రెండు రోజుల పాటు విశాఖపట్నంలో పర్యటన చేసిన చంద్రబాబు, విశాఖలోని పార్టీ కార్యాలయంలో, విలేఖరులతో మాట్లాడారు. జగన్ మోహన్ రెడ్డి ఏదో చేస్తారని, ఆయన చేతిలో రాష్ట్రాన్ని పెడితే, ఆయన చేతిలో పెట్టిన అధికారం పిచ్చోడి చేతిలో రాయిలాగా అయ్యిందని చంద్రబాబు అన్నారు. రాయితో అతనే కొట్టుకుంటాడు, ఎదుటి వాడిని కొడతాడు, ఇంకా ఎవరినైనా కొడతాడు అంటూ వ్యాఖ్యలు చేసారు. పోలీస్ వ్యవస్థ పై కూడా ఆయన విమర్శలు చసారు. కొంత మండి పోలీసులు ప్రభుత్వ ఒత్తిళ్లకు భయపడి దిగజారి ప్రవర్తిస్తున్నారని, కొందరు మరీ బరితెగించి రాజకీయ నాయకులు లాగా చేస్తున్నారని అనంరు. త కు స్వాగతం పలికేందుకు వైజాగ్ ఎయిర్‌పోర్టుకు వస్తున్న టీడీపీ ఎమ్మెల్యేలు వెలగపూడి రామకృష్ణబాబు, వాసుపల్లి గణేశ్‌కుమార్‌, ఇతర నాయకులపై కేసులు పెట్టారని , ఇలాగే తప్పుడు కేసులు పెడుతున్న పోలీసులపై ప్రైవేటు కేసులు పెడతామని హెచ్చరించారు.
తన పై అవినీతి ముద్ర వెయ్యాలని చూస్తున్నారని, రాజశేఖర్‌రెడ్డి తనపై 26 కేసులు పెట్టి ఒక్కటీ నిరూపించలేకపోయారన్నారు. ఈయన వచ్చి నాలుగు నెలలు అయినా, తన పై చేసిన ఒక్క ఆరోపణ కూడా నిరూపించలేకపోయారని అన్నారు. జగన్ అధికారంలోకి వచ్చినప్పటి నుంచి తన పై కేసుల కోసం ఫైళ్లు అన్నీ తనిఖీ చేయాలని అధికారులను ఆదేశించారని, ఆధారాల కోసం తవ్వండి, తవ్వండి, అంటూ చెబుతూనే ఉన్నారని, ఆయన మనస్తత్వం ఎవరికీ అర్థం కావడం లేదని వ్యాఖ్యానించారు. సిగ్గు, శరం, పౌరుషం ఈ ముఖ్యమంత్రికి లేవని దుయ్యబట్టారు. ఈ సందర్భంలో, ఒక విలేఖరి, పనుగట్టుకుని చంద్రబాబుని పదే పదే, ఏదో కార్నర్ చెయ్యాలని, ఏదో ఇబ్బంది పెట్టాలని ప్రయత్నించిన సందర్భంలో, చంద్రబాబు అతనికి నవ్వుతూ క్లాస్ పీకారు.
చంద్రబాబు మాటల్లో... "చెప్పేవాడంటే అడిగేవాడికి లోకువ..దుర్మార్గులంటే భయం.. పని చేసే వాడంటే చులకన. ఒక సంఘటనలో మీ జర్నలిస్ట్స్ పని కాలేదని నన్ను అంటున్నారు. అదే Tv5, ABN ని బాన్ చెస్తే నోరు విప్పలేక పోతన్నారు. 2 లక్షలు ఫైన్ ప్రబుత్వానికేస్తే ప్రజాధనం వృధా అయినందుకే కాదు .. అటువంటి చట్ట వ్యతిరేక పనులు ఒక ప్రబుత్వం చేసినందుకు సిగ్గుపడాలి. ఏం.. చానల్స్ బాన్ కి నిరసనగా ..ప్రబుత్వ వార్తలు రాయకుండా బాన్ చెయ్యొచ్చుగా మీరు ? అలా చెయ్యటం కూడా కాదు .. కనీసం అడగను కూడా అడగలేకపోతన్నారు మీరు .. ఎందుకంటే మీకు భయం .. దుర్మార్గులంటే భయం.. పని చేసే వాడంటే చులకన. దుర్మార్గులమీద ఎవరో ఒకరు పోరాడాలి కదా ? అదే నేను చేస్తన్నా" అని చంద్రబాబు అన్నారు.