news

బహుళార్ధ సాధక పోలవరం ప్రాజెక్టు నిర్మాణం నేపథ్యంలో కొత్త ప్రభుత్వం జల వనరుల శాఖను ఎవరికి అప్పగిస్తుందనే విషయంలో సర్వత్రా చర్చ జరుగుతోంది. నిన్న పోలవరం పై జగన్ చేసిన వ్యాఖ్యలు మరింత ఆందోళనగా ఉన్నాయి. ఈ నేపధ్యంలో పోలవరం పై ఇన్నాళ్ళు ఎంతో ఆవేదన చెందిన ఉండవల్లిని, ప్రభుత్వ సలహాదారుగా ఉండమని ప్రభుత్వం నుంచి అడగవచ్చని తెలుస్తోంది. దీనికి తోడు పోలవరం ప్రాజెక్టుకు సంబంధించి కూడా వైఎస్ ప్రభుత్వంలో అనుమతుల దగ్గర నుంచి సర్వం తెలిసిన ఉండవల్లి కాబట్టి కనీసం ఈ ప్రాజెక్టు గురించి కూడా చాలా కీలకంగా భావించి ఆయన సహకారాన్ని కోరవచ్చని తెలుస్తోంది. వైఎస్‌కు అప్పట్లో కేవీపీ ఆత్మగా ఉంటే, ప్రస్తుత ప్రభుత్వ సవాళ్లను దృష్టిలో పెట్టుకుని వైఎస్‌కు అత్యంత సన్నిహితుడుతైన ఉండవల్లి అరుణ్‌కుమార్ సేవలు వైఎస్ కుమారుడు జగన్ పొందవచ్చని సమాచారం. తండ్రికి కేవీపీ అయితే, తనయుడికి ఉండవల్లి అంటున్నారు.

పోలవరం ప్రాజెక్టు 70.17 శాతం పూర్తయింది. కొత్త ప్రభుత్వం కొలువు దీరే సమయం నుంచి పోలవరం ప్రాజెక్టు పనులు కూడా ఎంత వేగంగా జరుగుతాయో అనేది చర్చనీయాంశంగా మారింది. గత ప్రభుత్వ ప్రాధాన్యత పనుల్లో కీలకమైన పోలవరం ప్రాజెక్టు, అమరావతి విషయంలో ప్రస్తుత ప్రభుత్వ వైఖరి ఏ విధంగా ఉంటుందనే విషయంలో ఆసక్తి రేకెత్తుతోంది. పోలవరం ప్రాజెక్టు హెడ్ వర్క్సుకు సంబంధించి ఇప్పటి వరకు సుమారు 62.65 శాతం పూర్తయింది. మెయిన్ డ్యామ్‌కు సంబంధించి 62.73 శాతం పనులు పూర్తయ్యాయి. టీడీపీ ప్రభుత్వం డిసెంబర్ నాటికి గ్రావిటీపై నీరిస్తామని చెప్పింది. అయితే గత సంవత్సర కాలంగా కేంద్రం సహకరించక పోవటం, గత మూడు నెలలుగా, కీలకమైన సమయంలో పణులు మందగించటంతో, అంచనా తప్పింది.

స్పిల్ వే, స్పిల్ వే ఛానల్, అప్రోచ్ ఛానల్ మట్టి పనులు గత ప్రభుత్వ హయాంలో 85.50 శాతం, స్పిల్ వేలు, స్టిల్లింగ్ బేసిన్, స్పిల్ చానల్ క్రేవిసెస్ 74.80 శాతం, రేడియల్ గేట్స్ ఫ్యాబ్రికేషన్ 69.14 శాతం పనులు జరిగాయి. ఎగువ కాఫర్ డ్యామ్ 51.50 శాతం, దిగువ కాఫర్ డ్యామ్ 29.96 శాతం పనులు జరిగాయి. ఎడమ కనెక్టవిటీల్లో 48.57 శాతం, కుడి కనెక్టవిటీల్లో 76.58 శాతం పనులు జరిగాయి. కుడి ప్రధాన కాల్వ పనులు 91.14 శాతం, ఎడమ ప్రధాన కాలువకు సంబంధించి 70.99 శాతం పనులు జరిగాయి. అయితే ప్రస్తుతం ప్రధానంగా కాఫర్ డ్యామ్ నిర్మాణాలు పూర్తవుతున్న క్రమంలో ముంపు గ్రామాలకు సంబంధించి పునరావాసం ప్రధానంగా ప్రస్తుత ప్రభుత్వం దృష్టి కేంద్రీకరించాల్సి ఉంది. నిర్వాసితులకు నాణ్యమైన ఇళ్లను నిర్మించడంతోపాటు చట్ట హక్కుల ప్రకారం పునరావాసాన్ని పూర్తిస్థాయిలో కల్పించాల్సి ఉంది. ఏదేమైనప్పటికీ, ఈ ప్రాజెక్ట్ పై ఎంతో ఆందోళన చెందిన ఉండవల్లి, కేవీపీలకు, తమకు అనుకూలమైన జగన్ ప్రభుత్వం రావటంతో, వీళ్ళే దగ్గరుండి, పనులు పూర్తి చేసి, ఈ ప్రాజెక్ట్ పూర్తి చేస్తే, కావాల్సింది ఏముంది.

