రాజకీయం వేరు, వ్యక్తిగతం వేరు. ఈ మధ్య కాలంలో, రెండూ ఏకం అయిపోయి, రాజకీయ వ్యవస్థ పతనం వైపు వెళుతున్న సంగతి తెలిసిందే. అయితే, కొంత మంది నేతలు, రెండూ వేరు వేరుగా చూస్తూ, రాజకీయ వేడి తగ్గించే ప్రయత్నం చేస్తూ ఉంటారు. ఆంధ్రప్రదేశ్ రాష్ట్రం విషయానికి వస్తే, జగన్ మోహన్ రెడ్డి, చంద్రబాబు పై ఎంత వైరం చూపిస్తారో, ఎలాంటి వ్యక్తిత్వ హననం చేస్తారో, చూస్తూనే ఉంటాం. అయితే చంద్రబాబు సియంగా ఉండగా, గత మూడేళ్ళ నుంచి, జగన్ మొహన్ రెడ్డి పుట్టిన రోజు నాడు, చంద్రబాబు ఆయన్ను ట్విట్టర్ ద్వరా విష్ చేసే వారు. ఒక మంచి వాతావరణం వైపు అడుగులు వేసేవారు. అలాగే బీజేపీ పార్టీతో అంత పోరాటం చేసినా, ప్రధాని మోడీకి, పుట్టిన రోజు శుభాకాంక్షలు చెప్తూ ట్వీట్ చేసావారు. అయితే ఇప్పుడు అమిత్ షా హోం మంత్రి కావటంతో, ఈ రోజు ఆయన పుట్టిన రోజు కావటంతో, చంద్రబాబు ఆయనకు ట్విట్టర్ ద్వారా విషెస్ పంపించారు.
"Happy Birthday @AmitShah Ji Wishing you a memorable day and a wonderful year ahead with good health and happiness. " అంటూ చంద్రబాబు ఈ రోజు ట్వీట్ చేసారు. అయితే, చంద్రబాబు చేసిన ట్వీట్ కి, అమిత్ షా కూడా రిప్లై ఇచ్చారు. "Thank you for your wishes. @ncbn" అంటూ అమిత్ షా స్పందించారు. అయితే మొన్నటి ఎన్నికల్లో, రాష్ట్రానికి అన్యాయం చేస్తున్నారని, విభజన హామీలు ఒక్కటి కూడా నెరవేర్చలేదు అంటూ, బీజేపీ పై, చంద్రబాబు పోరాటం చేసిన సంగతి తెలిసిందే. అటు బీజేపీ కూడా, తమకు ఎదురు లేదు అనుకుంటున్న టైంలో, చంద్రబాబు ఎదురు తిరిగారు కాబట్టి, ఆయన్ను రాజకీయంగా దెబ్బ తియ్యటం కోసం, చంద్రబాబు ఓటమికి అన్ని విధాలుగా సహకరించారు.
అయితే, రాజకీయం ఎలా ఉన్నా, అది వ్యక్తిగత వైరం కాదని, మొన్న జగన్ మోహన్ రెడ్డికి పుట్టిన రోజు శుభాకాంక్షలు ఎలా చెప్పారో, ఈ రోజు అమిత్ షా కి కూడా అలాగే విషెస్ చెప్పారని, టిడిపి అంటుంది. రాష్ట్రానికి బీజేపీ చేసిన అన్యాయం పై పోరాడామని, పోరాడుతూనే ఉంటామని, అలాగే జగన్ చేస్తున్న ప్రజా వ్యతిరేక విధానాల పై పోరాడతామని టిడిపి అంటుంది. తమ్ముడే తమ్ముడే, పేకాట పేకాటే అంటుంది. రాష్ట్రానికి రావాల్సిన నిధులు విషయంలో, పోలవరం ప్రాజెక్ట్ విషయంలో, కేంద్రం పై ఒత్తిడి తెస్తూనే ఉంటామని టిడిపి అంటుంది. అయితే, అమిత్ షా, చంద్రబాబుకి రిప్లై ఇవ్వటం పై మాత్రం, వైసిపీ గమనిస్తుంది. ఒక పక్క సియం హోదాలో ఉన్న జగన్ కు, ఢిల్లీ పర్యటన సాఫీగా సాగాకపోవటంతో, చిరాకులో ఉన్న వైసీపీకి, ఇది మరింత చికాకు తెప్పించే అంశం.