గుడివాడని గబ్బు పట్టిస్తూ, కొడాలి నాని, గుడివాడలో క్యాసినో పెట్టించారు అంటూ, తెలుగుదేశం పార్టీ ఆరోపణలు చేసిన సంగతి తెలిసిందే. అంతకు ముందు, కొడాలి నాని కన్వేషన్ సెంటర్ లో క్యాసినో, అమ్మాయిలు, డ్యాన్స్ లు, ఇలా అనేక వీడియోలు సోషల్ మీడియాలో, మీడియాలో బయటకు వచ్చాయి. తరువాత ప్రతిపక్షాలు ఈ అంశం పై ఆందోళన చేసాయి. అయితే ఈ అంశం తేల్చటానికి, తెలుగుదేశం పార్టీ నిజ నిర్ధారణ బృందం, గుడివాడ వెళ్ళింది. అక్కడకు వెళ్ళకుండా, వైసిపీ నేతలు అడ్డుకున్నారు, రాళ్ల దా-డి చేసారు. బొండా ఉమా కారు కూడా పగలగొట్టారు. అయితే ఈ అంశం పెద్దది అయ్యింది. దీంతో కొడాలి నాని నిన్న స్పందించారు. అక్కడ క్యాసినో జరిగినట్టు నిరూపిస్తే, పెట్రోల్ పోసుకుని చస్తానని అన్నారు. అయితే దీనికి టిడిపి స్పందించింది. ఈ రోజు మరిన్ని విడియోలు విడుదల చేసింది. ACES Casino పేరిట గుడివాడలో క్యాసినో నడిపిన వీడియోలు విడుదల చేసింది. అలాగే రెండు రోజుల క్రితం ఆరోపణలు చేసిన ప్రవీణ్ చికోటి అనే వ్యక్తి అక్కడ ఉన్న ఆధారాలు కూడా విడుదల చేసింది టిడిపి. అంతే కాదు, క్యాసినో అయిపోయిన తరువాత, అక్కడ ఉన్న సెట్ అప్ అంతా తీసేస్తున్న వీడియో కూడా టిడిపి బయట పెట్టింది. ఇవన్నీ చూపించి, కొడాలి నాని, ఎప్పుడు పెట్రోల్ తెమ్మంటావ్ అంటూ ఛాలెంజ్ చేసింది టిడిపి.