఖరిపై కూడా విస్పష్టమైన ప్రకటన చేయలేదు. పైగా మీడియాకు 28వ తేదీ తర్వాత అందుబాటులోకి వస్తానంటూ సంకేతమిచ్చారు. దీంతో మాగుంట పయనంపై తీవ్రమైన చర్చ ఆరంభమైంది. తెలుగుదేశం నేతలు పలువురు ఆయన వద్దకు చేరి టీడీపీ నుంచే పోటీ చేయండి, ఖచ్చితంగా గెలుస్తారంటూ భరోసా నివ్వటం ప్రారంభించారు.

ఆయన రాకకు అనుగుణంగా ఈ సమీక్షా సమావేశాన్ని కూడా రెండుసార్లు వాయిదా వేసుకున్నారు. ఎట్టకేలకు సోమవారం సమావేశానికి మాగుంట హాజరుకావటంతో నాయకులు కొంతమేరకు ఊపిరిపీల్చుకున్నారు. ఆయన సూచనకు అనుగుణంగానే సమీక్షా సమావేశానికి శ్రీకారం పలికారు. అలాగే తొలుత ఇన్‌ఛార్జ్‌ మంత్రి నారాయణ , జిల్లామంత్రి శిద్దా, మరోమంత్రి పరిటాల, నిన్న మొన్నటి వరకు ఒంగోలు లోక్‌సభ పార్టీ పరిశీలకునిగా ఉన్న ఎమ్మెల్యే ఆలపాటి రాజా, ప్రస్తుత పరిశీలకుడు దివి శివరాం భేటి అయ్యారు. ఆయనతో ప్రత్యేకంగా మాట్లాడారు. తన అధికారిక పనులు పూర్తి చేసుకుని సమావేశానికి వచ్చిన ముఖ్యమంత్రి చంద్రబాబు నాయుడు కూడా ముందుగా మాగుంటతో ప్రత్యేకంగా భేటి అయ్యారు. ఆ తర్వాతే ఆయన నియోజకవర్గానికి చెందిన మంత్రులు, ఎమ్మెల్యేలు, ఇన్‌చార్జ్‌లు, ఇతర నాయకులు, ఏరియా కో ఆర్డినేటర్లతో ఉమ్మడి సమావేశం నిర్వహించి ప్రసంగించారు.

గత కొంత కాలంగా వైసీపీ పార్టీ ఒక దరిద్రమైన గేమ్ మొదలు పెట్టింది. హైదరాబాద్ లో ఆస్తులు ఉన్న ప్రత్యర్ధి పార్టీల వారిని కేసీఆర్ ద్వారా బెదిరించి, తమ పార్టీలో చేర్చుకుని, చంద్రబాబు పై విమర్శలు చెయ్యటం, అలాగే సోషల్ మీడియాలో బలంగా ఉన్న రాజకీయ నాయకుల పై తప్పుడు ప్రచారం, మైండ్ గేమ్ ఆడటం. ఎన్నికలు దగ్గర పడుతున్న కొద్దీ, ఇవి ఎక్కువై పోతున్నాయి. దాదపుగా అందరి నాయకుల పై, వైసీపీ పైడ్ బ్యాచ్, ప్రశాంత్ కిషోర్ ఫేక్ బ్యాచ్, ఇదే ప్రచారం చేస్తుంది. ఇదే క్రమంలో, గన్నవరం శాసనసభ్యుడు వల్లభనేని వంశీ పై గేమ్ మొదలు పెట్టింది వైసీపీ. రాధా తెలుగుదేశం పార్టీ లో చేరనుండటంతో, వంశీని లాగటానికి ట్రై చేసింది. అయితే వంశీ మాత్రం, ఈ ప్రయత్నాలను ఆదిలోనే త్రుంచేసారు.

అయినా వైసీపీ తన తప్పుడు ప్రచారం ఆపలేదు. ఈ నెల 28న తమ పార్టీలో వంశీ చేరుతున్నాడు అంటూ హడావిడి చేస్తూ వచ్చాయి. ఈ రోజు జగన్ గృహప్రవేశ వేడుకల్లో వంశీ కూడా పాల్గుంటారు అంటూ లీకులు ఇచ్చాయి. ఆ ప్రచారం చూసి, వంశీ టీడీపీకి గుడ్‌బై చెబుతారు..! వైసీపీలో చేరతారు..? అంటూ గన్నవరం ఎమ్మెల్యే వల్లభనేని వంశీమోహన్‌పై సోషల్ మీడియాలో ప్రచారం జరుగుతోంది. అయితే, దీని పై చాలా పరుష పదజాలంతో క్లారిటీ ఇచ్చారు ఎమ్మెల్యే వల్లభనేని. వైఎస్సార్‌ కాంగ్రెస్‌ ఓ చెత్త పార్టీ అని, అన్నం తినేవాడు ఎవరైనా అటువంటి పార్టీలో చేరుతారా? అని ఎమ్మెల్యే వల్లభనేనివంశీమోహన్‌ ఘాటుగా విమర్శించారు.

ఆయన పార్టీ మారుతున్నారని, వైసీపీలో చేరబోతున్నారని ఇటీవల సామాజిక మాధ్యమాల్లో పోస్టులు హల్‌ చేస్తుండడంతో వంశీ దీనిపై క్లారిటీ ఇచ్చారు. హైదరాబాద్‌ నుంచి గన్నవరం విమానాశ్రయానికి చేరుకున్న ఆయన మీడియా ప్రతినిధులతో మాట్లాడుతూ నేను పార్టీ మారుతున్నానని మీకు ఎవరు చెప్పారని ఎదురు ప్రశ్నించారు. అయినా తెలుగుదేశం పార్టీని వీడాల్సిన అవసరం ప్రస్తుతం తనకు ఏమొచ్చిందన్నారు. ఎవరో చేస్తున్న పిచ్చి ప్రచారానికి నేనెందుకు సమాధానం చెప్పాలన్నారు. అవన్నీ ఒట్టి ఊహాగానాలేనని కొట్టిపారేశారు. ఆ చెత్త పార్టీలో ఎవరు చేరతారు... అన్నం తినేవాడు ఆ పార్టీలోకి వెళ్తారా..? అంటూ వైఎస్ఆర్ కాంగ్రెస్ పార్టీపై ఘాటు విమర్శలు చేశారు.