news

వచ్చే ఎన్నికల్లో వైసీపీకి గుణపాఠం చెప్పేందుకు ప్రజలు సిద్ధంగా ఉన్నారని టీడీపీ అధ్యక్షుడు ఏపీ సీఎం చంద్రబాబు అన్నారు. నేడు పార్టీ నేతలతో టెలీకాన్ఫరెన్స్ నిర్వహించిన సందర్భంగా ఆయన మాట్లాడుతూ.. ఏపీపై ద్వేషం చూపిన కేసీఆర్, కేటీఆర్‌లు జగన్‌పై ప్రేమ చూపుతున్నారని ఆయన ఆరోపించారు. రాష్ట్రంలో సామంతరాజు వ్యవస్థను తీసుకురావాలన్నదే వారి ఆలోచన అని చంద్రబాబు మండిపడ్డారు. ప్రధాని మోదీ, కేసీఆర్, జగన్‌లు రూ.1000 కోట్ల ప్యాకేజీతో కుట్రలు ప్రారంభించారని.. చంద్రబాబు ఆరోపించారు. రాష్ట్రాన్ని మరో బీహార్ చేసేందుకు ప్రశాంత్ కిషోర్ సాయంతో కుట్ర చేస్తున్నారని ఆరోపించారు.

కుల రాజకీయాలను ప్రోత్సహిస్తున్నారని ఆయన మండిపడ్డారు. కులరాజకీయాలను ఏపీ ప్రజలంతా వెలివేయాలని చంద్రబాబు పిలుపునిచ్చారు. రాష్ట్ర సమగ్రాభివృద్ధే టీడీపీ లక్ష్యమన్నారు. ఆంధ్రప్రదేశ్ అభివృద్ధినీ, ప్రజల మంచిని కోరుకునేవారు టీడీపీలో చేరుతున్నారని.. అవినీతిని కాంక్షించేవారు టీడీపీ వైపు మొగ్గు చూపుతున్నారని చంద్రబాబు చెప్పారు. ఇప్పటి వరకూ 7 పార్లమెంట్ నియోజకవర్గాల్లో సమీక్షలు పూర్తి చేసుకున్నామని.. గెలుపు గుర్రాలపై అభ్యర్తులుగా నిలబెడుతున్నామని ఆయన తెలిపారు. మరోవైపు పట్టభద్రుల ఎమ్మెల్సీ ఎన్నికల్లో ప్రత్యేక పోటీకి దూరంగా ఉండాలని నిర్ణయించినట్టు సీఎం చంద్రబాబు పార్టీ నేతలకు వివరించారు.

ఏపీని కేసీఆర్‌ తోలుబొమ్మ చేసి ఆడుకోవాలనుకుంటున్నారన్నారు. రాష్ట్రాన్ని మరో బిహార్‌ చేసేందుకు ప్రశాంత్‌ కిషోర్‌ సాయంతో కుట్ర చేస్తున్నారన్నారు. నలభై ఏళ్ల తన రాజకీయ జీవితంపై కులముద్ర వేసే సాహసం ఎవరూ చేయలేదని... ఇప్పుడు జగన్‌ అతి దుర్మార్గమైన ప్రచారం ప్రారంభించారని చంద్రబాబు మండిపడ్డారు. ‘‘విజయభాస్కర్‌ రెడ్డి, చెన్నారెడ్డి, రాజశేఖర్‌ రెడ్డి, ఇందిరాగాంధీలాంటి ఎంతోమందితో పోరాడాను. మొదటిసారి.. జగన్‌ తనకుండే కులగజ్జిని నాకు అంటించాలని చూస్తున్నారు. జగన్‌కు సలహాదారు బీహారీ ప్రశాంత్‌ కిశోర్‌. బీహార్‌, యూపీ తరహాలో కుల రాజకీయాలు చేయాలని చూస్తున్నారు. కులాలు, మతాల మధ్య చిచ్చు పెట్టాలని ప్రయత్నిస్తున్నారు. జగన్‌, ప్రశాంత్‌ కిశోర్‌ల కుప్పిగంతులు నా దగ్గర కుదరవు’’ అని చంద్రబాబు తెలిపారు.

