ఏపీలో అసెంబ్లీ ఎన్నికల ఫలితాల వెల్లడికి కేవలం మరికొన్ని గంటలు మాత్రమే మిగిలి ఉంది. నువ్వా-నేనా అన్నట్టుగా జరిగిన ఈ ఉత్కంఠ పోరులో విజేత ఎవరోనన్న ఆసక్తి తెలుగు రాష్ట్రాల ప్రజల్లో నెలకొంది. పోటీ చేసిన పార్టీల అభ్యర్థుల పరిస్థితి ఎలా ఉంటుందో ప్రత్యేకంగా చెప్పనక్కర్లేదు. గెలుపుపై టీడీపీ, వైసీపీలు ధీమా వ్యక్తం చేస్తున్న పరిస్థితి కనిపిస్తోంది. అయితే.. వైసీపీలోని కొందరు మాత్రం జగన్ అప్పుడే సీఎం అయిపోయినట్లు ఫ్లెక్సీలు కడుతూ నానా హంగామా చేస్తున్నారు. ‘దరపడి ఓ కోయిల.. ముందే కూసింది అన్న విషయాన్ని మర్చిపోతున్నారు. ఈ ఫ్లెక్సీ చూడండి. ఈ వైసీపీ నేత పేరు దవులూరి దొరబాబు. పెద్దాపురం వైసీపీ నేత. ఆయన పేరుతో కట్టిన ఫ్లెక్సీ ప్రస్తుతం సోషల్ మీడియాలో హల్‌చల్ చేస్తోంది.

jagan 22052019 1

తాడేపల్లిలోని జగన్ ఇంటి వద్ద ఆయన పార్టీపై అభిమానంతో ఓ ఫ్లెక్సీని కట్టించారు. ‘ఆంధ్రప్రదేశ్ ముఖ్యమంత్రిగా ప్రమాణ స్వీకారం చేయబోతున్న జగన్‌కు శుభాకాంక్షలు’ అని ఆ ఫ్లెక్సీపై ప్రింట్ చేయించారు. పార్టీలపై, ఆ పార్టీల అధినేతలపై అభిమానం ఉండటం సహజం. అయితే.. ఆ అభిమానం అత్యుత్సాహంగా మారి ఎన్నికల ఫలితాలు రాక ముందే ఈ తరహా ఫ్లెక్సీలు కట్టించడం చూస్తుంటే.. ఫలితాలు ప్రతికూలంగా వస్తే పరిస్థితి ఏంటనే ప్రశ్నలు ఉత్పన్నమవుతున్నాయి. ఈ ఫ్లెక్సీ మాత్రమే కాదు.. సోషల్ మీడియాలో ఈ తరహా ఫొటోలను వైసీపీ శ్రేణులు విస్తృతంగా ప్రచారం చేస్తున్నాయి. జగన్ బ్యాచ్ ఎంత వెర్రెక్కి ఉందో చెప్పే చేష్టలు ఇవి...

 

Advertisements

Advertisements

Latest Articles

Most Read