ఏపీ ఎన్నిక‌ల‌లో విజ‌యం తర్వుట వైఎస్ జగన్ ఢిల్లీ తన పై నమోదైన కేసులన్నీ కుట్రపూరితంగా పెట్టిన‌వేన‌ని.. ఆధారం లేనివే అని అన్నారు. ఢిల్లీలో మీడియాతో మాట్లాడుతూ.. శుక్రవారం కోర్టుకు హాజరవుతారా అని ఓ విలేక‌రి అడిగిన ప్రశ్నకు ఆయన ఆసక్తికరమైన సమాధానం ఇచ్చారు. తనపై పెట్టిన కేసులేవీ నిలబడేవి కాదన్నారు. ఈ కేసులన్నీ వీగిపోతాయని అన్నారాయన. నాన్న రాజ‌శేఖ‌ర‌రెడ్డి కాంగ్రెస్ లో ఉన్నంత కాలం తనపై కేసులేమీ లేవన్నారు. ఆయన చనిపోయిన తర్వాత… తాను పార్టీ పెట్టినప్పటినుంచే.. అటు కాంగ్రెస్ నాయకులు.. అటు టీడీపీ నాయకులు.. తనపై కక్ష కట్టి పిటిషన్లు వేశారన్నారు. పిటిషనర్లంతా కాంగ్రెస్, టీడీపీ నాయకులే అని అన్నారు.

అలాంటి వారు పెట్టిన కేసులు నిలబడవు అన్నారు. నేను అవినీతి చెయ్యలేదని, చెయ్యను అని తెలుసు కాబట్టే తనకు ఇంతటి భారీ విజయం కట్టబెట్టారని.. ప్రజాకోర్టులో నిర్దోషిలా నిరూపించుకున్నానని జగన్ అన్నారు. ఇక ముందు కూడా కోర్టులకు సహకరిస్తానని చెప్పారు. మరో పక్క అమిత్ షా తో భేటీ పై మాట్లాడుతూ, దేశంలో మోదీ అత్యంత శక్తిమంతుడైన వ్యక్తి అని, ఆ తర్వాతి స్థానం బీజేపీ అధ్యక్షుడైన అమిత్‌షాయే అని జగన్‌ పేర్కొన్నారు. అందుకే ఆయనను కూడా మర్యాదపూర్వకంగా, రాష్ట్ర ప్రయోజనాల కోసం కలిశానన్నారు. ఒక రాజకీయ పార్టీ అధ్యక్షుడు, మరో పార్టీ అధ్యక్షుడిని కలవడంలో ఆంతర్యం ఏమిటి అని ప్రశ్నించినప్పుడు ఇలా స్పందించారు. ‘మీరు చెప్పండి... దేశంలో నంబర్‌ 2 పవర్‌ఫుల్‌ వ్యక్తి ఎవరు!’’ అని మీడియాను ప్రశ్నించారు. జగన్ మోహన్ రెడ్డి, బీజేపీ నాయకుడు రాం మాధవ్ ను కూడా కలిసిన సంగతి తెలిసిందే.

రాష్ట్రంలో వైకాపా అధికార పగ్గాలు చేపట్టిన నేపథ్యంలో రాజధాని అమరావతి ప్రాంతంలో భారీ మార్పులు చేర్పులు ఉండవచ్చని భావిస్తున్నారు. ఈ నేపథ్యంలోనే రాష్ట్రంలో తెదేపా ఘోరపరాజయం చెందడంతో అధినేత చంద్రబాబు నివాసంపై కూడా అనుమానాలు రేకెత్తిస్తున్నాయి. ఇప్పటి వరకు చంద్రబాబు నాయుడు గుంటూరు జిల్లా ఉండవల్లి పరిధిలోని కృష్ణా నది తీరాన గల లింగమనేని ఎస్టేట్‌ లో తాత్కాలిక నివాసం ఉంటున్నారు. అక్కడే ప్రజా వేదికను నిర్మించి ప్రజల సమస్యలను తెలుసుకో వడం జరిగింది. పార్టీ కార్యక్రమాలను కూడా ఇక్కడ నుంచే నిర్వహించారు. అయితే ఏపిలో తెదేపా ఊహించని రీతిలో ఓటమి పాలు కావడంతో చంద్ర బాబు ఉండవల్లిలోని తాత్కాలిక నివాసంలో ఉంటా రా లేక నివాసాన్ని మారుస్తారా అనే విషయంపై సర్వత్రా చర్చ కొనసాగుతోంది.

చంద్రబాబు తాత్కాలిక నివాసంతో పాటు మంతెన సత్యనారాయణ రాజు ప్రకృతి వైద్యశాల మరికొన్ని ఆధ్యాత్మిక ఆశ్రమాలు, రాజకీయ పార్టీనేతల అతిథి గృహాలు కూడా ఉన్నాయి. జగన్‌ ముఖ్యమంత్రిగా ఈనెల 30న ప్రమా ణ స్వీకారం చేసిన అనంతరం అక్రమ కట్టడాలపై తీసుకునే చర్యలలో భాగంగా…. ప్రస్తుతం చంద్ర బాబునాయుడు ఉంటున్న నివాసాన్ని కూడా ఖాళీ చేయిస్తారనే వార్తలు వినవస్తున్నాయి. గతంలో అక్రమ కట్టడాలుగా గుర్తించిన నిర్మాణాలను జల వనరుల శాఖ, రెవెన్యూ శాఖలు తాజాగా నోటీసులు జారీ చేయనున్నట్లు సమాచారం. ఈ నేపథ్యంలో చంద్రబాబు ఉంటున్న నివాసం ఖాళీ చేయక తప్పని పరిస్థితులు ఎదురు కానున్నాయి. చంద్రబాబును ఇబ్బంది పెట్టేందుకు వైకాపా ఈ వ్యూహాన్ని అనుసరిస్తుందనే వార్తలు వస్తున్నాయి. అంతే కాకుండా కోట్లాది రూపాయల వ్యయంతో చంద్రబాబు నివాసానికి సమీపంలో నిర్మించిన ప్రజావేదిక కూడా ప్రశ్నార్ధకంగా మారనుంది.