ప్రతిపక్షాలకు కౌంటర్‌ ఇవ్వడంలో టీడీపీ మంత్రులు విఫలం అయ్యారని ముఖ్యమంత్రి చంద్రబాబు అన్నారు. సోమవారం ఉదయం కేబినెట్ సమావేశం ముగిసిన అనంతరం సీఎం మంత్రులతో భేటీ అయ్యారు. సుమారు గంటన్నరపాటు మంత్రులతో చంద్రబాబు సమావేశం నిర్వహించారు. తాజా రాజకీయాలపై చర్చలు జరిపారు. దేనికైనా తానే సమాధానం చెప్తున్నానని, మంత్రులు ఎవరూ పట్టించుకోవడంలేదన్నారు. మంత్రులుగా ఉండి సీరియస్‌నెస్‌ లేదంటూ చంద్రబాబు ఆగ్రహం వ్యక్తం చేశారు. ఎన్నికల సమయంలో ప్రతిపక్షాలకు ధీటైన సమాధానం ఇవ్వాలని చంద్రబాబు సూచించారు. మంత్రులందరి పనితీరును గమనిస్తున్నానని, కేటీఆర్ విమర్శలపై ఎందుకు స్పందించడంలేదని చంద్రబాబు మంత్రులను ఉద్దేశించి ప్రశ్నించారు.

జగన్, కేసీఆర్, మోదీ కలిసి కుట్ర చేస్తున్నారని సీఎం మండిపడ్డారు. వాళ్లు డబ్బుల మూటలతో వస్తున్నారన్నారు. ఎమ్మెల్సీ ఎన్నికల్లో ఎవరూ జోక్యం చేసుకోవద్దని అన్నారు. మనం పోటీ చేయడం లేదని మంత్రులతో చంద్రబాబు అన్నారు. జాతీయ రాజకీయాలను గమనిస్తూ ఉండాలని ఈనెల 28న బీజేపీయేతర పక్షాల సమావేశం జరుగుతుందని చంద్రబాబు పేర్కొన్నారు. ఎన్నికల తర్వాత సాంకేతిక పరమైన ఇబ్బందులు తలెత్తకుండా ఉండాలంటే ముందస్తుగానే కూటమి ఏర్పాటు చేయాల్సిన అవసరం ఉందని ఆయన స్పష్టంచేశారు. ఏపీలో కాంగ్రెస్ పార్టీతో ఎలాంటి పొత్తూ ఉండదనే విషయాన్ని మరోసారి చంద్రబాబు తేల్చి చెప్పారు.

జాతీయ జల అవార్డుల్లో రాష్ట్రానికి మూడో స్థానం దక్కడంపై సీఎం చంద్రబాబు హర్షం వ్యక్తం చేశారు. ఈ సందర్భంగా జలవనరుల శాఖకు సీఎం ఆయన అభినందనలు తెలిపారు. పోలవరం ప్రాజెక్టు పురోగతిపై నిర్వహించిన సమీక్షలో అధికారులను చంద్రబాబు ప్రశంసించారు. ప్రాజెక్టు నిర్మాణం ఇప్పటివరకు 66.36 శాతం పూర్తయిందని.. కాంక్రీట్‌ పనులు 65.30 శాతం, కాంక్రీట్ పనులు 65.30 శాతం, పూర్తి అయ్యాయని, తవ్వకం పనులు 82.60 శాతం, కుడి ప్రధాన కాలువ 90.29 శాతం, ఎడమ ప్రధాన కాలువ 68.74 శాతం, ఎగువ కాఫర్ డ్యామ్ 25.73 శాతం, దిగువ కాఫర్ డ్యామ్ 10.17 శాతం పూర్తి అయ్యాయని, రేడియల్ గేట్ల ఫ్యాబ్రికేషన్ వర్క్ 62.83 శాతం పూర్తి చేశామని సీఎం తెలిపారు. పోలవరం పనుల పురోగతిపై 89వ సారి వర్చువల్ రివ్యూ నిర్వహించారు.

రాష్ట్ర విభజన తరువాత నాలుగేళ్లలో విద్యుత్ రంగంలో ఏపీ సాధించిన పురోగతి అసాధారణం, చరిత్రాత్మకమని ముఖ్యమంత్రి చంద్రబాబు నాయుడు కితాబిచ్చారు. ఇంధన శాఖ అధికారులతో ఆయన ఉండవల్లి ప్రజావేదిక నుంచి ఆదివారం టెలీకాన్ఫరెన్స్ నిర్వహించారు. ఈసందర్భంగా మాట్లాడుతూ చార్జీలు పెంచకుండా ప్రజలకు నిరంతరాయంగా నాణ్యమైన విద్యుత్ సరఫరా చేయాలన్న తన కల సాకారమైందని సంతృప్తి వ్యక్తం చేశారు. 2019-20 సంవత్సరానికి విద్యుత్ చార్జీలు పెంచకుండా వినియోగదారులకు అనుకూలంగా నిర్ణయం తీసుకున్నందుకు ఏపీఈఆర్సీని ఆయన అభినందించారు. చార్జీలు పెంచకపోవడం వల్ల 1.74 కోట్ల మంది వినియోగదారులకు లబ్ధి చేకూరుతుందని చెప్పారు. విద్యుత్ చార్జీల తగ్గింపు వల్ల 45లక్షల మంది వినియోగదారులకు కొంతమేర ఆర్థిక ప్రపయోజనాలు లభిస్తాయన్నారు.

పరిశ్రమలకు కూడా ఇలానే స్థిరమైన టారిఫ్, స్థిరమైన విద్యుత్ సరఫరాను శాశ్వతం చేసేందుకు అవసరమైన కార్యాచరణను రూపొందించాలని అధికారులను ఆదేశించారు. విద్యుత్ రంగంలో సాధించిన అద్భుత పురోగతి గడచిన నాలుగేళ్లలో తమ ప్రభుత్వానికి దక్కిన ఘన విజయానికి నిదర్శమని ముఖ్యమంత్రి వ్యాఖ్యానించారు. రాజధాని లేకుండా, 16వేల కోట్ల రూపాయల లోటు బడ్జెట్‌తో ఏర్పడిన కొత్త రాష్ట్రం ఇంతటి ఘన విజయం సాధిస్తుందని ఎవరూ ఊహించలేదన్నారు. ఇది అసాధారణమని, అత్యంత అద్భుతమని వ్యాఖ్యానించారు. రాష్ట్ర ప్రభుత్వం పరిశ్రమలకు పీక్‌టైం, టైమ్ ఆఫ్ డే చార్జీలు తగ్గించిందని, వ్యవసాయాధారిత పరిశ్రమలకూ చార్జీలు తగ్గించామన్నారు. అత్యంత వెనుకబడిన కులాలు, స్వర్ణకారులు, ఎస్సీ, ఎస్టీలు, దోభీఘాట్లు, లాండ్రీలు, సెలూన్లు, చెరకు క్రషింగ్ యూనిట్లు, గ్రామీణ నర్సరీలు, తదితర రంగాలకు ఉచిత విద్యుత్‌ను అందిస్తున్నందుకు తనకు సంతోషంగా ఉందన్నారు. దేశంలోని మరే రాష్ట్రం కూడా ఇంత భారీ స్థాయిలో సంక్షేమ పథకాలు చేపట్టలేదని, రాష్ట్ర విద్యుత్ రంగం యావత్ దేశానికే ఆదర్శంగా నిలుస్తోందన్నారు.

తాను ముఖ్యమంత్రిగా ప్రమాణం చేశాక విద్యుత్ చార్జీలు పెంచలేదని, వీలైనంత మేరకు తగ్గించే ప్రయత్నం చేయడం వంటి చర్యలు తీసుకొని, విద్యుత్ రంగాన్ని బరోపేతం చేయడమే లక్ష్యంగా రెండో తరం సంస్కరణలు ప్రవేశపెట్టినట్లు చంద్రబాబు చెప్పారు. 2014లో రాష్ట్ర విభజన నాటికి విద్యుత్ రంగం తీవ్ర సంక్షోభంలో ఉందని, 22 మిలియన్ యూనిట్ల మేర విద్యుత్ కొరత ఉండేదన్నారు. తాను ముఖ్యమంత్రి అయ్యాక పునరుత్పాదక ఇంధన ఉత్పత్తి, విద్యుత్ సరఫరా, పంపిణీ వ్యవస్థను బలోపేతం చేయటంపై ప్రత్యేక దృష్టి సారించానన్నారు. సరఫరా, పంపిణీ నష్టాలను తగ్గించడంతో పాటు ఇంధన సామర్థ్య కార్యక్రమాల అమలు, ఇంధన నిల్వ, థర్మల్ విద్యుత్‌లో అత్యాధునిక సాంకేతికతను ఉపయోగించడం వంటి చర్యలు చేపట్టానని వెల్లడించారు. ఈ చర్యలన్నింటి వల్ల తాను అధికారంలోకి వచ్చిన 100 రోజుల్లోనే రాష్ట్రంలో నిరంతర విద్యుత్ సరఫరా, పంపిణీలో నష్టాలను తగ్గించడం సాధ్యమైందన్నారు.